ਹੁਣ ਜੀਓ ਦੇ ਲੱਗਣ ਲੱਗੇ ਝਟਕੇ! 3 ਪ੍ਰੀਪੇਡ ਰੀਚਾਰਜ ਪਲਾਨ ਹੋਏ ਮਹਿੰਗੇ, 1 ਨਵਾਂ ਪਲਾਨ ਵੀ ਜੋੜਿਆ
Reliance Jio New Recharge Plan: ਜੇਕਰ ਤੁਸੀਂ ਰਿਲਾਇੰਸ ਜਿਓ ਦੇ ਗਾਹਕ ਹੋ ਤਾਂ ਇਸ ਖ਼ਬਰ ਨੂੰ ਧਿਆਨ ਨਾਲ ਪੜ੍ਹੋ। ਇਹ ਖ਼ਬਰ ਤੁਹਾਡੇ ਬਜਟ ਨਾਲ ਜੁੜੀ ਹੋਈ ਹੈ। ਦਰਅਸਲ, ਜੀਓ ਨੇ ਆਪਣੇ ਤਿੰਨ ਪ੍ਰੀਪੇਡ ਰੀਚਾਰਜ ਪਲਾਨ ਦੀਆਂ ਕੀਮਤਾਂ
Reliance Jio New Recharge Plan: ਜੇਕਰ ਤੁਸੀਂ ਰਿਲਾਇੰਸ ਜਿਓ ਦੇ ਗਾਹਕ ਹੋ ਤਾਂ ਇਸ ਖ਼ਬਰ ਨੂੰ ਧਿਆਨ ਨਾਲ ਪੜ੍ਹੋ। ਇਹ ਖ਼ਬਰ ਤੁਹਾਡੇ ਬਜਟ ਨਾਲ ਜੁੜੀ ਹੋਈ ਹੈ। ਦਰਅਸਲ, ਜੀਓ ਨੇ ਆਪਣੇ ਤਿੰਨ ਪ੍ਰੀਪੇਡ ਰੀਚਾਰਜ ਪਲਾਨ ਦੀਆਂ ਕੀਮਤਾਂ ਵਧਾ ਦਿੱਤੀਆਂ ਹਨ। ਇਹ ਤਿੰਨੇ ਕੰਪਨੀ ਦੇ ਮਸ਼ਹੂਰ ਪਲਾਨ 'ਚ ਸ਼ਾਮਲ ਹਨ। ਅਜਿਹੇ 'ਚ ਇਨ੍ਹਾਂ 'ਚ ਵਾਧੇ ਦਾ ਅਸਰ ਤੁਹਾਡੀ ਜੇਬ 'ਤੇ ਵੀ ਪਵੇਗਾ। ਆਓ ਜਾਣਦੇ ਹਾਂ ਕਿਸ ਪਲਾਨ 'ਚ ਕਿੰਨਾ ਬਦਲਾਅ ਕੀਤਾ ਗਿਆ ਹੈ?
155 ਰੁਪਏ ਦਾ ਪਲਾਨ ਹੁਣ 186 'ਚ
ਕੰਪਨੀ ਨੇ ਆਪਣੇ 155 ਰੁਪਏ ਵਾਲੇ ਪਲਾਨ 'ਚ 31 ਰੁਪਏ ਦਾ ਵਾਧਾ ਕੀਤਾ ਹੈ। ਹੁਣ ਇਹ ਪ੍ਰੀਪੇਡ ਰੀਚਾਰਜ ਪਲਾਨ 186 ਰੁਪਏ ਦਾ ਹੋ ਗਿਆ ਹੈ। ਇਹ ਪਲਾਨ 28 ਦਿਨਾਂ ਦੀ ਵੈਧਤਾ ਦੇ ਨਾਲ ਆਉਂਦਾ ਹੈ। ਇਸ 'ਚ ਯੂਜ਼ਰਸ ਨੂੰ ਰੋਜ਼ਾਨਾ 1 ਜੀਬੀ ਡਾਟਾ, ਅਨਲਿਮਟਿਡ ਵੌਇਸ ਕਾਲਿੰਗ ਤੇ ਰੋਜ਼ਾਨਾ 100 SMS ਆਪਸ਼ਨ ਮਿਲਦਾ ਹੈ। ਇਸ ਤੋਂ ਇਲਾਵਾ ਜਿਓ ਦੀਆਂ ਸਾਰੀਆਂ ਐਪਸ ਮੁਫ਼ਤ 'ਚ ਉਪਲੱਬਧ ਹਨ।
ਹੁਣ 186 ਰੁਪਏ ਵਾਲੇ ਪਲਾਨ ਲਈ 222 ਰੁਪਏ ਦੇਣੇ ਹੋਣਗੇ
