Leave Encashment Exemption: ਕੇਂਦਰ ਸਰਕਾਰ ਦੇ ਮੁਲਾਜ਼ਮਾਂ ਨੂੰ ਵੱਡੀ ਰਾਹਤ, ਹੁਣ ਐਲਈ 'ਤੇ ਆਮਦਨ ਕਰ ਛੋਟ 25 ਲੱਖ

ਗੈਰ-ਸਰਕਾਰੀ ਕਰਮਚਾਰੀਆਂ ਨੂੰ ਛੁੱਟੀਆਂ ਦੇ ਨਕਦ ਭੁਗਤਾਨ ’ਤੇ ਮਿਲਣ ਵਾਲੀ ਰਾਸ਼ੀ ’ਤੇ ਹੁਣ ਤਕ ਆਮਦਨ ਕਰ ਦੀ ਛੋਟ ਸੀਮਾ 3 ਲੱਖ ਰੁਪਏ ਸੀ। ਇਹ ਸੀਮਾ ਸਾਲ 2002 ਵਿੱਚ ਤੈਅ ਕੀਤੀ ਗਈ ਸੀ ਜਦੋਂ ਸਰਕਾਰੀ ਖੇਤਰ ਵਿੱਚ ਸਿਖਰਲੀ ਮੂਲ ਤਨਖਾਹ 30,000 ਰੁਪਏ.

Leave Encashment Exemption

Leave Encashment Exemption: ਕੇਂਦਰ ਸਰਕਾਰ ਨੇ ਮੁਲਾਜ਼ਮਾਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਮੋਦੀ ਸਰਕਾਰ ਨੇ ਕੇਂਦਰੀ ਬਜਟ ਵਿੱਚ ਕੀਤੇ ਐਲਾਨ ਮੁਤਾਬਕ ਨਿੱਜੀ ਖੇਤਰ ਦੇ ਕਰਮਚਾਰੀਆਂ ਨੂੰ ਸੇਵਾਮੁਕਤੀ ’ਤੇ ਮਿਲਣ ਵਾਲੇ ਛੁੱਟੀਆਂ ਦੇ ਨਕਦ ਭੁਗਤਾਨ (Leave Encashment Exemption) ਦੀ ਰਾਸ਼ੀ ’ਤੇ ਆਮਦਨ ਕਰ ਛੋਟ ਸੀਮਾ ਨੂੰ ਵਧਾ ਕੇ 25 ਲੱਖ ਰੁਪਏ ਕਰ ਦਿੱਤਾ ਗਿਆ ਹੈ। 

ਦੱਸ ਦਈਏ ਕਿ ਗੈਰ-ਸਰਕਾਰੀ ਕਰਮਚਾਰੀਆਂ ਨੂੰ ਛੁੱਟੀਆਂ ਦੇ ਨਕਦ ਭੁਗਤਾਨ ’ਤੇ ਮਿਲਣ ਵਾਲੀ ਰਾਸ਼ੀ ’ਤੇ ਹੁਣ ਤਕ ਆਮਦਨ ਕਰ ਦੀ ਛੋਟ ਸੀਮਾ 3 ਲੱਖ ਰੁਪਏ ਸੀ। ਇਹ ਸੀਮਾ ਸਾਲ 2002 ਵਿੱਚ ਤੈਅ ਕੀਤੀ ਗਈ ਸੀ ਜਦੋਂ ਸਰਕਾਰੀ ਖੇਤਰ ਵਿੱਚ ਸਿਖਰਲੀ ਮੂਲ ਤਨਖਾਹ 30,000 ਰੁਪਏ ਮਾਸਿਕ ਸੀ। 

ਸਿੱਧੇ ਕਰਾਂ ਬਾਰੇ ਕੇਂਦਰੀ ਬਿਊਰੋ (ਸੀਬੀਡੀਟੀ) ਨੇ ਇਕ ਬਿਆਨ ਵਿੱਚ ਕਿਹਾ ਕਿ ਆਮਦਨ ਕਰ ਦੀ ਧਾਰਾ 10(10ਏਏ)(2) ਤਹਿਤ ਟੈਕਸ ਰਾਹਤ ਦੀ ਕੁੱਲ ਸੀਮਾ 25 ਲੱਖ ਰੁਪਏ ਤੋਂ ਵੱਧ ਨਹੀਂ ਹੋਵੇਗੀ। ਸੀਬੀਡੀਟੀ ਅਨੁਸਾਰ ਗੈਰ-ਸਰਕਾਰੀ ਕਰਮਚਾਰੀਆਂ ਨੂੰ ਛੁੱਟੀਆਂ ਦੇ ਨਕਦ ਭੁਗਤਾਨ ’ਤੇ ਮਿਲਣ ਵਾਲੀ ਵਧ ਤੋਂ ਵਧ 25 ਲੱਖ ਰੁਪਏ ਦੀ ਰਾਸ਼ੀ ’ਤੇ ਟੈਕਸ  ਰਾਹਤ ਦੀ ਸਹੂਲਤ ਪਹਿਲੀ ਅਪਰੈਲ 2023 ਤੋਂ ਲਾਗੂ ਹੋਵੇਗੀ। 

ਦਰਅਸਲ ਸਰਕਾਰ ਨੇ ਵਿੱਤੀ ਸਾਲ 2023-24 ਦੇ ਬਜਟ ਵਿੱਚ ਕਰ ਰਾਹਤ ਬਾਰੇ ਐਲਾਨ ਕੀਤਾ ਸੀ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਾਮਨ ਨੇ ਆਪਣੇ ਬਜਟ ਭਾਸ਼ਣ ਵਿੱਚ ਕਿਹਾ ਸੀ ਕਿ ਗੈਰ-ਸਰਕਾਰੀ ਖੇਤਰ ਦੇ ਕਰਮਚਾਰੀਆਂ ਨੂੰ ਛੁੱਟੀਆਂ ਦੇ ਨਕਦ ਭੁਗਤਾਨ ਵਜੋਂ ਮਿਲਣ ਵਾਲੀ ਰਾਸ਼ੀ ’ਤੇ ਕਰ ਰਾਹਤ ਦੀ ਸੀਮਾ ਤਿੰਨ ਲੱਖ ਤੋਂ ਵਧਾ ਕੇ 25 ਲਖ ਰੁਪਏ ਕੀਤੀ ਜਾਵੇਗੀ।

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।

ਇੱਥੇ ਪੜ੍ਹੋ ਪੰਜਾਬ ਅਤੇ ਦੇਸ਼ ਦੁਨਿਆ ਨਾਲ ਜੁੜੀਆਂ ਹੋਰ ਖ਼ਬਰਾਂ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :

Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