ICICI Bank ਦੇ ਗਾਹਕਾਂ ਲਈ ਵੱਡੀ ਖਬਰ! ਦੋ ਦਿਨ ਆਹ ਸਰਵਿਸ ਰਹੇਗੀ ਬੰਦ
Money Transfer Services: ICICI ਬੈਂਕ ਦੀ RTGS ਸਰਵਿਸ 14 ਦਸੰਬਰ ਨੂੰ ਰਾਤ 11:55 ਵਜੇ ਤੋਂ 15 ਦਸੰਬਰ ਨੂੰ ਸਵੇਰੇ 6 ਵਜੇ ਤੱਕ ਪ੍ਰਭਾਵਿਤ ਹੋਵੇਗੀ। ਇਸ ਦੌਰਾਨ ਮੈਨਟੇਨਸ ਦਾ ਕੰਮ ਚੱਲੇਗਾ।
Alert for ICICI Bank customers : ICICI ਬੈਂਕ ਦੇ ਗਾਹਕਾਂ ਲਈ ਇੱਕ ਵੱਡੀ ਖਬਰ ਹੈ, ਜਿਸ ਬਾਰੇ ਬੈਂਕ ਨੇ ਪਹਿਲਾਂ ਹੀ ਈ-ਮੇਲ ਭੇਜ ਕੇ ਜਾਣਕਾਰੀ ਦਿੱਤੀ ਹੈ। ਬੈਂਕ 14 ਦਸੰਬਰ ਨੂੰ 11:55 ਵਜੇ ਤੋਂ 15 ਦਸੰਬਰ ਨੂੰ ਸਵੇਰੇ 06:00 ਵਜੇ ਤੱਕ Maintaince ਦਾ ਕੰਮ ਕਰੇਗਾ। ਇਹ ਬੈਂਕ ਦੀ RTGS (ਰੀਅਲ ਟਾਈਮ ਗ੍ਰਾਸ ਸੈਟਲਮੈਂਟ ਸਰਵਿਸ) ਨੂੰ ਪ੍ਰਭਾਵਿਤ ਕਰੇਗਾ। ਇਸ ਮਿਆਦ ਦੇ ਦੌਰਾਨ RTGS ਦੁਆਰਾ ਪੈਸੇ ਦਾ ਲੈਣ-ਦੇਣ ਸੰਭਵ ਨਹੀਂ ਹੋਵੇਗਾ। ਹਾਲਾਂਕਿ, ਇਸ ਮਿਆਦ ਦੇ ਦੌਰਾਨ ਗਾਹਕ iMobile ਜਾਂ ਇੰਟਰਨੈਟ ਬੈਂਕਿੰਗ ਦੀ ਮਦਦ ਨਾਲ NEFT, IMPS ਅਤੇ UPI ਦੁਆਰਾ ਫੰਡ ਟ੍ਰਾਂਸਫਰ ਕਰਨ ਦੇ ਯੋਗ ਹੋਣਗੇ।
RTGS ਮਨੀ ਟ੍ਰਾਂਸਫਰ ਦੀ ਇੱਕ ਪ੍ਰਕਿਰਿਆ ਹੈ, ਜਿਸ ਵਿੱਚ ਇੱਕ ਬੈਂਕ ਖਾਤੇ ਤੋਂ ਦੂਜੇ ਬੈਂਕ ਖਾਤੇ ਵਿੱਚ ਪੈਸੇ ਭੇਜੇ ਜਾਂਦੇ ਹਨ। ਇੰਟਰਨੈੱਟ ਬੈਂਕਿੰਗ, iMobile Pay ਐਪ ਜਾਂ Pockets ਐਪ ਵਰਗੇ ਔਨਲਾਈਨ ਮੋਡ ਰਾਹੀਂ ਕੀਤੇ RTGS 'ਤੇ ਕੋਈ ਚਾਰਜ ਨਹੀਂ ਹੋਵੇਗਾ। ਹਾਲਾਂਕਿ, ਜੀਐਸਟੀ ਤੋਂ ਇਲਾਵਾ, ਬੈਂਕ ਦੀ ਕਿਸੇ ਵੀ ਸ਼ਾਖਾ ਤੋਂ 2 ਲੱਖ ਰੁਪਏ ਤੋਂ 5 ਲੱਖ ਰੁਪਏ ਤੱਕ ਦੇ RTGS ਲੈਣ-ਦੇਣ 'ਤੇ 20 ਰੁਪਏ ਦਾ ਚਾਰਜ ਲਿਆ ਜਾਵੇਗਾ।
