Oh No! ਰਿਚਾਰਜ ਨਹੀਂ ਹੋਇਆ ਪਰ ਅਕਾਊਂਟ 'ਚੋਂ ਕੱਟ ਗਏ ਪੈਸੇ? ਜਾਣੋ ਕਿਵੇਂ ਮਿਲੇਗਾ ਛੇਤੀ ਰਿਫੰਡ
RBI Refund Rule: ਜਦੋਂ ਭੁਗਤਾਨ ਦੀ ਪ੍ਰਕਿਰਿਆ ਪੂਰੀ ਨਹੀਂ ਹੋ ਪਾਉਂਦੀ ਅਤੇ ਰਕਮ ਸਬੰਧਤ ਸੇਵਾ ਤੱਕ ਨਹੀਂ ਪਹੁੰਚਦੀ, ਤਾਂ ਉਸ ਨੂੰ ਫੇਲ ਟਰਾਂਜ਼ੈਕਸ਼ਨ ਮੰਨਿਆ ਜਾਂਦਾ ਹੈ।
RBI Refund Rule: ਅੱਜ ਦੇ ਡਿਜੀਟਲ ਯੁੱਗ ਵਿੱਚ ਜ਼ਿਆਦਾਤਰ ਲੋਕ ਮੋਬਾਈਲ ਰੀਚਾਰਜ ਲਈ UPI ਐਪਸ ਦੀ ਵਰਤੋਂ ਕਰਦੇ ਹਨ। ਹਾਲਾਂਕਿ, ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਰੀਚਾਰਜ ਸਫਲ ਨਹੀਂ ਹੁੰਦਾ, ਪਰ ਤੁਹਾਡੇ ਬੈਂਕ ਖਾਤੇ ਵਿੱਚੋਂ ਪੈਸੇ ਕੱਟ ਜਾਂਦੇ ਹਨ। ਅਜਿਹੀ ਸਥਿਤੀ ਵਿੱਚ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ, ਕਿਉਂਕਿ ਤੁਹਾਡੇ ਪੈਸੇ ਵਾਪਸ ਮਿਲਣ ਦੀ ਪੂਰੀ ਸੰਭਾਵਨਾ ਹੁੰਦੀ ਹੈ। ਸਿਰਫ ਤੁਹਾਨੂੰ ਸਹੀ ਪ੍ਰੋਸੈਸ ਅਤੇ ਸਮਾਂ-ਸੀਮਾ ਦੀ ਜਾਣਕਾਰੀ ਹੋਣੀ ਚਾਹੀਦੀ ਹੈ।
ਪੈਸੇ ਕੱਟੇ ਜਾਣ ਤੋਂ ਬਾਅਦ ਵੀ ਰੀਚਾਰਜ ਫੇਲ ਕਿਉਂ ਹੋ ਜਾਂਦਾ?
ਭਾਰਤ ਵਿੱਚ ਹਰ ਮਹੀਨੇ ਅਰਬਾਂ UPI Transaction ਹੁੰਦੀਆਂ ਹਨ। ਇੰਨੇ ਵੱਡੇ ਨੈੱਟਵਰਕ ਦੇ ਨਾਲ, ਕਈ ਵਾਰ ਸਰਵਰ 'ਤੇ ਦਬਾਅ ਵਧਣ, ਇੰਟਰਨੈੱਟ ਕਨੈਕਟੀਵਿਟੀ ਵਿੱਚ ਵਿਘਨ ਪੈਣ ਜਾਂ ਤਕਨੀਕੀ ਖਰਾਬੀ ਕਾਰਨ ਲੈਣ-ਦੇਣ ਅਧੂਰਾ ਰਹਿ ਸਕਦਾ ਹੈ।
ਜਦੋਂ ਭੁਗਤਾਨ ਦੀ ਪ੍ਰਕਿਰਿਆ ਪੂਰੀ ਨਹੀਂ ਹੋ ਪਾਉਂਦੀ ਅਤੇ ਰਕਮ ਸਬੰਧਤ ਸੇਵਾ ਤੱਕ ਨਹੀਂ ਪਹੁੰਚਦੀ, ਤਾਂ ਉਸ ਨੂੰ ਫੇਲ ਟਰਾਂਜ਼ੈਕਸ਼ਨ ਮੰਨਿਆ ਜਾਂਦਾ ਹੈ। ਅਜਿਹੇ ਮਾਮਲਿਆਂ ਵਿੱਚ ਗਲਤੀ ਆਮਤੌਰ 'ਤੇ ਗਾਹਕ ਦੀ ਨਹੀਂ ਹੁੰਦੀ ਸਗੋਂ ਤਕਨੀਕੀ ਕਾਰਨ ਜ਼ਿੰਮੇਵਾਰ ਹੁੰਦੇ ਹਨ।
ਰਿਚਾਰਜ ਫੇੇਲ ਹੋਣ 'ਤੇ ਸਭ ਤੋਂ ਪਹਿਲਾਂ ਕੀ ਕਰੀਏ?
