1 December Rules Change: ਇੱਕ ਦਸੰਬਰ ਤੋਂ ਹੋਏ ਵੱਡੇ ਬਦਲਾਅ, LPG 'ਚ ਕਟੌਤੀ ਸਣੇ ਇਨ੍ਹਾਂ ਬੈਂਕ ਸੇਵਾਵਾਂ ਤੱਕ; ਜਾਣੋ ਆਮ ਲੋਕਾਂ ਦੀ ਜੇਬ 'ਤੇ ਕਿਵੇਂ ਪਏਗਾ ਇਸਦਾ ਅਸਰ?
1 December Rules Change: ਸਾਲ 2025 ਦਾ ਆਖਰੀ ਮਹੀਨਾ ਆਪਣੇ ਨਾਲ ਕਈ ਵੱਡੇ ਬਦਲਾਅ ਲੈ ਕੇ ਆਇਆ ਹੈ। ਦੱਸ ਦੇਈਏ ਕਿ ਅੱਜ (1 ਦਸੰਬਰ) ਤੋਂ ਦੇਸ਼ ਵਿੱਚ ਕਈ ਵੱਡੇ ਬਦਲਾਅ ਲਾਗੂ ਹੋ ਗਏ ਹਨ, ਜਿਨ੍ਹਾਂ ਦਾ ਸਿੱਧਾ ਅਸਰ...
1 December Rules Change: ਸਾਲ 2025 ਦਾ ਆਖਰੀ ਮਹੀਨਾ ਆਪਣੇ ਨਾਲ ਕਈ ਵੱਡੇ ਬਦਲਾਅ ਲੈ ਕੇ ਆਇਆ ਹੈ। ਦੱਸ ਦੇਈਏ ਕਿ ਅੱਜ (1 ਦਸੰਬਰ) ਤੋਂ ਦੇਸ਼ ਵਿੱਚ ਕਈ ਵੱਡੇ ਬਦਲਾਅ ਲਾਗੂ ਹੋ ਗਏ ਹਨ, ਜਿਨ੍ਹਾਂ ਦਾ ਸਿੱਧਾ ਅਸਰ ਆਮ ਆਦਮੀ ਦੀ ਜੇਬ 'ਤੇ ਪਏਗਾ। LPG ਗੈਸ ਸਿਲੰਡਰ ਦੀਆਂ ਕੀਮਤਾਂ ਤੋਂ ਲੈ ਕੇ ਬੈਂਕਿੰਗ ਸੇਵਾਵਾਂ (Banking Services) ਅਤੇ ਪੈਨਸ਼ਨ ਨਿਯਮਾਂ ਤੱਕ, ਕਈ ਚੀਜ਼ਾਂ ਅੱਜ ਤੋਂ ਬਦਲ ਗਈਆਂ ਹਨ। ਇਸ ਤੋਂ ਇਲਾਵਾ, ਇਸ ਮਹੀਨੇ ਦੇ ਅੰਤ ਤੱਕ ਕੁਝ ਜ਼ਰੂਰੀ ਕੰਮਾਂ ਨੂੰ ਨਿਪਟਾਉਣ ਦੀ ਡੈੱਡਲਾਈਨ (Deadline) ਵੀ ਤੈਅ ਕਰ ਦਿੱਤੀ ਗਈ ਹੈ, ਆਖਿਰ ਇਸ ਲਿਸਟ ਵਿੱਚ ਕੀ ਕੁਝ ਸ਼ਾਮਲ ਹੈ, ਤੁਸੀ ਵੀ ਇਸ ਉੱਪਰ ਇੱਕ ਨਜ਼ਰ ਮਾਰ ਲਓ...
