Petrol-Diesel Price: ਖੁਸ਼ਖਬਰੀ, 4-5 ਰੁਪਏ ਸਸਤਾ ਹੋਵੇਗਾ ਪੈਟਰੋਲ-ਡੀਜ਼ਲ! ਜਾਣੋ ਤੇਲ ਕੰਪਨੀਆਂ ਕਦੋਂ ਕਰਨਗੀਆਂ ਐਲਾਨ?
Crude Oil Price Today: ਚੋਣਾਂ ਦੌਰਾਨ ਕੱਚੇ ਤੇਲ ਦੀਆਂ ਕੀਮਤਾਂ 'ਚ ਤੇਜ਼ੀ ਹੁੰਦੀ ਹੈ ਤਾਂ ਤੇਲ ਕੰਪਨੀਆਂ ਦੀ ਆਮਦਨ ਨੂੰ ਖਤਰਾ ਹੋ ਸਕਦਾ। ਜੇ ਬ੍ਰੈਂਟ ਕਰੂਡ ਦੀ ਕੀਮਤ 85 ਡਾਲਰ ਤੋਂ ਜ਼ਿਆਦਾ ਹੁੰਦੀ...
Petrol-Diesel Price: ਜੇ ਤੁਸੀਂ ਵੀ ਪੈਟਰੋਲ-ਡੀਜ਼ਲ ਦੇ ਮਹਿੰਗੇ ਰੇਟ ਤੋਂ ਪਰੇਸ਼ਾਨ ਹੋ ਗਏ ਹੋ ਤਾਂ ਇਹ ਖਬਰ ਤੁਹਾਨੂੰ ਖੁਸ਼ ਕਰਨ ਵਾਲੀ ਹੈ। ਪਿਛਲੇ ਇਕ ਸਾਲ ਤੋਂ ਵੀ ਜ਼ਿਆਦਾ ਸਮੇਂ ਤੋਂ ਪੈਟਰੋਲ-ਡੀਜ਼ਲ ਦੇ ਰੇਟ ਵਿਚ ਕਿਸੇ ਤਰ੍ਹਾਂ ਦਾ ਬਦਲਾਅ ਨਹੀਂ ਵੇਖਿਆ ਗਿਆ ਤੇ ਇਹ ਲਗਪਗ ਇਕ ਹੀ ਕੀਮਤ ਉੱਤੇ ਬਣਿਆ ਹੋਇਆ ਹੈ। ਪਰ ਹੁਣ ਤੇਲ ਮਾਰਕਟਿੰਗ ਕੰਪਨੀਆਂ (OMC) ਪੈਟਰੋਲ-ਡੀਜ਼ਲ ਦੇ ਰੇਟ ਵਿਚ ਕਮੀ ਕਰਨ ਵਾਲੀਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਸਾਲ ਨਵੰਬਰ-ਦਸੰਬਰ ਵਿਚ ਕੁੱਝ ਸੂਬਿਆਂ ਵਿਚ ਹੋਣ ਵਾਲੀਆਂ ਵੋਟਾਂ ਨੂੰ ਦੇਖਦੇ ਹੋਏ ਤੇਲ ਕੰਪਨੀਆਂ ਅਗਸਤ ਤੋਂ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਵਿਚ 4-5 ਰੁਪਏ ਪ੍ਰਤੀ ਲੀਟਰ ਦੀ ਕਟੌਤੀ ਕਰ ਸਕਦੀਆਂ ਹਨ।
80 ਡਾਲਰ ਤੋਂ ਹੇਠਾ ਬਣੀ ਰਹੇਗੀ ਕੀਮਤ
