Aadhaar Lock-Unlock: ਅਧਾਰ ਕਾਰਡ ਨੂੰ ਬੇਹੱਦ ਸੌਖੇ ਤਰੀਕੇ ਨਾਲ ਕਰੋ ਲੌਕ ਤੇ ਅਨਲੌਕ, ਇਹ ਹੈ ਪੂਰਾ ਪ੍ਰੋਸੈਸ

Aadhaar Card Lock-Unlock Process: ਜੇ ਤੁਹਾਨੂੰ ਲਗਦਾ ਹੈ ਕਿ ਤੁਹਾਡੇ ਅਧਾਰ ਕਾਰਡ ਜਾਂ ਆਧਾਰ ਨੰਬਰ ਦੀ ਦੁਰਵਰਤੋਂ ਹੋ ਰਹੀ ਹੈ, ਤਾਂ ਤੁਸੀਂ ਆਪਣਾ ਆਧਾਰ ਨੂੰ ਲੌਕ ਕਰ ਸਕਦੇ ਹੋ।

Written By : ਏਬੀਪੀ ਸਾਂਝਾ | Edited By: Manvir Kaur | Updated at : 04 Dec 2021 05:04 AM (IST)

Aadhaar Card

ਨਵੀਂ ਦਿੱਲੀ: ਜੇ ਤੁਹਾਨੂੰ ਲਗਦਾ ਹੈ ਕਿ ਤੁਹਾਡੇ ਅਧਾਰ ਕਾਰਡ ਜਾਂ ਆਧਾਰ ਨੰਬਰ ਦੀ ਦੁਰਵਰਤੋਂ ਹੋ ਰਹੀ ਹੈ, ਤਾਂ ਤੁਸੀਂ ਆਪਣਾ ਆਧਾਰ ਨੂੰ ਲੌਕ ਕਰ ਸਕਦੇ ਹੋ। ਯੂਆਈਡੀਏਆਈ ਹਰ ਆਧਾਰ ਕਾਰਡ ਧਾਰਕ ਨੂੰ ਆਪਣੇ ਆਧਾਰ ਨੰਬਰ ਨੂੰ ਲੌਕ ਅਤੇ ਅਨਲੌਕ ਕਰਨ ਦੀ ਸਹੂਲਤ ਪ੍ਰਦਾਨ ਕਰਦਾ ਹੈ। ਆਧਾਰ ਕਾਰਡ ਨੂੰ ਲੌਕ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਇੱਕ ਵਰਚੁਅਲ ਆਈਡੀ ਤਿਆਰ ਕਰਨੀ ਚਾਹੀਦੀ ਹੈ।

ਆਧਾਰ ਨੰਬਰ ਨੂੰ ਲੌਕ ਕਰਨ ਤੋਂ ਬਾਅਦ, ਤੁਹਾਨੂੰ ਕੇਵਾਈਸੀ ਨਾਲ ਜੁੜੇ ਕੰਮਾਂ ਲਈ ਵਰਚੁਅਲ ਆਈਡੀ ਦੀ ਜ਼ਰੂਰਤ ਹੋਏਗੀ। ਤਾਂ ਆਓ ਜਾਣਦੇ ਹਾਂ ਕਿ ਤੁਸੀਂ ਆਪਣੇ ਆਧਾਰ ਨੰਬਰ ਨੂੰ ਕਿਵੇਂ ਲੌਕ ਅਤੇ ਅਨਲੌਕ ਕਰ ਸਕਦੇ ਹੋ।
ਸਭ ਤੋਂ ਪਹਿਲਾਂ, ਤੁਹਾਨੂੰ UIDAI ਦੀ ਵੈਬਸਾਈਟ 'ਤੇ ਜਾਣਾ ਪਏਗਾ। ਆਪਣਾ ਆਧਾਰ ਨੰਬਰ ਲੌਕ ਕਰਨ ਲਈ ਤੁਹਾਨੂੰ ਯੂਆਈਡੀਏਆਈ https://resident.uidai.gov.in 'ਤੇ ਲਾੱਗ ਇਨ ਕਰਨਾ ਪਏਗਾ।
ਇਸ ਤੋਂ ਬਾਅਦ, ਤੁਸੀਂ 'My Aadhaar' ਟੈਬ ਦੇ ਹੇਠਾਂ 'Aadhaar Services' ਦਾ ਵਿਕਲਪ ਵੇਖੋਗੇ। 'Aadhaar Services' 'ਚ Lock/Unlock Biometrics 'ਤੇ ਕਲਿੱਕ ਕਰੋ।
ਹੁਣ ਤੁਹਾਨੂੰ 12 ਅੰਕ ਦਾ ਆਧਾਰ ਨੰਬਰ ਜਾਂ 16 ਅੰਕ ਦਾ ਵਰਚੁਅਲ ਆਈਡੀ ਦਾਖਲ ਕਰਨਾ ਪਏਗਾ। ਕੈਪਚਰ ਕੋਡ ਦੇ ਨਾਲ 'Send OTP' 'ਤੇ ਕਲਿਕ ਕਰੋ।
ਇਸ ਤੋਂ ਬਾਅਦ ਤੁਹਾਨੂੰ ਆਪਣੇ ਰਜਿਸਟਰਡ ਮੋਬਾਈਲ ਨੰਬਰ 'ਤੇ ਇਕ ਓ.ਟੀ.ਪੀ. ਮਿਲੇਗਾ।
ਇਸ ਓਟੀਪੀ ਨੂੰ ਭਰਨ ਤੋਂ ਬਾਅਦ ਤੁਹਾਡੇ ਕੋਲ ਬਾਇਓਮੀਟ੍ਰਿਕ ਡੇਟਾ ਨੂੰ ਲੌਕ ਕਰਨ ਦਾ ਵਿਕਲਪ ਹੋਵੇਗਾ।
ਜਿਵੇਂ ਹੀ ਤੁਸੀਂ ਲੌਕ 'ਤੇ ਕਲਿਕ ਕਰਦੇ ਹੋ ਤੁਹਾਡਾ ਬਾਇਓਮੈਟ੍ਰਿਕਸ ਡਾਟਾ ਲੌਕ ਹੋ ਜਾਵੇਗਾ। ਤੁਸੀਂ ਆਪਣਾ ਆਧਾਰ ਨੰਬਰ ਉਸੇ ਤਰ੍ਹਾਂ ਅਨਲੌਕ ਕਰ ਸਕਦੇ ਹੋ ਜਿਸ ਤਰ੍ਹਾਂ ਤੁਸੀਂ ਆਧਾਰ ਨੰਬਰ ਨੂੰ ਲੌਕਕਰਦੇ ਹੋ।