LPG ਖਪਤਕਾਰਾਂ ਨੂੰ ਮਿਲੀ ਮਾਮੂਲੀ ਰਾਹਤ
ਹਰ ਮਹੀਨੇ ਦੀ ਤਰ੍ਹਾਂ ਅੱਜ ਵੀ ਤੇਲ ਕੰਪਨੀਆਂ ਨੇ LPG ਦੀਆਂ ਕੀਮਤਾਂ ਨੂੰ ਅਪਡੇਟ ਕੀਤਾ ਹੈ। 19 ਕਿਲੋ ਵਾਲੇ ਕਮਰਸ਼ੀਅਲ LPG ਸਿਲੰਡਰ (Commercial LPG Cylinder) ਦੀਆਂ ਕੀਮਤਾਂ ਵਿੱਚ 10 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ, ਜੋ ਅੱਜ ਤੋਂ ਪ੍ਰਭਾਵੀ ਹੋ ਗਈ ਹੈ। ਹਾਲਾਂਕਿ, ਘਰੇਲੂ LPG ਸਿਲੰਡਰ (Domestic LPG Cylinder) ਦੀਆਂ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ, ਜਿਸ ਨਾਲ ਰਸੋਈ ਦਾ ਬਜਟ ਸਥਿਰ ਰਹੇਗਾ।
SBI ਦੀ 'mCash' ਸਰਵਿਸ ਹੋਈ ਬੰਦ
ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ ਸਟੇਟ ਬੈਂਕ ਆਫ ਇੰਡੀਆ (SBI) ਨੇ ਅੱਜ ਤੋਂ ਆਪਣੀ ਇੱਕ ਅਹਿਮ ਸਹੂਲਤ ਬੰਦ ਕਰ ਦਿੱਤੀ ਹੈ। ਹੁਣ ਯੂਜ਼ਰਸ 'OnlineSBI' ਅਤੇ 'YONO Lite' 'ਤੇ 'mCash' ਭੇਜਣ ਜਾਂ ਕਲੇਮ ਕਰਨ ਦੀ ਸਹੂਲਤ ਦੀ ਵਰਤੋਂ ਨਹੀਂ ਕਰ ਸਕਣਗੇ। ਬੈਂਕ ਨੇ ਗਾਹਕਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਫੰਡ ਟ੍ਰਾਂਸਫਰ (Fund Transfer) ਲਈ UPI, NEFT ਜਾਂ RTGS ਵਰਗੇ ਵਿਕਲਪਾਂ ਦੀ ਵਰਤੋਂ ਕਰਨ।
NPS ਤੋਂ UPS 'ਚ ਜਾਣ ਦਾ ਮੌਕਾ ਖ਼ਤਮ
ਪੈਨਸ਼ਨਰਾਂ ਲਈ ਵੀ ਅੱਜ ਤੋਂ ਇੱਕ ਵੱਡਾ ਬਦਲਾਅ ਲਾਗੂ ਹੋ ਗਿਆ ਹੈ। ਨੈਸ਼ਨਲ ਪੈਨਸ਼ਨ ਸਿਸਟਮ (NPS) ਤੋਂ ਯੂਨੀਫਾਈਡ ਪੈਨਸ਼ਨ ਸਕੀਮ (UPS) ਵਿੱਚ ਸਵਿੱਚ ਕਰਨ ਦਾ ਵਿਕਲਪ 1 ਦਸੰਬਰ ਤੋਂ ਖ਼ਤਮ ਹੋ ਗਿਆ ਹੈ। ਸਰਕਾਰ ਨੇ ਇਸਦੇ ਲਈ 30 ਨਵੰਬਰ ਤੱਕ ਦਾ ਸਮਾਂ ਦਿੱਤਾ ਸੀ। ਹੁਣ ਕੇਂਦਰੀ ਕਰਮਚਾਰੀ ਆਸਾਨੀ ਨਾਲ ਆਪਣਾ ਵਿਕਲਪ ਨਹੀਂ ਬਦਲ ਸਕਣਗੇ।
Aadhar ਅਤੇ Traffic ਨਿਯਮਾਂ 'ਚ ਬਦਲਾਅ
1. ਆਧਾਰ ਅਪਡੇਟ: ਅੱਜ ਤੋਂ ਆਧਾਰ ਕਾਰਡ (Aadhar Card) ਵਿੱਚ ਨਾਮ, ਪਤਾ ਅਤੇ ਜਨਮ ਮਿਤੀ ਵਰਗੀ ਜਾਣਕਾਰੀ ਆਨਲਾਈਨ ਅਪਡੇਟ ਕਰਨਾ ਆਸਾਨ ਹੋ ਗਿਆ ਹੈ, ਜਿਸਦੇ ਲਈ ਪੈਨ ਕਾਰਡ (PAN Card) ਜਾਂ ਪਾਸਪੋਰਟ ਵਰਗੇ ਦਸਤਾਵੇਜ਼ਾਂ ਦੀ ਤਸਦੀਕ ਕੀਤੀ ਜਾ ਸਕੇਗੀ।
