(Source: ECI/ABP News)
Ratan Tata Birthday: ਇੰਨੇ ਵੱਡੇ ਗਰੁੱਪ ਦੇ ਮਾਲਕ ਹੋਣ ਦੇ ਬਾਵਜੂਦ ਭਾਰਤ ਦੇ ਸਭ ਤੋਂ ਅਮੀਰ ਵਿਅਕਤੀ ਕਿਉਂ ਨਹੀਂ ਬਣੇ ਟਾਟਾ ?
ਟਾਟਾ ਸਮੂਹ, ਜਿਸ ਵਿੱਚ 100 ਤੋਂ ਵੱਧ ਕੰਪਨੀਆਂ ਸ਼ਾਮਲ ਹਨ, ਸੂਈ ਤੋਂ ਸਟੀਲ ਤੇ ਚਾਹ ਤੋਂ ਲੈ ਕੇ ਹਵਾਈ ਜਹਾਜ਼ ਤੱਕ ਹਰ ਚੀਜ਼ ਦਾ ਵਪਾਰ ਕਰਦੀ ਹੈ ਫਿਰ ਵੀ IIFL ਵੈਲਥ ਹੁਰੁਨ ਇੰਡੀਆ ਰਿਚ ਲਿਸਟ 2022 ਦੇ ਅਨੁਸਾਰ, ਰਤਨ ਟਾਟਾ ਦੀ ਕੁੱਲ ਜਾਇਦਾਦ ਸਿਰਫ 3,800 ਕਰੋੜ ਰੁਪਏ ਹੈ ਤੇ ਉਹ ਸੂਚੀ ਵਿੱਚ 421ਵੇਂ ਸਥਾਨ 'ਤੇ ਹਨ।
Ratan Tata Birthday: ਅੱਜ ਰਤਨ ਟਾਟਾ ਦਾ ਜਨਮ ਦਿਨ ਹੈ। ਉਨ੍ਹਾਂ ਦਾ ਜਨਮ 28 ਦਸੰਬਰ 1937 ਨੂੰ ਹੋਇਆ ਸੀ। ਜਦੋਂ ਤੁਸੀਂ ਇਤਿਹਾਸ ਦਾ ਪੰਨਾ ਪਲਟਦੇ ਹੋ, ਤਾਂ ਤੁਹਾਨੂੰ ਪਤਾ ਲੱਗਦਾ ਹੈ ਕਿ ਰਤਨ ਟਾਟਾ ਨੇ IBM ਦੀ ਨੌਕਰੀ ਨੂੰ ਠੁਕਰਾ ਕੇ 1961 ਵਿੱਚ ਟਾਟਾ ਗਰੁੱਪ ਨਾਲ ਆਪਣਾ ਕਰੀਅਰ ਸ਼ੁਰੂ ਕੀਤਾ ਸੀ ਅਤੇ ਇਹ ਸ਼ੁਰੂਆਤ ਅਜਿਹੀ ਸੀ ਕਿ ਇਸਨੇ ਟਾਟਾ ਗਰੁੱਪ ਨੂੰ ਦੁਨੀਆ ਦੀ ਸਭ ਤੋਂ ਮਹਾਨ ਕੰਪਨੀਆਂ ਵਿੱਚੋਂ ਇੱਕ ਬਣਾ ਦਿੱਤਾ। ਰਤਨ ਟਾਟਾ ਨੂੰ ਇਸ ਲਈ ਕਾਫੀ ਪ੍ਰਸਿੱਧੀ ਮਿਲੀ।
ਉਨ੍ਹਾਂ ਨੇ ਕੰਪਨੀ ਅਤੇ ਦੇਸ਼ ਲਈ ਕਾਫੀ ਦੌਲਤ ਵੀ ਕਮਾ ਲਈ, ਪਰ ਉਹ ਕਦੇ ਵੀ ਭਾਰਤ ਦਾ ਸਭ ਤੋਂ ਅਮੀਰ ਉਦਯੋਗਪਤੀ ਨਹੀਂ ਬਣ ਸਕੇ। ਹੁਣ ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਅਜਿਹਾ ਕਿਉਂ ਹੈ? ਭਾਰਤ ਦੀ ਸਭ ਤੋਂ ਵੱਡੀ ਕੀਮਤੀ ਕੰਪਨੀ ਦੇ ਮਾਲਕ ਰਤਨ ਟਾਟਾ ਦੇਸ਼ ਦਾ ਸਭ ਤੋਂ ਅਮੀਰ ਆਦਮੀ ਕਿਉਂ ਨਹੀਂ ਬਣ ਸਕੇ?
