Zomato ਤੋਂ ਆਰਡਰ ਕਰਨਾ ਹੋਇਆ ਮਹਿੰਗਾ, ਹੁਣ ਅਦਾ ਕਰਨਾ ਪਵੇਗਾ ਐਨੇ ਰੁਪਏ ਦਾ ਚਾਰਜ

Zomato ਇੱਕ ਫੂਡ ਡਿਲੀਵਰੀ ਪਲੇਟਫਾਰਮ ਹੈ, ਹੁਣ ਇਸ 'ਤੇ ਫੂਡ ਆਰਡਰ ਕਰਨਾ ਮਹਿੰਗਾ ਪਵੇਗਾ। ਦਰਅਸਲ, Zomato 'ਤੇ ਫੀਸ ਵਸੂਲਣ ਦੀ ਸ਼ੁਰੂਆਤ ਹੋ ਗਈ ਹੈ। ਹਾਲਾਂਕਿ, ਇਸਦੀ ਟੈਸਟਿੰਗ ਹੁਣੇ ਸ਼ੁਰੂ ਹੋ

Zomato

Zomato ਇੱਕ ਫੂਡ ਡਿਲੀਵਰੀ ਪਲੇਟਫਾਰਮ ਹੈ, ਹੁਣ ਇਸ 'ਤੇ ਫੂਡ ਆਰਡਰ ਕਰਨਾ ਮਹਿੰਗਾ ਪਵੇਗਾ। ਦਰਅਸਲ, Zomato 'ਤੇ ਫੀਸ ਵਸੂਲਣ ਦੀ ਸ਼ੁਰੂਆਤ ਹੋ ਗਈ ਹੈ। ਹਾਲਾਂਕਿ, ਇਸਦੀ ਟੈਸਟਿੰਗ ਹੁਣੇ ਸ਼ੁਰੂ ਹੋਈ ਹੈ ਅਤੇ ਇਹ ਕੁਝ ਉਪਭੋਗਤਾਵਾਂ ਲਈ ਕੰਮ ਕਰ ਰਹੀ ਹੈ। ਇਸ ਤੋਂ ਪਹਿਲਾਂ ਅਪ੍ਰੈਲ ਦੇ ਮਹੀਨੇ ਵਿੱਚ Zomato ਦੀ ਸਭ ਤੋਂ ਵੱਡੀ ਵਿਰੋਧੀ Swiggy ਨੇ ਵੀ ਚਾਰਜ ਲੈਣਾ ਸ਼ੁਰੂ ਕਰ ਦਿੱਤਾ ਸੀ।

 

Zomato ਹਰੇਕ ਆਰਡਰ 'ਤੇ 2 ਰੁਪਏ ਦਾ ਚਾਰਜ ਲਵੇਗਾ। ਹਾਲਾਂਕਿ, ਆਰਡਰ ਦੇ ਮੁੱਲ ਨਾਲ ਉਸ 'ਤੇ ਕੋਈ ਅਸਰ ਨਹੀਂ ਪਵੇਗਾ। ਇੰਨਾ ਹੀ ਨਹੀਂ ਜ਼ੋਮੈਟੋ ਗੋਲਡ ਪ੍ਰੋਗਰਾਮ ਦੀ ਵਰਤੋਂ ਕਰਨ ਵਾਲੇ ਉਪਭੋਗਤਾਵਾਂ ਨੂੰ ਇਹ ਚਾਰਜ ਵੀ ਅਦਾ ਕਰਨਾ ਪੈ ਸਕਦਾ ਹੈ।

 

ਅਜੇ ਟੈਸਟਿੰਗ ਪੜਾਅ ਵਿੱਚ

 