2. ਟ੍ਰੈਫਿਕ ਚਲਾਨ: ਕਈ ਰਾਜਾਂ ਵਿੱਚ ਹੁਣ ਆਨਲਾਈਨ ਚਲਾਨ (Online Challan) ਦਾ ਭੁਗਤਾਨ ਕਰਨ 'ਤੇ ਵਾਧੂ ਪ੍ਰੋਸੈਸਿੰਗ ਫੀਸ ਦੇਣੀ ਪੈ ਸਕਦੀ ਹੈ। ਨਾਲ ਹੀ, ਪੀਯੂਸੀ (PUC) ਸਰਟੀਫਿਕੇਟ ਨਾ ਹੋਣ 'ਤੇ ਭਾਰੀ ਜੁਰਮਾਨੇ (Penalty) ਦੀ ਵਿਵਸਥਾ ਵੀ ਸਖ਼ਤੀ ਨਾਲ ਲਾਗੂ ਹੋਵੇਗੀ।
3. EPFO: ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਨੇ UAN-KYC ਲਿੰਕਿੰਗ ਅਤੇ ਈ-ਨਾਮਜ਼ਦਗੀ ਦੇ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ। ਨਾਮਜ਼ਦਗੀ ਪੂਰੀ ਨਾ ਕਰਨ ਵਾਲੇ ਕਰਮਚਾਰੀਆਂ ਨੂੰ ਪੈਨਸ਼ਨ ਜਾਂ ਫੰਡ ਕਢਵਾਉਣ ਵਿੱਚ ਦਿੱਕਤ ਹੋ ਸਕਦੀ ਹੈ।
31 ਦਸੰਬਰ ਤੱਕ ਨਿਪਟਾ ਲਓ ਇਹ 2 ਜ਼ਰੂਰੀ ਕੰਮ
ਦਸੰਬਰ ਸ਼ੁਰੂ ਹੁੰਦੇ ਹੀ ਕੁਝ ਡੈੱਡਲਾਈਨਾਂ ਦੀ ਉਲਟੀ ਗਿਣਤੀ ਵੀ ਸ਼ੁਰੂ ਹੋ ਗਈ ਹੈ:
1. ITR ਫਾਈਲਿੰਗ: ਵਿੱਤੀ ਸਾਲ 2024-25 ਲਈ ਬਿਲੇਟਿਡ ਜਾਂ ਰਿਵਾਈਜ਼ਡ ਇਨਕਮ ਟੈਕਸ ਰਿਟਰਨ (ITR) ਫਾਈਲ ਕਰਨ ਦੀ ਆਖਰੀ ਤਾਰੀਖ 31 ਦਸੰਬਰ 2025 ਹੈ। ਇਸ ਤੋਂ ਬਾਅਦ ਰਿਟਰਨ ਭਰਨ 'ਤੇ 5,000 ਰੁਪਏ ਤੱਕ ਦੀ ਲੇਟ ਫੀਸ ਲੱਗ ਸਕਦੀ ਹੈ।
2. PAN-Aadhar ਲਿੰਕਿੰਗ: ਜੇਕਰ ਤੁਸੀਂ 31 ਦਸੰਬਰ ਤੱਕ ਆਪਣੇ ਪੈਨ ਨੂੰ ਆਧਾਰ ਨਾਲ ਲਿੰਕ ਨਹੀਂ ਕੀਤਾ, ਤਾਂ ਤੁਹਾਡਾ ਪੈਨ ਕਾਰਡ ਨਕਾਰਾ (Inactive) ਹੋ ਜਾਵੇਗਾ, ਜਿਸ ਨਾਲ ਬੈਂਕਿੰਗ ਟ੍ਰਾਂਜੈਕਸ਼ਨ ਵਿੱਚ ਸਮੱਸਿਆ ਆ ਸਕਦੀ ਹੈ।
ਸ਼ੇਅਰ ਬਾਜ਼ਾਰ 'ਚ ਹੋਵੇਗਾ ਫੇਰਬਦਲ
ਬੰਬੇ ਸਟਾਕ ਐਕਸਚੇਂਜ (BSE) ਦੇ ਪ੍ਰਮੁੱਖ ਸੂਚਕਾਂਕਾਂ ਵਿੱਚ ਵੀ ਇਸ ਮਹੀਨੇ ਬਦਲਾਅ ਹੋਣ ਜਾ ਰਿਹਾ ਹੈ। 22 ਦਸੰਬਰ 2025 ਤੋਂ ਸੈਂਸੈਕਸ (SENSEX) ਵਿੱਚ 'ਇੰਟਰਗਲੋਬ ਏਵੀਏਸ਼ਨ' ਨੂੰ ਸ਼ਾਮਲ ਕੀਤਾ ਜਾਵੇਗਾ, ਜਦਕਿ 'ਟਾਟਾ ਮੋਟਰਜ਼ ਪੈਸੰਜਰ ਵਹੀਕਲਜ਼' ਨੂੰ ਬਾਹਰ ਕਰ ਦਿੱਤਾ ਜਾਵੇਗਾ। ਨਿਵੇਸ਼ਕਾਂ (Investors) ਨੂੰ ਇਸ ਬਦਲਾਅ 'ਤੇ ਨਜ਼ਰ ਰੱਖਣੀ ਪਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
