![ABP Premium](https://cdn.abplive.com/imagebank/Premium-ad-Icon.png)
Money Changes in Feb 2024: ਫਰਵਰੀ ਵਿੱਚ ਪੈਸੇ ਨਾਲ ਜੁੜੇ ਇਨ੍ਹਾਂ 6 ਨਿਯਮਾਂ 'ਚ ਹੋਣਗੇ ਬਦਲਾਅ, NPS ਤੋਂ ਫਾਸਟੈਗ ਦੇ ਬਦਲ ਰਹੇ Rules
Money Rules: ਫਰਵਰੀ 'ਚ ਪੈਸੇ ਨਾਲ ਜੁੜੇ ਕਈ ਨਿਯਮ ਬਦਲ ਜਾਣਗੇ। ਅਸੀਂ ਤੁਹਾਨੂੰ ਉਨ੍ਹਾਂ ਨਿਯਮਾਂ ਬਾਰੇ ਦੱਸ ਰਹੇ ਹਾਂ ਜਿਨ੍ਹਾਂ ਦਾ ਸਿੱਧਾ ਅਸਰ ਆਮ ਲੋਕਾਂ ਦੀ ਜੇਬ 'ਤੇ ਪਵੇਗਾ।
![Money Changes in Feb 2024: ਫਰਵਰੀ ਵਿੱਚ ਪੈਸੇ ਨਾਲ ਜੁੜੇ ਇਨ੍ਹਾਂ 6 ਨਿਯਮਾਂ 'ਚ ਹੋਣਗੇ ਬਦਲਾਅ, NPS ਤੋਂ ਫਾਸਟੈਗ ਦੇ ਬਦਲ ਰਹੇ Rules There will be changes in these 6 rules related to money in February 2024, rules of Fastag are changing from NPS know details Money Changes in Feb 2024: ਫਰਵਰੀ ਵਿੱਚ ਪੈਸੇ ਨਾਲ ਜੁੜੇ ਇਨ੍ਹਾਂ 6 ਨਿਯਮਾਂ 'ਚ ਹੋਣਗੇ ਬਦਲਾਅ, NPS ਤੋਂ ਫਾਸਟੈਗ ਦੇ ਬਦਲ ਰਹੇ Rules](https://feeds.abplive.com/onecms/images/uploaded-images/2023/12/29/16fbd20e1ade1552ce88745b2505fa231703853577161800_original.jpg?impolicy=abp_cdn&imwidth=1200&height=675)
