ਚਰਚਾ 'ਚ ਰਹੀ ਸੀ ਸਾਬਕਾ ਰਾਸ਼ਟਰਪਤੀ ਟਰੰਪ ਦੀ ਕਾਰ, ਜਾਣੋ ਕਾਰ ਬਾਰੇ ਕੁਝ ਖਾਸ
ਦੁਨੀਆ ਦੇ ਸ਼ਕਤੀਸ਼ਾਲੀ ਰਾਸ਼ਟਰਪਤੀ ਰਹੇ ਡੋਨਾਲਡ ਟਰੰਪ ਨੇ 24 ਫਰਵਰੀ 2020 ਨੂੰ ਭਾਰਤ ਦਾ ਦੌਰਾ ਕੀਤਾ ਸੀ। ਟਰੰਪ ਆਪਣੀ ਦੋ ਦਿਨਾਂ ਦੀ ਯਾਤਰਾ ਦੌਰਾਨ ਅਹਿਮਦਾਬਾਦ ਤੇ ਦਿੱਲੀ ਰੁੱਕੇ।
ਮਨਵੀਰ ਕੌਰ ਰੰਧਾਵਾ
ਚੰਡੀਗੜ੍ਹ: ਦੁਨੀਆ ਦੇ ਸ਼ਕਤੀਸ਼ਾਲੀ ਰਹੇ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸਾਲ 2020 'ਚ ਭਾਰਤ ਦਾ ਦੌਰਾ ਕੀਤਾ ਸੀ। ਟਰੰਪ ਆਪਣੀ ਦੋ ਦਿਨਾਂ ਦੀ ਯਾਤਰਾ ਦੌਰਾਨ ਅਹਿਮਦਾਬਾਦ ਤੇ ਦਿੱਲੀ ਰੁੱਕੇ ਸੀ। 24 ਫਰਵਰੀ ਨੂੰ ਅਮਰੀਕਾ ਤੋਂ ਪਹੁੰਚਣ 'ਤੇ ਰਾਸ਼ਟਰਪਤੀ ਸਿੱਧਾ ਅਹਿਮਦਾਬਾਦ ਦੇ ਸਰਦਾਰ ਪਟੇਲ ਸਟੇਡੀਅਮ ਗਏ। ਜਿਸ ਕਰਕੇ ਟਰੰਪ ਦੀ ਫੇਰੀ ਦੇ ਮੱਦੇਨਜ਼ਰ ਵੱਡੀਆਂ ਤਿਆਰੀਆਂ ਕੀਤੀਆਂ ਗਈਆਂ ਸੀ। 24 ਫਰਵਰੀ ਨੂੰ ਯੂਐਸ ਦੇ ਸਾਬਕਾ ਰਾਸ਼ਟਰਪਤੀ ਸਰਦਾਰ ਪਟੇਲ 'ਦ ਬੀਸਟ' ਕਾਰ 'ਚ ਸਟੇਡੀਅਮ ਦਾ ਦੌਰਾ ਕਰਨਾ ਸੀ।
ਦੱਸ ਦਈਏ ਕਿ ਟਰੰਪ ਦੇ ਇਸ ਦੌਰੇ ਕਰਕੇ ਉਨ੍ਹਾਂ ਦੀ ਕਾਰ ਨੂੰ ਸੁਰੱਖਿਆ ਦੇ ਨਜ਼ਰੀਏ ਤੋਂ ਆਧੁਨਿਕ ਉਪਕਰਣਾਂ ਨਾਲ ਲੈਸ ਕਿਲਾ ਬਣਾਇਆ ਗਿਆ ਸੀ। ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਦੀ ਕਾਰ ਦਾ ਦਰਵਾਜ਼ਾ ਬੋਇੰਗ 757 ਜਹਾਜ਼ ਦੀ ਤਰਜ਼ 'ਤੇ ਸੀ। ਖ਼ਬਰਾਂ ਮੁਤਾਬਕ ਟਰੰਪ ਦੀ ਕਾਰ 'ਤੇ ਬੰਬ ਧਮਾਕਿਆਂ ਦਾ ਵੀ ਕੋਈ ਅਸਰ ਨਹੀਂ ਹੋ ਸਕਦਾ ਸੀ। ਇਸ 'ਤੇ ਹੈਲੀਕਾਪਟਰ ਵੀ ਉਤਾਰਿਆ ਜਾ ਸਕਦਾ ਹੈ। ਕਾਰ 'ਚ ਨਾਈਟ ਵਿਜ਼ਨ ਕੈਮਰਾ, ਸ਼ਾਟਗਨ, ਟੀਅਰ ਗੈਸ ਰਿਲੀਜ਼ ਮਸ਼ੀਨ ਦਿੱਤੀ ਗਈਆਂ। ਖਿੜਕੀਆਂ ਕੱਚ ਤੇ ਪੌਲੀਕਾਰਬੋਨੇਟ ਦੀਆਂ ਪੰਜ ਪਰਤਾਂ ਵਿਚ ਬਣੀਆਂ ਹੋਈਆਂ ਸੀ। ਇਸ ਦੇ ਨਾਲ ਹੀ ਸਿਰਫ ਡਰਾਈਵਰ ਦੀ ਖਿੜਕੀ ਤਿੰਨ ਇੰਚ ਤੱਕ ਖੁੱਲ੍ਹਦੀ ਸੀ।