ਟਾਟਾ ਸਮੂਹ, ਜਿਸ ਵਿੱਚ 100 ਤੋਂ ਵੱਧ ਕੰਪਨੀਆਂ ਸ਼ਾਮਲ ਹਨ, ਸੂਈ ਤੋਂ ਸਟੀਲ ਤੇ ਚਾਹ ਤੋਂ ਲੈ ਕੇ ਹਵਾਈ ਜਹਾਜ਼ ਤੱਕ ਹਰ ਚੀਜ਼ ਦਾ ਵਪਾਰ ਕਰਦੀ ਹੈ ਫਿਰ ਵੀ IIFL ਵੈਲਥ ਹੁਰੁਨ ਇੰਡੀਆ ਰਿਚ ਲਿਸਟ 2022 ਦੇ ਅਨੁਸਾਰ, ਰਤਨ ਟਾਟਾ ਦੀ ਕੁੱਲ ਜਾਇਦਾਦ ਸਿਰਫ 3,800 ਕਰੋੜ ਰੁਪਏ ਹੈ ਤੇ ਉਹ ਸੂਚੀ ਵਿੱਚ 421ਵੇਂ ਸਥਾਨ 'ਤੇ ਹਨ।
ਰਤਨ ਟਾਟਾ ਦੇ ਨਾਂਅ 'ਤੇ ਕੋਈ ਜਾਇਦਾਦ ਨਾ ਹੋਣ ਦਾ ਮੁੱਖ ਕਾਰਨ ਸਮਾਜ ਸੇਵਾ ਪ੍ਰਤੀ ਉਨ੍ਹਾਂ ਦਾ ਸਮਰਪਣ ਹੈ। ਟਾਟਾ ਸਮੂਹ ਦੀਆਂ ਜ਼ਿਆਦਾਤਰ ਜਾਇਦਾਦਾਂ "ਟਾਟਾ ਸੰਨਜ਼" ਕੋਲ ਹਨ, ਜੋ ਕਿ ਸਮੂਹ ਦੀ ਮੁੱਖ ਨਿਵੇਸ਼ ਹੋਲਡਿੰਗ ਕੰਪਨੀ ਹੈ। ਟਾਟਾ ਸੰਨਜ਼ ਦੇ ਮੁਨਾਫ਼ਿਆਂ ਦਾ ਇੱਕ ਵੱਡਾ ਹਿੱਸਾ "ਟਾਟਾ ਟਰੱਸਟ" ਨੂੰ ਦਿੱਤਾ ਜਾਂਦਾ ਹੈ, ਜੋ ਚੈਰੀਟੇਬਲ ਕੰਮਾਂ ਜਿਵੇਂ ਕਿ ਸਿਹਤ, ਸਿੱਖਿਆ, ਰੁਜ਼ਗਾਰ, ਅਤੇ ਸੱਭਿਆਚਾਰਕ ਤਰੱਕੀ 'ਤੇ ਕੇਂਦਰਿਤ ਹੈ।
ਟਾਟਾ ਟਰੱਸਟ ਦਾ ਇਹ ਮਾਡਲ ਸਮਾਜਿਕ ਸੁਧਾਰ ਦੇ ਖੇਤਰ ਵਿੱਚ ਟਾਟਾ ਸਮੂਹ ਦੀ ਪ੍ਰਤੀਬੱਧਤਾ ਨੂੰ ਦਰਸਾਉਂਦਾ ਹੈ। ਰਤਨ ਟਾਟਾ ਨਿੱਜੀ ਦੌਲਤ ਬਣਾਉਣ ਦੀ ਬਜਾਏ ਸਮਾਜ ਵਿੱਚ ਸਥਾਈ ਤਬਦੀਲੀ ਲਿਆਉਣ 'ਤੇ ਧਿਆਨ ਦਿੰਦੇ ਰਹੇ।
ਅਮੀਰਾਂ ਦੀ ਸੂਚੀ ਵਿੱਚ ਪਿੱਛੇ ਕਿਉਂ?
ਮੁਕੇਸ਼ ਅੰਬਾਨੀ ਅਤੇ ਗੌਤਮ ਅਡਾਨੀ ਵਰਗੇ ਉਦਯੋਗਪਤੀ, ਜਿਨ੍ਹਾਂ ਦੀ ਦੌਲਤ ਨਿੱਜੀ ਲਾਭ 'ਤੇ ਕੇਂਦਰਿਤ ਹੈ, ਫੋਰਬਸ ਅਮੀਰਾਂ ਦੀ ਸੂਚੀ ਵਿੱਚ ਸਿਖਰ 'ਤੇ ਹੈ। ਇਸ ਦੇ ਨਾਲ ਹੀ ਰਤਨ ਟਾਟਾ ਦੀ ਜ਼ਿਆਦਾਤਰ ਦੌਲਤ ਟਾਟਾ ਟਰੱਸਟ ਨੂੰ ਸਮਰਪਿਤ ਹੈ, ਜੋ ਸਿੱਧੇ ਤੌਰ 'ਤੇ ਉਨ੍ਹਾਂ ਦੇ ਨਿੱਜੀ ਖਾਤੇ ਵਿੱਚ ਨਹੀਂ ਗਿਣੀ ਜਾਂਦੀ ਹੈ। ਇਹੀ ਕਾਰਨ ਹੈ ਕਿ ਉਹ ਰਵਾਇਤੀ ਅਮੀਰਾਂ ਦੀ ਸੂਚੀ ਵਿੱਚ ਦਿਖਾਈ ਨਹੀਂ ਦਿੰਦੇ। ਟਾਟਾ ਪਰਿਵਾਰ ਨੇ ਹਮੇਸ਼ਾ ਸਮਾਜ ਦੀ ਭਲਾਈ ਅਤੇ ਖੁਸ਼ਹਾਲੀ ਨੂੰ ਪਹਿਲ ਦਿੱਤੀ ਹੈ। ਰਤਨ ਟਾਟਾ ਦੀ ਅਗਵਾਈ ਵਿੱਚ ਇਹ ਸੱਭਿਆਚਾਰ ਹੋਰ ਮਜ਼ਬੂਤ ਹੋਇਆ। ਉਨ੍ਹਾਂ ਲੀਡਰਸ਼ਿਪ ਯੋਗਤਾ ਅਤੇ ਦਾਨ ਨੇ ਉਸਨੂੰ ਭਾਰਤ ਅਤੇ ਦੁਨੀਆ ਵਿੱਚ ਇੱਕ ਰੋਲ ਮਾਡਲ ਬਣਾਇਆ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
