National Pension System: ਸਰਕਾਰ ਦੀ ਇਹ ਸਕੀਮ ਰਿਟਾਇਰਮੈਂਟ ਤੋਂ ਬਾਅਦ ਕਰੇਗੀ ਮਾਲੋਮਾਲ! ਇੰਝ ਕਰੋ ਬੱਚਤ; ਮਹੀਨੇ ਦੇ ਇੱਕ ਲੱਖ...
National Pension System: ਰਿਟਾਇਰਮੈਂਟ ਤੋਂ ਬਾਅਦ ਪੈਨਸ਼ਨ ਹੀ ਆਮਦਨ ਦਾ ਇੱਕੋ ਇੱਕ ਸਰੋਤ ਹੁੰਦਾ ਹੈ। ਹਾਲਾਂਕਿ, ਕਈ ਵਾਰ ਪੈਨਸ਼ਨ ਦੀ ਰਕਮ ਕਵਾਲਿਟੀ ਲਿਵਿੰਗ ਲਈ ਵੀ ਘੱਟ ਪੈ ਜਾਂਦੀ ਹੈ। ਅਜਿਹੀ ਸਥਿਤੀ ਵਿੱਚ, ਸਮੇਂ ਤੋਂ ਪਹਿਲਾਂ
National Pension System: ਰਿਟਾਇਰਮੈਂਟ ਤੋਂ ਬਾਅਦ ਪੈਨਸ਼ਨ ਹੀ ਆਮਦਨ ਦਾ ਇੱਕੋ ਇੱਕ ਸਰੋਤ ਹੁੰਦਾ ਹੈ। ਹਾਲਾਂਕਿ, ਕਈ ਵਾਰ ਪੈਨਸ਼ਨ ਦੀ ਰਕਮ ਕਵਾਲਿਟੀ ਲਿਵਿੰਗ ਲਈ ਵੀ ਘੱਟ ਪੈ ਜਾਂਦੀ ਹੈ। ਅਜਿਹੀ ਸਥਿਤੀ ਵਿੱਚ, ਸਮੇਂ ਤੋਂ ਪਹਿਲਾਂ ਹੀ ਇਸਦੇ ਲਈ ਸਹੀ ਯੋਜਨਾਬੰਦੀ ਕਰਨਾ ਜ਼ਰੂਰੀ ਹੈ। ਜੇਕਰ ਤੁਸੀਂ ਵੀ ਆਪਣੀ ਪੈਨਸ਼ਨ ਦੀ ਰਕਮ ਵਧਾਉਣਾ ਚਾਹੁੰਦੇ ਹੋ, ਤਾਂ ਸਰਕਾਰ ਦੀ NPS ਸਕੀਮ ਤੁਹਾਡੇ ਲਈ ਫਾਇਦੇਮੰਦ ਹੋ ਸਕਦੀ ਹੈ। ਇਸ ਸਕੀਮ ਰਾਹੀਂ, ਤੁਸੀਂ ਸੇਵਾਮੁਕਤੀ ਤੋਂ ਬਾਅਦ 1 ਲੱਖ ਰੁਪਏ ਜਾਂ ਇਸ ਤੋਂ ਵੱਧ ਦੀ ਪੈਨਸ਼ਨ ਪ੍ਰਾਪਤ ਕਰ ਸਕਦੇ ਹੋ। ਅੱਜ, ਇਸ ਖ਼ਬਰ ਰਾਹੀਂ, ਅਸੀਂ ਤੁਹਾਨੂੰ ਸਰਕਾਰ ਦੀ NPS ਸਕੀਮ ਬਾਰੇ ਪੂਰੀ ਜਾਣਕਾਰੀ ਦੇਣ ਜਾ ਰਹੇ ਹਾਂ।
ਕੀ ਹੈ (ਰਾਸ਼ਟਰੀ ਪੈਨਸ਼ਨ ਪ੍ਰਣਾਲੀ) ?