ਡਰਾਈਵਰ ਦਾ ਕੈਬਿਨ ਆਧੁਨਿਕ ਸੰਚਾਰ ਤੇ ਜੀਪੀਐਸ ਟਰੈਕਿੰਗ ਸੈਂਟਰ ਨਾਲ ਲੈਸ ਦੱਸੀ ਗਈ। ਕਾਰ ਦੇ ਡਰਾਈਵਰ ਨੂੰ ਅਮੈਰੀਕਨ ਸੀਕ੍ਰੇਟ ਸਰਵਿਸ ਦੇ ਅਧਿਕਾਰੀਆਂ ਦੁਆਰਾ ਸਿਖਲਾਈ ਦਿੱਤੀ ਗਈ। ਡਰਾਈਵਰ ਚੁਣੌਤੀਆਂ ਵਾਲੀਆਂ ਸਥਿਤੀਆਂ ਦਾ ਮੁਕਾਬਲਾ ਕਰਨ ਦੇ ਸਮਰੱਥ ਸੀ। ਐਮਰਜੈਂਸੀ 'ਚ ਡਰਾਈਵਰ ਜ਼ਿੰਦਗੀ ਨੂੰ ਸੁਰੱਖਿਅਤ ਢੰਗ ਨਾਲ ਬਚਾ ਸਕਦਾ ਸੀ। ਕਾਰ ਬਾਰੇ ਹੋਰ ਗੱਲ ਕਰੀਏ ਤਾਂ ਇਸ ਦੀ ਪਿਛਲੀ ਸੀਟ 'ਤੇ, ਰਾਸ਼ਟਰਪਤੀ ਨੂੰ ਸੈਟੇਲਾਈਟ ਫੋਨਾਂ ਦੀ ਸਿੱਧੀ ਲਾਈਨ ਉਪ ਰਾਸ਼ਟਰਪਤੀ ਤੇ ਪੈਂਟਾਗੋਨ ਨਾਲ ਜੁੜਦੀ ਹੈ। ਪਿਛਲੇ ਕੰਪਾਰਟਮੈਂਟ 'ਚ ਅਮਰੀਕੀ ਰਾਸ਼ਟਰਪਤੀ ਤੋਂ ਇਲਾਵਾ ਚਾਰ ਲੋਕਾਂ ਦੀ ਬੈਠਣ ਦੀ ਸਮਰੱਥਾ ਦਿੱਤੀ ਗਈ।
ਸਾਬਕਾ ਰਾਸ਼ਟਰਪਤੀ ਦੀ ਕਾਰ ਦੇ ਇੰਟੀਰੀਅਰ ਨੂੰ ਸ਼ੀਸ਼ੇ ਨਾਲ ਵੰਡਿਆ ਗਿਆ ਹੈ ਜਿਸ ਨੂੰ ਸਿਰਫ ਰਾਸ਼ਟਰਪਤੀ ਹੇਠਾਂ ਕਰ ਸਕਦੇ ਸੀ। ਇਸ ਤੋਂ ਇਲਾਵਾ, ਪੈਨਿਕ ਬਟਨ ਨਾਲ ਐਮਰਜੈਂਸੀ ਸਥਿਤੀ 'ਚ ਆਕਸੀਜਨ ਦੀ ਸਪਲਾਈ ਕਰਨ ਦਾ ਵੀ ਸਾਧਨ ਹੈ। ਕਾਰ ਨੂੰ ਬਾਹਰੀ ਹਮਲੇ ਤੋਂ ਬਚਾਅ ਲਈ ਪੁਖਤਾ ਪ੍ਰਬੰਧ ਕੀਤੇ ਗਏ ਹਨ। ਹਮਲੇ ਦਾ ਪਤਾ ਲਗਾਉਣ ਲਈ ਸੈਂਸਰ ਤੇ ਇੱਕ ਵਿਸ਼ੇਸ਼ ਗੇਅਰ ਜੋੜਿਆ ਗਿਆ। ਪ੍ਰਮਾਣੂ, ਬਾਇਓ, ਰਸਾਇਣਕ ਹਮਲੇ ਦਾ ਇਸ 'ਤੇ ਕੋਈ ਪ੍ਰਭਾਵ ਨਹੀਂ ਪਵੇਗਾ।
ਇਸ ਦੇ ਨਾਲ ਹੀ ਕਾਰ ਦੇ ਟਾਇਰਾਂ ਨੂੰ ਗੋਲੀਆਂ ਜਾਂ ਕਾਂਟੇ ਵਾਲੀਆਂ ਸਟਰਿੱਪਾਂ ਨਾਲ ਪੰਚਰ ਨਹੀਂ ਕੀਤਾ ਜਾ ਸਕਦਾ ਸੀ। ਕਾਰ ਦੇ ਹੇਠਲੇ ਹਿੱਸੇ ਦੀ ਰੱਖਿਆ ਲਈ, ਚੈਸੀ ਦੇ ਹੇਠਾਂ ਪੰਜ ਇੰਚ ਸਟੀਲ ਦੀ ਪਲੇਟ ਲਗਾਈ ਗਈ ਹੈ। ਬੀਸਟ ਕਾਰ 'ਚ ਇੱਕ ਸ਼ਕਤੀਸ਼ਾਲੀ ਪਾਵਰ ਇੰਜਣ ਹੈ।
ਇਹ ਵੀ ਪੜ੍ਹੋ: ਕੀ ਤੁਸੀਂ ਜਾਣਦੇ ਹੋ ਕੀ ਮੌਤ ਤੋਂ ਬਾਅਦ ਵੀ Michael Jackson ਨੇ ਤੋੜਿਆ ਸੀ ਇਹ ਰਿਕਾਰਡ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
