ਸਾਵਧਾਨ! ਬੰਦ ਲੱਗਣ ਜਾ ਰਿਹਾ ਤਾਲਾ, ਹੁਣੇ ਨਿਬੇੜ ਲਓ ਲੇਖਾ-ਜੋਖਾ

ਆਉਣ ਵਾਲੇ ਦਿਨਾਂ ਵਿੱਚ ਬੈਂਕ ਤਿੰਨ ਦਿਨਾਂ ਲਈ ਲਗਾਤਾਰ ਬੰਦ ਰਹਿਣ ਜਾ ਰਹੇ ਹਨ। ਇਸ ਲਈ ਜੇ ਕੋਈ ਕੰਮ ਹੈ ਤਾਂ ਪਹਿਲਾਂ ਆਪਣੇ ਕੰਮਾਂ ਨੂੰ ਖ਼ਤਮ ਲਓ ਤਾਂ ਤੁਹਾਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਨਵੀਂ ਦਿੱਲੀ: ਜੇਕਰ ਆਉਣ ਵਾਲੇ ਸਮੇਂ ਵਿੱਚ ਤੁਹਾਡੇ ਕੋਲ ਬੈਂਕ ਲਈ ਕੁਝ ਕੰਮ ਹੈ, ਤਾਂ ਇਸ ਖ਼ਬਰ ਨੂੰ ਜਾਣਨਾ ਤੁਹਾਡੇ ਲਈ ਖਾਸ ਹੈ। ਮਾਰਚ ਦੇ ਮਹੀਨੇ ‘ਚ ਬੈਂਕ ਆਉਣ ਵਾਲੇ ਦਿਨਾਂ ਵਿੱਚ ਲਗਾਤਾਰ ਤਿੰਨ ਦਿਨਾਂ ਲਈ ਬੰਦ ਰਹਿਣਗੇ। ਇਸ ਪਿੱਛੇ ਕਾਰਨ ਹੈ ਬੈਂਕਾਂ ਦੀ ਹੜਤਾਲ। ਬੈਂਕਾਂ ਦੀ ਹੜਤਾਲ 27 ਮਾਰਚ ਨੂੰ ਹੋਣ ਜਾ ਰਹੀ ਹੈ। ਇਸ ਤੋਂ ਬਾਅਦ ਚੌਥਾ ਸ਼ਨੀਵਾਰ 28 ਮਾਰਚ ਨੂੰ ਹੈ ਤੇ 29 ਮਾਰਚ ਨੂੰ ਐਤਵਾਰ ਦੀ ਛੁੱਟੀ ਹੋਣ ਕਾਰਨ ਬੈਂਕ ਬੰਦ ਰਹਿਣਗੇ। ਇਸ ਤਰ੍ਹਾਂ ਲਗਾਤਾਰ ਤਿੰਨ ਦਿਨ ਬੈਂਕਾਂ ਦੇ ਬੰਦ ਰਹਿਣ ਕਾਰਨ ਗਾਹਕ ਆਪਣਾ ਕੰਮ ਨਹੀਂ ਕਰਵਾ ਸਕਣਗੇ। ਕਿਸ ਨੇ ਬੁਲਾਈ ਹੜਤਾਲ:

ਆਲ ਇੰਡੀਆ ਬੈਂਕ ਇੰਪਲਾਈਜ਼ ਐਸੋਸੀਏਸ਼ਨ ਤੇ ਆਲ ਇੰਡੀਆ ਬੈਂਕ ਆਫਸਰਜ਼ ਐਸੋਸੀਏਸ਼ਨ ਸਣੇ ਬੈਂਕਿੰਗ ਸੈਕਟਰ ਦੀਆਂ ਦੋ ਵੱਡੀਆਂ ਯੂਨੀਅਨਾਂ ਨੇ 27 ਮਾਰਚ ਨੂੰ ਹੜਤਾਲ ਦਾ ਐਲਾਨ ਕੀਤਾ ਹੈ।

ਇਸ ਕਾਰਨ ਦੇਸ਼ ਦੇ ਕਈ ਬੈਂਕ ਬੰਦ ਰਹਿਣਗੇ। ਬੈਂਕਾਂ ਦੀ ਹੜਤਾਲ ਦੇ ਪਿੱਛੇ ਦਾ ਕਾਰਨ ਦੱਸਿਆ ਜਾ ਰਿਹਾ ਹੈ ਕਿ ਬੈਂਕਾਂ ਦੇ ਰਲੇਵੇਂ ਦੇ ਵਿਰੋਧ ਵਿੱਚ ਇਹ ਹੜਤਾਲ ਕੀਤੀ ਗਈ ਹੈ। ਕੇਂਦਰ ਦੀ ਨਰਿੰਦਰ ਮੋਦੀ ਸਰਕਾਰ ਨੇ ਦੇਸ਼ ਦੇ 10 ਵੱਡੇ ਸਰਕਾਰੀ-ਮਲਕੀਅਤ ਬੈਂਕਾਂ ਨੂੰ ਜੋੜ ਕੇ ਚਾਰ ਵੱਡੇ ਬੈਂਕ ਬਣਾਉਣ ਦੇ ਆਪਣੇ ਫੈਸਲੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਵਿਰੋਧ ਵਿੱਚ ਇਨ੍ਹਾਂ ਦੋਵਾਂ ਬੈਂਕ ਯੂਨੀਅਨਾਂ ਨੇ ਹੜਤਾਲ ‘ਤੇ ਜਾਣ ਦਾ ਫੈਸਲਾ ਕੀਤਾ ਹੈ। 27 ਮਾਰਚ ਤੋਂ ਪਹਿਲਾਂ ਬੈਂਕਾਂ ਦਾ ਕੰਮ ਖ਼ਤਮ ਕਰ ਲਓ: ਬੈਂਕਾਂ ਦਾ ਕੰਮ ਇਸ ਹੜਤਾਲ ਨਾਲ ਪ੍ਰਭਾਵਤ ਹੋਏਗਾ ਤੇ ਜੇ ਤੁਹਾਨੂੰ ਕੁਝ ਕੰਮ ਕਰਨ ਵਾਲੇ ਹਨ ਤਾਂ ਉਨ੍ਹਾਂ ਨੂੰ 27 ਮਾਰਚ ਤੋਂ ਪਹਿਲਾਂ ਪੂਰਾ ਕਰੋ ਨਹੀਂ ਤਾਂ ਤੁਹਾਨੂੰ ਤਿੰਨ ਦਿਨਾਂ ਦਾ ਇੰਤਜ਼ਾਰ ਕਰਨਾ ਪਏਗਾ।