SBI Rate Hike: ਮਹਿੰਗਾ ਹੋਇਆ ਵਿਆਜ, SBI ਨੇ ਦਿੱਤਾ ਗਾਹਕਾਂ ਨੂੰ ਝਟਕਾ, ਵਧੇ ਰੇਟ ਅੱਜ ਤੋਂ ਲਾਗੂ
State Bank of India : ਭਾਰਤੀ ਸਟੇਟ ਬੈਂਕ ਦੀ ਵੈੱਬਸਾਈਟ 'ਤੇ ਦਿੱਤੀ ਜਾਣਕਾਰੀ ਦੇ ਮੁਤਾਬਕ, ਬੈਂਕ ਨੇ ਆਪਣੇ MCLR 'ਚ ਬਦਲਾਅ ਕੀਤਾ ਹੈ। ਬਦਲਾਅ ਦੇ ਤਹਿਤ MCLR 'ਚ 5 ਤੋਂ 10 ਬੇਸਿਸ ਪੁਆਇੰਟ ਦਾ ਵਾਧਾ ਕੀਤਾ ਗਿਆ ਹੈ।
ਦੇਸ਼ ਦੇ ਸਭ ਤੋਂ ਵੱਡੇ ਸਰਕਾਰੀ ਬੈਂਕ SBI ਨੇ ਅੱਜ ਆਪਣੇ ਗਾਹਕਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਸਰਕਾਰੀ ਬੈਂਕ ਨੇ ਕਈ ਤਰ੍ਹਾਂ ਦੇ ਕਰਜ਼ੇ ਮਹਿੰਗੇ ਕਰਨ ਦਾ ਐਲਾਨ ਕੀਤਾ ਹੈ। ਵਧੀਆਂ ਵਿਆਜ ਦਰਾਂ ਅੱਜ ਤੋਂ ਹੀ ਲਾਗੂ ਹੋ ਗਈਆਂ ਹਨ। ਅਜਿਹੇ 'ਚ SBI ਗਾਹਕਾਂ ਨੂੰ ਹੁਣ ਲੋਨ 'ਤੇ ਜ਼ਿਆਦਾ ਵਿਆਜ ਦੇਣਾ ਹੋਵੇਗਾ।
ਐਸਬੀਆਈ ਨੇ ਵਿਆਜ ਦਰਾਂ ਵਿੱਚ ਕੀਤਾ ਇੰਨਾ ਵਾਧਾ
ਭਾਰਤੀ ਸਟੇਟ ਬੈਂਕ ਦੀ ਵੈੱਬਸਾਈਟ 'ਤੇ ਦਿੱਤੀ ਗਈ ਜਾਣਕਾਰੀ ਦੇ ਮੁਤਾਬਕ, ਬੈਂਕ ਨੇ ਆਪਣੇ MCLR (ਮਾਰਜਿਨਲ ਕਾਸਟ ਆਫ ਲੈਂਡਿੰਗ ਰੇਟਸ) 'ਚ ਬਦਲਾਅ ਕੀਤਾ ਹੈ। ਬਦਲਾਅ ਦੇ ਤਹਿਤ MCLR 'ਚ 5 ਤੋਂ 10 ਬੇਸਿਸ ਪੁਆਇੰਟ ਦਾ ਵਾਧਾ ਕੀਤਾ ਗਿਆ ਹੈ। ਇਸ ਦਾ ਮਤਲਬ ਹੈ ਕਿ MCLR 0.05 ਫੀਸਦੀ ਤੋਂ ਵਧ ਕੇ 0.10 ਫੀਸਦੀ ਹੋ ਗਿਆ ਹੈ। ਬੈਂਕ ਮੁਤਾਬਕ ਇਹ ਬਦਲਾਅ ਅੱਜ 15 ਜੁਲਾਈ ਤੋਂ ਲਾਗੂ ਹੋ ਗਏ ਹਨ।
EMI ਦਾ ਵਧੇਗਾ ਬੋਝ
SBI ਦੇਸ਼ ਦਾ ਸਭ ਤੋਂ ਵੱਡਾ ਸਰਕਾਰੀ ਬੈਂਕ ਹੈ। ਗਾਹਕਾਂ ਦੀ ਗਿਣਤੀ ਦੇ ਮਾਮਲੇ ਵਿੱਚ, SBI ਅਜੇ ਵੀ ਬਾਕੀ ਸਾਰੇ ਬੈਂਕਾਂ ਤੋਂ ਬਹੁਤ ਅੱਗੇ ਹੈ। ਐਸਬੀਆਈ ਦੁਆਰਾ ਐਮਸੀਐਲਆਰ ਵਿੱਚ ਵਾਧੇ ਕਾਰਨ, ਇਸਦੇ ਵੱਖ-ਵੱਖ ਲੋਨ ਉਤਪਾਦ ਮਹਿੰਗੇ ਹੋ ਸਕਦੇ ਹਨ। ਇਸ ਕਾਰਨ ਲੱਖਾਂ ਗਾਹਕਾਂ 'ਤੇ ਵਿਆਜ ਦਾ ਬੋਝ ਵਧ ਸਕਦਾ ਹੈ ਅਤੇ ਉਨ੍ਹਾਂ ਨੂੰ ਜ਼ਿਆਦਾ ਈ.ਐੱਮ.ਆਈ. ਦੇਣੀ ਪੈ ਸਕਦੀ ਹੈ।
