ਪੀਐਫ ਅਕਾਊਂਟ ਬਾਰੇ ਅਹਿਮ ਖਬਰ, ਹੁਣ e-nomination ਜ਼ਰੂਰੀ, ਘਰ ਬੈਠੇ ਹੀ ਕਰ ਸਕਦੇ ਹੋ ਰਜਿਸਟਰ, ਜਾਣੋ ਪੂਰਾ ਪ੍ਰੋਸੈਸ
PF Account ਦੇ e-nomination ਲਈ ਹੁਣ ਅਕਾਉਂਟ ਹੋਲਡਰ ਆਨਲਾਈਨ ਅਰਜ਼ੀ ਦੇ ਸਕਦੇ ਹਨ। ਜੇਕਰ ਹੁਣ ਤੱਕ ਤੁਸੀਂ ਆਪਣੇ ਨੌਮਿਨੀ ਵਿਅਕਤੀ ਦਾ ਨਾਂਅ ਨਹੀਂ ਭਰਿਆ ਹੈ, ਤਾਂ EPFO ਇਸ ਲਈ ਆਨਲਾਈਨ ਸਹੂਲਤ ਦੇ ਰਹੀ ਹੈ।
ਨਵੀਂ ਦਿੱਲੀ: ਜੇਕਰ ਤੁਸੀਂ ਨੌਕਰੀ ਕਰਦੇ ਹੋ ਅਤੇ ਤੁਹਾਡੀ ਤਨਖਾਹ ਤੋਂ ਪੈਸੇ PF ਖਾਤੇ ਭਾਵ ਸਰਕਾਰੀ ਬਚਤ ਯੋਜਨਾ ਪ੍ਰੋਵੀਡੈਂਟ ਫੰਡ (Public Provident Fund) 'ਚ ਜਮ੍ਹਾ ਹੋ ਰਹੇ ਹਨ, ਤਾਂ ਸੰਭਵ ਹੈ ਕਿ ਤੁਹਾਨੂੰ ਪਤਾ ਹੋਵੇ ਕਿ ਤੁਹਾਨੂੰ ਆਪਣੇ PF ਅਕਾਉਂਟ (PF Account) 'ਚ ਈ-ਨੋਮੀਨੇਸ਼ਨ ਕਰਵਾਉਣੀ ਹੋਵੇਗੀ।ਤੁਹਾਨੂੰ ਆਪਣੇ PF ਖਾਤੇ ਵਿੱਚ ਜਮ੍ਹਾ ਕੀਤੇ ਜਾ ਰਹੇ ਫੰਡ ਚੋਂ ਇੱਕ ਨਾਮਜ਼ਦ ਵਿਅਕਤੀ ਦੀ ਚੋਣ ਕਰਨੀ ਪਵੇਗੀ, ਜਿਸ ਤਹਿਤ ਤੁਹਾਡੀ ਗੈਰ-ਹਾਜ਼ਰੀ ਦੀ ਸਥਿਤੀ ਵਿੱਚ ਤੁਹਾਨੂੰ ਇਹ ਪੈਸਾ ਮਿਲੇਗਾ, ਜੇਕਰ ਤੁਸੀਂ ਅਜੇ ਤੱਕ ਆਪਣਾ ਨਾਮਜ਼ਦ ਵਿਅਕਤੀ ਨਹੀਂ ਚੁਣਿਆ ਹੈ, ਤਾੰ ਇਸ ਨੂੰ ਜਲਦੀ ਕਰ ਲਿਓ।
ਦੱਸ ਦਈਏ ਕਿ ਹੁਣ ਤੁਸੀਂ ਘਰ ਬੈਠੇ ਆਨਲਾਈਨ ਈ-ਨੋਮੀਨੇਸ਼ਨ ਦੀ ਪ੍ਰਕਿਰਿਆ ਨੂੰ ਪੂਰਾ ਕਰ ਸਕਦੇ ਹੋ ਅਤੇ ਆਪਣੇ ਪਰਿਵਾਰ ਦੀ ਸੁਰੱਖਿਆ ਦਾ ਫੈਸਲਾ ਕਰ ਸਕਦੇ ਹੋ। ਦਰਅਸਲ, ਪੀਐਫ ਖਾਤੇ ਵਿੱਚ ਨਾਮਜ਼ਦ ਵਿਅਕਤੀ ਦਾ ਨਾਂਅ ਭਰਨ ਦਾ ਵਿਕਲਪ ਦਿੱਤਾ ਗਿਆ ਹੈ, ਪਰ ਜੇਕਰ ਹੁਣ ਤੱਕ ਕਿਸੇ ਨੇ ਆਪਣੇ ਨਾਮਜ਼ਦ ਵਿਅਕਤੀ ਦਾ ਨਾਂਅ ਨਹੀਂ ਭਰਿਆ ਹੈ, ਤਾਂ EPFO ਨੇ ਇਸਦੇ ਲਈ ਆਨਲਾਈਨ ਸਹੂਲਤ ਸ਼ੁਰੂ ਕਰ ਦਿੱਤੀ ਹੈ।
