ITR Filing: ਇਨਕਮ ਟੈਕਸ ਰਿਟਰਨ ਫਾਈਲ ਕਰਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਜ਼ਰੂਰ ਰੱਖੋ ਧਿਆਨ, ਰਿਫੰਡ 'ਚ ਨਹੀਂ ਹੋਵੇਗੀ ਪਰੇਸ਼ਾਨੀ!
ITR Refund: ਟੈਕਸਦਾਤਾ ਇਨਕਮ ਟੈਕਸ ਰਿਟਰਨ ਭਰਦੇ ਸਮੇਂ ਕੁੱਝ ਆਮ ਗਲਤੀਆਂ ਕਰਦੇ ਹਨ ਜਿਸ ਕਾਰਨ ਉਨ੍ਹਾਂ ਨੂੰ ਰਿਫੰਡ ਪ੍ਰਾਪਤ ਕਰਨ ਵਿੱਚ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
Income Tax Return Filing: ਇਨਕਮ ਟੈਕਸ ਵਿਭਾਗ (Income Tax Department) ਵਾਰ-ਵਾਰ ਦੇਸ਼ ਦੇ ਕਰੋੜਾਂ ਟੈਕਸਦਾਤਾਵਾਂ ਨੂੰ ਵਿੱਤੀ ਸਾਲ 2022-23 ਅਤੇ ਮੁਲਾਂਕਣ ਸਾਲ 2023-24 ਲਈ ਆਈਟੀਆਰ ਫਾਈਲ ਕਰਨ ਲਈ ਵਾਰ-ਵਾਰ ਕਹਿ ਰਿਹਾ ਹੈ। ਬਿਨਾਂ ਜੁਰਮਾਨੇ ਦੇ ਰਿਟਰਨ ਭਰਨ ਦੀ ਆਖਰੀ ਮਿਤੀ 31 ਜੁਲਾਈ 2023 ਹੈ। ਅਜਿਹੀ ਸਥਿਤੀ ਵਿੱਚ, ਸਮੇਂ ਵਿੱਚ ਆਈਟੀਆਰ ਫਾਈਲ ਕਰਨਾ ਜ਼ਰੂਰੀ ਹੈ। ਕਈ ਥਾਵਾਂ 'ਤੇ ਕਰਮਚਾਰੀਆਂ ਦੀ ਤਨਖਾਹ ਦਾ ਕੁੱਝ ਹਿੱਸਾ ਟੀਡੀਐਸ ਵਜੋਂ ਕੱਟਿਆ ਜਾਂਦਾ ਹੈ।
ਜੇ ਤੁਹਾਡੇ ਟੀਡੀਐਸ ਕੁੱਲ ਦੇਣਦਾਰੀ ਤੋਂ ਜ਼ਿਆਦਾ ਕੱਟਿਆ ਜਾਂਦਾ ਹੈ ਤਾਂ ਤੁਹਾਨੂੰ ਇਨਕਮ ਟੈਕਸ ਸਲੈਬ ਦੇ ਅਨੁਸਾਰ ਰਿਫੰਡ ਮਿਲੇਗਾ। ਜੇ ਤੁਹਾਡਾ ਟੈਕਸ ਘੱਟ ਕੱਟਿਆ ਜਾਂਦਾ ਹੈ ਤਾਂ ਤੁਹਾਨੂੰ ਜਿੰਨਾਂ ਅੰਤਰ ਹੈ ਉਨਾਂ ਹੀ ਟੈਕਸ ਜਮ੍ਹਾ ਕਰਨਾ ਹੋਵੇਗਾ।
ਰਿਫੰਡ ਪ੍ਰਾਪਤ ਕਰਨ 'ਚ ਕਿਉਂ ਸਮੇਂ ਹੋ ਸਕਦੀ ਹੈ ਦੇਰੀ
