(Source: ECI/ABP News)
ਕੰਮ ਦੀ ਗੱਲ! ਕੀ ਤੁਸੀਂ ਜਾਣਦੇ ਹੋ ਗੈਸ ਸਿਲੰਡਰ ਦੀ ਵੀ ਹੁੰਦੀ ਐਕਸਪਾਇਰੀ ਡੇਟ, ਇੰਝ ਕਰੋ ਚੈੱਕ
LPG Cylinder Expiry Date Rule: ਜੇਕਰ ਤੁਸੀਂ ਰਸੋਈ 'ਚ LPG ਸਿਲੰਡਰ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਹਾਡੇ ਦਿਮਾਗ 'ਚ ਸਵਾਲ ਆਉਂਦਾ ਹੈ ਕਿ ਕੀ ਗੈਸ ਦੀ ਵੀ ਐਕਸਪਾਇਰੀ ਡੇਟ ਹੁੰਦੀ ਹੈ?
LPG Cylinder Expiry Date Rule: ਜੇਕਰ ਤੁਸੀਂ ਰਸੋਈ 'ਚ LPG ਸਿਲੰਡਰ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਹਾਡੇ ਦਿਮਾਗ 'ਚ ਸਵਾਲ ਆਉਂਦਾ ਹੈ ਕਿ ਕੀ ਗੈਸ ਦੀ ਵੀ ਐਕਸਪਾਇਰੀ ਡੇਟ ਹੁੰਦੀ ਹੈ? ਤੇਲ ਮਾਰਕੀਟਿੰਗ ਕੰਪਨੀ IOCL (ਇੰਡੀਅਨ ਆਇਲ) ਨੇ ਆਪਣੀ ਵੈੱਬਸਾਈਟ 'ਤੇ ਇਸ ਸਵਾਲ ਦੀ ਜਾਣਕਾਰੀ ਦਿੱਤੀ ਹੈ।
ਜਾਣੋ ਗੈਸ ਸਿਲੰਡਰ ਬਾਰੇ ਅਹਿਮ ਜਾਣਕਾਰੀ
ਆਈਓਸੀ ਨੇ ਆਪਣੀ ਵੈੱਬਸਾਈਟ 'ਤੇ ਜਾਣਕਾਰੀ ਦਿੱਤੀ ਹੈ ਕਿ ਸਾਰੇ ਐਲਪੀਜੀ ਸਿਲੰਡਰ ਵਿਸ਼ੇਸ਼ ਕਿਸਮ ਦੇ ਸਟੀਲ ਤੇ ਸੁਰੱਖਿਆਤਮਕ ਕੋਟਿੰਗ ਨਾਲ ਬਣੇ ਹੁੰਦੇ ਹਨ ਤੇ ਉਨ੍ਹਾਂ ਦਾ ਨਿਰਮਾਣ ਬੀਆਈਐਸ 3196 ਦੇ ਅਧੀਨ ਹੁੰਦਾ ਹੈ। ਸਿਰਫ਼ ਉਨ੍ਹਾਂ ਸਿਲੰਡਰ ਨਿਰਮਾਤਾਵਾਂ ਨੂੰ ਹੀ ਇਨ੍ਹਾਂ ਨੂੰ ਬਣਾਉਣ ਦੀ ਇਜਾਜ਼ਤ ਦਿੱਤੀ ਜਾਂਦੀ ਹੈ, ਜਿਨ੍ਹਾਂ ਨੂੰ ਚੀਫ਼ ਕੰਟਰੋਲਰ ਆਫ਼ ਐਕਸਪਲੋਸਿਵਜ਼ (CCOE) ਦੁਆਰਾ ਮਨਜ਼ੂਰੀ ਦਿੱਤੀ ਜਾਂਦੀ ਹੈ ਤੇ ਉਨ੍ਹਾਂ ਕੋਲ ਬੀਆਈਐਸ ਲਾਇਸੈਂਸ ਹੁੰਦਾ ਹੈ।
ਮਿਆਦ ਪੁੱਗਣ ਦੀ ਤਾਰੀਖ ਨੂੰ ਲੈ ਕੇ ਇਹ ਤੱਥ ਸਾਹਮਣੇ ਆਇਆ
