![ABP Premium](https://cdn.abplive.com/imagebank/Premium-ad-Icon.png)
ਇਲੈਕਟ੍ਰਿਕ ਵਾਹਨ ਨੂੰ ਅੱਗ ਲੱਗਣ ਵਾਲੀਆਂ ਘਟਨਾਵਾਂ ਨੇ ਕੰਪਨੀਆਂ ਨੂੰ ਮੁਸ਼ਕਿਲਾਂ 'ਚ ਪਾਇਆ, ਸਰਕਾਰੀ ਕਮੇਟੀ ਨੇ ਪੇਸ਼ ਕੀਤੀ ਰਿਪੋਰਟ
ਕਮੇਟੀ ਦਾ ਗਠਨ ਪਿਛਲੇ ਮਹੀਨੇ ਓਕੀਨਾਵਾ ਆਟੋਟੈਕ, ਬੂਮ ਮੋਟਰ, ਪਿਓਰ ਈਵੀ, ਜਤਿੰਦਰ ਈਵੀ ਅਤੇ ਓਲਾ ਇਲੈਕਟ੍ਰਿਕ ਨਾਲ ਸਬੰਧਤ ਈ-ਸਕੂਟਰਾਂ ਵਿੱਚ ਈਵੀ ਅੱਗ ਅਤੇ ਬੈਟਰੀ ਧਮਾਕਿਆਂ ਦੇ ਮੱਦੇਨਜ਼ਰ ਕੀਤਾ ਗਿਆ ਸੀ।
![ਇਲੈਕਟ੍ਰਿਕ ਵਾਹਨ ਨੂੰ ਅੱਗ ਲੱਗਣ ਵਾਲੀਆਂ ਘਟਨਾਵਾਂ ਨੇ ਕੰਪਨੀਆਂ ਨੂੰ ਮੁਸ਼ਕਿਲਾਂ 'ਚ ਪਾਇਆ, ਸਰਕਾਰੀ ਕਮੇਟੀ ਨੇ ਪੇਸ਼ ਕੀਤੀ ਰਿਪੋਰਟ Incidents of electric vehicle fires put companies in trouble, government committee reports ਇਲੈਕਟ੍ਰਿਕ ਵਾਹਨ ਨੂੰ ਅੱਗ ਲੱਗਣ ਵਾਲੀਆਂ ਘਟਨਾਵਾਂ ਨੇ ਕੰਪਨੀਆਂ ਨੂੰ ਮੁਸ਼ਕਿਲਾਂ 'ਚ ਪਾਇਆ, ਸਰਕਾਰੀ ਕਮੇਟੀ ਨੇ ਪੇਸ਼ ਕੀਤੀ ਰਿਪੋਰਟ](https://feeds.abplive.com/onecms/images/uploaded-images/2022/05/07/80c3d7d43ef928e00498c1a267cb8203_original.jpg?impolicy=abp_cdn&imwidth=1200&height=675)
Electric vehicle : ਇਲੈਕਟ੍ਰਿਕ ਵਾਹਨ (EV) ਅੱਗਾਂ 'ਤੇ ਸਰਕਾਰ ਦੁਆਰਾ ਗਠਿਤ ਜਾਂਚ ਕਮੇਟੀ ਦੇ ਮੁਢਲੇ ਖੋਜਾਂ ਨੇ ਦੇਸ਼ ਵਿੱਚ ਲਗਭਗ ਸਾਰੀਆਂ ਇਲੈਕਟ੍ਰਿਕ ਦੋਪਹੀਆ ਵਾਹਨ (2W) ਅੱਗ ਦੀਆਂ ਘਟਨਾਵਾਂ ਵਿੱਚ ਬੈਟਰੀ ਸੈੱਲਾਂ/ਡਿਜ਼ਾਈਨ ਨਾਲ ਸਮੱਸਿਆਵਾਂ ਪਾਈਆਂ ਹਨ। ਈਵੀ ਨਿਰਮਾਤਾਵਾਂ ਨੂੰ ਮੁਸ਼ਕਿਲਾਂ 'ਚ ਪਾ ਦਿੱਤਾ ਹੈ।
