(Source: ECI/ABP News)
Bank Holiday: ਅਪ੍ਰੈਲ 'ਚ 15 ਦਿਨ ਬੰਦ ਰਹਿਣਗੇ ਬੈਂਕ! ਵੱਖ-ਵੱਖ ਸੂਬਿਆਂ 'ਚ ਹੋਣਗੀਆਂ ਛੁੱਟੀਆਂ, ਵੇਖੋ ਪੂਰੀ ਲਿਸਟ
Bank Holidays in April 2022: ਸਾਲ ਦਾ ਚੌਥਾ ਮਹੀਨਾ ਅਪ੍ਰੈਲ ਸ਼ੁਰੂ ਹੋਣ ਜਾ ਰਿਹਾ ਹੈ। ਅਪ੍ਰੈਲ ਮਹੀਨੇ ਦੀ ਸ਼ੁਰੂਆਤ ਦੇ ਨਾਲ ਹੀ ਨਵਾਂ ਵਿੱਤੀ ਸਾਲ 2022-2023 ਸ਼ੁਰੂ ਹੋ ਜਾਵੇਗਾ। ਅਪ੍ਰੈਲ ਮਹੀਨੇ 'ਚ ਬੈਂਕਾਂ 'ਚ ਕਈ ਦਿਨਾਂ ਦੀਆਂ ਛੁੱਟੀਆਂ ਹੋਣ ਵਾਲੀਆਂ ਹਨ।
ਨਵੀਂ ਦਿੱਲੀ: ਕੁਝ ਹੀ ਦਿਨਾਂ ਵਿਚ ਸਾਲ ਦਾ ਚੌਥਾ ਮਹੀਨਾ ਅਪ੍ਰੈਲ ਸ਼ੁਰੂ ਹੋਣ ਜਾ ਰਿਹਾ ਹੈ। ਅਪ੍ਰੈਲ ਮਹੀਨੇ ਦੀ ਸ਼ੁਰੂਆਤ ਦੇ ਨਾਲ ਹੀ ਨਵਾਂ ਵਿੱਤੀ ਸਾਲ 2022-2023 ਸ਼ੁਰੂ ਹੋ ਜਾਵੇਗਾ। ਅਪ੍ਰੈਲ ਮਹੀਨੇ 'ਚ ਬੈਂਕਾਂ 'ਚ ਕਈ ਦਿਨਾਂ ਦੀਆਂ ਛੁੱਟੀਆਂ ਹੋਣ ਵਾਲੀਆਂ ਹਨ। ਅਗਲੇ ਮਹੀਨੇ, ਦੂਜੇ ਸ਼ਨੀਵਾਰ ਤੇ ਐਤਵਾਰ ਸਮੇਤ, ਅੰਬੇਡਕਰ ਜਯੰਤੀ, ਵਿਸਾਖੀ, ਬਾਬੂ ਜਗਜੀਵਨ ਰਾਮ ਦੀ ਜਯੰਤੀ, ਗੁੱਡ ਫਰਾਈਡੇ, ਬੀਹੂ ਆਦਿ ਤਿਉਹਾਰਾਂ 'ਤੇ ਬੈਂਕ ਛੁੱਟੀ ਰਹੇਗੀ।
ਹਰ ਰਾਜ ਦੇ ਤਿਉਹਾਰਾਂ ਅਨੁਸਾਰ ਮਿਲਣਗੀਆਂ ਛੁੱਟੀਆਂ
ਅਪ੍ਰੈਲ ਮਹੀਨੇ 'ਚ ਵੱਖ-ਵੱਖ ਸੂਬਿਆਂ 'ਚ ਕੁੱਲ 15 ਦਿਨ ਬੈਂਕ ਬੰਦ ਰਹਿਣਗੇ। ਭਾਰਤੀ ਰਿਜ਼ਰਵ ਬੈਂਕ ਦੀ ਵੈੱਬਸਾਈਟ 'ਤੇ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਦੂਜੇ ਅਤੇ ਚੌਥੇ ਸ਼ਨੀਵਾਰ ਨੂੰ ਬੈਂਕ 'ਚ ਕੁੱਲ 15 ਦਿਨ ਛੁੱਟੀ ਰਹੇਗੀ। ਹਰੇਕ ਰਾਜ ਵਿੱਚ ਛੁੱਟੀਆਂ ਦੀ ਸੂਚੀ ਵੱਖਰੀ ਹੋਵੇਗੀ (ਅਪ੍ਰੈਲ 2022 ਵਿੱਚ ਬੈਂਕ ਛੁੱਟੀਆਂ)।
ਦੱਸ ਦੇਈਏ ਕਿ ਹਰ ਰਾਜ ਵਿੱਚ ਛੁੱਟੀਆਂ ਦੀ ਸੂਚੀ ਵੱਖਰੀ ਹੁੰਦੀ ਹੈ। ਹਰ ਰਾਜ ਵਿੱਚ ਛੁੱਟੀਆਂ ਦੀ ਸੂਚੀ ਉਸ ਰਾਜ ਦੇ ਤਿਉਹਾਰਾਂ ਦੇ ਹਿਸਾਬ ਨਾਲ ਤੈਅ ਕੀਤੀ ਜਾਂਦੀ ਹੈ ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਸਾਰੇ ਰਾਜਾਂ ਵਿੱਚ ਅਪ੍ਰੈਲ ਮਹੀਨੇ ਦੀਆਂ ਵੱਖ-ਵੱਖ ਛੁੱਟੀਆਂ ਦੀ ਸੂਚੀ।
