How to earn money Google: ਗੂਗਲ ਸਭ ਕੁਝ ਦੇ ਰਿਹਾ ਫਰੀ, ਆਖਰ ਫਿਰ ਵੀ ਕਿਵੇਂ ਕਰ ਰਿਹਾ ਹਰ ਮਿੰਟ 'ਚ 2 ਕਰੋੜ ਦੀ ਕਮਾਈ? ਹੋ ਜਾਓਗੇ ਹੈਰਾਨ
ਗੂਗਲ ਸਰਚ ਇੰਜਣ ਦੀ ਮਦਦ ਨਾਲ ਉਪਭੋਗਤਾ ਕਿਤੇ ਵੀ ਕੋਈ ਵੀ ਚੀਜ਼, ਕਿਸੇ ਦੇ ਵੀ ਬਾਰੇ, ਸਕਿੰਟਾਂ ਵਿੱਚ ਸਰਚ ਕਰਕੇ ਪਤਾ ਲਗਾ ਸਕਦੇ ਹਨ ਤੇ ਇਸ ਲਈ ਉਪਭੋਗਤਾਵਾਂ ਨੂੰ ਪੈਸੇ ਦੇਣ ਜਾਂ ਫਿਰ ਪੇਡ ਸਬਸਕ੍ਰਿਪਸ਼ਨ ਦੀ ਲੋੜ ਨਹੀਂ ਪੈਂਦੀ।
How to earn money Google: ਗੂਗਲ ਸਰਚ ਇੰਜਣ ਦੀ ਮਦਦ ਨਾਲ ਉਪਭੋਗਤਾ ਕਿਤੇ ਵੀ ਕੋਈ ਵੀ ਚੀਜ਼, ਕਿਸੇ ਦੇ ਵੀ ਬਾਰੇ, ਸਕਿੰਟਾਂ ਵਿੱਚ ਸਰਚ ਕਰਕੇ ਪਤਾ ਲਗਾ ਸਕਦੇ ਹਨ ਤੇ ਇਸ ਲਈ ਉਪਭੋਗਤਾਵਾਂ ਨੂੰ ਪੈਸੇ ਦੇਣ ਜਾਂ ਫਿਰ ਪੇਡ ਸਬਸਕ੍ਰਿਪਸ਼ਨ ਦੀ ਲੋੜ ਨਹੀਂ ਪੈਂਦੀ। ਯੂਜ਼ਰਸ ਗੂਗਲ ਸਰਚ ਇੰਜਣ ਨੂੰ ਜਿੰਨਾ ਚਾਹੁਣ ਮੁਫਤ ਵਿੱਚ ਇਸਤੇਮਾਲ ਕਰ ਸਕਦੇ ਹਨ।
ਦੂਜੇ ਪਾਸੇ ਯੂਜ਼ਰਸ ਨੂੰ ਮੁਫਤ ਸੇਵਾਵਾਂ ਦੇਣ ਦੇ ਬਾਵਜੂਦ ਗੂਗਲ ਦੀ ਕਮਾਈ ਅਰਬਾਂ 'ਚ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਕੰਪਨੀ ਹਰ ਮਿੰਟ 2 ਕਰੋੜ ਰੁਪਏ ਕਮਾ ਰਹੀ ਹੈ। ਇਸ ਤੋਂ ਬਾਅਦ ਹਰ ਕਿਸੇ ਦੇ ਦਿਮਾਗ ਵਿੱਚ ਇਹ ਸਵਾਲ ਆਵੇਗਾ ਕਿ ਮੁਫਤ ਸੇਵਾ ਦੇਣ ਦੇ ਬਾਵਜੂਦ ਗੂਗਲ ਇੰਨੀ ਕਮਾਈ ਕਿਵੇਂ ਕਰ ਰਹੀ ਹੈ? ਆਓ ਜਾਣਦੇ ਹਾਂ ਗੂਗਲ ਅਰਬਾਂ ਦੀ ਕਮਾਈ ਕਿਵੇਂ ਕਰਦੀ ਹੈ।
1. ਇਸ਼ਤਿਹਾਰਾਂ ਰਾਹੀਂ ਕਮਾਈ
