Stock Market Update :  ਦਿਨ ਭਰ ਭਾਰੀ ਉਥਲ-ਪੁਥਲ ਤੋਂ ਬਾਅਦ ਹਰੇ ਨਿਸ਼ਾਨ ਵਿੱਚ ਬੰਦ ਹੋਇਆ ਭਾਰਤੀ ਸ਼ੇਅਰ ਬਾਜ਼ਾਰ

ਸੋਮਵਾਰ ਦੀ ਭਾਰੀ ਗਿਰਾਵਟ ਤੋਂ ਬਾਅਦ ਸ਼ੇਅਰ ਬਾਜ਼ਾਰ ਦੇ ਨਿਵੇਸ਼ਕਾਂ ਨੇ ਮੰਗਲਵਾਰ ਨੂੰ ਰਾਹਤ ਦਾ ਸਾਹ ਲਿਆ ਹੈ।

Stock Market Update

Stock Market Update :  ਸੋਮਵਾਰ ਦੀ ਭਾਰੀ ਗਿਰਾਵਟ ਤੋਂ ਬਾਅਦ ਸ਼ੇਅਰ ਬਾਜ਼ਾਰ ਦੇ ਨਿਵੇਸ਼ਕਾਂ ਨੇ ਮੰਗਲਵਾਰ ਨੂੰ ਰਾਹਤ ਦਾ ਸਾਹ ਲਿਆ ਹੈ। ਦਿਨ ਭਰ ਬਾਜ਼ਾਰ ਵਿਚ ਭਾਰੀ ਉਤਰਾਅ-ਚੜ੍ਹਾਅ ਰਿਹਾ ਪਰ ਕਾਰੋਬਾਰੀ ਸੈਸ਼ਨ ਦੇ ਅੰਤ 'ਚ ਮੁੰਬਈ ਸਟਾਕ ਐਕਸਚੇਂਜ ਦਾ ਸੂਚਕਾਂਕ 187 ਅੰਕ ਅਤੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 53 ਅੰਕਾਂ ਦੇ ਵਾਧੇ ਨਾਲ ਬੰਦ ਹੋਇਆ।

 

ਮੰਗਲਵਾਰ ਦੇ ਟ੍ਰੈਂਡਿੰਗ ਸੈਸ਼ਨ 'ਚ ਆਈ.ਟੀ., ਮੀਡੀਆ, ਊਰਜਾ, ਕੰਜ਼ਿਊਮਰ ਡਿਊਰੇਬਲ, ਤੇਲ ਅਤੇ ਗੈਸ ਵਰਗੇ ਸੈਕਟਰ ਲਾਲ ਨਿਸ਼ਾਨ 'ਤੇ ਬੰਦ ਹੋਏ। ਸਮਾਲ ਕੈਪ ਅਤੇ ਮਿਡ ਕੈਪ ਸ਼ੇਅਰਾਂ 'ਚ ਵੀ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਅਤੇ ਲਾਲ ਨਿਸ਼ਾਨ 'ਤੇ ਬੰਦ ਹੋਏ। ਬੈਂਕਿੰਗ ਤੋਂ ਲੈ ਕੇ ਆਟੋ, ਵਿੱਤੀ ਸੇਵਾਵਾਂ, ਫਾਰਮਾ, ਧਾਤੂ ਖੇਤਰਾਂ 'ਚ ਮਜ਼ਬੂਤੀ ਦੇਖਣ ਨੂੰ ਮਿਲੀ।

 

ਸੈਂਸੈਕਸ ਦੇ 30 ਸ਼ੇਅਰਾਂ 'ਚੋਂ 12 ਸਟਾਕ ਲਾਲ ਨਿਸ਼ਾਨ 'ਤੇ ਬੰਦ ਹੋਏ, ਜਦਕਿ ਸਿਰਫ 18 ਸਟਾਕ ਵਧੇ। ਟਾਟਾ ਸਟੀਲ ਦਾ ਸ਼ੇਅਰ ਸਭ ਤੋਂ ਵੱਧ 3.10 ਫੀਸਦੀ ਦੇ ਵਾਧੇ ਨਾਲ 1219 ਰੁਪਏ 'ਤੇ ਬੰਦ ਹੋਇਆ, ਜਦਕਿ ਪਾਵਰ ਗਰਿੱਡ 1.66 ਫੀਸਦੀ ਡਿੱਗ ਕੇ 210 ਰੁਪਏ 'ਤੇ ਬੰਦ ਹੋਇਆ।

ਡਿੱਗਣ ਵਾਲੇ ਸ਼ੇਅਰ 

 

ਪਾਵਰ ਗਰਿੱਡ ਤੋਂ ਇਲਾਵਾ ਅਲਟਰਾਟੈੱਕ ਸੀਮੈਂਟ 1.02 ਫੀਸਦੀ, ਟੀਸੀਐਸ 0.96 ਫੀਸਦੀ, ਟੈੱਕ ਮਹਿੰਦਰਾ 0.62 ਫੀਸਦੀ, ਲਾਰਸਨ 0.60 ਫੀਸਦੀ, ਕੋਟਕ ਮਹਿੰਦਰਾ 0.60 ਫੀਸਦੀ, ਐਚਡੀਐਫਸੀ 0.58 ਫੀਸਦੀ, ਐਚਡੀਐਫਸੀ ਬੈਂਕ 0.51 ਫੀਸਦੀ, ਐਸਬੀਆਈ 0.39 ਫੀਸਦੀ ਡਿੱਗ ਗਏ।

 

ਵੱਧਨ ਵਾਲੇ ਸ਼ੇਅਰ 

ਟਾਟਾ ਸਟੀਲ ਤੋਂ ਇਲਾਵਾ ਬਜਾਜ ਫਾਈਨਾਂਸ 1.74 ਫੀਸਦੀ, ਬਜਾਜ ਫਿਨਸਰਵ 1.69 ਫੀਸਦੀ, ਰਿਲਾਇੰਸ 1.64 ਫੀਸਦੀ, ਏਸ਼ੀਅਨ ਪੇਂਟਸ 1.33 ਫੀਸਦੀ, ਐਚਸੀਐਲ ਟੇਕ 0.61 ਫੀਸਦੀ ਵਧੇ। ਵਿਪਰੋ 0.50 ਫੀਸਦੀ, ਮਾਰੂਤੀ ਸੁਜ਼ੂਕੀ 1.01 ਫੀਸਦੀ, ਭਾਰਤੀ ਏਅਰਟੈੱਲ 0.12 ਫੀਸਦੀ ਦੀ ਤੇਜ਼ੀ ਦੇਖੀ ਗਈ।