Share Market Opening 24 September: ਰਿਕਾਰਡ ਹਾਈ 'ਤੇ ਮੁਨਾਫਾਵਸੂਲੀ ਦਾ ਦਬਾਅ, 150 ਅੰਕ ਟੁੱਟਿਆ ਸੈਂਸੈਕਸ, ਘਾਟੇ 'ਚ ਖੁੱਲ੍ਹਿਆ ਨਿਫਟੀ
Share Market Open Today: ਹਫਤੇ ਦੇ ਪਹਿਲੇ ਦਿਨ ਸੋਮਵਾਰ ਨੂੰ ਬੀਐਸਈ ਸੈਂਸੈਕਸ ਅਤੇ ਐਨਐਸਈ ਨਿਫਟੀ ਨੇ ਲਗਾਤਾਰ ਤੀਜੇ ਦਿਨ ਨਵੇਂ ਉੱਚ ਪੱਧਰ ਦਾ ਰਿਕਾਰਡ ਬਣਾਇਆ ਸੀ। ਅੱਜ ਸਵੇਰ ਤੋਂ ਹੀ ਮੁਨਾਫਾਵਸੂਲੀ ਦਾ ਦਬਾਅ ਹਾਵੀ ਹੈ...
Share Market Opening 24 September: ਘਰੇਲੂ ਸ਼ੇਅਰ ਬਾਜ਼ਾਰ ਨਵੇਂ ਉੱਚ ਪੱਧਰ ਦੇ ਰਿਕਾਰਡ ਨਾਲ ਹਫਤੇ ਦੀ ਸ਼ੁਰੂਆਤ ਕਰਨ ਤੋਂ ਬਾਅਦ ਮੰਗਲਵਾਰ ਨੂੰ ਹਲਕੇ ਦਬਾਅ 'ਚ ਨਜ਼ਰ ਆ ਰਿਹਾ ਹੈ। ਰਿਕਾਰਡ ਉੱਚ ਪੱਧਰ ਦੇ ਕਰਕੇ ਮੁਨਾਫਾ ਬੁਕਿੰਗ ਦਾ ਦਬਾਅ ਬਾਜ਼ਾਰ ਵਿੱਚ ਦਿਖਾਈ ਦੇ ਰਿਹਾ ਹੈ, ਜਿਸ ਕਾਰਨ ਦੋਵੇਂ ਪ੍ਰਮੁੱਖ ਸੂਚਕਾਂਕ ਬੀਐਸਈ ਸੈਂਸੈਕਸ ਅਤੇ ਐਨਐਸਈ ਨਿਫਟੀ ਨੇ ਲਾਲ ਨਿਸ਼ਾਨ ਵਿੱਚ ਕਾਰੋਬਾਰ ਕਰਨਾ ਸ਼ੁਰੂ ਕੀਤਾ।
ਸਵੇਰੇ 9.15 ਵਜੇ ਸੈਂਸੈਕਸ ਮਾਮੂਲੀ ਗਿਰਾਵਟ ਨਾਲ 84,860 ਅੰਕ 'ਤੇ ਖੁੱਲ੍ਹਿਆ। ਨਿਫਟੀ ਨੇ 18 ਅੰਕਾਂ ਦੀ ਮਾਮੂਲੀ ਗਿਰਾਵਟ ਨਾਲ 25921.45 ਅੰਕ 'ਤੇ ਸ਼ੁਰੂਆਤ ਕੀਤੀ। ਕੁਝ ਛੋਟੇ ਕਾਰੋਬਾਰ 'ਚ ਸੈਂਸੈਕਸ 150 ਅੰਕ ਡਿੱਗ ਗਿਆ ਸੀ। ਸਵੇਰੇ 9:25 ਵਜੇ ਸੈਂਸੈਕਸ ਲਗਭਗ 80 ਅੰਕਾਂ ਦੀ ਗਿਰਾਵਟ ਨਾਲ 84,850 ਅੰਕ ਦੇ ਨੇੜੇ ਕਾਰੋਬਾਰ ਕਰ ਰਿਹਾ ਸੀ। ਜਦੋਂ ਕਿ NSE ਦਾ ਨਿਫਟੀ 50 ਇੰਡੈਕਸ ਲਗਭਗ 10 ਅੰਕਾਂ ਦੀ ਗਿਰਾਵਟ ਨਾਲ 25,925 ਅੰਕਾਂ ਦੇ ਨੇੜੇ ਸੀ।
ਬਾਜ਼ਾਰ ਖੁੱਲ੍ਹਣ ਤੋਂ ਪਹਿਲਾਂ ਮਿਲੇ ਇਦਾਂ ਦੇ ਸੰਕੇਤ