ਜੀਓ ਨੇ ਆਪਣੇ 186 ਰੁਪਏ ਵਾਲੇ ਪਲਾਨ 'ਚ ਵੀ ਬਦਲਾਅ ਕੀਤੇ ਹਨ। 36 ਰੁਪਏ ਦੇ ਵਾਧੇ ਤੋਂ ਬਾਅਦ ਹੁਣ ਗਾਹਕ ਨੂੰ ਇਸ ਦੇ ਲਈ 222 ਰੁਪਏ ਦੇਣੇ ਹੋਣਗੇ। ਇਹ ਪਲਾਨ 28 ਦਿਨਾਂ ਦੀ ਵੈਧਤਾ ਦੇ ਨਾਲ ਵੀ ਆਉਂਦਾ ਹੈ। ਇਸ 'ਚ 2 ਜੀਬੀ ਡੇਟਾ ਪ੍ਰਤੀ ਦਿਨ, ਅਨਲਿਮਟਿਡ ਕਾਲਿੰਗ ਅਤੇ ਰੋਜ਼ਾਨਾ 100 ਐਸਐਮਐਸ ਦੀ ਸਹੂਲਤ ਮਿਲਦੀ ਹੈ। ਇਸ 'ਚ ਜੀਓ ਦੇ ਸਾਰੇ ਐਪਸ ਦੀ ਵਰਤੋਂ ਵੀ ਮੁਫ਼ਤ ਹੈ।
749 ਰੁਪਏ ਦਾ ਪਲਾਨ 899 ਰੁਪਏ ਦਾ ਹੋਇਆ
28 ਦਿਨਾਂ ਦੀ ਵੈਧਤਾ ਦੇ ਨਾਲ ਆਉਣ ਵਾਲੇ ਇਸ ਪਲਾਨ ਦੀ ਕੀਮਤ ਪਹਿਲਾਂ 749 ਰੁਪਏ ਸੀ, ਪਰ ਹੁਣ ਇਸ ਦੀ ਕੀਮਤ 899 ਰੁਪਏ ਹੋ ਗਈ ਹੈ। ਇਸ 'ਚ ਤੁਹਾਨੂੰ ਰੋਜ਼ਾਨਾ 2 ਜੀਬੀ ਡਾਟਾ ਮਿਲਦਾ ਹੈ। ਇਸ ਤੋਂ ਇਲਾਵਾ ਤੁਹਾਨੂੰ ਅਨਲਿਮਟਿਡ ਵੌਇਸ ਕਾਲਿੰਗ ਵੀ ਮਿਲਦੀ ਹੈ। ਤੁਸੀਂ ਰੋਜ਼ਾਨਾ 50 SMS ਵੀ ਭੇਜ ਸਕਦੇ ਹੋ। ਇਸ ਰੀਚਾਰਜ ਪਲਾਨ 'ਚ ਤੁਸੀਂ Jio ਦੇ ਸਾਰੇ ਐਪਸ ਨੂੰ ਮੁਫ਼ਤ 'ਚ ਵੀ ਵਰਤ ਸਕਦੇ ਹੋ।
152 ਰੁਪਏ ਦਾ ਨਵਾਂ ਪਲਾਨ ਜੋੜਿਆ
ਤਿੰਨ ਪਲਾਨ 'ਚ ਵਾਧੇ ਦੇ ਨਾਲ ਜੀਓ ਨੇ ਗਾਹਕਾਂ ਲਈ ਇੱਕ ਨਵਾਂ ਪਲਾਨ (Jio New Recharge Plan) ਵੀ ਲਾਂਚ ਕੀਤਾ ਹੈ। 152 ਰੁਪਏ ਦੇ ਇਸ ਨਵੇਂ ਪਲਾਨ 'ਚ ਤੁਹਾਨੂੰ ਰੋਜ਼ਾਨਾ 0.5 ਜੀਬੀ ਡਾਟਾ ਮਿਲੇਗਾ। ਇਸ ਤੋਂ ਇਲਾਵਾ ਪਲਾਨ 'ਚ ਅਨਲਿਮਟਿਡ ਵਾਇਸ ਕਾਲਿੰਗ ਤੇ 300 SMS ਦੀ ਸੁਵਿਧਾ ਵੀ ਦਿੱਤੀ ਗਈ ਹੈ। ਇਸ ਦੀ ਵੈਧਤਾ 28 ਦਿਨਾਂ ਦੀ ਹੋਵੇਗੀ ਤੇ ਤੁਸੀਂ ਜੀਓ ਦੇ ਸਾਰੇ ਐਪਸ ਦੀ ਵਰਤੋਂ ਵੀ ਕਰ ਸਕੋਗੇ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
