FSSAI Action: ਦੁਨੀਆ ਦੀ ਸਭ ਤੋਂ ਵੱਡੀ ਸ਼ਰਾਬ ਕੰਪਨੀ 'ਤੇ FSSAI ਦੀ ਕਾਰਵਾਈ, ਵੋਦਕਾ ਅਤੇ ਵ੍ਹਿਸਕੀ ਦਾ ਸਟਾਕ ਜਬਤ
FSSAI Action: ਦੁਨੀਆ ਦੀ ਸਭ ਤੋਂ ਵੱਡੀ ਸ਼ਰਾਬ ਕੰਪਨੀ Diageo 'ਤੇ FSSAI ਨੇ ਸਖ਼ਤ ਕਾਰਵਾਈ ਕੀਤੀ ਹੈ। ਇਸ ਤਹਿਤ ਹਜ਼ਾਰਾਂ ਬੋਤਲਾਂ ਸ਼ਰਾਬ ਦੀਆਂ ਜ਼ਬਤ ਕੀਤੀਆਂ ਗਈਆਂ ਹਨ। ਆਓ ਜਾਣਦੇ ਹਾਂ ਕੀ-ਕੀ ਦੋਸ਼ ਲੱਗੇ ਹਨ।
FSSAI Action on Liquor Company: ਫੂਡ ਸੇਫਟੀ ਐਂਡ ਸਟੈਂਡਰਡਜ਼ ਅਥਾਰਟੀ ਆਫ਼ ਇੰਡੀਆ (FSSAI) ਇਨ੍ਹੀਂ ਦਿਨੀਂ ਐਕਸ਼ਨ ਮੋਡ ਵਿੱਚ ਹੈ। ਵਿਭਾਗ ਦੇਸ਼ ਭਰ ਵਿੱਚ ਲਗਾਤਾਰ ਕਾਰਵਾਈ ਕਰਦਿਆਂ ਹੋਇਆਂ ਹੋਟਲਾਂ ਅਤੇ ਰੈਸਟੋਰੈਂਟਾਂ 'ਤੇ ਛਾਪੇਮਾਰੀ ਕਰ ਰਿਹਾ ਹੈ। ਇਸ ਲੜੀ ਤਹਿਤ FSSAI ਨੇ ਹਾਲ ਹੀ ਵਿੱਚ ਦੁਨੀਆ ਦੀ ਸਭ ਤੋਂ ਵੱਡੀ ਸ਼ਰਾਬ ਕੰਪਨੀ 'ਤੇ ਛਾਪਾ ਮਾਰਿਆ ਅਤੇ ਹਜ਼ਾਰਾਂ ਸ਼ਰਾਬ ਦੀਆਂ ਬੋਤਲਾਂ ਜ਼ਬਤ ਕੀਤੀਆਂ।
ਕਿਸ ਕੰਪਨੀ 'ਤੇ ਛਾਪਾ ਮਾਰਿਆ ਗਿਆ?
ਦਰਅਸਲ, ਹਾਲ ਹੀ ਵਿੱਚ ਫੂਡ ਸੇਫਟੀ ਅਧਿਕਾਰੀਆਂ ਨੇ ਸ਼ਰਾਬ ਬਣਾਉਣ ਵਾਲੀ ਸਭ ਤੋਂ ਵੱਡੀ ਕੰਪਨੀ Diageo ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ। ਇਸ ਛਾਪੇਮਾਰੀ ਦੌਰਾਨ, ਕੰਪਨੀ ਤੋਂ ਲਗਭਗ 18,000 ਸ਼ਰਾਬ ਦੀਆਂ ਬੋਤਲਾਂ ਜ਼ਬਤ ਕੀਤੀਆਂ ਗਈਆਂ। ਇਸ ਜਾਣਕਾਰੀ ਦੀ ਪੁਸ਼ਟੀ Diageo ਦੀ ਭਾਰਤੀ ਸਹਾਇਕ ਕੰਪਨੀ, ਯੂਨਾਈਟਿਡ ਸਪਿਰਿਟਸ ਨੇ ਕੀਤੀ। ਕੰਪਨੀ ਨੇ ਕਿਹਾ ਕਿ ਅਧਿਕਾਰੀਆਂ ਨੇ ਇਸਦੀਆਂ ਕੁਝ ਬੋਤਲਾਂ ਨੂੰ ਫਿਲਹਾਲ ਲਈ ਵੱਖ ਕਰ ਦਿੱਤਾ ਹੈ ਅਤੇ ਅੱਗੇ ਦੇ ਨਿਰਦੇਸ਼ਾਂ ਦੀ ਉਡੀਕ ਕੀਤੀ ਜਾ ਰਹੀ ਹੈ।