ITR ਫਾਈਲ ਕਰਦੇ ਸਮੇਂ ਟੈਕਸਦਾਤਾ ਕੁਝ ਆਮ ਗਲਤੀਆਂ ਕਰਦੇ ਹਨ। ਇਸ ਕਾਰਨ ਉਨ੍ਹਾਂ ਨੂੰ ਬਾਅਦ ਵਿੱਚ ਰਿਫੰਡ ਲੈਣ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸਦੀ ਸਭ ਤੋਂ ਆਮ ਗਲਤੀ ਬੈਂਕ ਖਾਤੇ ਦੇ ਵੇਰਵੇ ਨੂੰ ਗਲਤ ਤਰੀਕੇ ਨਾਲ ਭਰਨਾ ਹੈ। ਕਈ ਵਾਰ ਲੋਕ ਰਿਟਰਨ ਭਰਦੇ ਸਮੇਂ ਬੈਂਕ ਖਾਤੇ ਨਾਲ ਜੁੜੀ ਗਲਤ ਜਾਣਕਾਰੀ ਦਰਜ ਕਰਦੇ ਹਨ। ਇਸ ਕਾਰਨ ਬਾਅਦ ਵਿੱਚ ਉਨ੍ਹਾਂ ਨੂੰ ਸਮੇਂ ਸਿਰ ਰਿਫੰਡ ਨਹੀਂ ਮਿਲਦਾ।
ਗਲਤ ਜਾਣਕਾਰੀ ਨਾ ਦਿਓ
ਇਨਕਮ ਟੈਕਸ ਰਿਟਰਨ ਭਰਦੇ ਸਮੇਂ ਕਦੇ ਵੀ ਗਲਤ ਜਾਣਕਾਰੀ ਨਾ ਦਿਓ। ਇਸ ਕਾਰਨ ਤੁਹਾਨੂੰ ਰਿਫੰਡ ਲੈਣ 'ਚ ਪਰੇਸ਼ਾਨੀ ਹੋ ਸਕਦੀ ਹੈ ਅਤੇ ਤੁਹਾਨੂੰ ਇਨਕਮ ਟੈਕਸ ਨੋਟਿਸ ਵੀ ਮਿਲ ਸਕਦਾ ਹੈ। ਧਿਆਨ ਰਹੇ ਕਿ ਇਨਕਮ ਟੈਕਸ ਵਿਭਾਗ ਸਾਰੀ ਜਾਣਕਾਰੀ ਦੀ ਜਾਂਚ ਕਰਦਾ ਹੈ ਅਤੇ ਉਸ ਤੋਂ ਬਾਅਦ ਹੀ ਰਿਫੰਡ ਜਾਰੀ ਕਰਦਾ ਹੈ। ਅਜਿਹੀ ਸਥਿਤੀ ਵਿੱਚ, ਪਹਿਲਾਂ ਸਾਰੇ ਵੇਰਵਿਆਂ ਦੀ ਜਾਂਚ ਕਰੋ ਅਤੇ ਫਿਰ ਹੀ ITR ਫਾਈਲ ਕਰੋ।
ਕਿਵੇਂ ਚੈੱਕ ਕਰੀਏ ਰਿਫੰਡ ਸਟੇਟਸ
ਤੁਸੀਂ ਇਨਕਮ ਟੈਕਸ ਰਿਫੰਡ ਸਥਿਤੀ ਨੂੰ ਆਨਲਾਈਨ ਦੇਖ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ ਈ-ਫਾਈਲਿੰਗ ਪੋਰਟਲ 'ਤੇ ਜਾਣਾ ਹੋਵੇਗਾ। Know Your Refund Status 'ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ ਤੁਹਾਨੂੰ ਆਪਣਾ ਪੈਨ ਨੰਬਰ (Pan Number), ਮੁਲਾਂਕਣ ਸਾਲ (Assessment Year) ਤੇ ਮੋਬਾਈਲ ਨੰਬਰ ਦਰਜ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਤੁਹਾਡੇ ਮੋਬਾਈਲ 'ਤੇ OTP ਆਵੇਗਾ, ਇਸ ਨੂੰ ਇੱਥੇ ਐਂਟਰ ਕਰੋ। ਇਸ ਤੋਂ ਬਾਅਦ, ਤੁਹਾਨੂੰ ਕੁੱਝ ਹੀ ਮਿੰਟਾਂ ਵਿੱਚ ਆਪਣੇ ਇਨਕਮ ਟੈਕਸ ਰਿਫੰਡ ਦੀ ਸਥਿਤੀ ਦਿਖਾਈ ਦੇਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