ਜੇਕਰ ਤੁਹਾਡਾ ਰੀਚਾਰਜ ਨਹੀਂ ਹੋਇਆ ਹੈ, ਤਾਂ ਤੁਰੰਤ ਦੂਜੀ ਵਾਰ ਪੇਮੈਂਟ ਕਰਨ ਦੀ ਗਲਤੀ ਨਾ ਕਰੋ। ਪਹਿਲਾਂ, ਆਪਣੇ ਬੈਂਕ ਅਤੇ UPI ਐਪ ਨਾਲ ਲੈਣ-ਦੇਣ ਦੇ ਸਟੇਟਸ ਦੀ ਜਾਂਚ ਕਰੋ। ਯਕੀਨੀ ਬਣਾਓ ਕਿ ਪੈਸੇ ਅਸਲ ਵਿੱਚ ਤੁਹਾਡੇ ਖਾਤੇ ਵਿੱਚੋਂ ਕੱਟੇ ਗਏ ਹਨ।
ਨਾਲ ਹੀ, Transaction ID, ਮਿਤੀ, ਸਮਾਂ ਅਤੇ Payment Date ਨੂੰ ਨੋਟ ਕਰੋ ਅਤੇ ਇਸਨੂੰ ਸੁਰੱਖਿਅਤ ਰੱਖ ਲਓ। ਇਹ ਜਾਣਕਾਰੀ ਬਾਅਦ ਵਿੱਚ ਸ਼ਿਕਾਇਤ ਦਰਜ ਕਰਨ ਵਿੱਚ ਬਹੁਤ ਉਪਯੋਗੀ ਹੋਵੇਗੀ।
ਅੱਜ ਜ਼ਿਆਦਾਤਰ UPI ਐਪਸ ਵਿੱਚ Check Status ਦਾ ਆਪਸ਼ਨ ਵੀ ਮਿਲਦਾ ਹੈ। ਇਸ ਦੇ ਜ਼ਰੀਏ ਬੈਂਕ ਸਰਵਰ ਤੋਂ ਸਿੱਧਾ ਲੈਣ-ਦੇਣ ਦੀ ਸਥਿਤੀ ਪਤਾ ਲੱਗ ਜਾਂਦੀ ਹੈ ਅਤੇ ਬਹੁਤ ਸਾਰੇ ਮਾਮਲਿਆਂ ਵਿੱਚ ਰਿਫੰਡ ਆਪਣੇ ਆਪ ਪ੍ਰੋਸੈਸ ਹੋ ਜਾਂਦਾ ਹੈ।
ਰਿਫੰਡ ਨਾ ਮਿਲੇ ਤਾਂ ਕਰੋ ਆਹ ਕੰਮ?
ਪਹਿਲਾਂ, ਆਪਣੀ UPI ਐਪ ਦੇ ਮਦਦ ਜਾਂ ਸਹਾਇਤਾ ਭਾਗ ਵਿੱਚ ਸ਼ਿਕਾਇਤ ਦਰਜ ਕਰੋ। ਜ਼ਿਆਦਾਤਰ ਮਾਮਲਿਆਂ ਵਿੱਚ ਸਮੱਸਿਆ 24 ਘੰਟਿਆਂ ਦੇ ਅੰਦਰ ਹੱਲ ਹੋ ਜਾਂਦੀ ਹੈ। ਜੇਕਰ ਤੁਹਾਨੂੰ ਸ਼ਿਕਾਇਤ ਕਰਨ ਤੋਂ ਬਾਅਦ ਵੀ ਰਿਫੰਡ ਨਹੀਂ ਮਿਲਦਾ, ਤਾਂ ਆਪਣੇ ਬੈਂਕ ਦੀ Customer Care ਨਾਲ ਸੰਪਰਕ ਕਰੋ ਅਤੇ Transaction ID ਸਾਂਝੀ ਕਰੋ। ਜੇਕਰ ਤੁਹਾਨੂੰ ਬੈਂਕ ਤੋਂ ਤਸੱਲੀਬਖਸ਼ ਜਵਾਬ ਨਹੀਂ ਮਿਲਦਾ, ਤਾਂ ਤੁਸੀਂ ਮਾਮਲੇ ਨੂੰ NPCI ਦੇ ਸ਼ਿਕਾਇਤ ਪਲੇਟਫਾਰਮ 'ਤੇ ਭੇਜ ਸਕਦੇ ਹੋ।
ਜੇਕਰ ਪੰਜ ਵਰਕਿੰਗ ਡੇਅਜ਼ ਤੋਂ ਬਾਅਦ ਵੀ ਰਿਫੰਡ ਨਹੀਂ ਮਿਲਦਾ, ਤਾਂ ਤੁਸੀਂ RBI ਦੇ CMS (ਸ਼ਿਕਾਇਤ ਪ੍ਰਬੰਧਨ ਪ੍ਰਣਾਲੀ) ਪੋਰਟਲ 'ਤੇ ਸ਼ਿਕਾਇਤ ਦਰਜ ਕਰ ਸਕਦੇ ਹੋ। ਇਹ ਸ਼ਿਕਾਇਤ ਪ੍ਰਕਿਰਿਆ ਦਾ ਆਖਰੀ ਪੱਧਰ ਹੈ ਜਿੱਥੇ ਬੈਂਕ ਨੂੰ ਜਵਾਬ ਦੇਣ ਦੀ ਲੋੜ ਹੁੰਦੀ ਹੈ।
Before You Go
10 ਲੱਖ ਯੋਜਨਾ ‘ਤੇ ਨਵਾਂ ਅਪਡੇਟ! CM ਮਾਨ ਦੀ ਵੱਡੀ ਗੱਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
