ਹੁਣ Mahindra Thar ਖਰੀਦਣ ਦਾ ਸੁਪਨਾ ਹੋਵੇਗਾ ਪੂਰਾ! 3 ਲੱਖ ਰੁਪਏ ਤੱਕ ਦਾ ਮਿਲ ਰਿਹਾ ਬੰਪਰ ਡਿਸਕਾਊਂਟ, ਚੈੱਕ ਕਰੋ ਆਫਰ
Mahindra Thar Discount: ਲਓ ਜੀ ਜੇਕਰ ਤੁਸੀਂ ਵੀ ਮਹਿੰਦਰਾ ਥਾਰ ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਇਹ ਆਰਟੀਕਲ ਤੁਹਾਡੇ ਲਈ ਲਾਹੇਵੰਦ ਸਾਬਿਤ ਹੋ ਸਕਦਾ ਹੈ। ਜੀ ਹਾਂ ਮਹਿੰਦਰਾ ਸਤੰਬਰ 2024 ਤੋਂ ਪਹਿਲਾਂ ਆਪਣੀਆਂ ਕਈ ਕਾਰਾਂ 'ਤੇ ਬੰਪਰ ਛੋਟ..
Mahindra Thar Discount: ਜੇਕਰ ਤੁਸੀਂ ਮਹਿੰਦਰਾ ਥਾਰ ਨੂੰ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਇਹ ਤੁਹਾਡੇ ਲਈ ਸਹੀ ਮੌਕਾ ਹੈ। ਪੰਜਾਬ ਦੇ ਵਿੱਚ ਥਾਰ ਨੂੰ ਲੈ ਕੇ ਨੌਜਵਾਨ ਮੁੰਡੇ-ਕੁੜੀਆਂ ਦੇ ਵਿੱਚ ਵੱਖਰਾ ਹੀ ਕ੍ਰੇਜ਼ ਹੈ। ਮਹਿੰਦਰਾ ਸਤੰਬਰ 2024 ਤੋਂ ਪਹਿਲਾਂ ਆਪਣੀਆਂ ਕਈ ਕਾਰਾਂ 'ਤੇ ਬੰਪਰ ਛੋਟ ਦੇ ਰਹੀ ਹੈ, ਜੋ ਤਿਉਹਾਰਾਂ ਦੇ ਸੀਜ਼ਨ ਤੋਂ ਠੀਕ ਪਹਿਲਾਂ ਆਈ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਮਹਿੰਦਰਾ ਥਾਰ ਦੇ ਵੱਖ-ਵੱਖ ਵੇਰੀਐਂਟਸ 'ਤੇ ਕਿੰਨਾ ਡਿਸਕਾਊਂਟ ਮਿਲ ਰਿਹਾ ਹੈ।
ਇਨ੍ਹਾਂ ਮਾਡਲਾਂ 'ਤੇ ਮਿਲ ਰਿਹਾ ਬੰਪਰ ਡਿਸਕਾਊਂਟ
ਥਾਰ ਰੌਕਸ 5-ਡੋਰ ਵੇਰੀਐਂਟ ਦੇ ਸਫਲ ਲਾਂਚ ਤੋਂ ਬਾਅਦ, ਮਹਿੰਦਰਾ ਥਾਰ 3 ਡੋਰ 'ਤੇ ਭਾਰੀ ਛੋਟ ਮਿਲ ਰਹੀ ਹੈ। ਮਹਿੰਦਰਾ ਥਾਰ ਦੀ ਸ਼ੁਰੂਆਤੀ ਕੀਮਤ 12 ਲੱਖ 99 ਹਜ਼ਾਰ ਰੁਪਏ ਹੈ ਜੋ 20 ਲੱਖ 49 ਹਜ਼ਾਰ ਰੁਪਏ ਤੱਕ ਜਾਂਦੀ ਹੈ। ਹੁਣ ਕੰਪਨੀ ਥਾਰ 'ਤੇ 1 ਲੱਖ 50 ਹਜ਼ਾਰ ਰੁਪਏ ਦਾ ਡਿਸਕਾਊਂਟ ਦੇ ਰਹੀ ਹੈ। ਇਹ ਛੋਟ ਸਾਰੇ 2WD ਅਤੇ 4WD ਪੈਟਰੋਲ ਅਤੇ ਡੀਜ਼ਲ ਵੇਰੀਐਂਟ 'ਤੇ ਦਿੱਤੀ ਜਾ ਰਹੀ ਹੈ।