ਕਮੇਟੀ ਦਾ ਗਠਨ ਪਿਛਲੇ ਮਹੀਨੇ ਓਕੀਨਾਵਾ ਆਟੋਟੈਕ, ਬੂਮ ਮੋਟਰ, ਪਿਓਰ ਈਵੀ, ਜਤਿੰਦਰ ਈਵੀ ਅਤੇ ਓਲਾ ਇਲੈਕਟ੍ਰਿਕ ਨਾਲ ਸਬੰਧਤ ਈ-ਸਕੂਟਰਾਂ ਵਿੱਚ ਈਵੀ ਅੱਗ ਅਤੇ ਬੈਟਰੀ ਧਮਾਕਿਆਂ ਦੇ ਮੱਦੇਨਜ਼ਰ ਕੀਤਾ ਗਿਆ ਸੀ। ਸੂਤਰਾਂ ਦੇ ਅਨੁਸਾਰ ਮਾਹਰਾਂ ਨੇ ਤੇਲੰਗਾਨਾ ਵਿੱਚ ਘਾਤਕ ਬੈਟਰੀ ਧਮਾਕੇ ਸਮੇਤ ਲਗਭਗ ਸਾਰੀਆਂ ਈਵੀ ਅੱਗਾਂ ਵਿੱਚ ਬੈਟਰੀ ਸੈੱਲਾਂ ਦੇ ਨਾਲ-ਨਾਲ ਬੈਟਰੀ ਡਿਜ਼ਾਈਨ ਵਿੱਚ ਨੁਕਸ ਪਾਏ ਹਨ।
ਕੀ ਹੈ ਮਾਮਲਾ
ਤੇਲੰਗਾਨਾ ਦੇ ਨਿਜ਼ਾਮਾਬਾਦ 'ਚ ਇੱਕ ਘਰ 'ਚ ਇਲੈਕਟ੍ਰਿਕ ਸਕੂਟਰ ਦੀ ਬੈਟਰੀ ਵਿਸਫੋਟ ਹੋਣ ਤੇ ਅੱਗ ਲੱਗਣ ਨਾਲ 80 ਸਾਲ ਦੇ ਵਿਅਕਤੀ ਦੀ ਮੌਤ ਹੋ ਗਈ ਸੀ। ਦੋ ਲੋਕ ਜ਼ਖ਼ਮੀ ਹੋਏ ਸੀ। ਇਸ ਤੋਂ ਬਾਅਦ Pure EV ਕੰਪਨੀਆਂ ਨੇ ਆਪਣੀਆਂ 2000 ਗੱਡੀਆਂ ਵਾਪਸ ਲੈਣ ਦਾ ਐਲਾਨ ਕੀਤਾ ਸੀ।
ਹੁਣ ਐਤਵਾਰ ਸਵੇਰੇ ਆਂਧਰਾ ਪ੍ਰਦੇਸ਼ ਦੇ ਵਿਜੈਵਾੜਾ ਸ਼ਹਿਰ 'ਚ ਇਕ ਘਰ 'ਚ ਇਲੈਕਟ੍ਰਿਕ ਸਕੂਟਰੀ ਦੀ ਬੈਟਰੀ 'ਚ ਵਿਸਫੋਟ ਹੋਇਆ ਹੈ। ਹਾਦਸੇ 'ਚ ਸ਼ਿਵਾ ਕੁਮਾਰ ਨਾਮਕ ਇਕ ਵਿਅਕਤੀ ਦੀ ਮੌਤ ਹੋ ਗਈ ਹੈ। ਉਨ੍ਹਾਂ ਦੀ ਪਤਨੀ ਦੀ ਹਾਲਤ ਗੰਭੀਰ ਹੈ। ਜਦਕਿ ਦੋਵੇਂ ਬੱਚੇ ਬੁਰੀ ਤਰ੍ਹਾਂ ਜ਼ਖਮੀ ਹਨ।
ਪੁਲਿਸ ਮੁਤਾਬਕ ਸ਼ਿਵਾ ਕੁਮਾਰ ਨੇ ਇਕ ਦਿਨ ਪਹਿਲਾਂ ਸ਼ੁੱਕਰਵਾਰ ਨੂੰ ਹੀ ਬੂਮ ਮੋਟਰਜ਼ ਦੀ ਕਾਰਬੇਟ 14 ਇਲੈਕਟ੍ਰਿਕ ਗੱਡੀ ਖਰੀਦੀ ਸੀ ਅਤੇ ਉਸੇ ਰਾਤ ਹੀ ਹਾਦਸਾ ਵਾਪਰ ਗਿਆ। ਸ਼ੁੱਕਰਵਾਰ ਰਾਤ ਕਰੀਬ 10 ਵਜੇ ਇਲੈਕਟ੍ਰਿਕ ਸਕੂਟਰ ਦੀ ਬੈਟਰੀ ਚਾਰਜਿੰਗ 'ਤੇ ਲੱਗੀ ਹੋਈ ਸੀ। ਸ਼ਨੀਵਾਰ ਤੜਕੇ ਕਰੀਬ 3.30 ਵਜੇ ਧਮਾਕੇ ਨਾਲ ਅੱਗ ਲੱਗ ਗਈ ਤੇ ਪੂਰੇ ਘਰ 'ਚ ਫੈਲ ਗਈ। ਇਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ ਇਕ ਔਰਤ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ ਤੇ ਦੋਵੇਂ ਬੱਚੇ ਸੜ ਕੇ ਜ਼ਖਮੀ ਹੋ ਗਏ ਹਨ। ਘਰ ਦਾ ਸਾਰਾ ਸਮਾਨ ਸੜ ਕੇ ਸੁਆਹ ਹੋ ਗਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)