ਹਾਲਾਂਕਿ ਇਹ ਸਰਕੂਲਰ ਸਾਲ 2007 ਦਾ ਹੈ ਪਰ ਆਈਓਸੀ ਦੀ ਵੈੱਬਸਾਈਟ 'ਤੇ ਇਹ ਵੀ ਦਿੱਤਾ ਗਿਆ ਹੈ ਕਿ ਐਕਸਪਾਇਰੀ ਡੇਟ ਉਨ੍ਹਾਂ ਸਾਮਾਨਾਂ ਦੀ ਹੈ ਜੋ ਕਿਸੇ ਖਾਸ ਸਮੇਂ 'ਤੇ ਖਰਾਬ ਹੋਣ ਵਾਲੇ ਹਨ। LPG ਸਿਲੰਡਰਾਂ ਦੀ ਗੱਲ ਕਰੀਏ ਤਾਂ ਇਨ੍ਹਾਂ ਦਾ ਨਿਰਮਾਣ ਬਹੁਤ ਸਾਰੇ ਬਾਹਰੀ ਤੇ ਅੰਦਰੂਨੀ ਮਾਪਦੰਡਾਂ ਦੇ ਅਨੁਸਾਰ ਹੁੰਦਾ ਹੈ, ਇਸ ਲਈ ਇੱਕ ਤਰ੍ਹਾਂ ਨਾਲ ਇਨ੍ਹਾਂ ਦੀ ਕੋਈ ਮਿਆਦ ਪੁੱਗਣ ਦੀ ਤਾਰੀਖ ਨਹੀਂ ਹੁੰਦੀ ਹੈ ਤੇ ਸਿਰਫ ਸਮੇਂ 'ਤੇ ਟੈਸਟਿੰਗ ਹੁੰਦੀ ਹੈ।
ਇਹ ਵੀ ਪੜ੍ਹੋ: ਸ਼ੇਅਰ ਬਾਜ਼ਾਰ ਲਈ ਸ਼ੁੱਧ ਸਾਬਤ ਹੋਇਆ ਬੁੱਧ, ਸ਼ਾਨਦਾਰ ਸ਼ੁਰੂਆਤ ਨਾਲ ਸੈਂਸੈਕਸ 300 ਅੰਕ ਚੜ੍ਹ ਕੇ ਖੁੱਲ੍ਹਿਆ
ਕਿਵੇਂ ਸਮਝੀਏ ਕਿ ਸਿਲੰਡਰ ਦੀ ਮਾਰਕਿੰਗ ਜਾਂ ਕੋਡ ਕੀ?
ਐਲਪੀਜੀ ਸਿਲੰਡਰਾਂ ਦੀ ਕਾਨੂੰਨੀ ਜਾਂਚ ਤੇ ਪੇਂਟਿੰਗ ਲਈ ਸਮਾਂ ਨਿਸ਼ਚਿਤ ਕੀਤਾ ਗਿਆ ਹੈ ਅਤੇ ਉਨ੍ਹਾਂ 'ਤੇ ਕੋਡ ਦੀ ਤਰ੍ਹਾਂ ਲਿਖਿਆ ਗਿਆ ਹੈ ਕਿ ਅਗਲੀ ਤਰੀਕ ਕੀ ਹੋਵੇਗੀ ਜਿਸ ਨੂੰ ਉਨ੍ਹਾਂ ਨੂੰ ਟੈਸਟਿੰਗ ਲਈ ਭੇਜਿਆ ਜਾਵੇਗਾ। ਉਦਾਹਰਨ ਲਈ, A 2022 ਦਾ ਮਤਲਬ ਹੈ ਕਿ ਸਾਲ 2021 ਦੀ ਪਹਿਲੀ ਤਿਮਾਹੀ (ਅਪ੍ਰੈਲ-ਜੂਨ) ਵਿੱਚ, ਉਹਨਾਂ ਨੂੰ ਜਾਂਚ ਲਈ ਭੇਜਿਆ ਜਾਵੇਗਾ। ਇਸੇ ਤਰ੍ਹਾਂ, ਜਿਨ੍ਹਾਂ ਸਿਲੰਡਰਾਂ 'ਤੇ B 2022 ਲਿਖਿਆ ਹੋਇਆ ਹੈ, ਉਨ੍ਹਾਂ ਨੂੰ 2022 ਦੀ ਦੂਜੀ ਤਿਮਾਹੀ (ਜੁਲਾਈ-ਸਤੰਬਰ) ਵਿਚਕਾਰ ਦੁਬਾਰਾ ਜਾਂਚ ਲਈ ਭੇਜਿਆ ਜਾਵੇਗਾ।
ਜੇਕਰ ਤੁਸੀਂ ਇਸ ਬਾਰੇ ਹੋਰ ਜਾਣਕਾਰੀ ਪ੍ਰਾਪਤ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਇੰਡੀਅਨ ਆਇਲ ਦੀ ਵੈੱਬਸਾਈਟ 'ਤੇ ਜਾ ਸਕਦੇ ਹੋ ਅਤੇ ਸਾਰੀ ਜਾਣਕਾਰੀ ਨੂੰ ਵਿਸਥਾਰ ਨਾਲ ਪੜ੍ਹ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ ਇਸ ਲਿੰਕ 'ਤੇ ਜਾਣਾ ਹੋਵੇਗਾ- iocl.com/download/statement-
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
