Credit Score Update: ਫਟਾਫਟ ਵਧਾ ਲਓ ਆਪਣਾ ਕ੍ਰੈਡਿਟ ਸਕੋਰ, ਮਿਲਣਗੇ ਬਹੁਤ ਫਾਇਦੇ, ਬਸ ਕਰਨਾ ਹੋਵੇਗਾ ਆਹ ਕੰਮ
Credit Score: ਕ੍ਰੈਡਿਟ ਹਿਸਟਰੀ ਬਿਹਤਰ ਬਣਾਉਣ ਲਈ ਇੱਕ ਚੰਗੇ ਕ੍ਰੈਡਿਟ ਸਕੋਰ ਦੀ ਲੋੜ ਹੁੰਦੀ ਹੈ, ਜੇਕਰ ਇਹ 750 ਜਾਂ ਇਸ ਤੋਂ ਵੱਧ ਹੋਵੇ ਤਾਂ ਇਸ ਨੂੰ ਚੰਗਾ ਮੰਨਿਆ ਜਾਂਦਾ ਹੈ।
Credit Score Benefits: ਕ੍ਰੈਡਿਟ ਕਾਰਡ ਦੀ ਲਿਮਿਟ ਵਧਾਉਣ ਤੋਂ ਇਲਾਵਾ ਹੋਰ ਬਹੁਤ ਸਾਰੀਆਂ ਸਹੂਲਤਾਂ ਦਾ ਲਾਭ ਲੈਣ ਲਈ ਇੱਕ ਬਿਹਤਰ ਕ੍ਰੈਡਿਟ ਸਕੋਰ ਦੀ ਲੋੜ ਹੁੰਦੀ ਹੈ। ਇਸਨੂੰ CIBIL ਸਕੋਰ ਵਜੋਂ ਵੀ ਜਾਣਿਆ ਜਾਂਦਾ ਹੈ, ਜੋ ਕਿ ਤਿੰਨ ਅੰਕਾਂ ਦਾ ਨੰਬਰ ਹੈ। ਇਹ 300 ਤੋਂ 900 ਦੇ ਵਿੱਚ ਹੁੰਦਾ ਹੈ। ਇਸ ਤੋਂ ਪਤਾ ਚੱਲਦਾ ਹੈ ਕਿ ਹੁਣ ਤੱਕ ਗਾਹਕ ਨੇ ਪਰਸਨਲ ਲੋਨ, ਹੋਮ ਲੋਨ, ਆਟੋ ਲੋਨ, ਓਵਰਡਰਾਫਟ ਦਾ ਪ੍ਰਬੰਧਨ ਕਿਵੇਂ ਕੀਤਾ ਹੈ, ਲੋਨ ਦਾ ਭੁਗਤਾਨ ਸਮੇਂ 'ਤੇ ਕੀਤਾ ਗਿਆ ਹੈ ਜਾਂ ਨਹੀਂ। ਕੀ ਤੁਸੀਂ ਸਮੇਂ 'ਤੇ ਬਣਦੀ ਰਕਮ ਦਾ ਭੁਗਤਾਨ ਕਰਨ ਤੋਂ ਤਾਂ ਨਹੀਂ ਖੁੰਝ ਗਏ ਹੋ, ਆਹ ਸਾਰੀਆਂ ਚੀਜ਼ਾਂ ਲਈ ਜ਼ਰੂਰੀ ਕ੍ਰੈਡਿਟ ਕਾਰਡ ਸਕੋਰ ਦੀ ਲੋੜ ਪੈਂਦੀ ਹੈ।
ਬਿਹਕਰ ਕ੍ਰੈਡਿਟ ਸਕੋਰ ਦੇ ਫਾਇਦੇ
ਆਮ ਤੌਰ 'ਤੇ 750 ਜਾਂ ਇਸ ਤੋਂ ਵੱਧ ਦਾ ਸਕੋਰ ਬਿਹਤਰ ਮੰਨਿਆ ਜਾਂਦਾ ਹੈ। ਬੈਂਕ ਘੱਟ ਸਕੋਰ ਵਾਲੇ ਗਾਹਕ ਨੂੰ ਖਤਰੇ ਦੇ ਰੂਪ ਵਿੱਚ ਦੇਖਦਾ ਹੈ। ਬੈਂਕ ਨੂੰ ਲੱਗਦਾ ਹੈ ਕਿ ਇਹ ਕਿਸੇ ਵੀ ਸਮੇਂ ਡਿਫਾਲਟ ਹੋ ਸਕਦਾ ਹੈ। ਅਜਿਹੇ 'ਚ ਕਈ ਵਾਰ ਬੈਂਕ ਕ੍ਰੈਡਿਟ ਕਾਰਡ ਦੀ ਲਿਮਿਟ ਵੀ ਘਟਾ ਦਿੱਤੀ ਜਾਂਦੀ ਹੈ। ਇੱਕ ਚੰਗੇ ਕ੍ਰੈਡਿਟ ਸਕੋਰ ਦੇ ਬਹੁਤ ਸਾਰੇ ਫਾਇਦੇ ਹਨ।
ਹਾਈ ਕ੍ਰੈਡਿਟ ਸਕੋਰ ਵਾਲੇ ਲੋਕਾਂ ਨੂੰ ਕਈ ਵਾਰ ਘੱਟ ਵਿਆਜ ਦਰਾਂ, ਵਧੇਰੇ ਵਿਕਲਪ, ਆਪਣੀ ਪਸੰਦ ਦੀ ਲੋਨ ਭਰਨ ਦੀ ਤਰੀਕ ਚੁਣਨ ਆਦਿ ਵਰਗੀਆਂ ਸਹੂਲਤਾਂ ਮਿਲਦੀਆਂ ਹਨ। ਕਈ ਵਾਰ ਬੀਮਾ ਕੰਪਨੀਆਂ ਕ੍ਰੈਡਿਟ ਸਕੋਰ ਦੇ ਆਧਾਰ 'ਤੇ ਪ੍ਰੀਮੀਅਮ ਵੀ ਨਿਰਧਾਰਤ ਕਰਦੀਆਂ ਹਨ।