ਇਸ ਵੇਰੀਐਂਟ 'ਤੇ ਭਾਰੀ ਛੋਟ ਉਪਲਬਧ ਹੈ
ਇਸ ਤੋਂ ਇਲਾਵਾ ਕੰਪਨੀ ਆਲ-ਇਲੈਕਟ੍ਰਿਕ XUV400 EL Pro ਵੇਰੀਐਂਟ 'ਤੇ ਵੱਡੀ ਛੋਟ ਦੇ ਰਹੀ ਹੈ। ਫਿਲਹਾਲ ਇਸ ਦੀ ਮੌਜੂਦਾ ਐਕਸ-ਸ਼ੋਰੂਮ ਕੀਮਤ 17.69 ਲੱਖ ਰੁਪਏ ਹੈ। ਇਸ 'ਤੇ ਤੁਸੀਂ 3 ਲੱਖ ਰੁਪਏ ਤੱਕ ਦਾ ਡਿਸਕਾਊਂਟ ਲੈ ਸਕਦੇ ਹੋ। ਇਹ ਵਾਹਨ ਬਾਜ਼ਾਰ 'ਚ EC ਅਤੇ EL ਵੇਰੀਐਂਟ 'ਚ ਉਪਲੱਬਧ ਹੈ।
ਮਹਿੰਦਰਾ ਥਾਰ ਦੀ ਪਾਵਰਟ੍ਰੇਨ ਦੀ ਗੱਲ ਕਰੀਏ ਤਾਂ ਇਸ ਦਾ ਡੀਜ਼ਲ ਇੰਜਣ 2184 ਸੀਸੀ ਅਤੇ 1497 ਸੀਸੀ ਹੈ ਜਦੋਂ ਕਿ ਪੈਟਰੋਲ ਇੰਜਣ 1997 ਸੀਸੀ ਹੈ। ਇਹ ਆਟੋਮੈਟਿਕ ਅਤੇ ਮੈਨੂਅਲ ਟ੍ਰਾਂਸਮਿਸ਼ਨ ਦੇ ਨਾਲ ਉਪਲਬਧ ਹੈ। ਵੇਰੀਐਂਟ ਅਤੇ ਫਿਊਲ ਦੀ ਕਿਸਮ 'ਤੇ ਨਿਰਭਰ ਕਰਦੇ ਹੋਏ, ਥਾਰ ਦੀ ਮਾਈਲੇਜ 15.2 ਕਿਲੋਮੀਟਰ ਪ੍ਰਤੀ ਲੀਟਰ ਹੈ। ਥਾਰ ਇੱਕ 4 ਸੀਟਰ ਹੈ ਅਤੇ ਇਸਦੀ ਲੰਬਾਈ 3985 (mm), ਚੌੜਾਈ 1820 (mm) ਅਤੇ ਵ੍ਹੀਲਬੇਸ 2450 (mm) ਹੈ।
ਮਹਿੰਦਰਾ ਥਾਰ 3-ਡੋਰ ਵੇਰੀਐਂਟ ਨੂੰ 3 ਇੰਜਣ ਵਿਕਲਪਾਂ ਵਿੱਚ ਪੇਸ਼ ਕੀਤਾ ਗਿਆ ਹੈ, ਜਿਸ ਵਿੱਚ 1.5 ਲੀਟਰ CRDe ਡੀਜ਼ਲ, 2.2 ਲੀਟਰ mHawk ਡੀਜ਼ਲ ਅਤੇ 2.0 ਲੀਟਰ mStallion ਪੈਟਰੋਲ ਸ਼ਾਮਲ ਹਨ। 1.5 ਲੀਟਰ ਡੀਜ਼ਲ ਇੰਜਣ ਮੈਨੂਅਲ ਟ੍ਰਾਂਸਮਿਸ਼ਨ ਨਾਲ ਮੇਲ ਖਾਂਦਾ ਹੈ ਜਦੋਂ ਕਿ 2.2 ਲੀਟਰ ਡੀਜ਼ਲ ਅਤੇ 2.0 ਲੀਟਰ ਪੈਟਰੋਲ ਇੰਜਣ ਮੈਨੂਅਲ ਜਾਂ ਆਟੋਮੈਟਿਕ ਗਿਅਰਬਾਕਸ ਵਿਕਲਪਾਂ ਨਾਲ ਪੇਸ਼ ਕੀਤੇ ਜਾਂਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
