Hero ਨੇ ਗਾਹਕਾਂ ਨੂੰ ਦਿੱਤਾ ਝਟਕਾ! ਆਪਣੇ ਮੋਟਰਸਾਈਕਲ ਤੇ ਸਕੂਟਰਾਂ ਦੀ ਕੀਮਤ 'ਚ ਕੀਤਾ ਵਾਧਾ, ਇਕ ਦਸੰਬਰ ਤੋਂ ਲਾਗੂ ਹੋਣਗੀਆਂ ਨਵੀਆਂ ਕੀਮਤਾਂ
ਦੇਸ਼ ਦੀ ਸਭ ਤੋਂ ਪਸੰਦੀਦਾ ਵਾਹਨ ਨਿਰਮਾਤਾ ਕੰਪਨੀ ਹੀਰੋ ਨੇ ਇਕ ਵਾਰ ਫਿਰ ਆਪਣੀਆਂ ਕੀਮਤਾਂ ਵਧਾ ਕੇ ਗਾਹਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਜੇ ਤੁਸੀਂ ਖੁਦ ਵੀ ਹੀਰੋ ਦਾ ਨਵਾਂ ਮੋਟਰਸਾਈਕਲ ਜਾਂ ਸਕੂਟਰ ਖਰੀਦਣ ਬਾਰੇ ਸੋਚ ਰਹੇ ਹੋ...
ਰਜਨੀਸ਼ ਕੌਰ ਦੀ ਰਿਪੋਰਟ
Heros Bike Scooters Will Become Expensive : ਦੇਸ਼ ਦੀ ਸਭ ਤੋਂ ਪਸੰਦੀਦਾ ਵਾਹਨ ਨਿਰਮਾਤਾ ਕੰਪਨੀ ਹੀਰੋ ਨੇ ਇਕ ਵਾਰ ਫਿਰ ਆਪਣੀਆਂ ਕੀਮਤਾਂ ਵਧਾ ਕੇ ਗਾਹਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਜੇ ਤੁਸੀਂ ਖੁਦ ਵੀ ਹੀਰੋ ਦਾ ਨਵਾਂ ਮੋਟਰਸਾਈਕਲ ਜਾਂ ਸਕੂਟਰ ਖਰੀਦਣ ਬਾਰੇ ਸੋਚ ਰਹੇ ਹੋ, ਤਾਂ ਤੁਹਾਨੂੰ ਹੁਣ ਆਪਣਾ ਬਜਟ ਵਧਾਉਣਾ ਹੋਵੇਗਾ।
ਚਾਲੂ ਵਿੱਤੀ ਸਾਲ 'ਚ ਚੌਥੀ ਵਾਰ ਕੀਮਤ 'ਚ ਕੀਤਾ ਵਾਧਾ
ਕੰਪਨੀ ਨੇ ਚਾਲੂ ਵਿੱਤੀ ਸਾਲ 'ਚ ਚੌਥੀ ਵਾਰ ਕੀਮਤ ਵਧਾਈ ਹੈ। Hero MotoCorp ਨੇ ਆਖਰੀ ਵਾਰ ਸਤੰਬਰ ਵਿੱਚ ਐਕਸ-ਸ਼ੋਰੂਮ ਕੀਮਤ ਵਿੱਚ 1000 ਹਜ਼ਾਰ ਰੁਪਏ ਦਾ ਵਾਧਾ ਕੀਤਾ ਸੀ।ਕੰਪਨੀ 1 ਦਸੰਬਰ ਤੋਂ ਆਪਣੇ ਮੋਟਰਸਾਈਕਲਾਂ ਅਤੇ ਸਕੂਟਰਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰੇਗੀ।
TVS ਮੋਟਰ ਨੇ ਹਾਲ ਹੀ 'ਚ ਵਧਾਈ ਸੀ ਕੀਮਤ
ਨਿਯਮਤ ਵਾਧੇ ਨਾਲ ਦੋ ਪਹੀਆ ਵਾਹਨਾਂ ਦੇ ਦਾਖਲੇ ਦੇ ਪੱਧਰ 'ਤੇ ਬਹੁਤ ਜ਼ਿਆਦਾ ਦਬਾਅ ਪੈ ਰਿਹਾ ਹੈ ਕਿਉਂਕਿ ਗਾਹਕ ਹੁਣ ਵਧਦੀਆਂ ਕੀਮਤਾਂ ਕਾਰਨ ਵਾਹਨ ਖਰੀਦਣ ਤੋਂ ਥੋੜੇ ਜਿਹੇ ਸੰਕੋਚ ਕਰ ਰਹੇ ਹਨ। ਜਦੋਂ ਕਿ ਟੀਵੀਐਸ ਮੋਟਰ ਕੰਪਨੀ ਨੇ ਹਾਲ ਹੀ ਵਿੱਚ ਅਕਤੂਬਰ ਵਿੱਚ ਹੀ ਕੀਮਤਾਂ ਵਿੱਚ ਵਾਧਾ ਕੀਤਾ ਸੀ। ਦੂਜੇ ਪਾਸੇ ਬਜਾਜ ਆਟੋ ਨੇ ਜੁਲਾਈ ਤੋਂ ਕੀਮਤਾਂ 'ਚ ਵਾਧਾ ਨਹੀਂ ਕੀਤਾ ਹੈ ਕਿਉਂਕਿ ਵਾਹਨ ਨਿਰਮਾਤਾ ਘਰੇਲੂ ਬਾਜ਼ਾਰ 'ਚ ਆਪਣੀ ਮਾਰਕੀਟ ਹਿੱਸੇਦਾਰੀ ਵਧਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
ਕੰਪਨੀ ਦਾ ਬਿਆਨ
ਵਾਹਨ ਨਿਰਮਾਤਾ ਕੰਪਨੀ ਹੀਰੋ ਨੇ ਭਾਰਤੀ ਬਾਜ਼ਾਰ 'ਚ ਕੀਮਤ 'ਚ ਵਾਧੇ ਦਾ ਕਾਰਨ ਇਨਪੁਟ ਲਾਗਤ 'ਚ ਵਾਧੇ ਨੂੰ ਦੱਸਿਆ ਹੈ। ਮੋਟੇ ਤੌਰ 'ਤੇ ਕਹੀਏ ਤਾਂ ਕੰਪਨੀ ਨੇ ਮਹਿੰਗਾਈ ਵਧਣ ਕਾਰਨ ਕੀਮਤ ਵਧਾਈ ਹੈ। ਦੱਸ ਦੇਈਏ ਕਿ ਕੰਪਨੀ ਨੇ ਕਿਹਾ ਹੈ ਕਿ ਮਾਡਲ ਅਤੇ ਮਾਰਕੀਟ ਦੇ ਹਿਸਾਬ ਨਾਲ ਕੀਮਤਾਂ 'ਚ 1500 ਰੁਪਏ ਤੱਕ ਦਾ ਵਾਧਾ ਕੀਤਾ ਜਾਵੇਗਾ। ਯਾਨੀ ਹੁਣ ਤੁਹਾਨੂੰ ਹੀਰੋ ਦੇ ਮੋਟਰਸਾਈਕਲ ਅਤੇ ਸਕੂਟਰ ਖਰੀਦਣ ਲਈ ਆਪਣੇ ਬਜਟ ਵਿੱਚ 1500 ਰੁਪਏ ਹੋਰ ਵਧਾਉਣੇ ਪੈਣਗੇ।
ਇਕ ਦਸੰਬਰ ਤੋਂ ਲਾਗੂ ਹੋਣਗੀਆਂ ਨਵੀਆਂ ਕੀਮਤਾਂ
ਨਵੀਆਂ ਕੀਮਤਾਂ 1 ਦਸੰਬਰ 2022 ਤੋਂ ਲਾਗੂ ਹੋਣਗੀਆਂ। ਹੀਰੋ ਮੋਟੋਕਾਰਪ ਮੁਤਾਬਕ ਮਹਿੰਗਾਈ ਵਧਣ ਕਾਰਨ ਬਾਈਕ ਤੇ ਸਕੂਟਰਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਜ਼ਰੂਰੀ ਹੋ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