ਘਰੇਲੂ ਬਾਜ਼ਾਰ 'ਚ ਕਾਰੋਬਾਰ ਸ਼ੁਰੂ ਹੋਣ ਤੋਂ ਪਹਿਲਾਂ ਕਾਰੋਬਾਰ 'ਚ ਦਬਾਅ ਰਹਿਣ ਦੇ ਸੰਕੇਤ ਮਿਲੇ ਹਨ। ਪ੍ਰੀ-ਓਪਨ ਸੈਸ਼ਨ 'ਚ ਸੈਂਸੈਕਸ ਲਗਭਗ 70 ਅੰਕਾਂ ਦੀ ਗਿਰਾਵਟ ਨਾਲ 84,860 ਅੰਕਾਂ ਦੇ ਨੇੜੇ ਕਾਰੋਬਾਰ ਕਰ ਰਿਹਾ ਸੀ, ਜਦਕਿ ਨਿਫਟੀ ਲਗਭਗ 18 ਅੰਕਾਂ ਦੇ ਨੁਕਸਾਨ ਨਾਲ 25,920 ਅੰਕਾਂ ਦੇ ਨੇੜੇ ਕਾਰੋਬਾਰ ਕਰ ਰਿਹਾ ਸੀ। ਹਾਲਾਂਕਿ, ਗਿਫਟ ਸਿਟੀ 'ਚ ਸਵੇਰੇ, ਨਿਫਟੀ ਫਿਊਚਰਜ਼ ਲਗਭਗ 75 ਅੰਕਾਂ ਦੇ ਸ਼ਾਨਦਾਰ ਪ੍ਰੀਮੀਅਮ ਦੇ ਨਾਲ 25,990 ਅੰਕਾਂ 'ਤੇ ਕਾਰੋਬਾਰ ਕਰ ਰਿਹਾ ਸੀ।
ਇਹ ਵੀ ਪੜ੍ਹੋ: ਤੁਹਾਨੂੰ ਵੀ ਗੱਲ-ਗੱਲ 'ਤੇ Tension ਲੈਣ ਦੀ ਆਦਤ ਤਾਂ ਅੱਜ ਹੀ ਛੱਡ ਦਿਓ, ਵੱਧ ਸਕਦਾ ਹਾਰਟ ਅਟੈਕ ਦਾ ਖਤਰਾ
ਰਿਕਾਰਡ ਨਾਲ ਸ਼ੁਰੂ ਹੋਇਆ ਇਹ ਹਫਤਾ
ਇਸ ਤੋਂ ਪਹਿਲਾਂ ਸੋਮਵਾਰ ਨੂੰ ਘਰੇਲੂ ਸ਼ੇਅਰ ਬਾਜ਼ਾਰ ਨੇ ਹਫਤੇ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਸੋਮਵਾਰ ਨੂੰ ਸੈਂਸੈਕਸ 384.30 ਅੰਕ (0.45 ਫੀਸਦੀ) ਦੇ ਵਾਧੇ ਨਾਲ 84,928.61 'ਤੇ ਬੰਦ ਹੋਇਆ। ਇਸ ਤੋਂ ਪਹਿਲਾਂ ਸੈਂਸੈਕਸ ਨੇ ਇੰਟਰਾਡੇ 'ਚ 84,980.53 ਅੰਕਾਂ ਦਾ ਨਵਾਂ ਆਲਚਟਾਈਮ ਹਾਈ ਬਣਾਇਆ ਸੀ। ਜਦੋਂ ਕਿ ਨਿਫਟੀ50 ਨੇ ਇੰਟਰਾਡੇ 'ਚ 25,956 ਅੰਕਾਂ ਦਾ ਨਵਾਂ ਰਿਕਾਰਡ ਬਣਾਇਆ ਹੈ। ਕਾਰੋਬਾਰ ਖਤਮ ਹੋਣ ਤੋਂ ਬਾਅਦ ਇਹ 148.10 ਅੰਕ (0.57 ਫੀਸਦੀ) ਦੇ ਵਾਧੇ ਨਾਲ 25,939.05 'ਤੇ ਬੰਦ ਹੋਇਆ।
ਗਲੋਬਲ ਬਾਜ਼ਾਰ 'ਚ ਨਜ਼ਰ ਆਈ ਤੇਜ਼ੀ
