Amrit Bharat Station Scheme: 554 ਰੇਲਵੇ ਸਟੇਸ਼ਨਾਂ ਨੂੰ ਬਣਾਇਆ ਜਾਵੇਗਾ Modern, PM ਮੋਦੀ ਅੱਜ ਕਰਨਗੇ ਉਦਘਾਟਨ, ਪੰਜਾਬ ਸਣੇ ਇਨ੍ਹਾਂ ਸੂਬਿਆਂ 'ਚ ਬਣਨਗੇ ਆਰਓਬੀ
Narendra Modi: ਪੀਐਮ ਮੋਦੀ ਅੱਜ ਭਾਵ ਸੋਮਵਾਰ ਨੂੰ ਇਸ ਪ੍ਰੋਜੈਕਟ ਦਾ ਉਦਘਾਟਨ ਕਰਨਗੇ। ਇਸ 'ਤੇ ਲਗਪਗ 41 ਹਜ਼ਾਰ ਕਰੋੜ ਰੁਪਏ ਦੀ ਲਾਗਤ ਆਵੇਗੀ।
PM Narendra Modi: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (Narendra Modi) ਅੱਜ (26 ਫਰਵਰੀ) ਭਾਵ ਸੋਮਵਾਰ ਨੂੰ ਅੰਮ੍ਰਿਤ ਭਾਰਤ ਸਟੇਸ਼ਨ ਯੋਜਨਾ (Amrit Bharat Station Scheme) ਦੇ ਤਹਿਤ 554 ਰੇਲਵੇ ਸਟੇਸ਼ਨਾਂ ਅਤੇ 1500 ਰੋਡ ਓਵਰ ਬ੍ਰਿਜਾਂ ਅਤੇ ਅੰਡਰਪਾਸਾਂ (Road over bridge and underpass) ਦੇ ਪੁਨਰ ਵਿਕਾਸ ਦਾ ਉਦਘਾਟਨ ਕਰਨਗੇ। ਇਸ 'ਤੇ ਲਗਭਗ 41 ਹਜ਼ਾਰ ਕਰੋੜ ਰੁਪਏ ਦੀ ਲਾਗਤ ਆਵੇਗੀ। ਇਸ ਵਿੱਚ ਉੱਤਰੀ ਰੇਲਵੇ ਦੇ 43 ਰੇਲਵੇ ਸਟੇਸ਼ਨ ਅਤੇ 92 ROB/RUB ਵੀ ਸ਼ਾਮਲ ਹਨ। ਹੁਣ ਤੱਕ, ਅੰਮ੍ਰਿਤ ਭਾਰਤ ਸਟੇਸ਼ਨ ਯੋਜਨਾ ਦੇ ਤਹਿਤ ਪੁਨਰ ਵਿਕਾਸ ਲਈ 1318 ਸਟੇਸ਼ਨਾਂ ਦੀ ਪਛਾਣ ਕੀਤੀ ਗਈ ਹੈ।
ਇਨ੍ਹਾਂ ਸੂਬਿਆਂ ਵਿੱਚ ਬਣਨਗੇ ਆਰਓਬੀ
ਉੱਤਰੀ ਰੇਲਵੇ (Northern Railways) ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ 92 ਆਰਓਬੀ/ਆਰਯੂਬੀਜ਼ ਵਿੱਚੋਂ ਉੱਤਰ ਪ੍ਰਦੇਸ਼ ਵਿੱਚ 56, ਹਰਿਆਣਾ ਵਿੱਚ 17, ਪੰਜਾਬ ਵਿੱਚ 13, ਦਿੱਲੀ ਵਿੱਚ 04, ਹਿਮਾਚਲ ਪ੍ਰਦੇਸ਼ ਵਿੱਚ 01 ਅਤੇ ਜੰਮੂ-ਕਸ਼ਮੀਰ ਵਿੱਚ 01 ਆਰਓਬੀ/ਆਰਯੂਬੀ ਹਨ। ਇਨ੍ਹਾਂ ਦੀ ਗਿਣਤੀ ਲਖਨਊ ਡਿਵੀਜ਼ਨ ਵਿੱਚ 43, ਦਿੱਲੀ ਵਿੱਚ 30, ਫ਼ਿਰੋਜ਼ਪੁਰ ਵਿੱਚ 10, ਅੰਬਾਲਾ ਵਿੱਚ 07 ਅਤੇ ਮੁਰਾਦਾਬਾਦ ਵਿੱਚ 02 ਹੈ। ਰੇਲਵੇ ਨੇ ਰੇਲਵੇ ਕਰਾਸਿੰਗਾਂ 'ਤੇ ਹਾਦਸਿਆਂ ਨੂੰ ਰੋਕਣ ਲਈ ਰੋਡ ਓਵਰ ਬ੍ਰਿਜ (ROB) ਅਤੇ ਅੰਡਰਪਾਸ ਬਣਾਏ ਹਨ।
