CARS24 fires 600 employees: ਇਸ ਕੰਪਨੀ ਨੇ ਕਰੀਬ 600 ਕਰਮਚਾਰੀਆਂ ਨੂੰ ਦਿਖਾਇਆ ਬਾਹਰ ਦਾ ਰਾਹ, ਕਿਹਾ- ਹਰ ਸਾਲ ਵਾਂਗ ਆਮ ਪ੍ਰਕਿਰਿਆ
Cars24 News: ਸੈਕੰਡ ਹੈਂਡ ਕਾਰਾਂ ਖਰੀਦਣ ਅਤੇ ਵੇਚਣ ਵਾਲੀ ਕੰਪਨੀ ਕਾਰਸ24 ਨੇ ਵਿਦੇਸ਼ਾਂ ਵਿੱਚ ਕਾਰੋਬਾਰ ਫੈਲਾਉਣ ਦੀਆਂ ਖ਼ਬਰਾਂ ਦਰਮਿਆਨ 600 ਕਰਮਚਾਰੀਆਂ ਨੂੰ ਅਸਤੀਫਾ ਦੇਣ ਲਈ ਕਿਹਾ ਹੈ।
Cars24 News: ਕਾਰਸ24 ਈ-ਕਾਮਰਸ ਪਲੇਟਫਾਰਮ ਸੈਕਿੰਡ ਹੈਂਡ ਕਾਰਾਂ ਵੇਚਦਾ ਹੈ ਅਤੇ ਉਸ ਨੇ 600 ਕਰਮਚਾਰੀਆਂ ਨੂੰ ਅਸਤੀਫਾ ਦੇਣ ਲਈ ਕਿਹਾ ਹੈ। ਅੰਤਰਰਾਸ਼ਟਰੀ ਪੱਧਰ 'ਤੇ ਵਿਸਤਾਰ ਕਰਨ ਦੀ ਕੰਪਨੀ ਦੀ ਯੋਜਨਾ ਦੇ ਵਿਚਕਾਰ ਇਹ ਫੈਸਲਾ ਹੈਰਾਨ ਕਰਨ ਵਾਲਾ ਹੈ। ਦੱਸ ਦੇਈਏ ਕਿ ਕਾਰਸ24 ਵਿੱਚ ਲਗਪਗ 9000 ਕਰਮਚਾਰੀ ਕੰਮ ਕਰਦੇ ਹਨ ਅਤੇ ਇਸਨੂੰ ਸਾਫਟਬੈਂਕ ਅਤੇ ਅਲਫਾ ਵੇਵ ਇਨੋਵੇਸ਼ਨ ਵਰਗੇ ਅਨੁਭਵੀ ਨਿਵੇਸ਼ਕਾਂ ਦਾ ਸਮਰਥਨ ਹਾਸਲ ਹੈ।
ਕੰਪਨੀ ਨੇ ਇਸ ਨੂੰ ਛਟਣੀ ਮੰਨਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਕੰਪਨੀ ਦੇ ਬੁਲਾਰੇ ਵਲੋਂ ਕਿਹਾ ਗਿਆ ਕਿ ਇਹ ਇੱਕ ਆਮ ਪ੍ਰਕਿਰਿਆ ਹੈ ਅਤੇ ਕਢਵਾਉਣਾ ਪ੍ਰਦਰਸ਼ਨ ਨਾਲ ਸਬੰਧਤ ਹੈ। ਇਹ ਪ੍ਰਕਿਰਿਆ ਹਰ ਸਾਲ ਅਪਣਾਈ ਜਾਂਦੀ ਹੈ। ਮੀਡੀਆ ਰਿਪੋਰਟਾਂ ਮਤਾਬਕ ਬਰਖਾਸਤ ਕੀਤੇ ਗਏ ਸਾਰੇ ਕਰਮਚਾਰੀ ਭਾਰਤ ਦੇ ਹਨ ਅਤੇ ਸਾਰੇ ਜੂਨੀਅਰ ਪੋਸਟਾਂ 'ਤੇ ਕੰਮ ਕਰ ਰਹੇ ਹਨ।
ਕੰਪਨੀ ਦਾ ਮੁੱਲ $3.3 ਬਿਲੀਅਨ