SBI ਨੇ ਵਧਾ ਦਿੱਤੀਆਂ ਇਹ ਦਰਾਂ :
ਇੱਕ ਮਹੀਨੇ ਦੇ ਕਰਜ਼ੇ ਦੀ ਮਿਆਦ 'ਤੇ MCLR ਨੂੰ 5 bps ਵਧਾ ਕੇ 8.35 ਫੀਸਦੀ ਕਰ ਦਿੱਤਾ ਗਿਆ ਹੈ।
ਤਿੰਨ ਮਹੀਨਿਆਂ ਦੇ ਕਰਜ਼ੇ ਦੀ ਮਿਆਦ 'ਤੇ MCLR ਨੂੰ 10 bps ਵਧਾ ਕੇ 8.4 ਫੀਸਦੀ ਕਰ ਦਿੱਤਾ ਗਿਆ ਹੈ।
ਛੇ ਮਹੀਨਿਆਂ ਦੇ ਕਰਜ਼ੇ ਦੀ ਮਿਆਦ 'ਤੇ MCLR ਨੂੰ 10 bps ਵਧਾ ਕੇ 8.75 ਪ੍ਰਤੀਸ਼ਤ ਕੀਤਾ ਗਿਆ ਸੀ।
ਇੱਕ ਸਾਲ ਦੇ ਕਰਜ਼ੇ ਦੀ ਮਿਆਦ 'ਤੇ MCLR ਨੂੰ 10 bps ਵਧਾ ਕੇ 8.85 ਫੀਸਦੀ ਕਰ ਦਿੱਤਾ ਗਿਆ ਹੈ।
ਦੋ ਸਾਲਾਂ ਦੇ ਕਰਜ਼ੇ ਦੀ ਮਿਆਦ 'ਤੇ MCLR ਨੂੰ 10 bps ਵਧਾ ਕੇ 8.95 ਪ੍ਰਤੀਸ਼ਤ ਕੀਤਾ ਗਿਆ ਹੈ।
ਤਿੰਨ ਸਾਲਾਂ ਦੇ ਕਰਜ਼ੇ ਦੀ ਮਿਆਦ 'ਤੇ MCLR ਨੂੰ 5 bps ਵਧਾ ਕੇ 9 ਪ੍ਰਤੀਸ਼ਤ ਕੀਤਾ ਗਿਆ ਹੈ।
ਹੋਮ ਲੋਨ ਦੇ ਗਾਹਕਾਂ ਨੂੰ ਰਾਹਤ
MCLR ਭਾਵ ਉਧਾਰ ਦਰਾਂ ਦੀ ਸੀਮਾਂਤ ਲਾਗਤ ਉਹ ਦਰਾਂ ਹਨ ਜਿਨ੍ਹਾਂ ਦੇ ਹੇਠਾਂ ਬੈਂਕ ਵਿਆਜ ਦੀ ਪੇਸ਼ਕਸ਼ ਨਹੀਂ ਕਰਦੇ ਹਨ। ਯਾਨੀ ਬੈਂਕਾਂ ਦੁਆਰਾ ਦਿੱਤੇ ਗਏ ਲੋਨ ਉਤਪਾਦਾਂ ਦੀਆਂ ਵਿਆਜ ਦਰਾਂ ਸਬੰਧਤ ਕਾਰਜਕਾਲ ਦੀਆਂ MCLR ਦਰਾਂ ਨਾਲੋਂ ਵੱਧ ਹਨ। ਹਾਲਾਂਕਿ, ਇਹ ਰਾਹਤ ਦੀ ਗੱਲ ਹੈ ਕਿ MCLR ਵਿੱਚ ਵਾਧੇ ਦਾ SBI ਹੋਮ ਲੋਨ ਦੇ ਗਾਹਕਾਂ 'ਤੇ ਕੋਈ ਅਸਰ ਨਹੀਂ ਪਵੇਗਾ। SBI ਹੋਮ ਲੋਨ ਦੀਆਂ ਵਿਆਜ ਦਰਾਂ ਬਾਹਰੀ ਬੈਂਚਮਾਰਕ ਉਧਾਰ ਦਰਾਂ 'ਤੇ ਆਧਾਰਿਤ ਹਨ। SBI ਨੇ ਫਿਲਹਾਲ EBLR ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
