Recharge Plan: JIO ਨੇ ਆਪਣੇ ਗਾਹਕਾਂ ਨੂੰ ਦਿੱਤਾ ਵੱਡਾ ਝਟਕਾ, ਸਭ ਤੋਂ ਸਸਤੇ ਰੀਚਾਰਜ ਪਲਾਨ ਕੀਤੇ ਬੰਦ, ਜਾਣੋ ਡਿਟੇਲ
Jio Recharge Plan: ਰਿਲਾਇੰਸ ਜੀਓ, ਏਅਰਟੈੱਲ ਅਤੇ VI ਨੇ ਆਪਣੇ ਸਾਰੇ ਰੀਚਾਰਜ ਪਲਾਨ ਮਹਿੰਗੇ ਕਰ ਦਿੱਤੇ ਹਨ ਅਤੇ ਵਧੀਆਂ ਕੀਮਤਾਂ ਲਾਗੂ ਕਰ ਦਿੱਤੀਆਂ ਗਈਆਂ ਹਨ। ਇਸ ਦੇ ਨਾਲ ਸਭ ਤੋਂ ਸਸਤੇ ਰੀਚਾਰਜ ਪਲਾਨ ਵੀ ਹਟਾ ਦਿੱਤੇ ਹਨ।
Jio Recharge Plan: ਰਿਲਾਇੰਸ ਜੀਓ, ਏਅਰਟੈੱਲ ਅਤੇ VI ਨੇ ਆਪਣੇ ਸਾਰੇ ਰੀਚਾਰਜ ਪਲਾਨ ਮਹਿੰਗੇ ਕਰ ਦਿੱਤੇ ਹਨ ਅਤੇ ਵਧੀਆਂ ਕੀਮਤਾਂ ਲਾਗੂ ਕਰ ਦਿੱਤੀਆਂ ਗਈਆਂ ਹਨ। ਜੀਓ ਨੇ ਆਪਣੇ ਉਪਭੋਗਤਾਵਾਂ ਨੂੰ ਕੁਝ ਰਾਹਤ ਦਿੱਤੀ ਸੀ ਅਤੇ 149 ਰੁਪਏ ਅਤੇ 179 ਰੁਪਏ ਦੇ ਰੀਚਾਰਜ ਪਲਾਨ ਨੂੰ ਬਰਕਰਾਰ ਰੱਖਿਆ ਸੀ।
ਹਾਲਾਂਕਿ, ਉਨ੍ਹਾਂ ਦੀ ਵੈਧਤਾ ਘੱਟ ਕਰ ਦਿੱਤਾ ਗਿਆ ਸੀ। ਹੁਣ ਇੱਕ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਕੰਪਨੀ ਨੇ ਚੁੱਪਚਾਪ ਆਪਣੇ ਪਲੇਟਫਾਰਮ ਤੋਂ ਇਹ ਦੋਵੇਂ ਰੀਚਾਰਜ ਪਲਾਨ ਹਟਾ ਦਿੱਤੇ ਹਨ।
TelecomTalk ਦੀ ਰਿਪੋਰਟ ਮੁਤਾਬਕ ਕੰਪਨੀ ਨੇ 149 ਰੁਪਏ ਅਤੇ 179 ਰੁਪਏ ਦੇ ਰੀਚਾਰਜ ਪਲਾਨ ਨੂੰ ਹਟਾ ਦਿੱਤਾ ਹੈ। ਇਸ ਦਾ ਮਤਲਬ ਹੈ ਕਿ ਆਊਟਗੋਇੰਗ ਲਈ Jio ਸਿਮ ਨੂੰ ਐਕਟਿਵ ਰੱਖਣਾ ਪਹਿਲਾਂ ਨਾਲੋਂ ਮਹਿੰਗਾ ਹੋ ਗਿਆ ਹੈ।