ਅਪ੍ਰੈਲ ਦੀਆਂ ਬੈਂਕ ਛੁੱਟੀਆਂ ਦੀ ਸੂਚੀ-
1 ਅਪ੍ਰੈਲ - ਬੈਂਕ ਦੇ ਸਾਲਾਨਾ ਬੰਦ ਹੋਣ 'ਤੇ ਸਾਰੇ ਬੈਂਕਾਂ 'ਚ ਗਾਹਕਾਂ ਨੂੰ ਸੇਵਾਵਾਂ ਨਹੀਂ ਦਿੱਤੀਆਂ ਜਾਣਗੀਆਂ। (ਦੇਸ਼ ਭਰ ਦੇ ਬੈਂਕ ਗਾਹਕਾਂ ਲਈ ਬੰਦ ਰਹਿਣਗੇ)।
2 ਅਪ੍ਰੈਲ - ਗੁੜੀ ਪਦਵਾ/ਚੈਤਰ ਨਵਰਾਤਰੀ ਦਾ ਪਹਿਲਾ ਦਿਨ / ਸਾਜੀਬੂ ਨੋਂਗਮਪਾਂਬਾ/ਤੇਲਗੂ ਨਵਾਂ ਸਾਲ (ਬੈਂਗਲੁਰੂ, ਚੇਨਈ, ਹੈਦਰਾਬਾਦ, ਮੁੰਬਈ, ਨਾਗਪੁਰ, ਗੋਆ, ਜੰਮੂ, ਸ਼੍ਰੀਨਗਰ, ਇੰਫਾਲ, ਬੇਲਾਪੁਰ)।
3 ਅਪ੍ਰੈਲ - ਪਹਿਲਾ ਐਤਵਾਰ।
4 ਅਪ੍ਰੈਲ - ਸਰਹੁਲ (ਰਾਂਚੀ ਵਿੱਚ ਛੁੱਟੀਆਂ)।
5 ਅਪ੍ਰੈਲ – ਬਾਬੂ ਜਗਜੀਵਨ ਰਾਮ ਜਯੰਤੀ (ਹੈਦਰਾਬਾਦ ਵਿੱਚ ਛੁੱਟੀ)।
9 ਅਪ੍ਰੈਲ - ਦੂਜਾ ਸ਼ਨੀਵਾਰ।
10 ਅਪ੍ਰੈਲ - ਐਤਵਾਰ।
14 ਅਪ੍ਰੈਲ - ਡਾ ਬਾਬਾ ਸਾਹਿਬ ਅੰਬੇਡਕਰ ਜਯੰਤੀ/ਵਿਸਾਖੀ/ਬਿਹੂ/ਚੈਰੋਬਾਮਹਾਵੀਰ ਜਯੰਤੀ (ਸ਼ਿਮਲਾ ਅਤੇ ਸ਼ਿਲਾਂਗ ਨੂੰ ਛੱਡ ਕੇ ਸਾਰੀਆਂ ਥਾਵਾਂ 'ਤੇ ਬੈਂਕ ਛੁੱਟੀ)।
15 ਅਪ੍ਰੈਲ - ਗੁੱਡ ਫਰਾਈਡੇ/ਹਿਮਾਚਲ ਦਿਵਸ/ਬੋਹਾਗ ਬਿਹੂ/ਬੰਗਾਲੀ ਨਵਾਂ ਸਾਲ (ਜੰਮੂ, ਸ਼੍ਰੀਨਗਰ ਤੇ ਜੈਪੁਰ ਨੂੰ ਛੱਡ ਕੇ ਹਰ ਜਗ੍ਹਾ ਬੈਂਕ ਛੁੱਟੀ ਮਨਾਈ ਜਾਵੇਗੀ)।
16 ਅਪ੍ਰੈਲ- ਬੋਹਾਗ ਬਿਹੂ (ਗੁਹਾਟੀ ਵਿੱਚ ਛੁੱਟੀਆਂ)।
17 ਅਪ੍ਰੈਲ - ਐਤਵਾਰ
21 ਅਪ੍ਰੈਲ- ਗੁੜੀਆ ਪੂਜਾ (ਅਗਰਤਲਾ ਵਿੱਚ ਛੁੱਟੀ)।
23 ਅਪ੍ਰੈਲ - ਚੌਥਾ ਸ਼ਨੀਵਾਰ
25 ਅਪ੍ਰੈਲ - ਐਤਵਾਰ
29 ਅਪ੍ਰੈਲ- ਜਮਾਤ-ਉਲ-ਵਿਦਾ/ਸ਼ਬ-ਏ-ਕਦਰ (ਜੰਮੂ ਤੇ ਸ਼੍ਰੀਨਗਰ ਵਿੱਚ ਬੈਂਕ ਬੰਦ ਰਹਿਣਗੇ)।
ਇਹ ਵੀ ਪੜ੍ਹੋ : Gold-Silver Price Today: ਅੱਜ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਆਈ ਤੇਜ਼ੀ, ਖਰੀਦਣ ਤੋਂ ਪਹਿਲਾਂ ਇੱਥੇ ਚੈੱਕ ਕਰੋ ਰੇਟ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ :
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
