Google, ਸੈਮਸੰਗ ਤੇ Apple ਨੂੰ ਗਲਤੀਆਂ ਦੱਸ ਕੇ ਬਣਾਈ ਮਿਲੀਅਨ ਡਾਲਰ ਦੀ ਕੰਪਨੀ, ਇੰਦੌਰ ਦੇ ਦੋ ਮੁੰਡਿਆਂ ਦੀ ਹੈਰਾਨ ਕਰਨ ਵਾਲੀ ਕਹਾਣੀ

ਐਪਲ: 'ਬੱਗਸ ਮਿਰਰ ਰਿਸਰਚ ਪ੍ਰਾਈਵੇਟ ਲਿਮਟਿਡ' ਦੇ ਸੰਸਥਾਪਕ ਤੇ ਸੀਈਓ ਅਮਨ ਪਾਂਡੇ ਨੇ ਕਿਹਾ ਕਿ ਅਸੀਂ ਬੱਗ ਖੋਜਦੇ ਹਾਂ ਤੇ ਕੰਪਨੀ ਨੂੰ ਹੱਲ ਪ੍ਰਦਾਨ ਕਰਨ ਲਈ ਵੀ ਕੰਮ ਕਰਦੇ ਹਾਂ।

Written By : ਏਬੀਪੀ ਸਾਂਝਾ | Edited By: Manvir Kaur | Updated at : 17 Feb 2022 11:03 AM (IST)

bugs_mirror_indore

tow boy from indore become millionaire by telling their mistakes Google Samsung and Apple

Bugs in Google, Apple and Samsung: ਗਲਤੀਆਂ ਕਰਨਾ ਆਸਾਨ ਹੈ, ਕੰਮ ਕਰਨਾ ਮੁਸ਼ਕਲ ਹੈ ਪਰ ਇੱਕ ਨੌਜਵਾਨ ਗਲਤੀਆਂ ਕੱਢ ਕੇ ਕਰੋੜਪਤੀ ਬਣ ਗਿਆ, ਗਲਤੀਆਂ ਕਿਸੇ ਹੋਰ ਦੀਆਂ ਨਹੀਂ ਸਗੋਂ ਗੂਗਲ, ਸੈਮਸੰਗ ਤੇ ਐਪਲ ਵਰਗੀਆਂ ਕੰਪਨੀਆਂ ਦੀਆਂ ਸੀ। ਇੰਨਾ ਹੀ ਨਹੀਂ ਹੁਣ ਇਹ ਨੌਜਵਾਨ ਮਿਲੀਅਨ ਡਾਲਰ ਦੀ ਕੰਪਨੀ ਦਾ ਮਾਲਕ ਹੈ।

ਗੂਗਲ ਦੀਆਂ ਸੈਂਕੜੇ ਗਲਤੀਆਂ ਲੱਭੀਆਂ

ਇੰਦੌਰ ਦਾ ਰਹਿਣ ਵਾਲਾ ਅਮਨ ਪਾਂਡੇ ਨਾਂ ਦਾ ਨੌਜਵਾਨ ਗੂਗਲ, ਐਪਲ ਤੇ ਸੈਮਸੰਗ ਵਰਗੀਆਂ ਕੰਪਨੀਆਂ ਦੀਆਂ ਗਲਤੀਆਂ ਲੱਭ ਕੇ ਕਰੋੜਪਤੀ ਬਣ ਗਿਆ। ਉਸ ਨੇ 2019 ਵਿੱਚ ਗੂਗਲ ਦੀ ਗਲਤੀ ਫੜ ਕੇ ਸ਼ੁਰੂਆਤ ਕੀਤੀ, ਜਿਸ ਲਈ ਉਸ ਨੂੰ ਗੂਗਲ ਵੱਲੋਂ 70 ਹਜ਼ਾਰ ਰੁਪਏ ਦਿੱਤੇ, ਇਸ ਤੋਂ ਬਾਅਦ ਉਸ ਨੇ ਆਪਣੇ ਦੋਸਤ ਮਾਨਸ ਜੈਨ ਨਾਲ 'ਬੱਗ ਮਿਰਰ' ਨਾਂ ਦੀ ਕੰਪਨੀ ਬਣਾ ਕੇ ਇਹੀ ਕੰਮ ਸ਼ੁਰੂ ਕੀਤਾ, ਹੁਣ ਤੱਕ ਉਹ ਗੂਗਲ ਦੀਆਂ ਕਰੀਬ 600 ਗਲਤੀਆਂ ਲੱਭ ਚੁੱਕੇ ਹਨ।

