Electric Scooter Season Sale: ਨਰਾਤਿਆਂ 'ਚ ਧੜਾਮ ਕਰਕੇ ਡਿੱਗੇ ਇਲੈਕਟ੍ਰਿਕ ਸਕੂਟਰਾਂ ਦੇ ਰੇਟ ! 25 ਹਜ਼ਾਰ ਰੁਪਏ ਟੁੱਟਿਆ ਇਸ ਦਾ ਰੇਟ

Ola Electric Navaratri Diwali 2024 Offer: ਦੇਸ਼ ਭਰ ਵਿੱਚ ਤਿਉਹਾਰ ਪੂਰੇ ਜ਼ੋਰਾਂ 'ਤੇ ਹਨ। ਇਸ ਮੌਕੇ ਵਾਹਨਾਂ ਦੀਆਂ ਕੀਮਤਾਂ ਵਿੱਚ ਬੰਪਰ ਕਟੌਤੀ ਦੇਖਣ ਨੂੰ ਮਿਲ ਸਕਦੀ ਹੈ। ਨਵਰਾਤਰੀ ਦੇ ਮੌਕੇ 'ਤੇ, ਓਲਾ ਵੀ ਸ਼ਾਨਦਾਰ ਆਫਰ ਲੈ ਕੇ ਆਇਆ ਹੈ।

Ola

Source : olaelectric.com

Navaratri-Diwali Offer On Electric Scooter: ਪੂਰੇ ਦੇਸ਼ 'ਚ ਤਿਉਹਾਰ ਦਾ ਮਾਹੌਲ ਹੈ। ਇਸ ਤਿਉਹਾਰ ਨੂੰ ਲੋਕਾਂ ਨਾਲ ਮਨਾਉਣ ਲਈ ਕਈ ਬਾਈਕ ਅਤੇ ਸਕੂਟਰ ਬਣਾਉਣ ਵਾਲੀਆਂ ਕੰਪਨੀਆਂ ਇਸ ਖੁਸ਼ੀ ਨੂੰ ਦੁੱਗਣਾ ਕਰਨ ਲਈ ਤਿਆਰ ਹਨ। ਓਲਾ ਨੇ ਇਸ ਨਵਰਾਤਰੀ ਦੇ ਮੱਦੇਨਜ਼ਰ ਆਪਣੇ ਪ੍ਰਸਿੱਧ ਇਲੈਕਟ੍ਰਿਕ ਸਕੂਟਰ ਦੀ ਕੀਮਤ ਵੀ ਘਟਾ ਦਿੱਤੀ ਹੈ। ਓਲਾ ਦੇ ਸਕੂਟਰ ਦੀ ਕੀਮਤ ਜਿਸਦੀ ਕੀਮਤ 75 ਹਜ਼ਾਰ ਰੁਪਏ ਸੀ, ਹੁਣ 25 ਹਜ਼ਾਰ ਰੁਪਏ ਤੱਕ ਇਸ ਦੇ ਰੇਟ ਘਟਾ ਦਿੱਤੇ ਹਨ। ਓਲਾ ਦਾ ਇਹ ਆਫਰ ਸ਼ਾਰਦੀਆ ਨਵਰਾਤਰੀ ਦੇ ਪਹਿਲੇ ਦਿਨ ਤੋਂ ਸ਼ੁਰੂ ਹੋ ਰਿਹਾ ਹੈ।

ਓਲਾ ਦੇ ਸੀਈਓ ਭਾਵਿਸ਼ ਅਗਰਵਾਲ ਨੇ ਕੱਲ੍ਹ 2 ਅਕਤੂਬਰ ਨੂੰ ਆਪਣੇ ਇਲੈਕਟ੍ਰਿਕ ਸਕੂਟਰ 'ਤੇ ਸੀਜ਼ਨ ਸੇਲ ਆਫਰ ਦਾ ਐਲਾਨ ਕੀਤਾ ਸੀ। ਭਾਵਿਸ਼ ਅਗਰਵਾਲ ਨੇ ਦੱਸਿਆ ਕਿ ਇਹ ਆਫਰ 3 ਅਕਤੂਬਰ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। Ola S1 ਇੱਕ ਮਸ਼ਹੂਰ ਸਕੂਟਰ ਹੈ ਅਤੇ ਇਸ ਇਲੈਕਟ੍ਰਿਕ ਸਕੂਟਰ ਦੀ ਸ਼ੁਰੂਆਤੀ ਕੀਮਤ ਹੁਣ 49,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।

The @OlaElectric BOSS sale - Biggest Ola Season Sale, is now open for early access to our amazing community for today! Crazy offers and exclusive benefits!⚡️

