Maruti Alto 800: ਹੁਣ ਨਹੀਂ ਖ਼ਰੀਦ ਸਕੋਗੇ ਮਾਰੂਤੀ ਆਲਟੋ 800 , ਕੰਪਨੀ ਨੇ ਬੰਦ ਕੀਤਾ ਪ੍ਰੋਡਕਸ਼ਨ
Maruti Alto 800 discontinued: ਆਲਟੋ 800 ਨੂੰ ਬੰਦ ਕਰਨ ਤੋਂ ਬਾਅਦ, ਆਲਟੋ K 10 ਹੁਣ ਕੰਪਨੀ ਦੇ ਪੋਰਟਫੋਲੀਓ ਵਿੱਚ ਸਭ ਤੋਂ ਸਸਤੀ ਕਾਰ ਬਣ ਗਈ ਹੈ। ਜਿਸ ਦੀ ਦਿੱਲੀ 'ਚ ਐਕਸ-ਸ਼ੋਰੂਮ ਕੀਮਤ 3.99 ਲੱਖ ਤੋਂ 5.94 ਲੱਖ ਰੁਪਏ ਦੇ ਵਿਚਕਾਰ ਹੈ।
Maruti Suzuki Alto 800 Discontinued: ਦੇਸ਼ ਦੀ ਪ੍ਰਮੁੱਖ ਕਾਰ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ ਇੰਡੀਆ ਨੇ ਆਪਣੇ ਪੋਰਟਫੋਲੀਓ ਦੇ ਐਂਟਰੀ-ਲੈਵਲ ਮਾਡਲ, ਆਲਟੋ 800 ਦਾ ਉਤਪਾਦਨ ਬੰਦ ਕਰ ਦਿੱਤਾ ਹੈ। ਇਹ ਕੰਪਨੀ ਦੇ ਸਭ ਤੋਂ ਵੱਧ ਵਿਕਣ ਵਾਲੇ ਮਾਡਲਾਂ ਵਿੱਚੋਂ ਇੱਕ ਰਿਹਾ ਹੈ। ਇੱਕ ਮੀਡੀਆ ਰਿਪੋਰਟ ਦੇ ਅਨੁਸਾਰ, ਆਲਟੋ 800 ਨੂੰ BS6 ਸਟੇਜ 2 ਦੇ ਨਿਯਮਾਂ ਨੂੰ ਪੂਰਾ ਕਰਨ ਲਈ ਅਪਗ੍ਰੇਡ ਨਹੀਂ ਕੀਤਾ ਗਿਆ ਸੀ, ਕਿਉਂਕਿ ਇਸ ਨਾਲ ਇਸ ਕਿਫਾਇਤੀ ਕਾਰ ਦੀ ਕੀਮਤ ਵਿੱਚ ਬਹੁਤ ਵਾਧਾ ਹੋ ਸਕਦਾ ਸੀ।
ਵਿਕਰੀ ਵਿੱਚ ਗਿਰਾਵਟ
ਇੱਕ ਮੀਡੀਆ ਗੱਲਬਾਤ ਦੌਰਾਨ, ਮਾਰੂਤੀ ਸੁਜ਼ੂਕੀ ਇੰਡੀਆ ਦੇ ਮਾਰਕੇਟਿੰਗ ਅਤੇ ਸੇਲਜ਼ ਅਫਸਰ ਸ਼ਸ਼ਾਂਕ ਸ਼੍ਰੀਵਾਸਤਵ ਨੇ ਕਿਹਾ, "ਅਸੀਂ ਦੇਖਿਆ ਹੈ ਕਿ ਦੇਸ਼ ਵਿੱਚ ਐਂਟਰੀ-ਲੈਵਲ ਹੈਚਬੈਕ ਸੈਗਮੈਂਟ ਦਾ ਬਾਜ਼ਾਰ ਪਿਛਲੇ ਕੁਝ ਸਾਲਾਂ ਤੋਂ ਹੇਠਾਂ ਵੱਲ ਵਧ ਰਿਹਾ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ ਵਾਹਨਾਂ ਦੀ ਕੀਮਤ ਵੀ ਕਾਫੀ ਵਧ ਗਈ ਹੈ। ਇਸ ਤੋਂ ਇਲਾਵਾ ਰੋਡ ਟੈਕਸ ਵਧਣ, ਕੱਚੇ ਮਾਲ ਦੀ ਕੀਮਤ 'ਚ ਵਾਧਾ ਅਤੇ ਹੋਰ ਟੈਕਸਾਂ ਕਾਰਨ ਕਾਰਾਂ ਦੀਆਂ ਕੀਮਤਾਂ 'ਚ ਕਾਫੀ ਵਾਧਾ ਹੋਇਆ ਹੈ।
Alto K10 ਐਂਟਰੀ ਲੈਵਲ ਮਾਡਲ ਬਣ ਗਿਆ ਹੈ
ਮਾਰੂਤੀ ਦੀ ਆਲਟੋ 800 ਨੂੰ ਬੰਦ ਕਰਨ ਤੋਂ ਬਾਅਦ ਹੁਣ ਆਲਟੋ ਕੇ10 ਕੰਪਨੀ ਦੇ ਪੋਰਟਫੋਲੀਓ ਵਿੱਚ ਸਭ ਤੋਂ ਸਸਤੀ ਕਾਰ ਬਣ ਗਈ ਹੈ। ਜਿਸ ਦੀ ਦਿੱਲੀ 'ਚ ਐਕਸ-ਸ਼ੋਰੂਮ ਕੀਮਤ 3.99 ਲੱਖ ਤੋਂ 5.94 ਲੱਖ ਰੁਪਏ ਦੇ ਵਿਚਕਾਰ ਹੈ। ਇਸ ਤੋਂ ਪਹਿਲਾਂ ਮਾਰੂਤੀ ਸੁਜ਼ੂਕੀ ਦੀ ਆਲਟੋ 800 ਦੀ ਐਕਸ-ਸ਼ੋਰੂਮ ਕੀਮਤ 3.54 ਲੱਖ ਰੁਪਏ ਤੋਂ 5.13 ਲੱਖ ਰੁਪਏ ਦੇ ਵਿਚਕਾਰ ਸੀ।
ਆਲਟੋ 800
ਮਾਰੂਤੀ ਦੀ ਆਲਟੋ 800 ਵਿੱਚ 796cc ਦਾ ਪੈਟਰੋਲ ਇੰਜਣ ਹੈ, ਜੋ 48PS ਦੀ ਅਧਿਕਤਮ ਪਾਵਰ ਅਤੇ 69Nm ਦਾ ਪੀਕ ਟਾਰਕ ਜਨਰੇਟ ਕਰਦਾ ਹੈ। ਕੰਪਨੀ ਨੇ ਇਸ ਕਾਰ ਨੂੰ ਭਾਰਤ 'ਚ 2000 'ਚ ਲਾਂਚ ਕੀਤਾ ਸੀ। ਮਾਰੂਤੀ ਨੇ 2010 ਤੱਕ ਇਸ ਕਾਰ ਦੇ 1,800,000 ਯੂਨਿਟ ਵੇਚੇ ਸਨ। ਇਸ ਤੋਂ ਬਾਅਦ ਕੰਪਨੀ ਨੇ Alto K10 ਨੂੰ ਲਾਂਚ ਕੀਤਾ। 2010 ਤੋਂ, ਕੰਪਨੀ ਨੇ ਆਲਟੋ 800 ਦੀਆਂ 1,700,000 ਯੂਨਿਟਾਂ ਅਤੇ ਆਲਟੋ K10 ਦੀਆਂ 950,000 ਯੂਨਿਟਾਂ ਵੇਚੀਆਂ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