ਗੂਗਲ ਇਸ਼ਤਿਹਾਰਾਂ ਰਾਹੀਂ ਚੰਗੀ ਕਮਾਈ ਕਰ ਰਿਹਾ ਹੈ। ਤੁਸੀਂ ਗੂਗਲ ਸਰਚ ਇੰਜਣ 'ਤੇ ਕੁਝ ਵੀ ਖੋਜਦੇ ਹੋ ਤਾਂ ਇਸ ਲਈ ਨਤੀਜੇ ਦਿਖਾਉਣ ਤੋਂ ਪਹਿਲਾਂ, ਤੁਸੀਂ ਵਿਗਿਆਪਨ ਦੇਖਦੇ ਹੋ, ਜਿਸ ਵਿੱਚ ਕਈ ਵਾਰ ਫੋਟੋਆਂ ਹੁੰਦੀਆਂ ਹਨ ਤੇ ਕਈ ਵਾਰ ਵੀਡੀਓ ਸ਼ਾਮਲ ਹੁੰਦੇ ਹਨ। ਕੰਪਨੀਆਂ ਇਸ਼ਤਿਹਾਰਾਂ ਦਾ ਪ੍ਰਚਾਰ ਕਰਨ ਲਈ ਗੂਗਲ ਨੂੰ ਪੈਸੇ ਦਿੰਦੀਆਂ ਹਨ। ਇਸ ਕਾਰਨ ਗੂਗਲ ਨੂੰ ਹਰ ਮਿੰਟ 2 ਕਰੋੜ ਰੁਪਏ ਦੀ ਕਮਾਈ ਹੋ ਰਹੀ ਹੈ।
2. ਯੂਟਿਊਬ ਰਾਹੀਂ ਕਮਾਈ
ਗੂਗਲ ਯੂਟਿਊਬ ਤੋਂ ਵੀ ਕਮਾਈ ਕਰਦਾ ਹੈ। ਜਦੋਂ ਵੀ ਤੁਸੀਂ ਯੂ-ਟਿਊਬ 'ਤੇ ਕੋਈ ਵੀਡੀਓ ਚਲਾਉਂਦੇ ਹੋ, ਤੁਹਾਨੂੰ ਉਸ 'ਚ ਦੋ ਤੋਂ ਤਿੰਨ ਵਿਗਿਆਪਨ ਦੇਖਣ ਨੂੰ ਮਿਲਦੇ ਹਨ। ਤੁਸੀਂ ਇਨ੍ਹਾਂ ਵਿਗਿਆਪਨਾਂ ਨੂੰ ਸਕਿਪ ਵੀ ਨਹੀਂ ਕਰ ਸਕਦੇ। ਬ੍ਰਾਂਡ ਆਪਣੇ ਵਿਗਿਆਪਨ ਚਲਾਉਣ ਦੇ ਬਦਲੇ ਕੰਪਨੀ ਨੂੰ ਭੁਗਤਾਨ ਕਰਦੇ ਹਨ। ਇਸ ਤੋਂ ਇਲਾਵਾ ਪਲੇਟਫਾਰਮ 'ਤੇ ਉਪਭੋਗਤਾਵਾਂ ਲਈ ਕੁਝ ਸੇਵਾਵਾਂ ਦਾ ਭੁਗਤਾਨ ਵੀ ਕੀਤਾ ਜਾਂਦਾ ਹੈ।
3. ਗੂਗਲ ਪਲੇ ਸਟੋਰ ਤੋਂ ਕਮਾਈ
ਕੰਪਨੀ ਨੂੰ ਗੂਗਲ ਪਲੇ ਸਟੋਰ ਤੋਂ ਵੀ ਚੰਗੇ ਪੈਸੇ ਮਿਲਦੇ ਹਨ ਪਰ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਹ ਉਪਭੋਗਤਾਵਾਂ ਲਈ ਮੁਫਤ ਹੈ ਤਾਂ ਇੱਥੇ ਕੰਪਨੀ ਕਿਵੇਂ ਕਮਾਈ ਕਰ ਰਹੀ ਹੈ। ਤੁਹਾਨੂੰ ਦੱਸ ਦਈਏ ਕਿ ਗੂਗਲ ਪਲੇ ਸਟੋਰ 'ਤੇ ਆਪਣੇ ਐਪਸ ਨੂੰ ਲਿਸਟ ਕਰਨ ਵਾਲੇ ਐਪ ਡਿਵੈਲਪਰਾਂ ਨੂੰ ਗੂਗਲ ਨੂੰ ਪੈਸੇ ਦੇਣੇ ਪੈਂਦੇ ਹਨ। ਇਸ ਤੋਂ ਇਲਾਵਾ ਕੰਪਨੀ ਗੂਗਲ ਕਲਾਊਡ ਤੇ ਪ੍ਰੀਮੀਅਮ ਕੰਟੈਂਟ ਵਰਗੀਆਂ ਸੇਵਾਵਾਂ ਦੀ ਵਰਤੋਂ ਕਰਨ ਲਈ ਵੀ ਪੈਸੇ ਵਸੂਲਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