ਪਰ ਜੀਓ ਵਾਲਿਆਂ ਲਈ ਚੰਗੀ ਗੱਲ ਇਹ ਹੈ ਕਿ ਯੂਜ਼ਰਸ ਦੇ ਨੰਬਰ ਦੀ ਇਨਕਮਿੰਗ ਉਦੋਂ ਵੀ ਕੰਮ ਕਰਦੀ ਹੈ, ਜਦੋਂ ਗਾਹਕ ਨੇ ਐਕਟਿਵ ਸਰਵਿਸ ਵੈਲੀਡਿਟੀ ਪਲਾਨ ਦੇ ਨਾਲ ਸਿਮ ਨੂੰ ਰਿਚਾਰਜ ਨਾ ਵੀ ਕੀਤਾ ਹੋਵੇ।
ਹਾਲਾਂਕਿ, ਇਸ ਫੈਸਲੇ ਨਾਲ ਉਨ੍ਹਾਂ ਗਾਹਕਾਂ ਨੂੰ ਝਟਕਾ ਲੱਗੇਗਾ ਜਿਹੜੇ ਸਸਤੇ ਰੀਚਾਰਜ ਕਰਨਾ ਚਾਹੁੰਦੇ ਹਨ। ਹੁਣ ਉਨ੍ਹਾਂ ਨੂੰ ਕਾਲ ਕਰਨ ਲਈ ਜ਼ਿਆਦਾ ਕੀਮਤ ਵਾਲਾ ਰੀਚਾਰਜ ਪਲਾਨ ਚੁਣਨਾ ਹੋਵੇਗਾ। ਇਸ ਬਦਲਾਅ ਤੋਂ ਬਾਅਦ ਰਿਲਾਇੰਸ ਜੀਓ ਦਾ ਸਭ ਤੋਂ ਸਸਤਾ ਵੈਲੀਡਿਟੀ ਰੀਚਾਰਜ ਪਲਾਨ 189 ਰੁਪਏ ਦਾ ਹੈ। ਇਸ ਪਲਾਨ 'ਤੇ ਯੂਜ਼ਰਸ ਨੂੰ 2 ਜੀਬੀ ਮੋਬਾਈਲ ਡਾਟਾ, ਅਨਲਿਮਟਿਡ ਕਾਲਿੰਗ, 300 SMS ਅਤੇ Jio ਐਪਸ ਦੀ ਸਬਸਕ੍ਰਿਪਸ਼ਨ ਮਿਲਦੀ ਹੈ। ਇਸ ਦੀ ਵੈਲੀਡਿਟੀ 28 ਦਿਨ ਦੀ ਹੈ।
ਪਹਿਲਾਂ ਇਸ ਪਲਾਨ ਦੀ ਕੀਮਤ 155 ਰੁਪਏ ਸੀ, ਜੋ 3 ਜੁਲਾਈ ਤੋਂ ਵਧ ਕੇ 189 ਰੁਪਏ ਹੋ ਗਈ ਹੈ। ਜੀਓ ਦੇ ਮੁਕਾਬਲੇ ਏਅਰਟੈੱਲ ਅਤੇ ਵੀਆਈ 199 ਰੁਪਏ ਵਿੱਚ ਸਮਾਨ ਵਿਸ਼ੇਸ਼ਤਾਵਾਂ ਵਾਲਾ ਇੱਕ ਪਲਾਨ ਪੇਸ਼ ਕਰਦੇ ਹਨ। ਜੀਓ ਦੇ ਹੋਰ ਪ੍ਰੀਪੇਡ ਰੀਚਾਰਜ ਪਲਾਨ ਦੀ ਗੱਲ ਕਰੀਏ ਤਾਂ 209 ਰੁਪਏ ਦਾ 28 ਦਿਨਾਂ ਦਾ ਪ੍ਰੀਪੇਡ ਰੀਚਾਰਜ ਹੁਣ 249 ਰੁਪਏ ਹੋ ਗਿਆ ਹੈ। 239 ਰੁਪਏ ਦਾ 28 ਦਿਨਾਂ ਦਾ ਪ੍ਰੀਪੇਡ ਰੀਚਾਰਜ ਹੁਣ 299 ਰੁਪਏ ਹੈ। 349 ਰੁਪਏ ਦਾ 28 ਦਿਨਾਂ ਦਾ ਪ੍ਰੀਪੇਡ ਰੀਚਾਰਜ ਹੁਣ 399 ਰੁਪਏ ਹੈ। 399 ਰੁਪਏ ਦਾ 28 ਦਿਨਾਂ ਦਾ ਪ੍ਰੀਪੇਡ ਰੀਚਾਰਜ ਹੁਣ 449 ਰੁਪਏ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