Money Rules Changing from February 2024: ਜਨਵਰੀ ਦਾ ਮਹੀਨਾ ਕੁਝ ਹੀ ਦਿਨਾਂ ਵਿਚ ਖਤਮ ਹੋਣ ਵਾਲਾ ਹੈ ਅਤੇ ਫਰਵਰੀ ਜਲਦੀ ਸ਼ੁਰੂ ਹੋ ਜਾਵੇਗੀ। ਨਵੇਂ ਮਹੀਨੇ ਦੇ ਨਾਲ ਅਜਿਹੇ ਕਈ ਨਿਯਮ ਹਨ ਜਿਨ੍ਹਾਂ ਦੇ ਬਦਲਾਅ ਦਾ ਸਿੱਧਾ ਅਸਰ ਆਮ ਲੋਕਾਂ ਦੀ ਜੇਬ 'ਤੇ ਪਵੇਗਾ। ਅਗਲੇ ਮਹੀਨੇ ਤੋਂ, NPS ਤੋਂ SBI ਸਪੈਸ਼ਲ ਹੋਮ ਲੋਨ ਮੁਹਿੰਮ, ਸਾਵਰੇਨ ਗੋਲਡ ਬਾਂਡ ਸਕੀਮ ਵਿੱਚ ਕਈ ਬਦਲਾਅ ਹੋਣ ਜਾ ਰਹੇ ਹਨ। ਅਸੀਂ ਤੁਹਾਨੂੰ ਉਨ੍ਹਾਂ ਨਿਯਮਾਂ ਬਾਰੇ ਜਾਣਕਾਰੀ ਦੇ ਰਹੇ ਹਾਂ।
1. NPS ਖਾਤੇ ਤੋਂ ਪੈਸੇ ਕਢਵਾਉਣ ਲਈ ਨਿਯਮ
PFRDA ਨੇ NPS ਖਾਤੇ ਤੋਂ ਪੈਸੇ ਕਢਵਾਉਣ ਦੇ ਨਿਯਮਾਂ 'ਚ ਵੱਡਾ ਬਦਲਾਅ ਕੀਤਾ ਹੈ। 12 ਜਨਵਰੀ, 2024 ਨੂੰ ਜਾਰੀ ਨੋਟੀਫਿਕੇਸ਼ਨ ਦੇ ਅਨੁਸਾਰ, ਹੁਣ NPS ਖਾਤਾ ਧਾਰਕ ਕੁੱਲ ਜਮ੍ਹਾਂ ਰਕਮ ਦਾ ਸਿਰਫ 25 ਪ੍ਰਤੀਸ਼ਤ ਹੀ ਕਢਵਾ ਸਕਣਗੇ। ਨਾਲ ਹੀ, ਇਸ ਨਿਕਾਸੀ ਲਈ ਖਾਤਾ 3 ਸਾਲ ਤੋਂ ਵੱਧ ਪੁਰਾਣਾ ਹੋਣਾ ਚਾਹੀਦਾ ਹੈ।
2. IMPS ਨਿਯਮਾਂ ਵਿੱਚ ਬਦਲਾਅ
1 ਫਰਵਰੀ ਤੋਂ IMPS ਦੇ ਨਿਯਮਾਂ 'ਚ ਬਦਲਾਅ ਹੋਣ ਜਾ ਰਿਹਾ ਹੈ। ਹੁਣ ਕੋਈ ਵਿਅਕਤੀ ਬਿਨਾਂ ਕਿਸੇ ਲਾਭਪਾਤਰੀ ਦਾ ਨਾਮ ਜੋੜੇ 5 ਲੱਖ ਰੁਪਏ ਤੱਕ ਦਾ ਫੰਡ ਟ੍ਰਾਂਸਫਰ ਕਰ ਸਕਦਾ ਹੈ। ਇਸ ਦੇ ਲਈ NPCI ਨੇ 31 ਅਕਤੂਬਰ ਨੂੰ ਇੱਕ ਸਰਕੂਲਰ ਜਾਰੀ ਕੀਤਾ ਸੀ। ਨਿਯਮਾਂ ਵਿੱਚ ਬਦਲਾਅ ਤੋਂ ਬਾਅਦ, ਹੁਣ ਤੁਸੀਂ ਖਾਤਾ ਧਾਰਕ ਦਾ ਖਾਤਾ ਨੰਬਰ ਅਤੇ ਮੋਬਾਈਲ ਨੰਬਰ ਜੋੜ ਕੇ ਇੱਕ ਖਾਤੇ ਤੋਂ ਦੂਜੇ ਖਾਤੇ ਵਿੱਚ 5 ਲੱਖ ਰੁਪਏ ਤੱਕ ਦਾ ਫੰਡ ਟ੍ਰਾਂਸਫਰ ਕਰ ਸਕਦੇ ਹੋ।
3. ਫਾਸਟੈਗ ਵਿੱਚ ਕੇਵਾਈਸੀ ਹੋਇਆ ਲਾਜ਼ਮੀ
