Narayana and Sudha Murthy: ਸਿਰਫ਼ 800 ਰੁਪਏ ਵਿੱਚ ਹੋਇਆ ਸੀ ਇੰਫੋਸਿਸ ਕੋ-ਫਾਊਂਡਰ ਦਾ ਵਿਆਹ, ਸੁਧਾ ਮੂਰਤੀ ਨੇ ਹੁਣ ਖੋਲ੍ਹੇ ਕਈ ਰਾਜ਼
Narayana and Sudha Murthy: ਇੰਫੋਸਿਸ ਦੇ ਸਹਿ-ਸੰਸਥਾਪਕ ਨਰਾਇਣ ਮੂਰਤੀ ਨੇ ਆਪਣੇ ਵਿਆਹ 'ਤੇ ਸਿਰਫ 800 ਰੁਪਏ ਖਰਚ ਕੀਤੇ ਸਨ। ਇਕ ਇੰਟਰਵਿਊ 'ਚ ਉਨ੍ਹਾਂ ਨੇ ਇਸ ਨਾਲ ਜੁੜੇ ਕਈ ਰਾਜ਼ ਖੋਲ੍ਹੇ ਹਨ।
Narayana and Sudha Murthy Wedding: ਇਨਫੋਸਿਸ ਦੇ ਸਹਿ-ਸੰਸਥਾਪਕ ਨਰਾਇਣ ਮੂਰਤੀ (Infosys co-founder Narayana Murthy) ਅਤੇ ਪਰਉਪਕਾਰੀ ਸੁਧਾ ਮੂਰਤੀ (philanthropist Sudha Murthy) ਦੇਸ਼ ਦੇ ਸਭ ਤੋਂ ਅਮੀਰ ਜੋੜਿਆਂ (richest couples) ਵਿੱਚੋਂ ਇੱਕ ਹਨ, ਪਰ ਉਹ ਆਪਣੀ ਸਾਦੀ ਜੀਵਨ ਸ਼ੈਲੀ (simple lifestyle) ਲਈ ਜਾਣੇ ਜਾਂਦੇ ਹਨ। ਹਾਲ ਹੀ 'ਚ ਨਾਰਾਇਣ ਅਤੇ ਸੁਧਾ ਮੂਰਤੀ ਨੇ ਇਕ ਚੈਨਲ ਨੂੰ ਦਿੱਤੇ ਇੰਟਰਵਿਊ 'ਚ ਆਪਣੇ ਵਿਆਹ ਨਾਲ ਜੁੜੇ ਕਈ ਹੈਰਾਨ ਕਰਨ ਵਾਲੇ ਰਾਜ਼ ਖੋਲ੍ਹੇ ਹਨ। ਜੋੜੇ ਨੇ ਦੱਸਿਆ ਕਿ ਉਨ੍ਹਾਂ ਨੇ ਆਪਣੇ ਵਿਆਹ 'ਤੇ ਸਿਰਫ 800 ਰੁਪਏ ਖਰਚ ਕੀਤੇ ਸਨ।
ਸੁਧਾ ਮੂਰਤੀ ਨੇ ਇੰਟਰਵਿਊ ਦੌਰਾਨ ਕਿਹਾ- ਮੈਂ ਇੱਕ ਵੱਡੇ ਸੰਯੁਕਤ ਪਰਿਵਾਰ (joint family) ਨਾਲ ਸਬੰਧਤ ਹਾਂ, ਜਿੱਥੇ ਪਰਿਵਾਰ ਵਿੱਚ ਸਿਰਫ਼ 75 ਤੋਂ 80 ਮੈਂਬਰ ਸਨ। ਅਜਿਹੇ 'ਚ ਉਹਨਾਂ ਦੇ ਪਿਤਾ ਸੁਧਾ ਮੂਰਤੀ ਦੇ ਵਿਆਹ ਲਈ 200 ਤੋਂ 300 ਰਿਸ਼ਤੇਦਾਰਾਂ ਨੂੰ ਬੁਲਾਉਣਾ ਚਾਹੁੰਦੇ ਸਨ ਪਰ ਸੁਧਾ ਮੂਰਤੀ ਸ਼ਾਨਦਾਰ ਵਿਆਹ ਦੀ ਬਜਾਏ ਸਾਦਾ ਵਿਆਹ ਚਾਹੁੰਦੀ ਸੀ।
ਪਿਤਾ ਸੀ ਨਾਖ਼ੁਸ਼