ਇਸ ਤੋਂ ਇਲਾਵਾ 5 ਲੱਖ ਰੁਪਏ ਤੋਂ ਲੈ ਕੇ 10 ਲੱਖ ਰੁਪਏ ਤੱਕ ਦੇ ਲੈਣ-ਦੇਣ 'ਤੇ 45 ਰੁਪਏ+ ਜੀਐੱਸਟੀ ਦਾ ਭੁਗਤਾਨ ਕਰਨਾ ਹੋਵੇਗਾ। ਫੰਡ ਟ੍ਰਾਂਸਫਰ ਦਾ ਸੁਨੇਹਾ ਮਿਲਣ ਦੇ 30 ਮਿੰਟਾਂ ਦੇ ਅੰਦਰ ਖਾਤੇ ਵਿੱਚ ਪੈਸੇ ਜਮ੍ਹਾਂ ਹੋ ਜਾਂਦੇ ਹਨ। ਜੇਕਰ ਤੁਸੀਂ ਚਾਹੋ, ਤਾਂ ਤੁਸੀਂ RTGS ਰਾਹੀਂ ਲੈਣ-ਦੇਣ ਨੂੰ ਕਿਸੇ ਵੀ ਤਿੰਨ ਕੰਮਕਾਜੀ ਦਿਨਾਂ ਤੋਂ ਪਹਿਲਾਂ ਹੀ ਤਹਿ ਕਰ ਸਕਦੇ ਹੋ। RTGS ਵਿੱਚ ਦੋ ਬੈਂਕ ਖਾਤਿਆਂ ਦੇ ਪੂਰੇ ਵੇਰਵੇ ਦਿੱਤੇ ਜਾਣੇ ਚਾਹੀਦੇ ਹਨ ਜਿਨ੍ਹਾਂ ਵਿੱਚ ਪੈਸੇ ਟ੍ਰਾਂਸਫਰ ਕੀਤੇ ਜਾਣੇ ਹਨ। ਜਿਸ ਬੈਂਕ ਖਾਤੇ ਵਿੱਚ ਪੈਸੇ ਭੇਜੇ ਜਾਣੇ ਹਨ, ਉਸ ਦਾ IFSC ਵੀ ਜ਼ਰੂਰੀ ਹੈ।
NET Banking ਰਾਹੀਂ RTGS ਦੀ ਵਰਤੋਂ ਕਰਕੇ ਪੈਸੇ ਦਾ ਲੈਣ-ਦੇਣ ਕਰਨਾ ਵੀ ਬਹੁਤ ਆਸਾਨ ਹੈ। ਪਹਿਲਾਂ ਲੌਗਇਨ ਕਰੋ ਅਤੇ ਉਸ ਵਿਅਕਤੀ ਦਾ ਵੇਰਵਾ ਸ਼ਾਮਲ ਕਰੋ ਜਿਸ ਨੂੰ ਪੈਸੇ ਭੇਜੇ ਜਾਣੇ ਹਨ। ਇਸ ਤੋਂ ਬਾਅਦ, ‘Funds Transfer’ ਟੈਬ ਦੇ ਹੇਠਾਂ ‘Payments and Transfer’ ਟੈਬ 'ਚ ਜਾਓ ਅਤੇ ‘Add a Payee’ ਆਪਸ਼ਨ 'ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ, ‘Other Bank Payee’ ਵਿਕਲਪ 'ਤੇ ਜਾਓ ਅਤੇ ਲਾਭਪਾਤਰੀ ਦਾ ਬੈਂਕ ਅਕਾਊਂਟ ਡਿਟੇਲ ਜਾਂ ਕ੍ਰੈਡਿਟ ਕਾਰਡ ਨੰਬਰ ਦਰਜ ਕਰਵਾਓ। IFSC ਕੋਡ ਦੇ ਨਾਲ ਬੈਂਕ ਅਤੇ ਸ਼ਾਖਾ ਦਾ ਨਾਮ ਦਰਜ ਕਰੋ। ਹੁਣ 'Confirm' 'ਤੇ ਕਲਿੱਕ ਕਰੋ। ਇਸ ਦੇ ਨਾਲ ਆਉਣ ਵਾਲਾ OTP ਦਰਜ ਕਰੋ। ਰਜਿਸਟ੍ਰੇਸ਼ਨ ਪ੍ਰਕਿਰਿਆ ਨੂੰ ਪੂਰਾ ਕਰਨ ਦੇ ਕੁਝ ਮਿੰਟਾਂ ਦੇ ਅੰਦਰ ਪੈਸੇ ਟ੍ਰਾਂਸਫਰ ਹੋ ਜਾਂਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