ਜੇਐਮ ਫਾਈਨਾਂਸ਼ੀਅਲ ਇੰਸਟੀਚਿਊਸ਼ਨਲ ਸਕਿਓਰਿਟੀਜ਼ ਨੇ ਇਕ ਰਿਸਰਚ 'ਚ ਕਿਹਾ, ਤੇਲ ਕੰਪਨੀਆਂ ਦਾ ਮੁਲਾਂਕਣ ਵਾਜਬ ਲੱਗਦਾ ਹੈ। ਪਰ ਬਾਲਣ ਮਾਰਕੀਟਿੰਗ ਕਾਰੋਬਾਰ ਵਿੱਚ ਕਮਾਈ ਨੂੰ ਲੈ ਕੇ ਮਹੱਤਵਪੂਰਨ ਅਨਿਸ਼ਚਿਤਤਾ ਬਣੀ ਹੋਈ ਹੈ। ਓਪੇਕ ਪਲੱਸ (Opec+) ਦੀ ਮਜ਼ਬੂਤ ਕੀਮਤ ਨਿਰਧਾਰਨ ਸ਼ਕਤੀ ਅਗਲੇ 9-12 ਮਹੀਨਿਆਂ ਦੌਰਾਨ ਕੱਚੇ ਤੇਲ ਦੀ ਕੀਮਤ ਨੂੰ ਵਧਾ ਸਕਦੀ ਹੈ। ਤੇਲ ਕੰਪਨੀਆਂ ਨੂੰ ਕੱਚੇ ਤੇਲ ਦੀ ਕੀਮਤ 80 ਡਾਲਰ ਪ੍ਰਤੀ ਬੈਰਲ ਤੋਂ ਹੇਠਾਂ ਰਹਿਣ ਦੀ ਉਮੀਦ ਹੈ। ਹਾਲਾਂਕਿ, ਇਹ ਇਸ ਗੱਲ 'ਤੇ ਨਿਰਭਰ ਕਰੇਗਾ ਕਿ ਸਰਕਾਰ ਵਿੱਤੀ ਸਾਲ 2023 ਤੱਕ ਅੰਡਰ-ਰਿਕਵਰੀ ਦੀ ਪੂਰੀ ਤਰ੍ਹਾਂ ਭਰਪਾਈ ਉੱਤੇ ਨਿਰਭਰ ਕਰੇਗੀ।
ਕਰੂਡ 'ਚ ਉਛਾਲ ਨਾਲ ਕੰਪਨੀਆਂ ਦੀ ਕਮਾਈ ਨੂੰ ਹੈ ਖ਼ਤਰਾ
ਰਿਪੋਰਟ ਵਿੱਚ ਕਿਹਾ ਗਿਆ ਸੀ ਕਿ ਓਐਮਸੀ ਦਾ ਮੁਲਾਂਕਣ ਠੀਕ ਹੈ। ਪਰ ਚੋਣਾਂ ਦੌਰਾਨ ਕੱਚੇ ਤੇਲ ਦੀ ਕੀਮਤ 'ਚ ਤੇਜ਼ ਉਛਾਲ ਨਾਲ ਆਮਦਨ ਨੂੰ ਖਤਰਾ ਹੋ ਸਕਦਾ ਹੈ। ਜੇ ਬ੍ਰੈਂਟ ਕਰੂਡ ਦੀ ਕੀਮਤ 85 ਡਾਲਰ ਤੋਂ ਜ਼ਿਆਦਾ ਹੁੰਦੀ ਹੈ ਤੇ ਈਂਧਨ ਦੀ ਕੀਮਤ 'ਚ ਕਟੌਤੀ ਹੁੰਦੀ ਹੈ ਤਾਂ ਤੇਲ ਕੰਪਨੀਆਂ ਦੀ ਕਮਾਈ 'ਤੇ ਖਤਰਾ ਪੈਦਾ ਹੋ ਸਕਦਾ ਹੈ। ਚੋਣਾਂ ਦੌਰਾਨ ਤੇਲ ਦੀਆਂ ਕੀਮਤਾਂ 'ਚ ਕਟੌਤੀ ਦੀ ਸੰਭਾਵਨਾ ਘੱਟ ਹੈ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਕੱਚੇ ਤੇਲ ਦੀ ਕੀਮਤ ਵਧਣ ਦਾ ਖਤਰਾ ਹੈ। ਓਪੇਕ ਪਲੱਸ, ਆਪਣੀ ਮਜ਼ਬੂਤ ਕੀਮਤ ਸ਼ਕਤੀ ਨੂੰ ਦੇਖਦੇ ਹੋਏ, ਬ੍ਰੈਂਟ ਕਰੂਡ ਨੂੰ US$ 75-80 ਪ੍ਰਤੀ ਬੈਰਲ 'ਤੇ ਸਮਰਥਨ ਦੇਣਾ ਜਾਰੀ ਰੱਖੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
