Bank Holiday: ਬੈਂਕ ਜਾਣ ਦਾ ਪਲਾਨ? ਤਾਂ ਰੁਕੋ! 23 ਜਨਵਰੀ ਨੂੰ ਇਨ੍ਹਾਂ ਸ਼ਹਿਰਾਂ 'ਚ ਬੈਂਕ ਰਹਿਣਗੇ ਬੰਦ, ਵੇਖੋ ਲਿਸਟ
ਬਹੁਤ ਸਾਰੇ ਸੂਬਿਆਂ ਦੇ ਵਿੱਚ ਅੱਜ 23 ਜਨਵਰੀ ਦੀ ਛੁੱਟੀ ਹੈ, ਜਿਸ ਕਰਕੇ ਲੋਕ ਭੰਬਲਭੂਸੇ ਦੇ ਵਿੱਚ ਹਨ ਕਿ ਬੈਂਕ ਖੁੱਲਣਗੇ ਜਾਂ ਰਹੇਗੀ ਛੁੱਟੀ? ਆਓ ਜਾਣਦੇ ਹਾਂ ਕਿੱਥੇ-ਕਿੱਥੇ ਅੱਜ ਬੈਂਕ ਬੰਦ ਰਹਿਣਗੇ। ਇਸ ਲਈ ਲਿਸਟ ਦੇਖ ਕੇ ਹੀ ਤੁਸੀਂ ਆਪਣੇ ਬੈਂਕ
ਜੇ ਤੁਸੀਂ ਅੱਜ ਸ਼ੁੱਕਰਵਾਰ 23 ਜਨਵਰੀ ਨੂੰ ਬੈਂਕ ਨਾਲ ਸਬੰਧਤ ਕੋਈ ਜ਼ਰੂਰੀ ਕੰਮ ਨਿਪਟਾਉਣ ਦੀ ਸੋਚ ਰਹੇ ਹੋ, ਤਾਂ ਸਭ ਤੋਂ ਪਹਿਲਾਂ ਇਹ ਜਾਣਨਾ ਤੁਹਾਡੇ ਲਈ ਜ਼ਰੂਰੀ ਹੈ ਕਿ ਅੱਜ ਕਈ ਸ਼ਹਿਰਾਂ ਵਿੱਚ ਬੈਂਕ ਬੰਦ ਰਹਿਣਗੇ। ਬਿਨਾਂ ਛੁੱਟੀਆਂ ਦੀ ਜਾਣਕਾਰੀ ਲਈ ਬੈਂਕ ਬ੍ਰਾਂਚ ਜਾਣ ਨਾਲ ਤੁਹਾਨੂੰ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਲਈ ਆਪਣੇ ਸ਼ਹਿਰ ਦੀ ਸਥਿਤੀ ਦੇਖ ਕੇ ਹੀ ਬੈਂਕ ਜਾਣਾ ਸਭ ਤੋਂ ਸਹੀ ਰਹੇਗਾ।
ਭਾਰਤੀ ਰਿਜ਼ਰਵ ਬੈਂਕ ਹਰ ਸਾਲ ਬੈਂਕ ਹਾਲਿਡੇਜ਼ ਦੀ ਲਿਸਟ ਜਾਰੀ ਕਰਦਾ ਹੈ, ਜਿਸ ਵਿੱਚ ਵੱਖ-ਵੱਖ ਰਾਜਾਂ ਅਤੇ ਸ਼ਹਿਰਾਂ ਦੀਆਂ ਛੁੱਟੀਆਂ ਦੀ ਜਾਣਕਾਰੀ ਦਿੱਤੀ ਜਾਂਦੀ ਹੈ। ਇਸ ਲਿਸਟ ਮੁਤਾਬਕ 23 ਜਨਵਰੀ ਨੂੰ ਵੀ ਕੁਝ ਥਾਵਾਂ ਵਿੱਚ ਬੈਂਕਾਂ ਨੂੰ ਛੁੱਟੀ ਦਿੱਤੀ ਗਈ ਹੈ। ਆਓ ਜਾਣੀਏ ਕਿ ਅੱਜ ਬੈਂਕ ਕਿੱਥੇ ਕਿੱਥੇ ਬੰਦ ਰਹਿਣਗੇ।
ਇਹ ਵਾਲੀਆਂ ਥਾਵਾਂ 'ਤੇ 23 ਜਨਵਰੀ ਨੂੰ ਬੈਂਕ ਰਹਿਣਗੇ ਬੰਦ
23 ਜਨਵਰੀ ਨੂੰ ਨੇਤਾਜੀ ਸੁਭਾਸ਼ ਚੰਦ੍ਰ ਬੋਸ ਜਯੰਤੀ, ਸਰਸਵਤੀ ਪੂਜਾ, ਵੀਰ ਸੁਰਿੰਦਰਸਾਈ ਜਯੰਤੀ ਅਤੇ ਬਸੰਤ ਪੰਚਮੀ ਦੇ ਮੌਕੇ 'ਤੇ ਭਾਰਤੀ ਰਿਜ਼ਰਵ ਬੈਂਕ ਨੇ ਕੁਝ ਰਾਜਾਂ ਵਿੱਚ ਬੈਂਕਾਂ ਦੀ ਛੁੱਟੀ ਦਾ ਐਲਾਨ ਕੀਤਾ ਹੈ। ਇਹਨਾਂ ਮੌਕਿਆਂ ਕਾਰਨ ਅੱਜ ਕਈ ਥਾਵਾਂ 'ਤੇ ਬੈਂਕਿੰਗ ਸੇਵਾਵਾਂ ਪ੍ਰਭਾਵਿਤ ਰਹਿਣਗੀਆਂ।