Members should file e-Nomination today to provide #SocialSecurity to their families. Follow these easy steps to file EPF/EPS nomination #digitally. #SocialSecurity #EPF #PF #EDLI #Pension #ईपीएफओ #ईपीएफ pic.twitter.com/4GcFlmLmGE
— EPFO (@socialepfo) October 25, 2021
ਈਪੀਐਫਓ ਨੇ ਟਵਿੱਟਰ ਰਾਹੀਂ ਜਾਣਕਾਰੀ ਦਿੱਤੀ ਹੈ ਕਿ ਖਾਤਾ ਧਾਰਕ ਹੁਣ ਈ-ਨੋਮੀਨੇਸ਼ਨ ਲਈ ਆਨਲਾਈਨ ਅਪਲਾਈ ਕਰ ਸਕਦੇ ਹਨ। EPFO ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਲਿਖਿਆ, 'ਮੈਂਬਰ ਆਪਣੇ ਪਰਿਵਾਰ ਦੀ ਸਮਾਜਿਕ ਸੁਰੱਖਿਆ ਲਈ ਇਨ੍ਹਾਂ ਆਸਾਨ ਸਟੈੱਪਸ ਨਾਲ e-nomination ਭਰਦੇ ਹਨ।'
ਇਨ੍ਹਾਂ ਦਸਤਾਵੇਜ਼ਾਂ ਦੀ ਲੋੜ ਹੋਵੇਗੀ, ਮੈਂਬਰ ਲਈ ਲੋੜੀਂਦੇ ਦਸਤਾਵੇਜ਼
1. ਐਕਟੀਵੇਟਿਡ ਆਧਾਰ ਲਿੰਕਡ UAN
2. ਮੋਬਾਈਲ ਨੰਬਰ ਜੋ ਆਧਾਰ ਕਾਰਡ ਨਾਲ ਲਿੰਕ ਹੈ
3. ਫੋਟੋ ਅਤੇ ਪਤੇ ਦੇ ਨਾਲ ਮੈਂਬਰ ਦਾ ਅਪਡੇਟ ਕੀਤਾ ਪ੍ਰੋਫਾਈਲ।
ਪਰਿਵਾਰਕ ਮੈਂਬਰਾਂ/ਨਾਮਜ਼ਦ ਦੇ ਲੋੜੀਂਦੇ ਦਸਤਾਵੇਜ਼
1. ਸਕੈਨ ਕੀਤੀ ਫੋਟੋ (ਜੇਪੀਜੀ ਫਾਰਮੈਟ ਵਿੱਚ- ਆਕਾਰ 3.5 ਸੈਂਟੀਮੀਟਰ X 4.5 ਸੈਂਟੀਮੀਟਰ)।
2. ਆਧਾਰ ਕਾਰਡ।
3. ਬੈਂਕ ਖਾਤਾ ਨੰਬਰ, IFSC ਕੋਡ ਅਤੇ ਘਰ ਦਾ ਪਤਾ।
4. ਅਜਿਹੇ ਕਦਮ-ਦਰ-ਕਦਮ EPFO ਖਾਤੇ ਲਈ ਈ-ਨੋਮੀਨੇਸ਼ਨ ਦਾਖਲ ਕਰੋ
