ਰੂਸ ਤੇ ਯੂਕਰੇਨ ਦੀ 'ਜੰਗ' ਦਾ ਸਾਇਆ: ਭਾਰਤੀ ਸ਼ੇਅਰ ਬਾਜ਼ਾਰ ਭਾਰੀ ਗਿਰਾਵਟ ਨਾਲ ਖੁੱਲ੍ਹਿਆ, ਸੈਂਸੈਕਸ 1200 ਨਿਫਟੀ 300 ਅੰਕ ਡਿੱਗਿਆ
Stock Markets Down: ਰੂਸ ਤੇ ਯੂਕਰੇਨ 'ਚ ਤਣਾਅ ਕਾਰਨ ਸ਼ੇਅਰ ਬਾਜ਼ਾਰ ਭਾਰੀ ਗਿਰਾਵਟ ਨਾਲ ਖੁੱਲ੍ਹੇ ਹਨ। ਮੌਜੂਦਾ ਸਮੇਂ 'ਚ ਸੈਂਸੈਕਸ 980 ਅੰਕਾਂ ਦੀ ਗਿਰਾਵਟ ਨਾਲ 56,696 'ਤੇ ਕਾਰੋਬਾਰ ਕਰ ਰਿਹਾ ਹੈ ਤੇ ਨਿਫਟੀ 278 ਅੰਕਾਂ ਦੀ ਗਿਰਾਵਟ ਨਾਲ 16,928 'ਤੇ ਕਾਰੋਬਾਰ ਕਰ ਰਿਹਾ ਹੈ।
Stock Market Falls heavily in opening trade due to Russia Ukraine Tension Sensex slides 1200 and nifty by 350 points
Stock Market Opening on 22nd Feb 2022: ਮੰਗਲਵਾਰ ਦਾ ਦਿਨ ਭਾਰਤੀ ਸ਼ੇਅਰ ਬਾਜ਼ਾਰ ਲਈ ਬਹੁਤ ਅਸ਼ੁਭ ਸਾਬਤ ਹੋਇਆ ਹੈ। ਰੂਸ ਤੇ ਯੂਕਰੇਨ ਤਣਾਅ ਕਾਰਨ ਸ਼ੇਅਰ ਬਾਜ਼ਾਰ ਭਾਰੀ ਗਿਰਾਵਟ ਨਾਲ ਖੁੱਲ੍ਹੇ ਹਨ। ਮੁੰਬਈ ਸਟਾਕ ਐਕਸਚੇਂਜ ਦਾ ਸੂਚਕ ਅੰਕ ਸੈਂਸੈਕਸ 57000 ਤੋਂ ਹੇਠਾਂ ਖੁੱਲ੍ਹਿਆ ਹੈ ਤੇ ਨਿਫਟੀ 17000 ਤੋਂ ਹੇਠਾਂ ਆ ਗਿਆ ਹੈ।
ਸੈਂਸੈਕਸ ਖੁੱਲ੍ਹਦੇ ਹੀ 1200 ਤੋਂ ਵੱਧ ਅੰਕ ਡਿੱਗ ਕੇ 56,436 ਅਤੇ ਨਿਫਟੀ 360 ਅੰਕ ਡਿੱਗ ਕੇ 16,847 ਅੰਕਾਂ 'ਤੇ ਖੁੱਲ੍ਹਿਆ। ਮੌਜੂਦਾ ਸਮੇਂ 'ਚ ਸੈਂਸੈਕਸ 980 ਅੰਕਾਂ ਦੀ ਗਿਰਾਵਟ ਨਾਲ 56,696 'ਤੇ ਕਾਰੋਬਾਰ ਕਰ ਰਿਹਾ ਹੈ ਤੇ ਨਿਫਟੀ 278 ਅੰਕਾਂ ਦੀ ਗਿਰਾਵਟ ਨਾਲ 16,928 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਸਟਾਕ ਮਾਰਕੀਟ ਵਿੱਚ ਸੁਨਾਮੀ ਤੋਂ ਕੋਈ ਵੀ ਸੈਕਟਰ ਨਹੀਂ ਬਚ ਸਕਿਆ। ਸਾਰੇ ਸੈਕਟਰਾਂ 'ਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ। ਬੈਂਕਿੰਗ ਸਟਾਕਾਂ 'ਚ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਮਿਡ ਕੈਪ ਸਮਾਲ ਕੈਪ ਵੀ ਜ਼ਬਰਦਸਤ ਡਿੱਗੇ। ਸੈਂਸੈਕਸ ਦੇ 30 'ਚੋਂ ਸਾਰੇ 30 ਸ਼ੇਅਰ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ। ਡਾਕਟਰ ਰੈੱਡੀ ਦੇ ਸਟਾਕ 'ਚ ਸਭ ਤੋਂ ਵੱਡੀ ਗਿਰਾਵਟ ਆਈ, ਜੋ 2.09 ਫੀਸਦੀ ਦੀ ਗਿਰਾਵਟ ਨਾਲ 4173 ਰੁਪਏ ਪ੍ਰਤੀ ਸ਼ੇਅਰ 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਮੰਗਲਵਾਰ ਦੇ ਇਸ ਟ੍ਰੈਂਡਿੰਗ ਸੈਸ਼ਨ 'ਚ ਆਇਲ ਐਂਡ ਗੈਸ ਕੰਜ਼ਿਊਮਰ ਡਿਊਰੇਬਲਸ ਆਈਟੀ, ਮੀਡੀਆ, ਐਨਰਜੀ, ਬੈਂਕਿੰਗ ਤੋਂ ਲੈ ਕੇ ਆਟੋ, ਵਿੱਤੀ ਸੇਵਾਵਾਂ, ਫਾਰਮਾ, ਧਾਤੂ ਖੇਤਰਾਂ ਦੇ ਸ਼ੇਅਰਾਂ 'ਚ ਭਾਰੀ ਬਿਕਵਾਲੀ ਦੇਖਣ ਨੂੰ ਮਿਲ ਰਹੀ ਹੈ।
ਡਿੱਗ ਰਹੇ ਸ਼ੇਅਰਸ
ਡਾ. ਰੈੱਡੀ ਦੇ ਸ਼ੇਅਰਾਂ ਤੋਂ ਇਲਾਵਾ ਮਾਰੂਤੀ ਸੁਜ਼ੂਕੀ 1.14 ਫੀਸਦੀ, ਇੰਡਸਇੰਡ ਬੈਂਕ 2.30 ਫੀਸਦੀ, ਐਚ.ਡੀ.ਐਫ.ਸੀ. ਬੈਂਕ 1.49 ਫੀਸਦੀ, ਬਜਾਜ ਫਿਨਸਰਵ 2.18 ਫੀਸਦੀ, ਬਜਾਜ ਫਾਈਨਾਂਸ 1.81 ਫੀਸਦੀ, ਰਿਲਾਇੰਸ 1.17 ਫੀਸਦੀ, ਏਸ਼ੀਅਨ ਪੀ.ਏ.ਸੀ.ਐੱਲ.19 ਫੀਸਦੀ, ਐਚ.12.ਸੀ.ਐਲ. ਫੀਸਦੀ, ਵਿਪਰੋ 1.43 ਫੀਸਦੀ, ਭਾਰਤੀ ਏਅਰਟੈੱਲ 1.41 ਫੀਸਦੀ ਅਲਟਰਾਟੈੱਕ ਸੀਮੈਂਟ 1.51 ਫੀਸਦੀ, ਟੈਕ ਮਹਿੰਦਰਾ 2.39 ਫੀਸਦੀ, ਲਾਰਸਨ 2.69 ਫੀਸਦੀ, ਕੋਟਕ ਮਹਿੰਦਰਾ 1.37 ਫੀਸਦੀ, ਐਸਬੀਆਈ 1.83 ਫੀਸਦੀ ਹੇਠਾਂ ਕਾਰੋਬਾਰ ਕਰ ਰਿਹਾ ਹੈ।
ਵੱਧ ਰਹੇ ਸ਼ੇਅਰਸ
ਚੜ੍ਹਦੇ ਸ਼ੇਅਰਾਂ 'ਚ ਸਿਰਫ ਓ.ਐੱਨ.ਜੀ.ਸੀ. ਦਾ ਸਟਾਕ ਦੇਖਣ ਨੂੰ ਮਿਲ ਰਿਹਾ ਹੈ, ਜੋ 1.16 ਫੀਸਦੀ ਦੇ ਵਾਧੇ ਨਾਲ 165.30 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ: ਆਖਰ ਕੋਰੋਨਾ ਦੀ ਅੰਤਮ ਤਾਰੀਖ ਆ ਗਈ, WHO ਨੇ ਕਹੀ ਵੱਡੀ ਗੱਲ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