ਤ੍ਰਿਪੁਰਾ, ਓਡਿਸ਼ਾ ਅਤੇ ਪੱਛਮੀ ਬੰਗਾਲ ਵਿੱਚ ਬੈਂਕ ਬੰਦ ਰਹਿਣਗੇ। ਜੇ ਤੁਸੀਂ ਇਨ੍ਹਾਂ ਰਾਜਾਂ ਵਿੱਚ ਰਹਿੰਦੇ ਹੋ, ਤਾਂ ਅੱਜ ਬੈਂਕ ਜਾਣ ਦਾ ਯੋਜਨਾ ਰੱਦ ਕਰਨਾ ਵਧੀਆ ਰਹੇਗਾ। ਹਾਲਾਂਕਿ, ਇਹ ਤਿੰਨ ਰਾਜ ਛੱਡ ਕੇ ਦੇਸ਼ ਦੇ ਬਾਕੀ ਹਿੱਸਿਆਂ ਵਿੱਚ ਬੈਂਕ ਆਮ ਤੌਰ 'ਤੇ ਖੁੱਲੇ ਰਹਿਣਗੇ।
ਜਨਵਰੀ ਦੀਆਂ ਆਉਣ ਵਾਲੀਆਂ ਛੁੱਟੀਆਂ
24 ਜਨਵਰੀ 2026 ਨੂੰ ਮਹੀਨੇ ਦਾ ਚੌਥਾ ਸ਼ਨੀਵਾਰ ਹੋਣ ਕਾਰਨ ਸਾਰੇ ਬੈਂਕ ਬੰਦ ਰਹਿਣਗੇ। ਇਸਦੇ ਨਾਲ ਹੀ 25 ਜਨਵਰੀ ਨੂੰ ਐਤਵਾਰ ਹੋਣ ਕਾਰਨ ਬੈਂਕਾਂ ਵਿੱਚ ਹਫਤਾਵਾਰ ਛੁੱਟੀ ਰਹੇਗੀ। ਇਸ ਤੋਂ ਬਾਅਦ 26 ਜਨਵਰੀ ਨੂੰ ਗਣਤੰਤਰ ਦਿਵਸ ਦੇ ਮੌਕੇ ’ਤੇ ਦੇਸ਼ ਦੇ ਜ਼ਿਆਦਾਤਰ ਸ਼ਹਿਰਾਂ ਵਿੱਚ ਬੈਂਕਿੰਗ ਸੇਵਾਵਾਂ ਬੰਦ ਕਰਨ ਦਾ ਫੈਸਲਾ ਲਿਆ ਗਿਆ ਹੈ। ਇਸ ਤਰ੍ਹਾਂ ਲਗਾਤਾਰ ਤਿੰਨ ਦਿਨਾਂ ਤੱਕ ਕਈ ਥਾਵਾਂ ’ਤੇ ਬੈਂਕ ਦਾ ਕੰਮਕਾਜ ਪ੍ਰਭਾਵਿਤ ਰਹੇਗਾ।
ਆਨਲਾਈਨ ਸੇਵਾਵਾਂ ਚੱਲਦੀਆਂ ਰਹਿਣਗੀਆਂ
ਬੈਂਕ ਬੰਦ ਹੋਣ ਦੇ ਬਾਵਜੂਦ ਵੀ UPI, ਮੋਬਾਈਲ ਬੈਂਕਿੰਗ, ਇੰਟਰਨੈੱਟ ਬੈਂਕਿੰਗ ਅਤੇ ATM ਵਰਗੀਆਂ ਸੇਵਾਵਾਂ ਪਹਿਲਾਂ ਵਾਂਗ ਹੀ ਚੱਲਦੀਆਂ ਰਹਿਣਗੀਆਂ। ਪੈਸਿਆਂ ਦੀ ਲੈਣ-ਦੇਣ, ਬਿੱਲ ਭੁਗਤਾਨ, ਖਰੀਦਦਾਰੀ ਵਰਗੇ ਕੰਮ ਤੁਸੀਂ ਆਮ ਦਿਨਾਂ ਵਾਂਗ ਹੀ ਕਰ ਸਕੋਗੇ। ਹਾਲਾਂਕਿ, ਜਿਹੜੇ ਕੰਮਾਂ ਲਈ ਬੈਂਕ ਬ੍ਰਾਂਚ ਜਾਣੀ ਲਾਜ਼ਮੀ ਹੁੰਦੀ ਹੈ, ਉਹ ਕੰਮ ਇਸ ਦੌਰਾਨ ਨਹੀਂ ਹੋ ਸਕਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
