![ABP Premium](https://cdn.abplive.com/imagebank/Premium-ad-Icon.png)
Red Sea Crisis Impact: ਟੀਵੀ, ਵਾਸ਼ਿੰਗ ਮਸ਼ੀਨ ਅਤੇ ਏਸੀ ਹੋ ਸਕਦੇ ਮਹਿੰਗੇ, ਜਾਣੋ ਵਜ੍ਹਾ
Logistic Cost: ਮੱਧ ਪੂਰਬ ਵਿੱਚ ਚੱਲ ਰਹੇ ਸੰਘਰਸ਼ ਰੁਕਣ ਦੇ ਕੋਈ ਸੰਕੇਤ ਨਜ਼ਰ ਨਹੀਂ ਆ ਰਹੇ ਹਨ। ਹੁਣ ਇਨ੍ਹਾਂ ਦਾ ਮਾੜਾ ਅਸਰ ਕਾਰੋਬਾਰ 'ਤੇ ਦਿਖਾਈ ਦੇ ਰਿਹਾ ਹੈ। ਜੀ ਹਾਂ ਆਉਣ ਵਾਲੇ ਦਿਨਾਂ ਦੇ ਵਿੱਚ ਕਈ ਚੀਜ਼ਾਂ ਮਹਿੰਗੀਆਂ ਹੋ ਜਾਣਗੀਆਂ।
![Red Sea Crisis Impact: ਟੀਵੀ, ਵਾਸ਼ਿੰਗ ਮਸ਼ੀਨ ਅਤੇ ਏਸੀ ਹੋ ਸਕਦੇ ਮਹਿੰਗੇ, ਜਾਣੋ ਵਜ੍ਹਾ red sea conflict is increasing logistic cost of tv fridge and washing machine Red Sea Crisis Impact: ਟੀਵੀ, ਵਾਸ਼ਿੰਗ ਮਸ਼ੀਨ ਅਤੇ ਏਸੀ ਹੋ ਸਕਦੇ ਮਹਿੰਗੇ, ਜਾਣੋ ਵਜ੍ਹਾ](https://feeds.abplive.com/onecms/images/uploaded-images/2024/05/25/174a28a9655bbf6ac690603a1ee433021716601055477700_original.jpg?impolicy=abp_cdn&imwidth=1200&height=675)
Logistic Cost: ਮੱਧ ਪੂਰਬ ਵਿੱਚ ਚੱਲ ਰਹੇ ਸੰਘਰਸ਼ ਰੁਕਣ ਦੇ ਕੋਈ ਸੰਕੇਤ ਨਜ਼ਰ ਨਹੀਂ ਆ ਰਹੇ ਹਨ। ਹੁਣ ਇਨ੍ਹਾਂ ਦਾ ਮਾੜਾ ਅਸਰ ਕਾਰੋਬਾਰ 'ਤੇ ਦਿਖਾਈ ਦੇ ਰਿਹਾ ਹੈ। ਸ਼ਿਪਿੰਗ ਕੰਟੇਨਰਾਂ ਦੀ ਕਮੀ ਅਤੇ ਚੀਨ ਤੋਂ ਆਉਣ ਵਾਲੇ ਸਮਾਨ 'ਤੇ ਭਾੜੇ ਦੇ ਖਰਚੇ ਵਧਣ (Freight charges on goods coming from China will increase
) ਕਾਰਨ ਆਈਟੀ ਹਾਰਡਵੇਅਰ, ਟੀਵੀ, ਵਾਸ਼ਿੰਗ ਮਸ਼ੀਨ ਅਤੇ ਏਸੀ ਵਰਗੀਆਂ ਇਲੈਕਟ੍ਰਾਨਿਕ ਵਸਤਾਂ ਦੀਆਂ ਕੀਮਤਾਂ ਵਧਣ ਦੀ ਪ੍ਰਬਲ ਸੰਭਾਵਨਾ ਹੈ। ਇਸ ਦਾ ਅਸਰ ਭਾਰਤੀ ਗਾਹਕਾਂ 'ਤੇ ਪਵੇਗਾ।
ਕੁੱਝ ਥਾਵਾਂ 'ਤੇ ਭਾੜੇ ਦੇ ਰੇਟ ਲਗਭਗ ਚਾਰ ਗੁਣਾ ਵਧ ਗਏ ਹਨ