5. EPFO ਵੈੱਬਸਾਈਟ (www.epfindia.gov.in) 'ਤੇ ਜਾਓ>> Services >> For Employees >> 'Member UAN/Online service' 'ਤੇ ਕਲਿੱਕ ਕਰੋ।
ਹੁਣ ਲਾਗਇਨ ਕਰਨ ਲਈ ਆਪਣੀ UAN ID ਅਤੇ ਪਾਸਵਰਡ ਦਰਜ ਕਰੋ।
- ਹੁਣ ਮੈਨੇਜ ਪੇਜ 'ਤੇ ਜਾਓ ਅਤੇ ਈ-ਨੋਮੀਨੇਸ਼ਨ 'ਤੇ ਕਲਿੱਕ ਕਰੋ।
- ਹੁਣ ਸਕਰੀਨ 'ਤੇ 'Provide details' ਟੈਬ ਦਿਖਾਈ ਦੇਵੇਗੀ, ਸਾਰੇ ਲੋੜੀਂਦੇ ਵੇਰਵੇ ਦਰਜ ਕਰੋ ਅਤੇ 'ਸੇਵ' 'ਤੇ ਕਲਿੱਕ ਕਰੋ।
- ਅਗਲੇ ਪੜਾਅ ਵਿੱਚ ਪਰਿਵਾਰ ਡਿਕਲਾਰੇਸ਼ਨ ਨੂੰ ਅਪਡੇਟ ਕਰਨ ਲਈ 'Yes' 'ਤੇ ਕਲਿੱਕ ਕਰੋ।
- ਹੁਣ Add Family Details 'ਤੇ ਕਲਿੱਕ ਕਰੋ। (ਤੁਸੀਂ ਇੱਥੇ ਇੱਕ ਤੋਂ ਵੱਧ ਨੌਮਿਨੀ ਸ਼ਾਮਲ ਕਰ ਸਕਦੇ ਹੋ)
- ਇਸ ਤੋਂ ਬਾਅਦ ਫੰਡ ਚੋਂ ਨਾਮਜ਼ਦ ਵਿਅਕਤੀ ਦੇ ਹਿੱਸੇ ਦੀ ਕੁੱਲ ਰਕਮ ਦਾ ਐਲਾਨ ਕਰਨ ਲਈ 'Nomination details' 'ਤੇ ਕਲਿੱਕ ਕਰੋ। ਹੁਣ 'Save EPF Nomination' ਦਾ ਬਟਨ ਦਬਾਓ।
- ਇਸ ਤੋਂ ਬਾਅਦ ਆਪਣੇ ਰਜਿਸਟਰਡ ਨੰਬਰ 'ਤੇ ਓਟੀਪੀ ਬਣਾਉਣ ਲਈ 'ਈ-ਸਾਈਨ' 'ਤੇ ਕਲਿੱਕ ਕਰੋ।
- ਹੁਣ ਤੁਹਾਡੇ ਆਧਾਰ ਕਾਰਡ ਨਾਲ ਜੁੜੇ ਮੋਬਾਈਲ ਨੰਬਰ 'ਤੇ ਇੱਕ OTP ਭੇਜਿਆ ਜਾਵੇਗਾ। ਉਹ OTP ਦਰਜ ਕਰੋ। ਇਸ ਤੋਂ ਬਾਅਦ ਤੁਹਾਡਾ EPFO ਈ-ਨਾਮੀਨੇਸ਼ਨ ਰਜਿਸਟਰ ਹੋ ਜਾਵੇਗਾ।
ਇਹ ਵੀ ਪੜ੍ਹੋ: Farmers Protest: ਟਿੱਕਰੀ ਅਤੇ ਗਾਜ਼ੀਪੁਰ ਬਾਰਡਰ ਨੂੰ ਲੈ ਕੇ ਦਿੱਲੀ ਪੁਲਿਸ ਨੇ ਕੀਤੀ ਇਹ ਤਿਆਰੀ, ਲੋਕਾਂ ਨੂੰ ਮਿਲੇਗੀ ਰਾਹਤ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