ਕੀ ਹੈ ਅਮ੍ਰਿਤ ਭਾਰਤ ਸਟੇਸ਼ਨ ਯੋਜਨਾ
ਅੰਮ੍ਰਿਤ ਭਾਰਤ ਸਟੇਸ਼ਨ ਸਕੀਮ ਤਹਿਤ ਰੇਲਵੇ ਸਟੇਸ਼ਨ ਨੂੰ ਮਾਡਰਨ ਬਣਾਇਆ ਜਾ ਰਿਹਾ ਹੈ। ਇਸ ਯੋਜਨਾ ਦਾ ਉਦੇਸ਼ ਰੇਲਵੇ ਸਟੇਸ਼ਨਾਂ ਲਈ ਮਾਸਟਰ ਪਲਾਨ ਤਿਆਰ ਕਰਕੇ ਸਹੂਲਤਾਂ ਨੂੰ ਵਧਾਉਣਾ ਹੈ। ਇਨ੍ਹਾਂ ਵਿੱਚ ਵੇਟਿੰਗ ਰੂਮ, ਵਧੀਆ ਕੈਫੇਟੇਰੀਆ ਅਤੇ ਪ੍ਰਚੂਨ ਸਹੂਲਤਾਂ ਦਾ ਵਿਕਾਸ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਪਲੇਟਫਾਰਮ ਵੀ ਤਿਆਰ ਕੀਤਾ ਜਾ ਰਿਹਾ ਹੈ। ਚੌੜੀਆਂ ਸੜਕਾਂ, ਸੰਕੇਤਕ, ਵਾਕਵੇਅ, ਪਾਰਕਿੰਗ ਖੇਤਰ ਅਤੇ ਰੋਸ਼ਨੀ ਪ੍ਰਣਾਲੀ ਵਿਕਸਿਤ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ ਸਟੇਸ਼ਨਾਂ 'ਤੇ ਅਪਾਹਜ ਲੋਕਾਂ ਲਈ ਸੁਵਿਧਾਵਾਂ ਵੀ ਵਿਕਸਤ ਕੀਤੀਆਂ ਜਾ ਰਹੀਆਂ ਹਨ। ਮੌਜੂਦਾ ਸਹੂਲਤਾਂ ਨੂੰ ਵੀ ਆਧੁਨਿਕ ਬਣਾਇਆ ਜਾ ਰਿਹਾ ਹੈ। ਭਾਰਤੀ ਰੇਲਵੇ ਦੁਆਰਾ ਰੋਜ਼ਾਨਾ 2 ਕਰੋੜ ਯਾਤਰੀ ਅਤੇ ਸਾਲਾਨਾ 800 ਕਰੋੜ ਯਾਤਰੀ ਯਾਤਰਾ ਕਰਦੇ ਹਨ। ਇਸ ਤੋਂ ਇਲਾਵਾ ਅਰਬਾਂ ਰੁਪਏ ਦੇ ਮਾਲ ਦੀ ਢੋਆ-ਢੁਆਈ ਵੀ ਰੇਲਵੇ ਰਾਹੀਂ ਹੁੰਦੀ ਹੈ।
ਆਰਓਬੀ ਤੇ ਅੰਡਰਪਾਸ ਦੇ ਲਾਭ
ROB ਅਤੇ ਅੰਡਰਪਾਸ ਭੀੜ ਨੂੰ ਘਟਾਉਂਦੇ ਹਨ। ਇਹ ਰੇਲਵੇ ਕਰਾਸਿੰਗਾਂ 'ਤੇ ਭੀੜ-ਭੜੱਕੇ ਨੂੰ ਘੱਟ ਕਰਨ ਵਿੱਚ ਮਦਦ ਕਰਦੇ ਹਨ। ਨਾਲ ਹੀ ਆਵਾਜਾਈ ਵੀ ਸੁਚਾਰੂ ਹੋ ਜਾਂਦੀ ਹੈ। ਗੱਡੀਆਂ ਅਤੇ ਰੇਲਗੱਡੀਆਂ ਵਿਚਕਾਰ ਹਾਦਸਿਆਂ ਦਾ ਖ਼ਤਰਾ ਘੱਟ ਗਿਆ ਹੈ। ਸਫ਼ਰ ਵਿੱਚ ਕੋਈ ਦੇਰੀ ਨਹੀਂ ਹੁੰਦੀ ਅਤੇ ਸਮਾਂ ਵੀ ਘੱਟ ਲੱਗਦਾ ਹੈ। ਆਲੇ-ਦੁਆਲੇ ਦੇ ਖੇਤਰਾਂ ਦਾ ਵਿਕਾਸ ਹੁੰਦਾ ਹੈ ਅਤੇ ਵਪਾਰਕ ਗਤੀਵਿਧੀਆਂ ਵਧਦੀਆਂ ਹਨ। ਇਸ ਤੋਂ ਇਲਾਵਾ ਵਾਤਾਵਰਨ ਵੀ ਸੁਧਰਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