ਬਾਜ਼ਾਰ ਮਾਹਿਰਾਂ ਮੁਤਾਬਕ ਪਿਛਲੇ 2 ਮਹੀਨਿਆਂ 'ਚ ਕੁਝ ਥਾਵਾਂ 'ਤੇ ਮਾਲ ਦੀ ਢੋਆ-ਢੁਆਈ ਲਗਭਗ ਚਾਰ ਗੁਣਾ ਵਧ ਗਈ ਹੈ। ਪਹਿਲਾਂ ਸਮੁੰਦਰੀ ਜਹਾਜ਼ ਅਮਰੀਕਾ ਅਤੇ ਯੂਰਪ ਤੱਕ ਪਹੁੰਚਣ ਲਈ ਸੂਏਜ਼ ਨਹਿਰ ਦਾ ਰਸਤਾ ਲੈਂਦੇ ਸਨ। ਹੁਣ ਸੰਕਟ ਤੋਂ ਬਚਣ ਲਈ ਉਨ੍ਹਾਂ ਨੂੰ ਕਰੀਬ 8500 ਕਿਲੋਮੀਟਰ ਦਾ ਰਸਤਾ ਫੜਨਾ ਪੈ ਰਿਹਾ ਹੈ। ਇਸ ਰਸਤੇ ਨੂੰ 330 ਦੇ ਕਰੀਬ ਵੱਡੇ ਜਹਾਜ਼ਾਂ ਨੇ ਅਪਣਾਇਆ ਹੈ, ਜਿਨ੍ਹਾਂ 'ਤੇ ਕਰੀਬ 12 ਹਜ਼ਾਰ ਕੰਟੇਨਰਾਂ ਨਾਲ ਲੱਦਿਆ ਹੋਇਆ ਹੈ। ਇਸ ਕਾਰਨ ਮਈ ਤੋਂ ਚੀਨ ਦੀਆਂ ਬੰਦਰਗਾਹਾਂ 'ਤੇ ਜਹਾਜ਼ਾਂ ਦੀ ਕਮੀ ਹੋ ਗਈ ਹੈ। ਇਸ ਤੋਂ ਇਲਾਵਾ ਕੰਪਨੀਆਂ ਨੂੰ ਆਪਣੇ ਨਿਰਮਾਣ ਦੇ ਤਰੀਕਿਆਂ ਨੂੰ ਵੀ ਬਦਲਣਾ ਪੈ ਰਿਹਾ ਹੈ।
ਲੌਜਿਸਟਿਕਸ ਲਾਗਤ ਗਾਹਕਾਂ ਤੋਂ ਵਸੂਲੀ ਜਾ ਸਕਦੀ ਹੈ
ਇਕਨਾਮਿਕ ਟਾਈਮਜ਼ ਦੀ ਰਿਪੋਰਟ ਦੇ ਅਨੁਸਾਰ, ਲੌਜਿਸਟਿਕਸ ਲਾਗਤ ਵੱਡੇ ਇਲੈਕਟ੍ਰਾਨਿਕ ਸਮਾਨ ਦੀ ਕੀਮਤ ਦਾ ਲਗਭਗ 2 ਤੋਂ 3 ਪ੍ਰਤੀਸ਼ਤ ਹੈ। ਖਦਸ਼ਾ ਜਤਾਇਆ ਜਾ ਰਿਹਾ ਹੈ ਕਿ ਜੇਕਰ ਇਹੀ ਸਥਿਤੀ ਜਾਰੀ ਰਹੀ ਤਾਂ ਇਹ ਕੀਮਤ ਗਾਹਕਾਂ ਤੋਂ ਵਸੂਲੀ ਜਾਣੀ ਯਕੀਨੀ ਹੈ। ਇਸ ਤੋਂ ਇਲਾਵਾ ਕਿਸੇ ਜਹਾਜ਼ ਨੂੰ ਆਪਣੀ ਮੰਜ਼ਿਲ 'ਤੇ ਪਹੁੰਚਣ 'ਚ ਲੱਗਣ ਵਾਲੇ ਸਮੇਂ 'ਚ ਵੀ 35 ਤੋਂ 40 ਫੀਸਦੀ ਦਾ ਵਾਧਾ ਹੋਇਆ ਹੈ। ਲਾਲ ਸਾਗਰ ਸੰਕਟ ਕਾਰਨ ਦੁਨੀਆ ਭਰ ਵਿੱਚ 20 ਅਤੇ 40 ਫੁੱਟ ਦੇ ਕੰਟੇਨਰਾਂ ਦੀਆਂ ਕੀਮਤਾਂ ਵਧ ਗਈਆਂ ਹਨ। ਕੰਪਨੀਆਂ ਆਪਣਾ ਮਾਲ ਇੱਕ ਥਾਂ ਤੋਂ ਦੂਜੀ ਥਾਂ ਭੇਜਣ ਲਈ 20 ਫੁੱਟ ਦੇ ਡੱਬਿਆਂ ਨੂੰ ਤਰਜੀਹ ਦੇ ਰਹੀਆਂ ਹਨ।
ਮੋਬਾਈਲ ਫੋਨ ਦੀਆਂ ਕੀਮਤਾਂ 'ਤੇ ਕੋਈ ਅਸਰ ਨਹੀਂ ਪਵੇਗਾ
ਮਾਹਿਰਾਂ ਨੇ ਕਿਹਾ ਹੈ ਕਿ ਸੁਏਜ਼ ਨਹਿਰ ਰਾਹੀਂ ਵਪਾਰ ਸ਼ੁਰੂ ਹੋਣ ਤੋਂ ਬਾਅਦ ਹੀ ਸਥਿਤੀ ਵਿੱਚ ਸੁਧਾਰ ਦੀ ਉਮੀਦ ਹੈ। ਇਸ ਸਮੇਂ ਕੰਟੇਨਰਾਂ ਦੇ ਰੇਟ 2400 ਤੋਂ 2900 ਡਾਲਰ ਤੱਕ ਪਹੁੰਚ ਗਏ ਹਨ। ਲਾਲ ਸਾਗਰ ਸੰਕਟ ਤੋਂ ਪਹਿਲਾਂ ਇਹ 850 ਤੋਂ 1000 ਡਾਲਰ 'ਤੇ ਸੀ। ਹਾਲਾਂਕਿ ਇਸ ਸਥਿਤੀ ਦਾ ਮੋਬਾਈਲ ਫੋਨਾਂ ਦੀਆਂ ਕੀਮਤਾਂ 'ਤੇ ਕੋਈ ਅਸਰ ਨਹੀਂ ਪਵੇਗਾ। ਕਿਉਂਕਿ ਇਸਦੇ ਹਿੱਸੇ ਹਲਕੇ ਅਤੇ ਨਾਜ਼ੁਕ ਹੁੰਦੇ ਹਨ, ਇਸ ਲਈ ਉਹਨਾਂ ਨੂੰ ਉਡਾਣ ਦੁਆਰਾ ਲਿਜਾਇਆ ਜਾਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)