(Source: ECI/ABP News)
Tomato on Paytm : ਹੁਣ Paytm 'ਤੇ ਸਸਤੇ 'ਚ ਖਰੀਦੋ ਟਮਾਟਰ, ਇਨ੍ਹਾਂ ਸ਼ਹਿਰਾਂ ਦੇ ਲੋਕਾਂ ਨੂੰ ਮਿਲੇਗਾ ਫਾਇਦਾ, ਜਾਣੋ ਤਾਜ਼ਾ ਕੀਮਤਾਂ
Latest Tomato Price Online: ਜੇ ਤੁਸੀਂ ਵੀ ਘਰ ਬੈਠੇ ਹੀ ਟਮਾਟਰ ਸਸਤੇ 'ਚ ਖਰੀਦਣਾ ਚਾਹੁੰਦੇ ਹੋ, ਤਾਂ ਇਹ ਸਹੂਲਤ Paytm 'ਤੇ ਵੀ ਲੈ ਸਕਦੇ ਹੋ, ਜਿੱਥੇ ਟਮਾਟਰ ਬਾਜ਼ਾਰ ਤੋਂ ਕਾਫੀ ਸਸਤੇ 'ਚ ਮਿਲ ਸਕਦੇ ਹਨ।
Tomato on Paytm : ਸਰਕਾਰ ਤੋਂ ਬਾਅਦ ਹੁਣ ਪ੍ਰਾਈਵੇਟ ਕੰਪਨੀਆਂ ਵੀ ਟਮਾਟਰਾਂ ਦੇ ਰਿਕਾਰਡ ਤੋੜ ਭਾਅ ਤੋਂ ਆਮ ਲੋਕਾਂ ਨੂੰ ਰਾਹਤ ਦੇਣ ਲਈ ਅੱਗੇ ਆ ਗਈਆਂ ਹਨ। ਸਰਕਾਰ ਵੱਲੋਂ ਪਹਿਲਾਂ ਹੀ ਕਈ ਸ਼ਹਿਰਾਂ ਵਿੱਚ ਲੋਕਾਂ ਨੂੰ ਸਸਤੇ ਭਾਅ ’ਤੇ ਟਮਾਟਰ ਮੁਹੱਈਆ ਕਰਵਾਏ ਜਾ ਰਹੇ ਹਨ। ਹੁਣ ਘਰ ਬੈਠੇ ਆਨਲਾਈਨ ਆਰਡਰ ਕਰ ਕੇ ਸਸਤੇ 'ਚ ਟਮਾਟਰ ਖਰੀਦਣਾ ਸੰਭਵ ਹੋ ਗਿਆ ਹੈ। ਇਸ ਲਈ Paytm ਨੇ ONDC ਅਤੇ NCCF ਨਾਲ ਸਾਂਝੇਦਾਰੀ ਕੀਤੀ ਹੈ।
ਇੰਨਾ ਹੋ ਚੁੱਕਾ ਹੈ ਟਮਾਟਰ ਦਾ ਭਾਅ
ਮੌਜੂਦਾ ਸਮੇਂ 'ਚ ਜ਼ਿਆਦਾਤਰ ਥਾਵਾਂ 'ਤੇ ਟਮਾਟਰ ਪ੍ਰਚੂਨ ਬਾਜ਼ਾਰ 'ਚ 100 ਰੁਪਏ ਪ੍ਰਤੀ ਕਿਲੋ ਤੋਂ ਜ਼ਿਆਦਾ ਦੇ ਹਿਸਾਬ ਨਾਲ ਉਪਲਬਧ ਹਨ। ਕਈ ਥਾਵਾਂ 'ਤੇ ਇਸ ਦੀਆਂ ਕੀਮਤਾਂ 250 ਰੁਪਏ ਪ੍ਰਤੀ ਕਿਲੋ ਤੋਂ ਵੀ ਪਾਰ ਹੋ ਗਈਆਂ ਹਨ। ਅਜਿਹੇ 'ਚ ਟਮਾਟਰ ਘੱਟ ਰੇਟ 'ਤੇ ਮਿਲਣ ਕਾਰਨ ਆਮ ਲੋਕਾਂ ਨੂੰ ਕਾਫੀ ਰਾਹਤ ਮਿਲ ਰਹੀ ਹੈ। ਹਾਲਾਂਕਿ ਸਮੱਸਿਆ ਸਿਰਫ ਇਹ ਹੈ ਕਿ ਟਮਾਟਰ ਨੂੰ ਰਿਆਇਤੀ ਦਰ 'ਤੇ ਖਰੀਦਣ ਦੀ ਸਹੂਲਤ ਹਰ ਜਗ੍ਹਾ ਉਪਲਬਧ ਨਹੀਂ ਹੈ।
ਪੇਟੀਐਮ ਨੇ ਕੀਤੀ ਇਹ ਨਵੀਂ ਸਾਝੇਦਾਰੀ
