ਰੁਜਗਾਰ ਦੇ ਖੁੱਲ੍ਹ ਰਹੇ ਮੌਕੇ! ਭਾਰਤੀ ਕੰਪਨੀਆਂ ਅਗਲੇ 3 ਮਹੀਨਿਆਂ 'ਚ ਤੇਜ਼ੀ ਨਾਲ ਕਰਨਗੀਆਂ ਭਰਤੀ, ਤਨਖਾਹ 'ਚ ਵੀ ਵਾਧਾ ਹੋਣ ਦੀ ਉਮੀਦ: ਰਿਪੋਰਟ
ਇੱਕ ਰਿਪੋਰਟ ਮੁਤਾਬਕ ਜਿੱਥੇ ਅਗਲੇ 3 ਮਹੀਨਿਆਂ ਵਿੱਚ ਨੌਕਰੀ ਦੇ ਮੌਕੇ ਵਧਣਗੇ, ਉੱਥੇ ਹੀ ਕਰਮਚਾਰੀਆਂ ਦੀ ਤਨਖਾਹ ਵਿੱਚ ਵੀ ਵਾਧਾ ਹੋਣ ਦੀ ਉਮੀਦ ਹੈ ਕਿਉਂਕਿ ਦੇਸ਼ ਮਹਾਂਮਾਰੀ ਦੇ ਪ੍ਰਭਾਵ ਤੋਂ ਬਾਹਰ ਆ ਰਿਹਾ ਹੈ।
Indian Companies will fasten recruitment process in next three months according to this report
Jobs Opportunity: ਭਾਰਤ 'ਚ 38 ਪ੍ਰਤੀਸ਼ਤ ਕੰਪਨੀਆਂ ਅਗਲੇ ਤਿੰਨ ਮਹੀਨਿਆਂ ਵਿੱਚ ਹੋਰ ਭਰਤੀ ਕਰਨ ਦੀ ਯੋਜਨਾ ਬਣਾ ਰਹੀਆਂ ਹਨ। ਇਸ ਤਰ੍ਹਾਂ ਅਪ੍ਰੈਲ-ਜੂਨ ਤਿਮਾਹੀ ਦੇ ਦੌਰਾਨ ਰੁਜ਼ਗਾਰਦਾਤਾਵਾਂ ਵੱਲੋਂ ਹਾਇਰਿੰਗ ਗਤੀਵਿਧੀ ਮਜ਼ਬੂਤ ਰਹਿਣ ਦੀ ਉਮੀਦ ਹੈ। ਇਹ ਜਾਣਕਾਰੀ ਮੰਗਲਵਾਰ ਨੂੰ ਮੈਨਪਾਵਰਗਰੁੱਪ ਇੰਪਲਾਇਮੈਂਟ ਆਉਟਲੁੱਕ ਸਰਵੇ ਦੇ 60ਵੇਂ ਸਾਲਾਨਾ ਐਡੀਸ਼ਨ 'ਚ ਦਿੱਤੀ ਗਈ। ਇਸ ਵਿੱਚ 3,090 ਮਾਲਕਾਂ ਦੀ ਰਾਏ ਜਾਣੀ ਗਈ।
ਭਰਤੀ ਦੀਆਂ ਗਤੀਵਿਧੀਆਂ ਵਿੱਚ ਹੋਇਆ ਵਾਧਾ
ਰਿਪੋਰਟ ਮੁਤਾਬਕ ਵੱਖ-ਵੱਖ ਖੇਤਰਾਂ 'ਚ ਭਰਤੀ ਗਤੀਵਿਧੀਆਂ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ ਜ਼ਿਆਦਾ ਮਜ਼ਬੂਤ ਹਨ। ਹਾਲਾਂਕਿ, ਤਿਮਾਹੀ ਆਧਾਰ 'ਤੇ ਇਹ ਅੰਦਾਜ਼ਾ ਲਗਾਇਆ ਗਿਆ ਹੈ ਕਿ ਜਨਵਰੀ-ਮਾਰਚ ਤਿਮਾਹੀ ਦੇ ਮੁਕਾਬਲੇ ਸ਼ੁੱਧ ਰੁਜ਼ਗਾਰ ਦ੍ਰਿਸ਼ 11 ਫੀਸਦੀ ਘੱਟ ਸਕਦਾ ਹੈ। ਅਪ੍ਰੈਲ-ਜੂਨ ਤਿਮਾਹੀ ਲਈ, 55 ਪ੍ਰਤੀਸ਼ਤ ਮਾਲਕ ਤਨਖਾਹਾਂ ਵਿੱਚ ਵਾਧੇ ਦੀ ਉਮੀਦ ਹੈ, 17 ਪ੍ਰਤੀਸ਼ਤ ਨੇ ਕਿਹਾ ਕਿ ਇਹ ਘਟੇਗਾ ਜਦੋਂ ਕਿ 36 ਪ੍ਰਤੀਸ਼ਤ ਨੇ ਕੋਈ ਬਦਲਾਅ ਨਹੀਂ ਹੋਵੇਗਾ। ਇਸ ਤਰ੍ਹਾਂ ਸ਼ੁੱਧ ਰੁਜ਼ਗਾਰ ਦ੍ਰਿਸ਼ 38 ਫੀਸਦੀ ਹੈ।
ਮੈਨਪਾਵਰ ਗਰੁੱਪ ਦਾ ਕੀ ਹੈ ਕਹਿਣਾ
ਮੈਨਪਾਵਰ ਗਰੁੱਪ ਦੇ ਗਰੁੱਪ ਮੈਨੇਜਿੰਗ ਡਾਇਰੈਕਟਰ ਸੰਦੀਪ ਗੁਲਾਟੀ ਨੇ ਕਿਹਾ, “ਜਦੋਂ ਦੇਸ਼ ਮਹਾਂਮਾਰੀ ਦੇ ਪ੍ਰਭਾਵ ਤੋਂ ਬਾਹਰ ਆ ਰਿਹਾ ਹੈ, ਪਰ ਗਲੋਬਲ ਭੂ-ਰਾਜਨੀਤਿਕ ਅਸਥਿਰਤਾ ਤੇ ਵਧਦੀ ਮਹਿੰਗਾਈ ਵਰਗੀਆਂ ਨਵੀਂ ਚੁਣੌਤੀਆਂ ਉਭਰ ਰਹੀ ਹੈ। ਇਸ ਦੌਰਾਨ ਭਾਰਤ ਸੂਚਨਾ ਅਤੇ ਟੈਕਨਾਲੋਜੀ ਦੇ ਮੁੱਖ ਸਰੋਤ ਵਜੋਂ ਅੱਗੇ ਵਧਦਾ ਰਹੇਗਾ।"
ਔਰਤਾਂ ਦੀ ਨੁਮਾਇੰਦਗੀ ਅਜੇ ਵੀ ਚਿੰਤਾ ਦਾ ਵਿਸ਼ਾ
ਗੁਲਾਟੀ ਨੇ ਕਿਹਾ ਕਿ ਕਰਮਚਾਰੀਆਂ ਵਿੱਚ ਔਰਤਾਂ ਦੀ ਪ੍ਰਤੀਨਿਧਤਾ ਅਜੇ ਵੀ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ। ਸਰਵੇਖਣ ਦੇ ਅਨੁਸਾਰ, ਆਈਟੀ ਅਤੇ ਤਕਨਾਲੋਜੀ ਦੀਆਂ ਭੂਮਿਕਾਵਾਂ ਲਈ ਦ੍ਰਿਸ਼ਟੀਕੋਣ 51 ਪ੍ਰਤੀਸ਼ਤ ਦੇ ਨਾਲ ਸਭ ਤੋਂ ਮਜ਼ਬੂਤ ਹੈ, ਇਸ ਤੋਂ ਬਾਅਦ ਰੈਸਟੋਰੈਂਟ ਤੇ ਹੋਟਲ 38 ਪ੍ਰਤੀਸ਼ਤ, ਸਿੱਖਿਆ, ਸਿਹਤ, ਸਮਾਜਿਕ ਕਾਰਜ ਤੇ ਸਰਕਾਰੀ ਪਲੇਸਮੈਂਟ 37 ਪ੍ਰਤੀਸ਼ਤ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
