FasTag Rules: ਜੇ ਤੁਹਾਡੀ ਕਾਰ 'ਤੇ ਲੱਗਿਆ ਪੁਰਾਣਾ ਫਾਸਟੈਗ ਤਾਂ ਹੋ ਜਾਓ ਸਾਵਧਾਨ ! ਇਸ ਮਹੀਨੇ ਤੋਂ ਬਦਲੇ ਨੇ ਇਹ 7 ਨਿਯਮ
FasTag Rule Changes from August: NPCI ਨੇ ਫਾਸਟੈਗ ਰਾਹੀਂ ਟੋਲ ਭੁਗਤਾਨ ਨੂੰ ਤੇਜ਼ ਤੇ ਆਸਾਨ ਬਣਾਉਣ ਲਈ ਨਿਯਮਾਂ ਵਿੱਚ ਕੁਝ ਬਦਲਾਅ ਕੀਤੇ ਹਨ। ਸਾਰੀਆਂ ਤਬਦੀਲੀਆਂ ਕੱਲ੍ਹ ਤੋਂ ਲਾਗੂ ਹੋ ਗਈਆਂ ਹਨ...
ਫਾਸਟੈਗ ਸਾਰੇ ਡਰਾਈਵਰਾਂ ਲਈ ਬਹੁਤ ਜ਼ਰੂਰੀ ਹੋ ਗਿਆ ਹੈ। ਇਸ ਨਾਲ ਨਾ ਸਿਰਫ ਟੋਲ ਪਲਾਜ਼ਾ 'ਤੇ ਸਮਾਂ ਬਚਦਾ ਹੈ, ਸਗੋਂ ਪੈਸੇ ਦੀ ਵੀ ਬਚਤ ਹੁੰਦੀ ਹੈ। ਜੇ ਤੁਸੀਂ ਵੀ ਕਾਰ ਰਾਹੀਂ ਸਫਰ ਕਰਦੇ ਹੋ ਤਾਂ ਤੁਹਾਨੂੰ ਫਾਸਟੈਗ ਬਾਰੇ ਚੰਗੀ ਤਰ੍ਹਾਂ ਪਤਾ ਹੋਣਾ ਚਾਹੀਦਾ ਹੈ। ਇਸ ਮਹੀਨੇ ਤੋਂ ਇਸ ਮਹੱਤਵਪੂਰਨ ਫਾਸਟੈਗ ਨਾਲ ਜੁੜੇ ਕਈ ਨਿਯਮ ਬਦਲ ਗਏ ਹਨ।
ਨੈਸ਼ਨਲ ਪੇਮੈਂਟ ਕਾਰਪੋਰੇਸ਼ਨ ਆਫ ਇੰਡੀਆ ਯਾਨੀ NPCI ਨੇ ਫਾਸਟੈਗ ਨਾਲ ਜੁੜੇ ਨਿਯਮਾਂ 'ਚ ਬਦਲਾਅ ਕੀਤਾ ਹੈ। NPCI ਦਾ ਕਹਿਣਾ ਹੈ ਕਿ ਫਾਸਟੈਗ ਦੇ ਨਵੇਂ ਨਿਯਮ ਟੋਲ ਬੂਥਾਂ 'ਤੇ ਟੋਲ ਦੇ ਭੁਗਤਾਨ ਦੀ ਪ੍ਰਕਿਰਿਆ ਨੂੰ ਸਰਲ ਬਣਾਉਣ ਅਤੇ ਵਾਹਨਾਂ ਦੀ ਭੀੜ ਨੂੰ ਘੱਟ ਕਰਨ ਲਈ ਹਨ। ਫਾਸਟੈਗ ਦੇ ਬਦਲੇ ਹੋਏ ਨਿਯਮਾਂ ਤੋਂ ਨਵੇਂ ਅਤੇ ਪੁਰਾਣੇ ਗਾਹਕ ਪ੍ਰਭਾਵਿਤ ਹੋਣ ਜਾ ਰਹੇ ਹਨ। ਇਹ ਬਦਲਾਅ 1 ਅਗਸਤ, 2024 ਤੋਂ ਲਾਗੂ ਹੋ ਗਏ ਹਨ। ਆਓ ਜਾਣਦੇ ਹਾਂ ਇਸ ਅਗਸਤ ਮਹੀਨੇ ਤੋਂ ਫਾਸਟੈਗ ਨਾਲ ਜੁੜੇ ਕਿਹੜੇ-ਕਿਹੜੇ ਨਿਯਮ ਬਦਲੇ ਹਨ...