ਇਹਨਾਂ ਜ਼ਰੂਰੀ ਚੀਜ਼ਾਂ ਦੀ ਮਿਲੀ ਕਮੀਂ
FSSAI ਦੇ ਅਧਿਕਾਰੀਆਂ ਨੇ ਪਿਛਲੇ ਹਫਤੇ ਬੈਂਗਲੁਰੂ ਵਿੱਚ ਯੂਨਾਈਟਿਡ ਸਪਿਰਿਟਸ ਫੈਕਟਰੀ ਦਾ ਨਿਰੀਖਣ ਕੀਤਾ ਸੀ। ਜਾਂਚ ਵਿਚ ਸਾਹਮਣੇ ਆਇਆ ਕਿ ਕੰਪਨੀ ਥੋੜ੍ਹੀ ਮਾਤਰਾ ਵਿਚ ਵਿਕਣ ਵਾਲੀਆਂ ਕੁਝ ਸ਼ਰਾਬ ਦੀਆਂ ਬੋਤਲਾਂ ਵਿਚ ਰੀਸਾਈਕਲ ਕੀਤੇ ਪਲਾਸਟਿਕ ਦੀ ਵਰਤੋਂ ਕਰ ਰਹੀ ਸੀ। ਅਧਿਕਾਰੀਆਂ ਮੁਤਾਬਕ ਬੋਤਲਾਂ 'ਤੇ ਸਿਰਫ ਇਹ ਲਿਖਿਆ ਹੋਇਆ ਸੀ ਕਿ ਉਹ ਪੀਈਟੀ ਪਲਾਸਟਿਕ ਦੀਆਂ ਬਣੀਆਂ ਹਨ।
ਪਰ ਨਿਯਮਾਂ ਅਨੁਸਾਰ ਉਨ੍ਹਾਂ ਕੋਲ ਰੀਸਾਈਕਲ ਕੀਤੇ ਜਾਣ ਵਾਲੇ ਪੀਈਟੀ ਅਤੇ ਫੂਡ-ਗਰੇਡ ਦਾ ਵਿਸ਼ੇਸ਼ ਸਰਕਾਰੀ ਚਿੰਨ੍ਹ ਵੀ ਹੋਣਾ ਚਾਹੀਦਾ ਹੈ। ਜਦੋਂ ਇਹ ਨਿਸ਼ਾਨ ਨਹੀਂ ਮਿਲੇ, ਤਾਂ ਅਧਿਕਾਰੀਆਂ ਨੇ ਭੋਜਨ ਸੁਰੱਖਿਆ, ਗਲਤ ਜਾਣਕਾਰੀ ਦੇਣ ਅਤੇ ਲੇਬਲਿੰਗ ਨਿਯਮਾਂ ਦੀ ਉਲੰਘਣਾ ਬਾਰੇ ਚਿੰਤਾ ਜ਼ਾਹਰ ਕੀਤੀ।
ਕੀ ਜ਼ਬਤ ਕੀਤਾ ਗਿਆ ਸੀ?
ਇਸ ਜਾਂਚ ਦੌਰਾਨ ਕਰੀਬ 16 ਲੱਖ ਡਾਲਰ (ਕਰੀਬ 13-14 ਕਰੋੜ ਰੁਪਏ) ਦੇ ਉਤਪਾਦ ਅਤੇ ਪਲਾਸਟਿਕ ਸਮੱਗਰੀ ਜ਼ਬਤ ਕੀਤੀ ਗਈ। ਕਾਰਵਾਈ ਵਿੱਚ, ਡੀਐਸਪੀ ਬਲੈਕ ਡੀਲਕਸ ਵਿਸਕੀ, ਸਮਿਰਨੌਫ ਜ਼ੈਸਟੀ ਲਾਈਮ ਟ੍ਰਿਪਲ ਡਿਸਟਿਲਡ ਫਲੇਵਰਡ ਵੋਡਕਾ ਅਤੇ ਵੈਟ 69 ਬਲੈਂਡਡ ਸਕਾਚ ਵਿਸਕੀ ਸਮੇਤ ਕਈ ਬ੍ਰਾਂਡ ਜ਼ਬਤ ਕੀਤੇ ਗਏ ਹਨ। ਹਾਲਾਂਕਿ, ਡਿਏਜੀਓ ਦੀਆਂ ਜ਼ਿਆਦਾਤਰ ਵੱਡੀਆਂ ਬੋਤਲਾਂ ਕੱਚ ਦੀਆਂ ਹੁੰਦੀਆਂ ਹਨ। ਇਹ ਕਾਰਵਾਈ ਮੁੱਖ ਤੌਰ 'ਤੇ 180 ਮਿਲੀਲੀਟਰ ਵਰਗੀਆਂ ਛੋਟੀਆਂ ਬੋਤਲਾਂ 'ਤੇ ਹੋਈ, ਜਿਸ ਵਿਚ ਪਲਾਸਟਿਕ ਦੀ ਵਰਤੋਂ ਕੀਤੀ ਗਈ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