ਇਸ ਦੇ ਬਦਲੇ 'ਚ ਗੂਗਲ ਨੇ ਉਨ੍ਹਾਂ ਨੂੰ ਕਰੋੜਾਂ ਰੁਪਏ ਦਿੱਤੇ ਹਨ, ਉੱਥੇ ਹੀ ਅਮਨ ਤੇ ਮਾਨਸ ਨੇ ਸੈਮਸੰਗ ਤੇ ਐਪਲ ਦੀਆਂ ਕੁਝ ਗਲਤੀਆਂ ਵੀ ਲੱਭੀਆਂ ਹਨ, ਜਿਸ ਦਾ ਭੁਗਤਾਨ ਨਾ ਸਿਰਫ ਇਨ੍ਹਾਂ ਕੰਪਨੀਆਂ ਨੇ ਕੀਤਾ ਹੈ ਸਗੋਂ ਹੁਣ ਇਹ ਦੋਵੇਂ ਦੋਸਤ ਆਪਣੀ ਕੰਪਨੀ 'ਬੱਗਸ ਮਿਰਰ' ਦੇ ਜ਼ਰੀਏ ਇਹ ਤਿੰਨੇ ਵੱਡੀਆਂ ਕੰਪਨੀਆਂ ਲਈ ਕੰਮ ਕਰ ਰਹੇ ਹਨ।

ਬੱਗਸ ਮਿਰਰ ਰਿਸਰਚ ਪ੍ਰਾਈਵੇਟ ਲਿਮਟਿਡ ਦੇ ਸੰਸਥਾਪਕ ਅਤੇ ਸੀਈਓ ਅਮਨ ਪਾਂਡੇ ਨੇ ਕਿਹਾ, "ਅਸੀਂ ਬੱਗ ਖੋਜਦੇ ਹਾਂ, ਅਤੇ ਕੰਪਨੀ ਨੂੰ ਹੱਲ ਵੀ ਪ੍ਰਦਾਨ ਕਰਦੇ ਹਾਂ। ਇਹ ਉਦੋਂ ਸ਼ੁਰੂ ਹੋਇਆ ਜਦੋਂ 2019 ਵਿੱਚ ਮੈਂ ਇੱਕ sos ਰੈਗਿੰਗ ਐਪ ਬਣਾ ਰਿਹਾ ਸੀ ਤਾਂ ਮੈਨੂੰ ਪਤਾ ਲੱਗਾ ਕਿ ਗੂਗਲ ਐਂਡਰਾਇਡ ਵਿੱਚ ਇੱਕ ਵੱਡੀ ਗਲਤੀ ਇਹ ਸੀ ਕਿ ਇੱਕ ਹੈਕਰ ਕਿਸੇ ਵੀ ਗੂਗਲ ਐਂਡਰਾਇਡ ਉਪਭੋਗਤਾ ਦੀ ਲੋਕੇਸ਼ਨ ਆਸਾਨੀ ਨਾਲ ਲੱਭ ਸਕਦਾ ਹੈ ਜਿਸ ਬਾਰੇ ਮੈਂ ਗੂਗਲ ਨੂੰ ਦੱਸਿਆ ਤਾਂ ਉਸ ਨੇ ਮੈਨੂੰ 1 ਹਜ਼ਾਰ ਡਾਲਰ (70 ਹਜ਼ਾਰ ਰੁਪਏ) ਦਿੱਤੇ।

ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਹੁਣ ਤੱਕ ਸਾਡੇ ਕੋਲ ਅੰਤਰਰਾਸ਼ਟਰੀ ਗਾਹਕ ਸੀ, ਹੁਣ ਭਾਰਤੀ ਗਾਹਕ ਵੀ ਸਾਡੇ ਕੋਲ ਆ ਰਹੇ ਹਨ। ਮੈਂ ਅਤੇ ਮਾਨਸ ਨੇ ਇਸ ਦੀ ਸ਼ੁਰੂਆਤ ਕੀਤੀ ਇਸ ਤੋਂ ਬਾਅਦ ਦੋ ਦੋਸਤ ਉਦੈ ਤੇ ਬ੍ਰਿਜੇਸ਼ ਵੀ ਸ਼ਾਮਲ ਹੋਏ। ਹੁਣ ਸਾਡੇ ਕੋਲ 15 ਲੋਕਾਂ ਦੀ ਟੀਮ ਕੰਮ ਕਰ ਰਹੀ ਹੈ।