ਇਸ ਮਹੀਨੇ ਤੋਂ ਬਦਲੇ ਇਹ 7 ਨਿਯਮ
1: ਜੇ ਤੁਹਾਡਾ ਫਾਸਟੈਗ 5 ਸਾਲ ਤੋਂ ਜ਼ਿਆਦਾ ਪੁਰਾਣਾ ਹੈ ਤਾਂ ਤੁਹਾਨੂੰ ਇਸਨੂੰ ਬਦਲਣਾ ਹੋਵੇਗਾ।
2: ਜੇ ਤੁਹਾਡਾ ਫਾਸਟੈਗ 3 ਸਾਲ ਤੋਂ ਵੱਧ ਪੁਰਾਣਾ ਹੈ ਤਾਂ ਹੁਣ ਤੁਹਾਨੂੰ ਕੇਵਾਈਸੀ ਅਪਡੇਟ ਕਰਨ ਦੀ ਲੋੜ ਹੋਵੇਗੀ।
3: ਹੁਣ ਹਰ ਉਪਭੋਗਤਾ ਲਈ ਕਾਰ ਰਜਿਸਟ੍ਰੇਸ਼ਨ ਨੰਬਰ ਅਤੇ ਚੈਸੀ ਨੰਬਰ ਨੂੰ ਫਾਸਟੈਗ ਨਾਲ ਲਿੰਕ ਕਰਨਾ ਲਾਜ਼ਮੀ ਹੋ ਗਿਆ ਹੈ।
4: ਨਵੀਂ ਕਾਰ ਖਰੀਦਣ 'ਤੇ, ਉਪਭੋਗਤਾ ਨੂੰ 90 ਦਿਨਾਂ ਦੇ ਅੰਦਰ ਫਾਸਟੈਗ 'ਤੇ ਰਜਿਸਟ੍ਰੇਸ਼ਨ ਨੰਬਰ ਅਪਡੇਟ ਕਰਨਾ ਹੋਵੇਗਾ।
5: ਫਾਸਟੈਗ ਪ੍ਰਦਾਨ ਕਰਨ ਵਾਲੇ ਸਾਰੇ ਬੈਂਕਾਂ ਅਤੇ ਕੰਪਨੀਆਂ ਨੂੰ ਆਪਣੇ ਡੇਟਾਬੇਸ ਦੀ ਪੁਸ਼ਟੀ ਕਰਨੀ ਪਵੇਗੀ।
6: ਫਾਸਟੈਗ ਦੇ ਨਾਲ ਅੱਗੇ ਅਤੇ ਪਿੱਛੇ ਕਾਰ ਦੀ ਸਪਸ਼ਟ ਫੋਟੋ ਅਪਲੋਡ ਕਰਨੀ ਜ਼ਰੂਰੀ ਹੈ।
7: ਫਾਸਟੈਗ ਨੂੰ ਇੱਕ ਮੋਬਾਈਲ ਨੰਬਰ ਨਾਲ ਲਿੰਕ ਕੀਤਾ ਜਾਣਾ ਚਾਹੀਦਾ ਹੈ।
ਫਾਸਟੈਗ ਇਸ ਤਰ੍ਹਾਂ ਕਰਦਾ ਹੈ ਕੰਮ
ਫਾਸਟੈਗ ਇੱਕ ਸਟਿੱਕਰ ਦੇ ਰੂਪ ਵਿੱਚ ਉਪਲਬਧ ਹੈ, ਜੋ ਵਾਹਨਾਂ ਦੇ ਅਗਲੇ ਵਿੰਡਸ਼ੀਲਡ 'ਤੇ ਲਗਾਇਆ ਜਾਂਦਾ ਹੈ। ਫਾਸਟੈਗ ਦੀ ਮਦਦ ਨਾਲ, ਹਰ ਟੋਲ ਬੂਥ ਤੋਂ ਲੰਘਣ ਵਾਲੇ ਵਾਹਨਾਂ ਦੁਆਰਾ ਆਪਣੇ ਆਪ ਟੋਲ ਦਾ ਭੁਗਤਾਨ ਕੀਤਾ ਜਾਂਦਾ ਹੈ। ਇਸ ਕਾਰਨ ਟੋਲ ਬੂਥ ’ਤੇ ਵਾਹਨਾਂ ਦੀ ਭੀੜ ਨਹੀਂ ਰਹੀ। ਜੇ ਡਰਾਈਵਰਾਂ ਕੋਲ ਫਾਸਟੈਗ ਨਹੀਂ ਹੈ ਤਾਂ ਉਨ੍ਹਾਂ ਨੂੰ ਡਬਲ ਟੋਲ ਟੈਕਸ ਦੇਣਾ ਪਵੇਗਾ।
Before You Go
10 ਲੱਖ ਯੋਜਨਾ ‘ਤੇ ਨਵਾਂ ਅਪਡੇਟ! CM ਮਾਨ ਦੀ ਵੱਡੀ ਗੱਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
