DA Hike : ਜਨਵਰੀ 'ਚ ਮੁਲਾਜ਼ਮਾਂ ਦੀਆਂ ਲੱਗਣਗੀਆਂ ਮੌਜਾਂ? DA ਵਧਣ ਨੂੰ ਲੈ ਕੇ ਆਇਆ ਵੱਡਾ ਅਪਡੇਟ!
DA Hike : ਕੇਂਦਰੀ ਸਰਕਾਰੀ ਮੁਲਾਜ਼ਮਾਂ (Central Government Employees) ਲਈ ਨਵੇਂ ਸਾਲ ਦੀ ਸ਼ੁਰੂਆਤ ਖੁਸ਼ਖਬਰੀ ਨਾਲ ਹੋ ਸਕਦੀ ਹੈ। ਜਨਵਰੀ 2027 ਵਿੱਚ ਇੱਕ ਵਾਰ ਫਿਰ ਮਹਿੰਗਾਈ ਭੱਤੇ (Dearness Allowance-DA) ਵਿੱਚ ਵਾਧਾ
DA Hike : ਕੇਂਦਰੀ ਸਰਕਾਰੀ ਮੁਲਾਜ਼ਮਾਂ (Central Government Employees) ਲਈ ਨਵੇਂ ਸਾਲ ਦੀ ਸ਼ੁਰੂਆਤ ਖੁਸ਼ਖਬਰੀ ਨਾਲ ਹੋ ਸਕਦੀ ਹੈ। ਜਨਵਰੀ 2027 ਵਿੱਚ ਇੱਕ ਵਾਰ ਫਿਰ ਮਹਿੰਗਾਈ ਭੱਤੇ (Dearness Allowance-DA) ਵਿੱਚ ਵਾਧਾ ਹੋਣ ਦੀ ਉਮੀਦ ਹੈ। ਅਨੁਮਾਨਾਂ ਮੁਤਾਬਕ ਮੁਲਾਜ਼ਮਾਂ ਦਾ DA ਵਧ ਕੇ 68 ਫੀਸਦੀ ਤੱਕ ਪਹੁੰਚ ਸਕਦਾ ਹੈ। ਹਾਲਾਂਕਿ, ਅੰਤਿਮ ਫੈਸਲਾ ਆਉਣ ਵਾਲੇ ਮਹੀਨਿਆਂ ਦੇ ਮਹਿੰਗਾਈ ਦੇ ਅੰਕੜਿਆਂ 'ਤੇ ਨਿਰਭਰ ਕਰੇਗਾ।
ਮਹਿੰਗਾਈ ਦੇ ਅੰਕੜਿਆਂ ਨੇ ਵਧਾਈ DA ਵਧਣ ਦੀ ਉਮੀਦ
ਲੇਬਰ ਬਿਊਰੋ (Labour Bureau) ਵੱਲੋਂ ਸਤੰਬਰ 2026 ਦੇ ਪ੍ਰਚੂਨ ਮਹਿੰਗਾਈ ਦੇ ਅੰਕੜੇ ਜਾਰੀ ਕੀਤੇ ਗਏ ਹਨ। ਇਸ ਦੇ ਮੁਤਾਬਕ ਉਦਯੋਗਿਕ ਕਾਮਿਆਂ ਦਾ ਖਪਤਕਾਰ ਮੁੱਲ ਸੂਚਕ ਅੰਕ (AICPI-IW) ਅਗਸਤ ਦੇ ਮੁਕਾਬਲੇ 1.1 ਅੰਕ ਵਧ ਕੇ 155.5 'ਤੇ ਪਹੁੰਚ ਗਿਆ ਹੈ। ਇਸ ਵਾਧੇ ਨਾਲ ਮਹਿੰਗਾਈ ਭੱਤੇ ਦਾ ਅਨੁਮਾਨਿਤ ਪੱਧਰ 65.81 ਫੀਸਦੀ ਤੱਕ ਪਹੁੰਚ ਗਿਆ ਹੈ। ਹੁਣ ਜਨਵਰੀ 2027 ਲਈ DA ਵਿੱਚ ਕਿੰਨਾ ਵਾਧਾ ਹੋਵੇਗਾ, ਇਹ ਅਕਤੂਬਰ, ਨਵੰਬਰ ਅਤੇ ਦਸੰਬਰ ਦੀ ਮਹਿੰਗਾਈ 'ਤੇ ਨਿਰਭਰ ਕਰੇਗਾ।
ਕਿਵੇਂ 68% ਤੱਕ ਪਹੁੰਚ ਸਕਦਾ ਹੈ DA?
