Quick Commerce 'ਚ Amazon ਦੀ ਦਮਦਾਰ ਐਂਟਰੀ, 15 ਮਿੰਟ 'ਚ ਹੋਵੇਗੀ ਸਮਾਨ ਦੀ ਡਿਲੀਵਰੀ
Amazon India : ਭਾਰਤ ਵਿੱਚ ਕਵਿਕ ਕਾਮਰਸ ਤੇਜ਼ੀ ਨਾਲ ਪੈਰ ਪਸਾਰਦਾ ਜਾ ਰਿਹਾ ਹੈ। ਗਾਹਕ ਆਰਡਰ ਕਰਨ ਤੋਂ ਬਾਅਦ 1-2 ਦਿਨ ਦਾ ਇੰਤਜ਼ਾਰ ਕਰਨਾ ਪਸੰਦ ਨਹੀਂ ਕਰਦੇ ਹਨ, ਸਗੋਂ ਉਹ ਆਰਡਰ ਕੀਤਾ ਸਾਮਾਨ ਤੁਰੰਤ ਲੈਣਾ ਚਾਹੁੰਦੇ ਹਨ।
Amazon India : ਭਾਰਤ ਵਿੱਚ ਕਵਿਕ ਕਾਮਰਸ ਤੇਜ਼ੀ ਨਾਲ ਪੈਰ ਪਸਾਰਦਾ ਜਾ ਰਿਹਾ ਹੈ। ਗਾਹਕ ਆਰਡਰ ਕਰਨ ਤੋਂ ਬਾਅਦ 1-2 ਦਿਨ ਦਾ ਇੰਤਜ਼ਾਰ ਕਰਨਾ ਪਸੰਦ ਨਹੀਂ ਕਰਦੇ ਹਨ, ਸਗੋਂ ਉਹ ਆਰਡਰ ਕੀਤਾ ਸਾਮਾਨ ਤੁਰੰਤ ਲੈਣਾ ਚਾਹੁੰਦੇ ਹਨ। ਇਸ ਮੰਗ ਨੂੰ ਦੇਖਦਿਆਂ ਹੋਇਆਂ ਈ-ਕਾਮਰਸ ਸੈਕਟਰ ਦੀ ਵੱਡੀ ਕੰਪਨੀ Amazon India ਹੁਣ Blinkit, Swiggy Instamart, Zepto, Flipkart Minutes, BigBasket ਨੂੰ ਟੱਕਰ ਦੇਣ ਨੂੰ ਤਿਆਰ ਹੈ। ਇਨ੍ਹਾਂ ਦੀ ਤਰ੍ਹਾਂ ਹੁਣ ਐਮਾਜ਼ਾਨ ਵੀ ਕਵਿਕ ਡਿਲੀਵਰੀ ਸਰਵਿਸ ਵਿੱਚ ਸ਼ਾਮਲ ਹੋਣ ਜਾ ਰਿਹਾ ਹੈ।
ਭਾਰਤ 'ਚ Amazon ਦੇ 'ਕੰਟਰੀ ਮੈਨੇਜਰ' ਸਮੀਰ ਕੁਮਾਰ ਨੇ ਕਿਹਾ ਕਿ ਐਮਾਜ਼ਾਨ ਦੀ ਰੈਪਿਡ ਸਰਵਿਸ ਇਸ ਮਹੀਨੇ ਬੈਂਗਲੁਰੂ ਤੋਂ ਸ਼ੁਰੂ ਹੋਵੇਗੀ। ਕਵਿੱਕ ਕਾਮਰਸ ਸੈਕਟਰ 'ਚ ਐਮਾਜ਼ਾਨ ਆਪਣੀ ਸਰਵਿਸ ਦਾ ਨਾਂ 'ਤੇਜ਼' (Tez) ਰੱਖ ਸਕਦਾ ਹੈ। ਹਾਲਾਂਕਿ ਇਸ 'ਤੇ ਅਜੇ ਕੁਝ ਵੀ ਤੈਅ ਨਹੀਂ ਹੋਇਆ ਹੈ।
15 ਮਿੰਟ ਵਿੱਚ ਹੋਵੇਗੀ ਡਿਲੀਵਰੀ