ਸੁਧਾ ਮੂਰਤੀ ਅਤੇ ਨਰਾਇਣ ਮੂਰਤੀ ਦਾ ਵਿਆਹ ਸਾਲ 1978 ਵਿੱਚ ਹੋਇਆ ਸੀ। ਦੋਵੇਂ ਬਹੁਤ ਧੂਮ-ਧਾਮ ਦੀ ਬਜਾਏ ਸਾਦਾ ਵਿਆਹ ਚਾਹੁੰਦੇ ਸਨ। ਇਸ ਦੇ ਲਈ ਉਨ੍ਹਾਂ ਨੇ ਵਿਆਹ ਲਈ 800 ਰੁਪਏ ਦਾ ਬਜਟ ਤੈਅ ਕੀਤਾ ਸੀ ਪਰ ਸੁਧਾ ਮੂਰਤੀ ਦੇ ਪਿਤਾ ਇਸ ਤੋਂ ਨਾਖੁਸ਼ ਸਨ। ਉਸ ਨੇ ਦੱਸਿਆ ਕਿ ਇਹ ਪਰਿਵਾਰ ਦੀ ਪਹਿਲੀ ਬੇਟੀ ਦਾ ਵਿਆਹ ਹੈ ਅਤੇ ਉਹ ਇਸ ਨੂੰ ਧੂਮ-ਧਾਮ ਨਾਲ ਕਰਨਾ ਚਾਹੁੰਦੇ ਸਨ, ਪਰ ਅਖੀਰ ਦੋਵਾਂ ਨੇ ਸਾਦਾ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਜੋੜੇ ਨੇ ਕਰੀਬੀ ਰਿਸ਼ਤੇਦਾਰਾਂ ਅਤੇ ਦੋਸਤਾਂ ਦੀ ਮੌਜੂਦਗੀ ਵਿੱਚ ਬੈਂਗਲੁਰੂ ਵਿੱਚ ਸੱਤ ਫੇਰੇ ਲਏ।
ਵਿਆਹ ਸਿਰਫ਼ 800 ਰੁਪਏ ਵਿੱਚ ਹੋਇਆ
ਸੁਧਾ ਮੂਰਤੀ ਨੇ ਦੱਸਿਆ ਕਿ ਦੋਵਾਂ ਨੇ ਮਿਲ ਕੇ ਇਸ ਵਿਆਹ 'ਤੇ ਕੁੱਲ 800 ਰੁਪਏ ਖਰਚ ਕੀਤੇ ਸਨ, ਜਿਸ 'ਚੋਂ 400 ਰੁਪਏ ਨਰਾਇਣ ਮੂਰਤੀ ਅਤੇ 400 ਰੁਪਏ ਸੁਧਾ ਮੂਰਤੀ ਨੇ ਖਰਚ ਕੀਤੇ ਸਨ। ਦੋਹਾਂ ਨੇ ਆਪਣੇ ਵਿਆਹ ਨੂੰ ਬਹੁਤ ਹੀ ਸਾਦਾ ਰੱਖਿਆ ਸੀ। ਨਰਾਇਣ ਮੂਰਤੀ ਨੇ ਸੁਧਾ ਮੂਰਤੀ ਨੂੰ ਸਾੜੀ ਜਾਂ ਮੰਗਲਸੂਤਰ ਚੁਣਨ ਦਾ ਵਿਕਲਪ ਦਿੱਤਾ ਸੀ, ਇਸ ਲਈ ਉਸਨੇ 300 ਰੁਪਏ ਵਿੱਚ ਇੱਕ ਨਵਾਂ ਮੰਗਲਸੂਤਰ ਖਰੀਦਿਆ। ਸੁਧਾ ਮੂਰਤੀ ਨੇ ਇਸ ਇੰਟਰਵਿਊ 'ਚ ਕਿਹਾ ਕਿ ਵਿਆਹ ਸਿਰਫ ਇਕ ਦਿਨ ਦਾ ਬੰਧਨ ਨਹੀਂ ਹੈ, ਇਹ ਜ਼ਿੰਦਗੀ ਭਰ ਦਾ ਰਿਸ਼ਤਾ ਹੈ। ਅਜਿਹੇ 'ਚ ਸਾਨੂੰ ਜ਼ਿਆਦਾ ਪੈਸਾ ਖਰਚ ਕਰਨ ਦੀ ਬਜਾਏ ਇਕ ਦੂਜੇ 'ਤੇ ਜ਼ਿਆਦਾ ਧਿਆਨ ਦੇਣਾ ਚਾਹੀਦਾ ਹੈ।
ਨਾਰਾਇਣ ਮੂਰਤੀ ਹੈ ਇੰਨੇ ਕਰੋੜ ਦੇ ਮਾਲਕ
ਇੰਫੋਸਿਸ ਦੇ ਸਹਿ-ਸੰਸਥਾਪਕ ਨਰਾਇਣ ਮੂਰਤੀ ਦਾ ਨਾਂ ਦੇਸ਼ ਦੇ ਸਭ ਤੋਂ ਅਮੀਰ ਲੋਕਾਂ ਦੀ ਸੂਚੀ ਵਿੱਚ ਆਉਂਦਾ ਹੈ। ਫੋਰਬਸ ਦੀ ਰਿਪੋਰਟ ਮੁਤਾਬਕ ਉਸ ਦੀ ਕੁੱਲ ਜਾਇਦਾਦ 4.4 ਬਿਲੀਅਨ ਡਾਲਰ ਹੈ। ਨਾਰਾਇਣ ਅਤੇ ਸੁਧਾ ਮੂਰਤੀ ਦੀ ਕੁੱਲ ਸੰਪਤੀ ਲਗਭਗ 37,465 ਕਰੋੜ ਰੁਪਏ ਹੈ। ਸੁਧਾ ਮੂਰਤੀ ਇਨਫੋਸਿਸ ਫਾਊਂਡੇਸ਼ਨ ਦੀ ਚੇਅਰਪਰਸਨ ਹੈ।
Before You Go
10 ਲੱਖ ਯੋਜਨਾ ‘ਤੇ ਨਵਾਂ ਅਪਡੇਟ! CM ਮਾਨ ਦੀ ਵੱਡੀ ਗੱਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