ਸਾਲ 2015 ਵਿੱਚ ਸਥਾਪਿਤ, Cars24 ਗਾਹਕਾਂ ਨੂੰ ਆਪਣੀਆਂ ਕਾਰਾਂ ਖਰੀਦਣ, ਵੇਚਣ ਅਤੇ ਵਿੱਤ ਦੇਣ ਵਿੱਚ ਮਦਦ ਕਰਨ ਲਈ ਤਕਨਾਲੋਜੀ ਦੀ ਵਰਤੋਂ ਕਰਦਾ ਹੈ। Cars24 ਨੇ ਦਸੰਬਰ ਵਿੱਚ ਇਕੁਇਟੀ ਰਾਹੀਂ $300 ਮਿਲੀਅਨ ਅਤੇ ਵਾਧੂ $100 ਮਿਲੀਅਨ ਫੰਡ ਇਕੱਠੇ ਕੀਤੇ। ਉਸ ਸਮੇਂ ਕੰਪਨੀ ਦੀ ਕੀਮਤ 3.3 ਬਿਲੀਅਨ ਡਾਲਰ ਸੀ। ਇਸ ਫੰਡ ਨਾਲ ਕੰਪਨੀ ਨੇ ਦੂਜੇ ਦੇਸ਼ਾਂ 'ਚ ਆਪਣਾ ਕਾਰੋਬਾਰ ਫੈਲਾਉਣ ਦੀ ਗੱਲ ਕਹੀ ਸੀ।
CARS24 ਦੇ ਸੰਸਥਾਪਕ ਵਿਕਰਮ ਚੋਪੜਾ ਨੇ ਕਿਹਾ ਕਿ ਕੰਪਨੀ ਦਾ ਭਵਿੱਖ ਵਿੱਚ ਕਾਫੀ ਜ਼ਬਰਦਸਤ ਪਲਾਨ ਹੈ। ਇਸ ਨਾਲ ਗਾਹਕਾਂ ਨੂੰ ਇੱਕ ਨਵੀਂ ਕਿਸਮ ਦਾ ਅਨੁਭਵ ਮਿਲੇਗਾ। ਦੂਜੇ ਪਾਸੇ ਐਜੂਕੇਸ਼ਨ ਟੈਕਨਾਲੋਜੀ ਕੰਪਨੀ ਵੇਦਾਂਤੂ ਨੇ 'ਮੰਦੀ' ਦੇ ਡਰ ਦਾ ਹਵਾਲਾ ਦਿੰਦੇ ਹੋਏ 424 ਹੋਰ ਕਰਮਚਾਰੀਆਂ ਨੂੰ ਬਾਹਰ ਦਾ ਰਸਤਾ ਦਿਖਾ ਦਿੱਤਾ ਹੈ। ਵੇਦਾਂਤੂ ਨੇ 15 ਦਿਨ ਪਹਿਲਾਂ 200 ਮੁਲਾਜ਼ਮਾਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਸੀ। ਇਸ ਤੋਂ ਪਹਿਲਾਂ, ਕੰਪਨੀ ਨੇ ਇੱਕ ਸਾਲ ਵਿੱਚ 1000 ਕਰਮਚਾਰੀਆਂ ਦੀ ਭਰਤੀ ਕਰਨ ਦੀ ਯੋਜਨਾ ਦਾ ਐਲਾਨ ਕੀਤਾ ਸੀ।
ਇਹ ਵੀ ਪੜ੍ਹੋ: Rupee at All time Low: ਡਾਲਰ ਦੇ ਮੁਕਾਬਲੇ ਰੁਪਏ 'ਚ ਰਿਕਾਰਡ ਗਿਰਾਵਟ ਜਾਰੀ, ਲਗਾਤਾਰ ਦੂਜੇ ਦਿਨ ਹੇਠਲਾ ਪੱਧਰ ਦਰਜ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