ਨਵੀਨਤਮ ਵਿਕਾਸ ਵਿੱਚ, Paytm E-Commerce Pvt Ltd (PEPL) ਨੇ ਦਿੱਲੀ-NCR ਵਿੱਚ 70 ਰੁਪਏ ਪ੍ਰਤੀ ਕਿਲੋ ਟਮਾਟਰ ਵੇਚਣ ਲਈ ONDC ਅਤੇ NCCF ਨਾਲ ਸਾਂਝੇਦਾਰੀ ਕੀਤੀ ਹੈ। ਇਸ ਦੇ ਨਾਲ ਹੀ, ਹੁਣ ਦਿੱਲੀ-ਐਨਸੀਆਰ ਦੇ ਵਾਸੀ ਪੇਟੀਐਮ ਐਪ ਤੋਂ ਵੀ ਸਸਤੇ ਮੁੱਲ 'ਤੇ ਟਮਾਟਰ ਖਰੀਦ ਸਕਦੇ ਹਨ। ਇਕ ਵਿਅਕਤੀ ਨੂੰ 70 ਰੁਪਏ ਪ੍ਰਤੀ ਕਿਲੋ ਦੀ ਰਿਆਇਤੀ ਦਰ 'ਤੇ ਸਿਰਫ 2 ਕਿਲੋ ਟਮਾਟਰ ਖਰੀਦਣ ਦੀ ਸਹੂਲਤ ਮਿਲੇਗੀ।
ਆਫਲਾਈਨ ਵੀ ਘਟਾਈਆਂ ਗਈਆਂ ਹਨ ਕੀਮਤਾਂ
ਦਿੱਲੀ, ਨੋਇਡਾ, ਗ੍ਰੇਟਰ ਨੋਇਡਾ, ਗਾਜ਼ੀਆਬਾਦ, ਫਰੀਦਾਬਾਦ ਵਿੱਚ ਕਈ ਥਾਵਾਂ 'ਤੇ ਲੋਕ ਪਹਿਲਾਂ ਹੀ ਮੋਬਾਈਲ ਵੈਨਾਂ ਰਾਹੀਂ ਸਸਤੇ ਵਿੱਚ ਟਮਾਟਰ ਖਰੀਦ ਰਹੇ ਹਨ। ਪਹਿਲਾਂ ਇਨ੍ਹਾਂ ਸਟਾਲਾਂ 'ਤੇ ਟਮਾਟਰ 90 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਮਿਲਦਾ ਸੀ, ਜੋ ਹੁਣ ਘਟਾ ਕੇ 70 ਰੁਪਏ ਪ੍ਰਤੀ ਕਿਲੋ ਹੋ ਗਿਆ ਹੈ। ਇਸ ਦਾ ਲਾਭ ਵੱਧ ਤੋਂ ਵੱਧ ਲੋਕਾਂ ਤੱਕ ਪਹੁੰਚਾਉਣ ਲਈ ਛੂਟ ਦਰ 'ਤੇ ਆਨਲਾਈਨ ਵੇਚਣ ਦਾ ਫੈਸਲਾ ਕੀਤਾ ਗਿਆ ਹੈ।
ਘਰ ਤੋਂ ਖਰੀਦਦਾਰੀ ਕਰਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ
ਜੇ ਤੁਸੀਂ ਵੀ ONDC ਤੋਂ ਸਸਤੇ ਭਾਅ 'ਤੇ ਘਰ ਬੈਠੇ ਟਮਾਟਰ ਖਰੀਦਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਕੁੱਝ ਗੱਲਾਂ ਦਾ ਧਿਆਨ ਰੱਖਣਾ ਹੋਵੇਗਾ। ਤੁਸੀਂ ਸਿੱਧੇ ONDC ਤੋਂ ਟਮਾਟਰ ਵੀ ਆਰਡਰ ਕਰ ਸਕਦੇ ਹੋ। ਇਸ ਦੇ ਨਾਲ ਹੀ, ਨਵੀਨਤਮ ਸਾਂਝੇਦਾਰੀ ਤੋਂ ਬਾਅਦ, ਇਹ ਸਹੂਲਤ ਪੇਟੀਐਮ ਐਪ 'ਤੇ ਵੀ ਉਪਲਬਧ ਹੋਵੇਗੀ। ਆਰਡਰ ਦੇਣ ਤੋਂ ਬਾਅਦ ਤੁਹਾਨੂੰ ਅਗਲੇ ਦਿਨ ਡਿਲੀਵਰੀ ਮਿਲੇਗੀ। ਮਤਲਬ ਜੇ ਤੁਸੀਂ ਅੱਜ ਆਰਡਰ ਕਰਦੇ ਹੋ ਤਾਂ ਤੁਹਾਨੂੰ ਕੱਲ੍ਹ ਡਿਲੀਵਰੀ ਮਿਲੇਗੀ। ਤੁਸੀਂ 2 ਕਿਲੋ ਤੋਂ ਵੱਧ ਦਾ ਆਰਡਰ ਨਹੀਂ ਕਰ ਸਕਦੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