ਭਾਰਤ ਸਰਕਾਰ ਨੇ 2004 ਵਿੱਚ ਇਹ ਸਕੀਮ ਦੀ ਸ਼ੁਰੂਆਤ ਕੀਤੀ ਸੀ। 2009 ਤੋਂ ਬਾਅਦ, ਨਿੱਜੀ ਖੇਤਰ ਵਿੱਚ ਕੰਮ ਕਰਨ ਵਾਲੇ ਲੋਕਾਂ ਨੂੰ ਵੀ ਇਸ ਵਿੱਚ ਸ਼ਾਮਲ ਕੀਤਾ ਗਿਆ। ਜਿਵੇਂ ਕਿ ਇਸਦੇ ਨਾਮ ਤੋਂ ਹੀ ਪਤਾ ਲੱਗਦਾ ਹੈ, ਇਹ ਇੱਕ ਪੈਨਸ਼ਨ ਸਕੀਮ ਹੈ। ਜਿਸ ਵਿੱਚ ਤੁਸੀਂ ਆਪਣੀ ਰਿਟਾਇਰਮੈਂਟ ਲਈ ਬੱਚਤ ਕਰਦੇ ਹੋ। ਇਸ ਸਕੀਮ ਦੀ ਸਭ ਤੋਂ ਵੱਡੀ ਖਾਸੀਅਤ ਕਰਮਚਾਰੀ ਅਤੇ ਮਾਲਕ ਦੋਵਾਂ ਦੇ ਯੋਗਦਾਨ 'ਤੇ ਟੈਕਸ ਲਾਭ ਅਤੇ ਮਾਰਕੀਟ ਅਧਾਰਤ ਰਿਟਰਨ ਸ਼ਾਮਲ ਹਨ।
NPS ਵਿੱਚ ਹੁੰਦੇ ਹਨ ਦੋ ਤਰ੍ਹਾਂ ਦੇ ਅਕਾਊਂਟ
ਇਸ ਸਕੀਮ ਵਿੱਚ ਟੀਅਰ-1 ਅਤੇ ਟੀਅਰ-2 ਦੋ ਤਰ੍ਹਾਂ ਦੇ ਖਾਤੇ ਹੁੰਦੇ ਹਨ। ਟੀਅਰ-1 ਦੇ ਤਹਿਤ ਖਾਤਾ ਖੋਲ੍ਹਣਾ ਲਾਜ਼ਮੀ ਹੈ ਅਤੇ ਤੁਸੀਂ ਇਸ ਵਿੱਚ ਜੋ ਵੀ ਰਕਮ ਜਮ੍ਹਾ ਕਰਦੇ ਹੋ, ਤੁਸੀਂ ਇਸਨੂੰ ਸਮੇਂ ਤੋਂ ਪਹਿਲਾਂ ਯਾਨੀ ਆਪਣੀ ਰਿਟਾਇਰਮੈਂਟ ਤੱਕ ਕਢਵਾ ਨਹੀਂ ਸਕੋਗੇ। ਇਸ ਦੇ ਨਾਲ ਹੀ, ਕੋਈ ਵੀ ਟੀਅਰ-1 ਖਾਤਾ ਧਾਰਕ ਟੀਅਰ-2 ਖਾਤਾ ਖੋਲ੍ਹ ਸਕਦਾ ਹੈ। ਇਸ ਵਿੱਚ ਤੁਸੀਂ ਆਪਣੀ ਮਰਜ਼ੀ ਅਨੁਸਾਰ ਪੈਸੇ ਜਮ੍ਹਾ ਕਰ ਸਕਦੇ ਹੋ ਅਤੇ ਜਦੋਂ ਚਾਹੋ ਕਢਵਾ ਸਕਦੇ ਹੋ।
NPS ਅਕਾਊਂਟ ਪੋਰਟੇਬਲ ਹੋਣ ਦੇ ਚੱਲਦੇ ਇਸ ਦੇਸ਼ ਵਿੱਚ ਕਿਤੇ ਵੀ ਚਲਾਇਆ ਜਾ ਸਕਦਾ ਹੈ। ਰਿਟਾਇਰਮੈਂਟ ਤੋਂ ਬਾਅਦ, ਤੁਸੀਂ ਆਪਣਾ ਖਾਤਾ ਬੰਦ ਕਰ ਸਕਦੇ ਹੋ ਅਤੇ ਜਮ੍ਹਾਂ ਰਕਮ ਦਾ 60% ਕਢਵਾ ਸਕਦੇ ਹੋ, ਜਦੋਂ ਕਿ ਬਾਕੀ 40% ਦੀ ਵਰਤੋਂ ਐਨੂਇਟੀ ਪਲਾਨ ਖਰੀਦਣ ਲਈ ਕਰਨੀ ਪਵੇਗੀ। ਇਸ ਦੇ ਤਹਿਤ, ਤੁਸੀਂ ਬੀਮਾ ਕੰਪਨੀ ਨੂੰ ਇੱਕਮੁਸ਼ਤ ਪੈਸਾ ਦਿੰਦੇ ਹੋ ਅਤੇ ਬਦਲੇ ਵਿੱਚ ਤੁਹਾਨੂੰ ਹਰ ਮਹੀਨੇ ਪੈਨਸ਼ਨ ਮਿਲਦੀ ਹੈ।
ਕੌਣ ਸ਼ਾਮਲ ਹੋ ਸਕਦੇ ਹਨ NPS ਵਿੱਚ ਸ਼ਾਮਲ
NPS ਸਕੀਮ ਦਾ ਲਾਭ 18 ਤੋਂ 60 ਸਾਲ ਦੀ ਉਮਰ ਦਾ ਕੋਈ ਵੀ ਭਾਰਤੀ ਨਾਗਰਿਕ ਲੈ ਸਕਦਾ ਹੈ। ਹਾਲਾਂਕਿ, ਜੇਕਰ ਤੁਹਾਡੀ ਉਮਰ 40 ਸਾਲ ਹੈ ਅਤੇ ਤੁਸੀਂ 60 ਸਾਲ ਦੀ ਉਮਰ ਤੱਕ ਹਰ ਮਹੀਨੇ 1 ਲੱਖ ਰੁਪਏ ਦੀ ਪੈਨਸ਼ਨ ਚਾਹੁੰਦੇ ਹੋ, ਤਾਂ ਤੁਹਾਨੂੰ NPS ਖਾਤੇ ਵਿੱਚ ਹਰ ਮਹੀਨੇ 20,000 ਰੁਪਏ ਜਮ੍ਹਾ ਕਰਵਾਉਣੇ ਪੈਣਗੇ। ਤੁਸੀਂ ਹਰ ਸਾਲ ਆਪਣੇ ਨਿਵੇਸ਼ ਨੂੰ 10 ਪ੍ਰਤੀਸ਼ਤ ਤੱਕ ਵਧਾ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