ਇੱਕ ਹਾਈ ਕ੍ਰੈਡਿਟ ਸਕੋਰ ਘੱਟ ਦਰ 'ਤੇ ਆਟੋ, ਸਿਹਤ ਜਾਂ ਹੋਰ ਬੀਮਾ ਪਾਲਿਸੀਆਂ ਲਈ ਪ੍ਰੀਮੀਅਮ ਸੈੱਟ ਕਰਨ ਵਿੱਚ ਵੀ ਮਦਦ ਕਰਦਾ ਹੈ। ਇਹ ਇਸ ਲਈ ਹੈ ਕਿਉਂਕਿ ਬੀਮਾ ਕੰਪਨੀਆਂ ਹਾਈ ਸਕੋਰ ਵਾਲੇ ਲੋਕਾਂ ਨੂੰ ਘੱਟ ਖਤਰੇ ਵਾਲੇ ਮੰਨਦਿਆਂ ਹੋਇਆਂ ਪ੍ਰੀਮੀਅਮ 'ਤੇ ਛੋਟ ਦੀ ਪੇਸ਼ਕਸ਼ ਕਰਦੀਆਂ ਹਨ। ਕਈ ਵਾਰ ਅਜਿਹੇ ਗਾਹਕਾਂ ਨੂੰ ਪਾਲਿਸੀ 'ਤੇ 15 ਫੀਸਦੀ ਤੱਕ ਦੀ ਛੋਟ ਮਿਲਦੀ ਹੈ।
ਜੇਕਰ ਤੁਹਾਡਾ ਕ੍ਰੈਡਿਟ ਸਕੋਰ ਚੰਗਾ ਹੈ, ਤਾਂ ਆਸਾਨੀ ਨਾਲ ਲੋਨ ਮਿਲ ਜਾਂਦਾ ਹੈ। ਉਨ੍ਹਾਂ ਨੂੰ ਵਿਆਜ 'ਤੇ ਵੀ ਛੋਟ ਮਿਲਦੀ ਹੈ, ਜਿਸ ਕਾਰਨ ਕਾਫੀ ਪੈਸਾ ਵੀ ਬਚ ਜਾਂਦਾ ਹੈ। ਉਦਾਹਰਨ ਲਈ, ਭਾਰਤੀ ਸਟੇਟ ਬੈਂਕ (SBI) ਪ੍ਰਭਾਵਸ਼ਾਲੀ ਵਿਆਜ ਦਰਾਂ 'ਤੇ ਰਿਆਇਤਾਂ ਦੇ ਨਾਲ ਹੋਮ ਲੋਨ ਸੁਵਿਧਾਵਾਂ ਦੀ ਪੇਸ਼ਕਸ਼ ਕਰਦਾ ਹੈ ਜੋ ਗਾਹਕ ਦੇ CIBIL ਸਕੋਰ ਦੇ ਆਧਾਰ 'ਤੇ ਵੱਖ-ਵੱਖ ਹੁੰਦੀਆਂ ਹਨ। ਅਜਿਹੀ ਸਥਿਤੀ ਵਿੱਚ, ਹਮੇਸ਼ਾ ਆਪਣੇ ਕ੍ਰੈਡਿਟ ਸਕੋਰ ਨੂੰ ਵਧਾਉਣ ਦੀ ਕੋਸ਼ਿਸ਼ ਕਰੋ।
ਇਸ ਦੇ ਲਈ, ਸਮੇਂ 'ਤੇ ਲੋਨ ਦਾ ਭੁਗਤਾਨ ਕਰੋ, ਆਪਣੇ ਕਾਰਡ ਦੀ ਲਿਮਿਟ ਦੀ ਬਹੁਤ ਜ਼ਿਆਦਾ ਵਰਤੋਂ ਨਾ ਕਰੋ, ਯਾਨੀ ਯੂਟੀਲਾਈਜੇਸ਼ਨ ਰੇਸ਼ਿਊ ਦਾ ਧਿਆਨ ਰੱਖੋ। ਕਾਰਡ ਦੀ ਲਿਮਿਟ ਦਾ ਸਿਰਫ 30 ਪ੍ਰਤੀਸ਼ਤ ਵਰਤੋ। ਜੇਕਰ ਤੁਸੀਂ 70 ਜਾਂ ਵੱਧ ਪ੍ਰਤੀਸ਼ਤ ਦੀ ਵਰਤੋਂ ਕਰਦੋ ਤਾਂ ਤੁਸੀਂ ਰਿਸਕੀ ਜੋਨ ਵਿੱਚ ਆ ਜਾਂਦੇ ਹੋ। ਇਨ੍ਹਾਂ ਛੋਟੀਆਂ-ਛੋਟੀਆਂ ਗੱਲਾਂ ਨੂੰ ਧਿਆਨ 'ਚ ਰੱਖ ਕੇ ਤੁਸੀਂ ਆਪਣਾ ਕ੍ਰੈਡਿਟ ਸਕੋਰ ਵਧਾ ਸਕਦੇ ਹੋ।
Before You Go
10 ਲੱਖ ਯੋਜਨਾ ‘ਤੇ ਨਵਾਂ ਅਪਡੇਟ! CM ਮਾਨ ਦੀ ਵੱਡੀ ਗੱਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