As crazy as Ola S1 scooters starting at just ₹49,999!! 🙌

The BOSS of all products, prices, EVs is here 😉 pic.twitter.com/NcdnDXEw9H

— Bhavish Aggarwal (@bhash) October 2, 2024

ਕੀਮਤ 25 ਹਜ਼ਾਰ ਰੁਪਏ ਘਟਾਈ

Ola S1 ਦੀ ਸ਼ੁਰੂਆਤੀ ਕੀਮਤ 74,999 ਰੁਪਏ ਤੋਂ ਸ਼ੁਰੂ ਹੋ ਕੇ 2 ਅਕਤੂਬਰ ਦੀ ਰਾਤ ਤੱਕ ਸੀ। ਹੁਣ ਇਸ ਈਵੀ ਦੀ ਸ਼ੁਰੂਆਤੀ ਕੀਮਤ ਵਿੱਚ 25 ਹਜ਼ਾਰ ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ। ਇਹ ਆਫਰ ਨਵਰਾਤਰੀ ਤੋਂ ਦੀਵਾਲੀ ਤੱਕ ਚੱਲਣ ਵਾਲਾ ਹੈ। ਬਾਜ਼ਾਰ 'ਚ ਓਲਾ ਐੱਸ1 ਦੇ ਕਈ ਵੇਰੀਐਂਟ ਹਨ। ਨਵਰਾਤਰੀ-ਦੀਵਾਲੀ ਆਫਰ ਦੇ ਨਾਲ, ਇਸ EV ਦੀ ਕੀਮਤ 50 ਹਜ਼ਾਰ ਰੁਪਏ ਦੀ ਰੇਂਜ ਵਿੱਚ ਆ ਗਈ ਹੈ।

Ola S1 X

Ola S1X ਤਿੰਨ ਬੈਟਰੀ ਪੈਕ ਦੇ ਵਿਕਲਪ ਦੇ ਨਾਲ ਮਾਰਕੀਟ ਵਿੱਚ ਹੈ। ਇਸ ਸਕੂਟਰ 'ਚ ਕੰਪਨੀ 2 kWh ਬੈਟਰੀ ਪੈਕ ਤੋਂ 95 ਕਿਲੋਮੀਟਰ, 3 kWh ਬੈਟਰੀ ਪੈਕ ਤੋਂ 151 ਕਿਲੋਮੀਟਰ ਅਤੇ 4 kWh ਬੈਟਰੀ ਪੈਕ ਤੋਂ 193 ਕਿਲੋਮੀਟਰ ਦੀ ਰੇਂਜ ਦੇਣ ਦਾ ਦਾਅਵਾ ਕਰਦੀ ਹੈ। Ola S1 ਦੀ ਐਕਸ-ਸ਼ੋਰੂਮ ਕੀਮਤ 74,999 ਤੋਂ ਸ਼ੁਰੂ ਹੁੰਦੀ ਹੈ।

Ola S1 Air

Ola S1 Air 6 kW ਦੀ ਪੀਕ ਪਾਵਰ ਪ੍ਰਦਾਨ ਕਰਦਾ ਹੈ। ਇਸ ਸਕੂਟਰ ਦੀ ਟਾਪ-ਸਪੀਡ 90 kmph ਤੱਕ ਜਾਂਦੀ ਹੈ। ਇਸ ਇਲੈਕਟ੍ਰਿਕ ਸਕੂਟਰ ਦੀ ਪ੍ਰਮਾਣਿਤ ਰੇਂਜ 151 ਕਿਲੋਮੀਟਰ ਹੈ। Ola S1 Air ਦੀ ਐਕਸ-ਸ਼ੋਰੂਮ ਕੀਮਤ 1,07,499 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।

Ola S1 Pro

Ola S1 Pro 11 kW ਦੀ ਪੀਕ ਪਾਵਰ ਪ੍ਰਦਾਨ ਕਰਦਾ ਹੈ। ਇਸ ਦੇ ਨਾਲ ਹੀ ਇਹ ਸਕੂਟਰ ਸਿੰਗਲ ਚਾਰਜਿੰਗ 'ਚ 195 ਕਿਲੋਮੀਟਰ ਦੀ ਰੇਂਜ ਦੇਣ ਦਾ ਦਾਅਵਾ ਕਰਦਾ ਹੈ। ਇਸ EV ਦੀ ਟਾਪ-ਸਪੀਡ 120 kmph ਹੈ। ਆਫਰ ਤੋਂ ਪਹਿਲਾਂ Ola S1 Pro ਦੀ ਐਕਸ-ਸ਼ੋਰੂਮ ਕੀਮਤ 1,34,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।