Toll Plaza : ਜੇਬ 'ਤੇ ਵੱਧਣ ਵਾਲਾ ਹੈ ਟੋਲ ਦਾ ਬੋਝ, ਜਾਣੋ ਕਿਉਂ ਮਹਿੰਗਾ ਹੋਵੇਗਾ ਹਾਈਵੇ ਦਾ ਸਫ਼ਰ

ਤੁਸੀਂ ਭਲੇ ਸ਼ਾਨਦਾਰ ਹਾਈਵੇਅ ਦੇਖ ਕੇ 100 ਦੀ ਸਪੀਡ 'ਤੇ ਕਾਰ ਚਲਾ ਲੈਂਦੇ ਹੋ ਪਰ ਹੁਣ ਤੁਹਾਡੀ ਜੇਬ ਟੋਲ ਪਲਾਜ਼ਾ 'ਤੇ ਹੋਰ ਜ਼ਿਆਦਾ ਢਿੱਲੀ ਹੋਵੇਗੀ। ਨਿਤਿਨ ਗਡਕਰੀ ਨੇ ਖੁਦ ਕਿਹਾ ਹੈ ਕਿ 60 ਕਿਲੋਮੀਟਰ ਦੀ ਦੂਰੀ 'ਤੇ ਟੋਲ ਪਲਾਜ਼ਾ ਹੋਵੇਗਾ

Toll_Plaza_3

ਨਵੀਂ ਦਿੱਲੀ : ਤੁਸੀਂ ਭਲੇ ਸ਼ਾਨਦਾਰ ਹਾਈਵੇਅ ਦੇਖ ਕੇ 100 ਦੀ ਸਪੀਡ 'ਤੇ ਕਾਰ ਚਲਾ ਲੈਂਦੇ ਹੋ ਪਰ ਹੁਣ ਤੁਹਾਡੀ ਜੇਬ ਟੋਲ ਪਲਾਜ਼ਾ 'ਤੇ ਹੋਰ ਜ਼ਿਆਦਾ ਢਿੱਲੀ ਹੋਵੇਗੀ। ਸੜਕੀ ਆਵਾਜਾਈ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗਡਕਰੀ ਨੇ ਖੁਦ ਕਿਹਾ ਹੈ ਕਿ 60 ਕਿਲੋਮੀਟਰ ਦੀ ਦੂਰੀ 'ਤੇ ਟੋਲ ਪਲਾਜ਼ਾ ਹੋਵੇਗਾ ਅਤੇ ਟੋਲ ਪਲਾਜ਼ਾ ਦੇ ਨੇੜੇ ਰਹਿਣ ਵਾਲੇ ਲੋਕਾਂ ਨੂੰ ਉਨ੍ਹਾਂ ਦੇ ਆਧਾਰ ਕਾਰਡ 'ਤੇ ਟੋਲ ਪਾਸ ਜਾਰੀ ਕੀਤੇ ਜਾਣਗੇ ਤਾਂ ਜੋ ਉਨ੍ਹਾਂ ਨੂੰ ਕਿਸੇ ਤਰ੍ਹਾਂ ਦੀ ਸਮੱਸਿਆ ਦਾ ਸਾਹਮਣਾ ਨਾ ਕਰਨਾ ਪਵੇ।

 

ਹਰ 60 ਕਿਲੋਮੀਟਰ 'ਤੇ ਸਿਰਫ਼ ਇੱਕ ਟੋਲ ਪਲਾਜ਼ਾ

ਗਡਕਰੀ ਨੇ ਇਹ ਵੀ ਕਿਹਾ ਹੈ ਕਿ ਜਿੱਥੇ ਵੀ 60 ਕਿਲੋਮੀਟਰ ਤੋਂ ਘੱਟ ਦੂਰੀ 'ਤੇ ਟੋਲ ਬੂਥ ਹਨ, ਉਨ੍ਹਾਂ ਨੂੰ ਅਗਲੇ ਤਿੰਨ ਮਹੀਨਿਆਂ ਵਿੱਚ ਹਟਾ ਦਿੱਤਾ ਜਾਵੇਗਾ। ਇਹ ਬਿਆਨ ਇੱਕ ਵੱਡੀ ਖਦਸ਼ਾ ਪੈਦਾ ਕਰਦਾ ਹੈ ਕਿ ਕੀ ਸਰਕਾਰ ਦਾ ਇਰਾਦਾ ਆਉਣ ਵਾਲੇ ਸਮੇਂ ਵਿੱਚ ਹਰ 60 ਕਿਲੋਮੀਟਰ 'ਤੇ ਟੋਲ ਬੂਥ ਖੋਲ੍ਹਣ ਦਾ ਹੈ ? ਇਸ ਦਾ ਇੱਕ ਕਾਰਨ ਹੈ,ਉਦਾਹਰਣ ਵਜੋਂ ਸਰਕਾਰ ਦਾ ਇਰਾਦਾ ਦੇਸ਼ ਵਿੱਚ ਅਮਰੀਕਾ ਵਰਗਾ ਸ਼ਾਨਦਾਰ ਹਾਈਵੇਅ ਬਣਾਉਣ ਦਾ ਹੈ। ਨਵੇਂ ਐਕਸਪ੍ਰੈਸਵੇਅ ਅਤੇ ਹਾਈਵੇਅ ਵੀ ਵੱਡੇ ਪੱਧਰ 'ਤੇ ਬਣਾਏ ਜਾ ਰਹੇ ਹਨ। ਹੁਣ ਇਸ ਸਭ ਵਿੱਚ ਵੱਡੀ ਪੂੰਜੀ ਵੀ ਲਗਾਈ ਜਾ ਰਹੀ ਹੈ।

