ਸਿਰਫ਼ 4 ਹੀ ਨਹੀਂ ਸਗੋਂ 6 ਅੰਕਾਂ ਦਾ ਵੀ ਹੁੰਦਾ ਹੈ ATM ਪਿੰਨ... ਦੋਹਾਂ 'ਚੋਂ ਕਿਹੜਾ ਜ਼ਿਆਦਾ ਸੁਰੱਖਿਅਤ?

ਕਈ ਦੇਸ਼ਾਂ 'ਚ ਅੱਜ ਵੀ 6 ਨੰਬਰ ਦਾ ATM ਪਿੰਨ ਹੈ। ਸਾਡੇ ਦੇਸ਼ 'ਚ ਕਈ ਬੈਂਕ ਆਪਣੇ ਗਾਹਕਾਂ ਨੂੰ 6 ਨੰਬਰਾਂ ਦਾ ਪਿੰਨ ਬਣਾਉਣ ਦੀ ਸਹੂਲਤ ਵੀ ਦਿੰਦੇ ਹਨ। 6 ਨੰਬਰਾਂ ਦਾ ਪਿੰਨ ਰੱਖਣ ਨਾਲ ਕਿਸੇ ਦੂਜੇ ਵਿਅਕਤੀ ਨੂੰ ਪਿੰਨ ਜਲਦੀ ਯਾਦ ਨਹੀਂ ਰਹਿੰਦਾ।

ATM PIN

Intresting Fact About ATM PIN: ਅੱਜਕੱਲ੍ਹ ਡਿਜ਼ੀਟਲ ਟਰਾਂਜੈਕਸ਼ਨ ਨੇ ਲੈਣ-ਦੇਣ ਦਾ ਕੰਮ ਬਹੁਤ ਆਸਾਨ ਬਣਾ ਦਿੱਤਾ ਹੈ। ਪਹਿਲਾਂ ਲੋਕਾਂ ਨੂੰ ਨਕਦੀ ਕਢਵਾਉਣ ਲਈ ਬੈਂਕਾਂ 'ਚ ਲੰਮੀਆਂ ਕਤਾਰਾਂ ਵਿੱਚ ਘੰਟਿਆਂ ਬੱਧੀ ਉਡੀਕ ਕਰਨੀ ਪੈਂਦੀ ਸੀ ਪਰ ਅੱਜ ਸਮਾਂ ਬਦਲ ਗਿਆ ਹੈ। ਏਟੀਐਮ ਦੀ ਸੁਵਿਧਾ ਸ਼ੁਰੂ ਹੋਣ ਨਾਲ ਲੋਕਾਂ ਨੂੰ ਬੈਂਕਾਂ ਦੇ ਚੱਕਰ ਲਗਾਉਣ ਤੋਂ ਰਾਹਤ ਮਿਲੀ ਹੈ। ਹੁਣ ਲੋਕ ਆਪਣਾ ਏਟੀਐਮ ਕਾਰਡ ਲੈ ਕੇ ਨਜ਼ਦੀਕੀ ਏਟੀਐਮ ਮਸ਼ੀਨ ਦੇ ਕੈਬਿਨ 'ਚ ਜਾ ਕੇ ਨਕਦੀ ਕਢਵਾਉਣਗੇ। ATM ਮਸ਼ੀਨ ਤੋਂ ਨਕਦੀ ਕਢਵਾਉਣ ਲਈ ਤੁਹਾਨੂੰ ਇਸ 'ਚ ਆਪਣਾ ਚਾਰ ਅੰਕਾਂ ਦਾ ਪਿੰਨ ਦਰਜ ਕਰਨਾ ਹੋਵੇਗਾ। ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ATM ਪਿੰਨ 'ਚ ਸਿਰਫ਼ ਚਾਰ ਨੰਬਰ ਕਿਉਂ ਹੁੰਦੇ ਹਨ? ਕੀ ATM ਪਿੰਨ 4 ਅੰਕਾਂ ਤੋਂ ਵੱਧ ਹੋ ਸਕਦਾ ਹੈ? ਅੱਜ ਇਸ ਲੇਖ ਰਾਹੀਂ ਅਸੀਂ ਤੁਹਾਨੂੰ ਇਸ ਬਾਰੇ ਦੱਸਾਂਗੇ।

4 ਅੰਕਾਂ ਦਾ ਪਿੰਨ ਕਿਉਂ ਰੱਖਿਆ ਗਿਆ ਸੀ?

