ਇਤਿਹਾਸ 'ਚ ਇਹ ਵੀ ਪਹਿਲੀ ਵਾਰ! ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਕੰਪਨੀ ਮਾਰੂਤੀ ਸੁਜ਼ੂਕੀ ਦਾ ਹੋਇਆ ਇਹ ਹਾਲ

ਇਤਿਹਾਸ ਵਿੱਚ ਪਹਿਲੀ ਵਾਰ ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਕੰਪਨੀ ਮਾਰੂਤੀ ਸੁਜ਼ੂਕੀ ਦੀ ਇੱਕ ਵੀ ਕਾਰ ਨਹੀਂ ਵਿਕੀ ਹੈ। ਉਨ੍ਹਾਂ ਦੀ ਵਿਕਰੀ ਜ਼ੀਰੋ ਹੋਈ ਹੈ।

ਨਵੀਂ ਦਿੱਲੀ: ਇਤਿਹਾਸ ਵਿੱਚ ਪਹਿਲੀ ਵਾਰ ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਕੰਪਨੀ ਮਾਰੂਤੀ ਸੁਜ਼ੂਕੀ ਦੀ ਇੱਕ ਵੀ ਕਾਰ ਨਹੀਂ ਵਿਕੀ ਹੈ। ਉਨ੍ਹਾਂ ਦੀ ਵਿਕਰੀ ਜ਼ੀਰੋ ਹੋਈ ਹੈ। 1983 ਤੋਂ ਬਾਅਦ ਇਹ ਪਹਿਲਾ ਮੌਕਾ ਹੈ ਜਦੋਂ ਕੰਪਨੀ ਨੇ ਇਕ ਮਹੀਨੇ ਵਿੱਚ ਇੱਕ ਵੀ ਕਾਰ ਨਹੀਂ ਵੇਚੀ ਹੈ। ਕੰਪਨੀ ਨੇ ਪਹਿਲਾਂ ਹੀ ਖਦਸ਼ਾ ਜਤਾਇਆ ਸੀ। ਆਮ ਹਾਲਾਤ ਵਿੱਚ, ਕੰਪਨੀ ਹਰ ਮਹੀਨੇ ਤਕਰੀਬਨ ਡੇਢ ਲੱਖ ਕਾਰਾਂ ਬਣਾਉਂਦੀ ਹੈ। ਕੋਰੋਨਾਵਾਇਰਸ ਦੇ ਕਾਰਨ ਦੇਸ਼ ਭਰ ਵਿੱਚ ਲੌਕਡਾਉਨ ਲਾਗੂ ਕੀਤਾ ਗਿਆ ਹੈ। 25 ਮਾਰਚ ਤੋਂ ਜਾਰੀ ਇਸ ਤਾਲਾਬੰਦੀ ਦੌਰਾਨ ਮਾਰੂਤੀ ਸੁਜ਼ੂਕੀ ਦੇ ਸਾਰੇ ਪਲਾਂਟ ਬੰਦ ਹੋ ਗਏ ਹਨ। ਕਾਰਾਂ ਦਾ ਉਤਪਾਦਨ ਰੁਕਿਆ ਹੋਇਆ ਹੈ। ਕੰਪਨੀ ਦੇ ਸਾਰੇ ਸ਼ੋਅਰੂਮ ਵੀ ਬੰਦ ਹਨ। ਇਸ ਦੇ ਕਾਰਨ, ਦੇਸ਼ ਦੇ ਸਭ ਤੋਂ ਵੱਡੇ ਕਾਰ ਨਿਰਮਾਤਾ ਨੇ ਪਿਛਲੇ ਮਹੀਨੇ ਇੱਕ ਵੀ ਕਾਰ ਨਹੀਂ ਵੇਚੀ ਹੈ। ਮਾਰਚ 2019 ਦੇ ਅੰਕੜਿਆਂ ਦੇ ਮੁਕਾਬਲੇ, ਇਸ ਸਾਲ ਮਾਰਚ ਦੇ ਮਹੀਨੇ ਵਿੱਚ, 79,080 ਇਕਾਈਆਂ ਦੀ ਵਿਕਰੀ ਨਾਲ  47.4 ਪ੍ਰਤੀਸ਼ਤ ਦੀ ਗਿਰਾਵਟ ਦਰਜ ਕੀਤੀ ਗਈ। ਇਸ ਤੋਂ ਬਾਅਦ ਇਹ ਪਹਿਲਾਂ ਹੀ ਪਤਾ ਲੱਗ ਗਿਆ ਸੀ ਕਿ ਅਪ੍ਰੈਲ ਦੇ ਮਹੀਨੇ ਵਿੱਚ ਸਥਿਤੀ ਬਦ ਤੋਂ ਬਦਤਰ ਹੋਣ ਜਾ ਰਹੀ ਹੈ। ਹਾਲਾਂਕਿ, ਕੰਪਨੀ ਨੇ ਇਸ ਲਾਕਡਾਉਨ ਦੌਰਾਨ ਆਪਣੀਆਂ ਕਾਰਾਂ ਦਾ ਨਿਰਯਾਤ ਕਰਨਾ ਜਾਰੀ ਰੱਖਿਆ। ਕੰਪਨੀ ਨੇ ਕਿਹਾ ਕਿ ਸਰਕਾਰ ਵੱਲੋਂ ਜਾਰੀ ਸਾਰੇ ਸੁਰੱਖਿਆ ਦਿਸ਼ਾ ਨਿਰਦੇਸ਼ਾਂ ਨੂੰ ਪੂਰਾ ਕਰਦਿਆਂ ਮੁੰਦੜਾ ਬੰਦਰਗਾਹ ਤੋਂ 632 ਕਾਰਾਂ ਦਾ ਨਿਰਯਾਤ ਕੀਤਾ ਗਿਆ ਹੈ।