7ਵੇਂ ਤਨਖਾਹ ਕਮਿਸ਼ਨ (7th Pay Commission) ਦੇ ਫਾਰਮੂਲੇ ਮੁਤਾਬਕ ਜਨਵਰੀ 2027 ਵਿੱਚ DA 68 ਫੀਸਦੀ ਤੱਕ ਪਹੁੰਚਣ ਦੀ ਸੰਭਾਵਨਾ ਹੈ। ਜੇਕਰ ਅਗਲੇ ਤਿੰਨ ਮਹੀਨਿਆਂ ਦੌਰਾਨ ਮਹਿੰਗਾਈ ਇਸੇ ਰਫ਼ਤਾਰ ਨਾਲ ਵਧਦੀ ਰਹੀ ਅਤੇ AICPI-IW ਅਕਤੂਬਰ ਵਿੱਚ 156.8, ਨਵੰਬਰ ਵਿੱਚ 158.1 ਅਤੇ ਦਸੰਬਰ ਵਿੱਚ 159.1 ਤੱਕ ਪਹੁੰਚ ਗਿਆ ਤਾਂ 12 ਮਹੀਨਿਆਂ ਦੀ ਔਸਤ 151.3 ਹੋ ਸਕਦੀ ਹੈ। ਇਸ ਹਿਸਾਬ ਨਾਲ DA 68.56 ਫੀਸਦੀ ਬਣੇਗਾ, ਜਿਸ ਨੂੰ ਰਾਊਂਡ ਫਿਗਰ ਵਿੱਚ 68 ਫੀਸਦੀ ਮੰਨਿਆ ਜਾ ਸਕਦਾ ਹੈ।
ਮਹਿੰਗਾਈ ਸਥਿਰ ਰਹੀ ਤਾਂ ਕੀ ਹੋਵੇਗਾ?
ਜੇਕਰ ਅਕਤੂਬਰ ਤੋਂ ਦਸੰਬਰ ਤੱਕ ਮਹਿੰਗਾਈ ਦੇ ਅੰਕੜੇ ਸਤੰਬਰ ਦੇ ਪੱਧਰ 155.5 'ਤੇ ਹੀ ਸਥਿਰ ਰਹਿੰਦੇ ਹਨ ਤਾਂ DA ਦਾ ਅਨੁਮਾਨ 67.78 ਫੀਸਦੀ ਰਹਿ ਸਕਦਾ ਹੈ। ਇਸ ਸਥਿਤੀ ਵਿੱਚ ਮੁਲਾਜ਼ਮਾਂ ਨੂੰ 67 ਫੀਸਦੀ DA ਮਿਲਣ ਦੀ ਸੰਭਾਵਨਾ ਹੋਵੇਗੀ। ਉੱਥੇ ਹੀ ਜੇਕਰ ਮਹਿੰਗਾਈ ਵਿੱਚ ਗਿਰਾਵਟ ਆਉਂਦੀ ਹੈ ਅਤੇ ਸੂਚਕ ਅੰਕ ਹੇਠਾਂ ਜਾਂਦਾ ਹੈ, ਤਾਂ ਵੀ ਅਨੁਮਾਨ ਮੁਤਾਬਕ DA 67 ਫੀਸਦੀ ਦੇ ਆਸ-ਪਾਸ ਰਹਿ ਸਕਦਾ ਹੈ।
ਮੁਲਾਜ਼ਮਾਂ ਨੂੰ ਕਿੰਨਾ ਮਿਲੇਗਾ ਫਾਇਦਾ?
ਜੇਕਰ DA 68 ਫੀਸਦੀ ਹੋ ਜਾਂਦਾ ਹੈ ਤਾਂ ਮੁਲਾਜ਼ਮਾਂ ਨੂੰ ਮਹਿੰਗਾਈ ਭੱਤੇ ਵਿੱਚ ਵਾਧੇ ਦਾ ਲਾਭ ਮਿਲੇਗਾ। ਇਸ ਨਾਲ ਤਨਖਾਹ ਵਿੱਚ ਵਾਧਾ ਹੋਵੇਗਾ ਅਤੇ ਪੈਨਸ਼ਨਰਾਂ ਨੂੰ ਵੀ ਮਹਿੰਗਾਈ ਰਾਹਤ (DR) ਦਾ ਫਾਇਦਾ ਮਿਲੇਗਾ। DA ਵਿੱਚ ਜਨਵਰੀ ਵਾਲੇ ਵਾਧੇ ਨੂੰ ਕੇਂਦਰੀ ਕੈਬਨਿਟ ਆਮ ਤੌਰ 'ਤੇ ਮਾਰਚ ਜਾਂ ਅਪ੍ਰੈਲ ਵਿੱਚ ਮਨਜ਼ੂਰੀ ਦਿੰਦੀ ਹੈ। ਇਸ ਲਈ ਜੇਕਰ ਮਨਜ਼ੂਰੀ ਦੇਰੀ ਨਾਲ ਮਿਲਦੀ ਹੈ ਤਾਂ ਮੁਲਾਜ਼ਮਾਂ ਨੂੰ ਜਨਵਰੀ ਤੋਂ ਲਾਗੂ ਹੋਣ ਵਾਲੇ ਵਾਧੇ ਦਾ 3 ਤੋਂ 4 ਮਹੀਨਿਆਂ ਦਾ ਬਕਾਇਆ (Arrears) ਵੀ ਇੱਕੋ ਵਾਰ ਮਿਲ ਸਕਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
