Mercedes ਨੇ ਸ਼ੁਰੂ ਕੀਤਾ ਆਪਣੀ AMG-ਵਨ ਹਾਈਬ੍ਰਿਡ ਕਾਰ ਦਾ ਉਤਪਾਦਨ, ਵਿਕਣਗੀਆਂ ਸਿਰਫ 275 ਯੂਨਿਟਸ

Mercedes-AMG One Price: ਕੰਪਨੀ ਨੇ ਇਸ ਕਾਰ ਦੀ ਕੀਮਤ ਨੂੰ ਲੈ ਕੇ ਅਜੇ ਕੋਈ ਐਲਾਨ ਨਹੀਂ ਕੀਤਾ ਹੈ ਪਰ ਖਬਰਾਂ ਮੁਤਾਬਕ ਇਸ ਕਾਰ ਦੀ ਕੀਮਤ 2.77 ਮਿਲੀਅਨ ਡਾਲਰ ਹੋ ਸਕਦੀ ਹੈ।

Mercedes-AMG One

Mercedes-AMG One: ਮਰਸੀਡੀਜ਼-ਬੈਂਜ਼ ਨੇ ਪਿਛਲੇ ਸਾਲ ਇੱਕ ਨਵੀਂ ਹਾਈਬ੍ਰਿਡ ਕਾਰ ਏਐਮਜੀ ਵਨ ਪੇਸ਼ ਕੀਤੀ ਸੀ। ਕੰਪਨੀ ਨੇ ਹੁਣ ਉਤਪਾਦਨ ਸ਼ੁਰੂ ਕਰ ਦਿੱਤਾ ਹੈ। ਇਸ ਦੀ ਡਿਲੀਵਰੀ ਅਗਲੇ ਸਾਲ ਤੱਕ ਹੋ ਜਾਵੇਗੀ। ਕੰਪਨੀ ਇਸ ਕਾਰ ਦੇ ਸਿਰਫ 275 ਯੂਨਿਟ ਤਿਆਰ ਕਰੇਗੀ ਜੋ ਫਾਰਮੂਲਾ-1 ਆਧਾਰਿਤ ਹਾਈਬ੍ਰਿਡ ਪਾਵਰਟ੍ਰੇਨ ਨਾਲ ਆਵੇਗੀ।

ਕਾਰ 'ਤੇ ਟਿੱਪਣੀ ਕਰਦੇ ਹੋਏ, ਮਰਸੀਡੀਜ਼-ਏਐਮਜੀ ਜੀਐਮਬੀਐਚ ਦੇ ਬੋਰਡ ਆਫ਼ ਮੈਨੇਜਮੈਂਟ ਦੇ ਚੇਅਰਮੈਨ ਫਿਲਿਪ ਸ਼ਿਮਰਰ ਨੇ ਕਿਹਾ, "ਮਰਸੀਡੀਜ਼-ਏਐਮਜੀ ਵਨ ਦਾ ਉਤਪਾਦਨ ਕੰਪਨੀ ਦੁਆਰਾ ਹੁਣ ਤੱਕ ਦਾ ਸਭ ਤੋਂ ਅਭਿਲਾਸ਼ੀ ਪ੍ਰੋਜੈਕਟ ਹੈ। ਫਾਰਮੂਲਾ 1 ਹਾਈਬ੍ਰਿਡ ਤਕਨੀਕ ਦੀ ਵਰਤੋਂ ਕਰਕੇ ਰੋਡ ‘ਤੇ ਚੱਲਣ ਵਾਲੀ ਕਾਰਾਂ ਦਾ ਉਤਪਾਦਨ ਸ਼ੁਰੂ ਕਰਨ 'ਤੇ ਸਾਨੂੰ ਭਾਵ ਕੰਪਨੀ ਦੀ ਪੂਰੀ ਟੀਮ ਬਹੁਤ ਮਾਣ ਮਹਿਸੂਸ ਕਰ ਰਹੀ ਹੈ।