 

ਫ਼ਿਲਹਾਲ 192 ਕਿਲੋਮੀਟਰ 'ਤੇ ਇਕ ਟੋਲ ਪਲਾਜ਼ਾ

ਹੁਣ ਪੈਸੇ ਕਿੱਥੋਂ ਆਉਣਗੇ ? ਸਰਕਾਰ ਤੁਹਾਡੇ ਤੋਂ ਇਹ ਰਕਮ ਟੋਲ ਰਾਹੀਂ ਹੀ ਵਸੂਲ ਕਰੇਗੀ। ਇਸ ਦਾ ਦੂਜਾ ਵੱਡਾ ਕਾਰਨ NHAI ਦੀ ਬਿਮਾਰ ਹਾਲਤ ਵੀ ਹੈ। ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ ਕਰਜ਼ੇ ਹੇਠ ਹੈ। NHAI 'ਤੇ ਕੁੱਲ 3.17 ਲੱਖ ਕਰੋੜ ਰੁਪਏ ਦਾ ਕਰਜ਼ਾ ਹੈ। ਇਸ ਨੂੰ ਚੁਕਾਉਣ ਲਈ ਉਸ ਨੂੰ ਹਰ ਸਾਲ ਕਰੀਬ 32,000 ਕਰੋੜ ਰੁਪਏ ਦੀ ਲੋੜ ਹੈ। ਦੇਸ਼ ਵਿੱਚ ਕੌਮੀ ਮਾਰਗਾਂ ਦੀ ਕੁੱਲ ਲੰਬਾਈ ਇਸ ਵੇਲੇ 1 ਲੱਖ 40 ਹਜ਼ਾਰ 152 ਕਿਲੋਮੀਟਰ ਹੈ ਅਤੇ ਇਨ੍ਹਾਂ ’ਤੇ 727 ਟੋਲ ਪਲਾਜ਼ੇ ਹਨ। ਜੇਕਰ ਇਸ ਦੀ ਔਸਤ ਲਈ ਜਾਵੇ ਤਾਂ ਇੱਥੇ ਹਰ 192 ਕਿਲੋਮੀਟਰ 'ਤੇ ਟੋਲ ਪਲਾਜ਼ਾ ਹੈ।

 

ਕੀ ਹੈ ਟੋਲ ਦੀ ਕਮਾਈ ਦਾ ਗਣਿਤ  

ਹੁਣ ਸਿਰਫ ਟੋਲ ਦੇ ਗਣਿਤ ਨੂੰ ਸਮ,ਝੋ ਜਿਸ ਨੂੰ ਤੁਸੀਂ ਨਜ਼ਰਅੰਦਾਜ਼ ਕੀਤਾ ਹੋਵੇਗਾ। ਉਦਾਹਰਨ ਲਈ ਦਿੱਲੀ ਤੋਂ ਹਰਿਦੁਆਰ ਦੀ ਦੂਰੀ 212 ਕਿਲੋਮੀਟਰ ਹੈ, ਜਿਸ ਨੂੰ ਪੂਰਾ ਕਰਨ ਵਿੱਚ 5 ਘੰਟੇ ਲੱਗਦੇ ਹਨ ਅਤੇ ਲਗਭਗ 275 ਰੁਪਏ ਦਾ ਟੋਲ ਟੈਕਸ ਲੱਗਦਾ ਹੈ। ਜਦੋਂ ਕਿ ਦਿੱਲੀ ਤੋਂ ਲਖਨਊ ਤੱਕ 528 ਕਿਲੋਮੀਟਰ ਦੀ ਯਾਤਰਾ ਲਈ ਤੁਹਾਨੂੰ 1050 ਰੁਪਏ ਦਾ ਟੋਲ ਦੇਣਾ ਪੈਂਦਾ ਹੈ। ਜੇਕਰ ਔਸਤਨ ਦੇਖਿਆ ਜਾਵੇ ਤਾਂ ਇਸ ਸਮੇਂ ਡੇਢ ਤੋਂ ਦੋ ਰੁਪਏ ਪ੍ਰਤੀ ਕਿਲੋਮੀਟਰ ਟੋਲ ਟੈਕਸ ਵਸੂਲਿਆ ਜਾ ਰਿਹਾ ਹੈ। 

 

 

ਇਹ ਵੀ ਪੜ੍ਹੋ : ਯੋਗੀ ਸਰਕਾਰ 2.0 ਦੀ ਪਹਿਲੀ ਕੈਬਨਿਟ ਦਾ ਪਹਿਲਾ ਵੱਡਾ ਫ਼ੈਸਲਾ, ਮੁਫ਼ਤ ਰਾਸ਼ਨ ਯੋਜਨਾ ਨੂੰ 3 ਮਹੀਨੇ ਵਧਾਇਆ