ਦਿੱਲੀ ਵਿੱਚ ਕੰਪਨੀ ਦੇ ਇੱਕ ਸਮਾਗਮ ਵਿੱਚ ਬੋਲਦਿਆਂ ਕੁਮਾਰ ਨੇ ਕਿਹਾ, "ਇਸ ਕਵਿੱਕ ਸਰਵਿਸ ਦੇ ਜ਼ਰੀਏ, ਉਪਭੋਗਤਾ ਆਰਡਰ ਦੇਣ ਤੋਂ ਸਿਰਫ 15 ਮਿੰਟ ਬਾਅਦ ਜਾਂ ਇਸ ਤੋਂ ਘੱਟ ਸਮੇਂ ਵਿੱਚ ਆਪਣੇ ਰੋਜ਼ਾਨਾ ਜੀਵਨ ਵਿੱਚ ਲੋੜੀਂਦੀਆਂ ਚੀਜ਼ਾਂ ਪ੍ਰਾਪਤ ਕਰਨ ਦੇ ਯੋਗ ਹੋਣਗੇ।"
ਉਨ੍ਹਾਂ ਕਿਹਾ ਕਿ ਸਾਡਾ ਉਦੇਸ਼ ਕਵਿਕ ਕਾਮਰਸ ਸੈਕਟਰ ਵਿੱਚ ਆਪਣੇ ਕਾਰੋਬਾਰ ਨੂੰ ਵਧਾਉਣਾ ਹੈ। ਕੁਮਾਰ ਨੇ ਦੱਸਿਆ ਕਿ ਬੈਂਗਲੁਰੂ ਤੋਂ ਬਾਅਦ ਅਸੀਂ ਦੇਸ਼ ਦੇ ਕਈ ਹੋਰ ਸ਼ਹਿਰਾਂ ਵਿੱਚ ਵੀ ਇਸ ਸੇਵਾ ਨੂੰ ਸ਼ੁਰੂ ਕਰਨ ਦੀ ਯੋਜਨਾ ਬਣਾ ਰਹੇ ਹਾਂ। ਰਿਪੋਰਟ ਮੁਤਾਬਕ ਇਸ 'ਤੇ ਪਿਛਲੇ ਕਈ ਮਹੀਨਿਆਂ ਤੋਂ ਕੰਮ ਚੱਲ ਰਿਹਾ ਸੀ ਅਤੇ ਹੁਣ ਜਾ ਕੇ ਗੱਲ ਬਣੀ ਹੈ।
ਗਾਹਕਾਂ ਦੀਆਂ ਤਰਜੀਹਾਂ ਬਦਲਣੀਆਂ ਸ਼ੁਰੂ ਹੋ ਗਈਆਂ ਹਨ। ਹੁਣ 1-2 ਦਿਨਾਂ 'ਚ ਡਿਲੀਵਰੀ ਦੀ ਬਜਾਏ ਮਿੰਟਾਂ 'ਚ ਸਾਮਾਨ ਦੀ ਡਿਲੀਵਰੀ ਨੂੰ ਤਰਜੀਹ ਦਿੱਤੀ ਜਾ ਰਹੀ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਕਵਿੱਕ ਕਾਮਰਸ ਕੰਪਨੀਆਂ ਦੀ ਚੋਰੀ ਕਰਕੇ ਐਮਾਜ਼ਾਨ ਅਤੇ ਫਲਿੱਪਕਾਰਟ ਦੀ ਮਾਰਕੀਟ ਸ਼ੇਅਰ ਘੱਟ ਰਹੀ ਹੈ। ਇਸ ਨੂੰ ਦੇਖਦਿਆਂ ਹੋਇਆਂ ਉਹ ਖੁਦ ਕਵਿੱਕ ਕਾਮਰਸ ਸੈਕਟਰ 'ਚ ਸ਼ਾਮਲ ਹੋਣ ਜਾ ਰਹੇ ਹਨ। ਕੁਮਾਰ ਦਾ ਕਹਿਣਾ ਹੈ ਕਿ ਭਾਰਤ ਵਿੱਚ ਐਮਾਜ਼ਾਨ ਦੇ ਲੱਖਾਂ ਗਾਹਕ ਹਨ। ਇਨ੍ਹਾਂ ਵਿੱਚ ਪ੍ਰਾਈਮ ਮੈਂਬਰਸ ਵੀ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਸਾਡੇ 'ਤੇ ਭਰੋਸਾ ਹੈ ਅਤੇ ਜਿਨ੍ਹਾਂ ਨੂੰ ਸਾਡੀ ਸਰਵਿਸ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