AMG One ਦੀ ਪਾਵਰਟ੍ਰੇਨ- ਮਰਸੀਡੀਜ਼-ਏਐਮਜੀ ਵਨ ਵਿੱਚ ਇੰਜਣ ਇੱਕ ਫ਼ਾਰਮੂਲਾ 1 ਅਧਾਰਤ ਹਾਈਬ੍ਰਿਡ ਪਾਵਰਟ੍ਰੇਨ ਹੈ ਜਿਸ ਵਿੱਚ 1.6-ਲੀਟਰ V6 ਟਰਬੋ ਇੰਜਣ ਹੈ ਜਿਸ ਵਿੱਚ ਚਾਰ ਇਲੈਕਟ੍ਰਿਕ ਮੋਟਰਾਂ ਵਾਲੀ ਪਾਵਰਟ੍ਰੇਨ ਹੈ। ਇਹ ਇੰਜਣ 1,049hp ਦੀ ਅਧਿਕਤਮ ਪਾਵਰ ਦਿੰਦਾ ਹੈ। ਇਹ ਕਾਰ ਸਿਰਫ 7 ਸਕਿੰਟਾਂ ਵਿੱਚ 0 ਤੋਂ 200 ਕਿਲੋਮੀਟਰ ਦੀ ਟਾਪ ਸਪੀਡ ਕਰ ਸਕਦੀ ਹੈ। ਨਾਲ ਹੀ ਇਸ ਕਾਰ ਦੀ ਅਧਿਕਤਮ ਸਪੀਡ 352 kmph ਹੈ।

Mercedes-AMG One ਦੀਆਂ ਵਿਸ਼ੇਸ਼ਤਾਵਾਂ- ਇਸ ਹਾਈਪਰਕਾਰ ਨੂੰ ORVMS ਅਤੇ ਐਲੂਮੀਨੀਅਮ ਵ੍ਹੀਲਜ਼ ਦੇ ਨਾਲ LED ਹੈੱਡਲਾਈਟਸ ਅਤੇ LED ਟੇਲਲਾਈਟਸ ਮਿਲਦੀਆਂ ਹਨ। ਨਾਲ ਹੀ, ਮਾਸਕੂਲਰ ਬੋਨਟ ਰੇਕ ਵਿੰਡਸਕਰੀਨ, ਬਟਰਫਲਾਈ ਦਰਵਾਜ਼ੇ, ਢਲਾਣ ਡਿਜ਼ਾਈਨ ਵਾਲੀ ਛੱਤ ਇਸ ਨੂੰ ਸਪੋਰਟੀ ਅਤੇ ਆਕਰਸ਼ਕ ਦਿੱਖ ਦਿੰਦੀ ਹੈ। ਇਹ ਐੱਫ1-ਸਟਾਈਲ ਸਟੀਅਰਿੰਗ ਵ੍ਹੀਲ, ਕਾਰਬਨ ਫਾਈਬਰ ਬਾਲਟੀ-ਟਾਈਪ ਸੀਟਾਂ, 10.0-ਇੰਚ ਟੱਚਸਕ੍ਰੀਨ ਇੰਫੋਟੇਨਮੈਂਟ ਪੈਨਲ ਦੇ ਨਾਲ 10.0-ਇੰਚ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, ਕਲਾਈਮੇਟ ਕੰਟਰੋਲ, ਨਵਾਂ ਡੈਸ਼ਬੋਰਡ, ਪ੍ਰੀਮੀਅਮ ਚਮੜੇ ਵਰਗੀਆਂ ਵਿਸ਼ੇਸ਼ਤਾਵਾਂ ਵਾਲਾ ਆਲੀਸ਼ਾਨ ਦੋ-ਸੀਟਰ ਕੈਬਿਨ ਉਪਲੱਬਧ ਹੈ। ਸੇਫਟੀ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ 'ਚ ਟ੍ਰੈਕਸ਼ਨ ਕੰਟਰੋਲ, ਮਲਟੀਪਲ ਏਅਰਬੈਗਸ ਅਤੇ ਇਲੈਕਟ੍ਰਾਨਿਕ ਸਟੇਬਿਲਿਟੀ ਕੰਟਰੋਲ (ESC) ਦੇ ਨਾਲ ਕਈ ਫੀਚਰਸ ਦਿੱਤੇ ਗਏ ਹਨ।

Mercedes-AMG One ਦੀ ਕੀਮਤ- ਕੰਪਨੀ ਨੇ ਇਸ ਕਾਰ ਦੀ ਕੀਮਤ ਨੂੰ ਲੈ ਕੇ ਅਜੇ ਕੋਈ ਐਲਾਨ ਨਹੀਂ ਕੀਤਾ ਹੈ ਪਰ ਖਬਰਾਂ ਮੁਤਾਬਕ ਇਸ ਕਾਰ ਦੀ ਕੀਮਤ 2.77 ਮਿਲੀਅਨ ਡਾਲਰ ਯਾਨੀ ਭਾਰਤੀ ਰੁਪਏ 'ਚ ਕਰੀਬ 21 ਕਰੋੜ ਰੁਪਏ ਹੋ ਸਕਦੀ ਹੈ।