ਸੋਮਵਾਰ ਨੂੰ ਅਮਰੀਕੀ ਬਾਜ਼ਾਰ ਮਜ਼ਬੂਤੀ ਨਾਲ ਬੰਦ ਹੋਏ। ਵਾਲ ਸਟ੍ਰੀਟ 'ਤੇ ਡਾਓ ਜੋਂਸ ਇੰਡਸਟਰੀਅਲ ਔਸਤ 0.15 ਫੀਸਦੀ ਦੇ ਮਾਮੂਲੀ ਵਾਧੇ ਨਾਲ ਬੰਦ ਹੋਇਆ। ਐੱਸਐਂਡਪੀ 500 ਇੰਡੈਕਸ 'ਚ 0.28 ਫੀਸਦੀ ਅਤੇ ਟੈਕ ਫੋਕਸਡ ਇੰਡੈਕਸ Nasdaq 'ਚ 0.14 ਫੀਸਦੀ ਦਾ ਮਾਮੂਲੀ ਵਾਧਾ ਦਰਜ ਕੀਤਾ ਗਿਆ ਹੈ। ਜਨਤਕ ਛੁੱਟੀ ਤੋਂ ਬਾਅਦ ਖੁੱਲ੍ਹਿਆ ਜਾਪਾਨ ਦਾ ਨਿੱਕੇਈ 1.47 ਫੀਸਦੀ ਅਤੇ ਟੌਪਿਕਸ 1 ਫੀਸਦੀ ਚੜ੍ਹਿਆ ਹੈ। ਦੱਖਣੀ ਕੋਰੀਆ ਦਾ ਕੋਸਪੀ 0.6 ਫੀਸਦੀ ਅਤੇ ਕੋਸਡੈਕ 0.68 ਫੀਸਦੀ ਦੇ ਵਾਧੇ 'ਚ ਹੈ। ਹਾਂਗਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 2.18 ਫੀਸਦੀ ਅਤੇ ਮੇਨਲੈਂਡ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 1 ਫੀਸਦੀ ਮਜ਼ਬੂਤ ਹੈ।
ਸ਼ੁਰੂਆਤੀ ਕਾਰੋਬਾਰ 'ਚ ਵੱਡੇ ਸ਼ੇਅਰਾਂ ਦਾ ਨੁਕਸਾਨ
ਸ਼ੁਰੂਆਤੀ ਕਾਰੋਬਾਰ 'ਚ, ਸੈਂਸੈਕਸ 'ਤੇ ਜ਼ਿਆਦਾਤਰ ਸ਼ੇਅਰ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ। ਹਿੰਦੁਸਤਾਨ ਯੂਨੀਲੀਵਰ, ਇੰਫੋਸਿਸ, ਕੋਟਕ ਬੈਂਕ ਵਰਗੇ ਸ਼ੇਅਰ ਸਭ ਤੋਂ ਜ਼ਿਆਦਾ ਡਿੱਗੇ ਹਨ ਅਤੇ 1 ਫੀਸਦੀ ਤੱਕ ਘਾਟੇ ਦਾ ਸਾਹਮਣਾ ਕਰ ਰਹੇ ਹਨ। ਇੰਫੋਸਿਸ ਤੋਂ ਇਲਾਵਾ ਟੀਸੀਐਸ, ਐਚਸੀਐਲ ਟੈਕ ਅਤੇ ਟੈਕ ਮਹਿੰਦਰਾ ਦੇ ਵੀ ਆਈਟੀ ਸਟਾਕ ਵਿੱਚ ਗਿਰਾਵਟ ਆਈ ਹੈ। ਦੂਜੇ ਪਾਸੇ ਮੈਟਲ ਸਟਾਕ ਬਾਜ਼ਾਰ ਨੂੰ ਸਮਰਥਨ ਦੇ ਰਹੇ ਹਨ। ਟਾਟਾ ਸਟੀਲ 2 ਫੀਸਦੀ ਤੋਂ ਜ਼ਿਆਦਾ ਮਜ਼ਬੂਤ ਹੈ। JSW ਸਟੀਲ ਲਗਭਗ 1.80 ਫੀਸਦੀ ਦੇ ਮੁਨਾਫੇ 'ਚ ਹੈ।
ਇਹ ਵੀ ਪੜ੍ਹੋ: Heart Faliure: ਹਾਰਟ ਫੇਲ ਹੋਣ ਤੋਂ ਪਹਿਲਾਂ ਨਜ਼ਰ ਆਉਂਦੇ ਆਹ 5 ਲੱਛਣ, ਜਾਣੋ ਕਦੋਂ ਹੋਣਾ ਚਾਹੀਦਾ ਅਲਰਟ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