ਭਾਵੇਂ ਅੱਜ ਤੁਸੀਂ 4 ਨੰਬਰਾਂ ਵਾਲਾ ਪਿੰਨ ਪਾ ਕੇ ਏਟੀਐਮ ਮਸ਼ੀਨ ਤੋਂ ਪੈਸੇ ਕਢਵਾ ਲੈਂਦੇ ਹੋ, ਪਰ ਅਸਲ 'ਚ ਇਸ ਨੂੰ ਸ਼ੁਰੂ ਵਿੱਚ 6 ਨੰਬਰ ਰੱਖਿਆ ਗਿਆ ਸੀ, ਕਿਉਂਕਿ ਸੁਰੱਖਿਆ ਦੇ ਲਿਹਾਜ਼ ਨਾਲ 6 ਨੰਬਰਾਂ ਦਾ ਪਿੰਨ 4 ਨਾਲੋਂ ਬਿਹਤਰ ਸੀ। ਹਾਲਾਂਕਿ ਇਸ ਨਾਲ ਲੋਕਾਂ ਨੂੰ ਪ੍ਰੇਸ਼ਾਨੀ ਹੋਈ ਅਤੇ ਕਈ ਵਾਰ ਕੁਝ ਲੋਕ ਆਪਣਾ ਪਿੰਨ ਭੁੱਲਣ ਵੀ ਲੱਗੇ। ਇਸ ਕਾਰਨ ਹੋਣ ਵਾਲੀਆਂ ਅਸੁਵਿਧਾਵਾਂ ਅਤੇ ਪਿੰਨ ਨੂੰ ਕਈ ਵਾਰ ਭੁੱਲਣ ਦੀ ਸਮੱਸਿਆ ਕਾਰਨ ਇਸ ਨੂੰ ਦੁਬਾਰਾ 4 ਨੰਬਰਾਂ ਦਾ ਰੱਖਿਆ ਗਿਆ ਸੀ। ਅਜਿਹਾ ਨਹੀਂ ਹੈ ਕਿ 6 ਨੰਬਰਾਂ ਦਾ ਪਿੰਨ ਕਿਤੇ ਵੀ ਨਹੀਂ ਵਰਤਿਆ ਗਿਆ ਹੈ। ਦੁਨੀਆ ਦੇ ਕਈ ਦੇਸ਼ਾਂ 'ਚ ਅੱਜ ਵੀ 6 ਨੰਬਰ ਦਾ ATM ਪਿੰਨ ਹੈ। ਸਾਡੇ ਦੇਸ਼ 'ਚ ਕਈ ਬੈਂਕ ਆਪਣੇ ਗਾਹਕਾਂ ਨੂੰ 6 ਨੰਬਰਾਂ ਦਾ ਪਿੰਨ ਬਣਾਉਣ ਦੀ ਸਹੂਲਤ ਵੀ ਦਿੰਦੇ ਹਨ। 6 ਨੰਬਰਾਂ ਦਾ ਪਿੰਨ ਰੱਖਣ ਨਾਲ ਕਿਸੇ ਦੂਜੇ ਵਿਅਕਤੀ ਨੂੰ ਪਿੰਨ ਜਲਦੀ ਯਾਦ ਨਹੀਂ ਰਹਿੰਦਾ ਅਤੇ ਇਸ ਦੇ ਨਾਲ ਹੀ ਇਸ ਨੰਬਰ ਦਾ ਪਿੰਨ ਹੈਕ ਕਰਨਾ ਵੀ ਇੰਨਾ ਆਸਾਨ ਨਹੀਂ ਹੈ।

6 ਅੰਕਾਂ ਵਾਲਾ ਪਿੰਨ ਵੱਧ ਸੁਰੱਖਿਅਤ

ਮਹੱਤਵਪੂਰਨ ਗੱਲ ਇਹ ਹੈ ਕਿ 4 ਅੰਕਾਂ ਦਾ ਪਿੰਨ 0000 ਤੋਂ 9999 ਤੱਕ ਹੁੰਦਾ ਹੈ। ਇਸ ਨਾਲ 10000 ਵੱਖ-ਵੱਖ ਪਿੰਨ ਨੰਬਰ ਰੱਖੇ ਜਾ ਸਕਦੇ ਹਨ, ਜਿਸ 'ਚ 20% ਪਿੰਨ ਨੂੰ ਹੈਕ ਕੀਤਾ ਜਾ ਸਕਦਾ ਹੈ। ਹਾਲਾਂਕਿ ਇਹ ਇੱਕ ਔਖਾ ਕੰਮ ਹੈ। ਇੱਕ 4 ਅੰਕਾਂ ਦਾ ਪਿੰਨ 6 ਅੰਕਾਂ ਦੇ ਪਿੰਨ ਨਾਲੋਂ ਥੋੜ੍ਹਾ ਘੱਟ ਸੁਰੱਖਿਅਤ ਹੈ।

ATM ਦੀ ਖੋਜ ਕਿਸ ਨੇ ਕੀਤੀ?

ਏਟੀਐਮ ਮਸ਼ੀਨ ਦੀ ਕਾਢ ਸਾਲ 1969 'ਚ ਹੋਈ ਸੀ। ਇਸ ਦੀ ਖੋਜ ਇੱਕ ਸਕਾਟਿਸ਼ ਵਿਗਿਆਨੀ ਜੌਹਨ ਐਡਰੀਅਨ ਸ਼ੈਫਰਡ ਬੈਰਨ ਵੱਲੋਂ ਕੀਤੀ ਗਈ ਸੀ। ਤੁਹਾਨੂੰ ਇਹ ਜਾਣਕਾਰੀ ਬਹੁਤ ਦਿਲਚਸਪ ਲੱਗੇਗੀ ਕਿ ATM ਦੀ ਖੋਜ ਕਰਨ ਵਾਲੇ ਵਿਅਕਤੀ ਦਾ ਜਨਮ ਭਾਰਤ ਦੇ ਉੱਤਰ ਪੂਰਬ 'ਚ ਸਥਿੱਤ ਸ਼ਿਲਾਂਗ ਸ਼ਹਿਰ 'ਚ ਹੋਇਆ ਸੀ। ਜੌਹਨ ਐਡਰੀਅਨ ਸ਼ੈਫਰਡ ਬੈਰਨ ਨੇ ਆਪਣੀ ਇਸ ਮਹਾਨ ਕਾਢ ਨਾਲ ਲੋਕਾਂ ਨੂੰ ਵੱਡੀ ਸਮੱਸਿਆ ਤੋਂ ਬਚਾ ਲਿਆ ਹੈ।