NHAI ਨੇ ਫਾਸਟੈਗ ਦੇ ਨਿਯਮਾਂ ਨੂੰ ਬਦਲ ਕੇ ਕੇਵਾਈਸੀ ਨੂੰ ਲਾਜ਼ਮੀ ਕਰ ਦਿੱਤਾ ਹੈ। ਜਿਨ੍ਹਾਂ ਵਾਹਨਾਂ ਦਾ ਫਾਸਟੈਗ 'ਤੇ ਕੇਵਾਈਸੀ ਪੂਰਾ ਨਹੀਂ ਹੋਇਆ ਹੈ, ਉਨ੍ਹਾਂ ਨੂੰ ਡੀਐਕਟੀਵੇਟ ਕਰ ਦਿੱਤਾ ਜਾਵੇਗਾ। ਅਜਿਹੀ ਸਥਿਤੀ ਵਿੱਚ, ਤੁਹਾਨੂੰ ਇਹ ਕੰਮ 31 ਜਨਵਰੀ ਤੱਕ ਪੂਰਾ ਕਰਨਾ ਚਾਹੀਦਾ ਹੈ।
4. SGB ਦੀ ਨਵੀਂ ਕਿਸ਼ਤ ਕੀਤੀ ਜਾਰੀ
ਜੇ ਤੁਸੀਂ ਸਾਵਰੇਨ ਗੋਲਡ ਬਾਂਡ ਵਿੱਚ ਨਿਵੇਸ਼ ਕਰਨਾ ਚਾਹੁੰਦੇ ਹੋ, ਤਾਂ ਭਾਰਤੀ ਰਿਜ਼ਰਵ ਬੈਂਕ ਤੁਹਾਡੇ ਲਈ ਇੱਕ ਸੁਨਹਿਰੀ ਮੌਕਾ ਲੈ ਕੇ ਆ ਰਿਹਾ ਹੈ। ਤੁਸੀਂ 12 ਫਰਵਰੀ ਤੋਂ 16 ਫਰਵਰੀ 2024 ਤੱਕ SGB 2023-24 ਸੀਰੀਜ਼ IV ਵਿੱਚ ਨਿਵੇਸ਼ ਕਰ ਸਕਦੇ ਹੋ।
5. SBI ਹੋਮ ਲੋਨ ਦੀ ਪੇਸ਼ਕਸ਼
ਭਾਰਤੀ ਸਟੇਟ ਬੈਂਕ ਆਪਣੇ ਗਾਹਕਾਂ ਲਈ ਵਿਸ਼ੇਸ਼ ਹੋਮ ਲੋਨ ਮੁਹਿੰਮ ਚਲਾ ਰਿਹਾ ਹੈ। ਇਸ ਤਹਿਤ ਗ੍ਰਾਹਕਾਂ ਨੂੰ ਹੋਮ ਲੋਨ 'ਤੇ 65 bps ਦੀ ਵਿਸ਼ੇਸ਼ ਛੋਟ ਮਿਲ ਰਹੀ ਹੈ। ਇਸ ਦੇ ਨਾਲ ਹੀ ਗਾਹਕਾਂ ਨੂੰ ਪ੍ਰੋਸੈਸਿੰਗ ਫੀਸ 'ਤੇ ਛੋਟ ਦਾ ਲਾਭ ਵੀ ਮਿਲ ਰਿਹਾ ਹੈ। ਗਾਹਕ ਇਸ ਵਿਸ਼ੇਸ਼ ਛੋਟ ਦਾ ਲਾਭ 31 ਜਨਵਰੀ 2024 ਤੱਕ ਲੈ ਸਕਦੇ ਹਨ।
6. ਪੰਜਾਬ ਐਂਡ ਸਿੰਧ ਬੈਂਕ ਵਿਸ਼ੇਸ਼ ਐੱਫਡੀ
ਪੰਜਾਬ ਐਂਡ ਸਿੰਧ ਬੈਂਕ ਨੇ ਗਾਹਕਾਂ ਲਈ 444 ਦਿਨਾਂ ਦੀ ਵਿਸ਼ੇਸ਼ FD ਸਕੀਮ 'ਧਨ ਲਕਸ਼ਮੀ 444 ਦਿਨ' ਲਾਂਚ ਕੀਤੀ ਹੈ। ਇਸ ਸਕੀਮ ਵਿੱਚ ਨਿਵੇਸ਼ ਕਰਕੇ, ਤੁਹਾਨੂੰ ਜਮ੍ਹਾਂ ਰਕਮ 'ਤੇ 7.60 ਪ੍ਰਤੀਸ਼ਤ ਵਿਆਜ ਦਰ ਦਾ ਲਾਭ ਮਿਲ ਰਿਹਾ ਹੈ। ਇਸ ਸਕੀਮ ਦੀ ਆਖਰੀ ਮਿਤੀ 31 ਜਨਵਰੀ 2024 ਨੂੰ ਖ਼ਤਮ ਹੋ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)