ਸਹੇਲੀ ਨੇ ਗਾਇਕਾ ਸੇਲਿਨਾ ਗੋਮੇਜ਼ ਨੂੰ ਦਿੱਤੀ ਆਪਣੀ ਕਿਡਨੀ..

ਨਿਊਯਾਰਕ: ਹਾਲੀਵੁੱਡ ਦੀ ਪ੍ਰਸਿੱਧ ਗਾਇਕਾ ਸੇਲਿਨਾ ਗੋਮੇਜ਼ ਆਪਣੇ ਬਿਹਤਰੀਨ ਗਾਣਿਆਂ ਅਤੇ ਆਵਾਜ਼ ਦੇ ਦਮ 'ਤੇ ਆਪਣੀ ਖ਼ਾਸ ਪਛਾਣ ਬਣਾ ਚੁਕੀ ਹੈ ਪਰ ਪਿਛਲੇ ਕੁਝ ਸਮੇਂ ਤੋਂ ਉਹ ਲਾਈਮਲਾਈਟ ਤੋਂ ਦੂਰ ਹੈ।

ਆਪਣੀ ਦੋਸਤ ਬਾਰੇ ਲਿਖਿਆ, ਮੇਰੀ ਖ਼ੂਬਸੂਰਤ ਦੋਸਤ ਨੇ ਮੈਨੂੰ ਬਹੁਤ ਹੀ ਅਨਮੋਲ ਤੌਹਫ਼ਾ ਦਿੱਤਾ ਹੈ। ਉਸ ਨੇ ਆਪਣੀ ਜ਼ਿੰਦਗੀ ਦੀ ਪਰਵਾਹ ਨਾ ਕਰਦੇ ਹੋਏ ਆਪਣੀ ਇਕ ਕਿਡਨੀ ਮੈਨੂੰ ਦਿੱਤੀ ਹੈ।

ਇਸ ਤਸਵੀਰ ਨਾਲ ਉਨ੍ਹਾਂ ਨੇ ਲਿਖਿਆ ਹੈ ਕਿ, ਮੈਨੂੰ ਪਤਾ ਹੈ ਕਿ ਮੇਰੇ ਪ੍ਰਸ਼ੰਸਕ ਇਸ ਗੱਲ 'ਤੇ ਧਿਆਨ ਦੇ ਰਹੇ ਹਨ ਕਿ ਮੇਰੀ ਐਲਬਮ ਆਉਣ ਵਾਲੀ ਹੈ ਤਾਂ ਮੈਂ ਇਸ ਦਾ ਪ੍ਰਮੋਸ਼ਨ ਕਿਉਂ ਨਹੀਂ ਕਰ ਰਹੀ।

ਤਸਵੀਰ ਵਿਚ ਸੇਲਿਨਾ ਹਸਪਤਾਲ ਦੇ ਬਿਸਤਰ 'ਤੇ ਲੰਮੇ ਪਈ ਹੈ ਅਤੇ ਦੂਜੇ ਬਿਸਤਰ 'ਤੇ ਉਸ ਦੀ ਦੋਸਤ ਅਤੇ ਟੀ.ਵੀ. ਸਟਾਰ ਫ਼ਰੇਂਸੀਆ ਰੇਸਾ ਵੀ ਲੰਮੇ ਪਈ ਦਿਖਾਈ ਦਿੰਦੀ ਹੈ ਅਤੇ ਦੋਵਾਂ ਨੇ ਇਕ-ਦੂਜੀ ਦਾ ਹੱਥ ਫ਼ੜਿਆ ਹੈ।

ਮੇਰਾ ਕਿਡਨੀ ਟਰਾਂਸਪਲਾਂਟ ਹੋਇਆ ਹੈ ਅਤੇ ਹੁਣ ਮੈ ਹੋਲੀ-ਹੋਲੀ ਠੀਕ ਹੋ ਰਹੀ ਹਾਂ। ਉਹ ਸਮਾਂ ਕਾਫ਼ੀ ਮੁਸ਼ਕਿਲ ਸੀ, ਮੇਰੇ ਪਰਿਵਾਰ ਅਤੇ ਡਾਕਟਰਾਂ ਨੇ ਮੇਰਾ ਬਹੁਤ ਖ਼ਿਆਲ ਰੱਖਿਆ।

ਦਰਅਸਲ ਹਾਲ ਹੀ 'ਚ ਸੇਲਿਨਾ ਨੇ ਇੰਸਟਾਗ੍ਰਾਮ 'ਤੇ ਆਪਣੀ ਇਕ ਤਸਵੀਰ ਸਾਂਝੀ ਕੀਤੀ ਹੈ। ਜਿਸ ਤੋਂ ਪਤਾ ਲੱਗਾ ਹੈ ਕਿ ਉਸ ਨੇ ਹਾਲ ਹੀ 'ਚ ਕਿਡਨੀ ਟਰਾਂਸਪਲਾਂਟ ਕਰਵਾਈ ਹੈ।