Zomato ਦੀ 2 ਰੁਪਏ ਦੀ ਪਲੇਟਫਾਰਮ ਫੀਸ ਅਜੇ ਵੀ ਪ੍ਰਯੋਗਾਤਮਕ ਪੜਾਅ ਵਿੱਚ ਹੈ। ਇਸ ਪ੍ਰਯੋਗ ਨੂੰ ਆਉਣ ਵਾਲੇ ਸਮੇਂ ਵਿੱਚ ਸਾਰੇ ਉਪਭੋਗਤਾ ਦੇਖ ਸਕਦੇ ਹਨ। ਜੇਕਰ ਕੰਪਨੀ ਦਾ ਇਹ ਕਦਮ ਸਫਲ ਹੁੰਦਾ ਹੈ ਤਾਂ ਕੰਪਨੀ ਨੂੰ ਇਸ ਤੋਂ ਕਾਫੀ ਮੁਨਾਫਾ ਕਮਾਉਣ 'ਚ ਮਦਦ ਮਿਲੇਗੀ। ਜ਼ੋਮੈਟੋ ਕੰਪਨੀ ਦੇ ਬੁਲਾਰੇ ਨੇ ਇਹ ਵੀ ਕਿਹਾ ਹੈ ਕਿ ਇਹ ਅਜੇ ਪ੍ਰਯੋਗਾਤਮਕ ਪੜਾਅ ਵਿੱਚ ਹੈ। ਅਜੇ ਇਹ ਸਪੱਸ਼ਟ ਨਹੀਂ ਹੈ ਕਿ ਇਸ ਨੂੰ ਅੱਗੇ ਲਾਗੂ ਕੀਤਾ ਜਾਵੇਗਾ ਜਾਂ ਨਹੀਂ।

 

 ਬੈਨੀਫਿਟ ਦੇ ਬਾਅਦ ਵੀ ਚਾਰਜ

ਕੰਪਨੀ ਦੀ ਪਲੇਟਫਾਰਮ ਫੀਸ ਦਾ ਕਦਮ ਅਜਿਹੇ ਸਮੇਂ ਆਇਆ ਹੈ ਜਦੋਂ ਕੰਪਨੀ ਨੇ ਹਾਲ ਹੀ ਵਿੱਚ ਰਿਪੋਰਟ ਦਿੱਤੀ ਸੀ ਕਿ ਉਸ ਨੇ ਜੂਨ ਤਿਮਾਹੀ ਵਿੱਚ 2 ਕਰੋੜ ਰੁਪਏ ਦਾ ਬੈਨੀਫਿਟ ਹੋਇਆ ਹੈ , ਜਦੋਂ ਕਿ ਪਿਛਲੇ ਸਾਲ ਦੀ ਇਸੇ ਤਿਮਾਹੀ ਵਿੱਚ 186 ਕਰੋੜ ਰੁਪਏ ਦਾ ਘਾਟਾ ਹੋਇਆ ਸੀ। ਕੰਪਨੀ ਦੁਆਰਾ ਸਾਂਝੇ ਕੀਤੇ ਗਏ ਅੰਕੜਿਆਂ ਦੇ ਅਨੁਸਾਰ ਜ਼ੋਮੈਟੋ ਦੀ ਆਮਦਨ ਵੀ ਜੂਨ 2023 ਨੂੰ ਖਤਮ ਹੋਣ ਵਾਲੀ ਤਿਮਾਹੀ ਵਿੱਚ ਸਾਲਾਨਾ ਅਧਾਰ 'ਤੇ ਲਗਭਗ 71 ਪ੍ਰਤੀਸ਼ਤ ਵਧੀ ਹੈ।

 

Zomato ਦੇ ਮੁਨਾਫੇ ਤੋਂ ਬਾਅਦ ਸ਼ੇਅਰ ਹੋਏ ਮੀਮਸ 

 

ਜ਼ੋਮੈਟੋ ਨੇ ਇਸ ਵਿੱਤੀ ਸਾਲ ਦੀ ਪਹਿਲੀ ਤਿਮਾਹੀ ਦੇ ਨਤੀਜਿਆਂ ਦਾ ਐਲਾਨ ਕੀਤਾ, ਜਿਸ 'ਚ ਇਸ ਨੇ ਮੁਨਾਫੇ ਬਾਰੇ ਦੱਸਿਆ। ਇਸ ਤੋਂ ਬਾਅਦ ਸੋਸ਼ਲ ਮੀਡੀਆ ਪਲੇਟਫਾਰਮ ਜ਼ੋਮੈਟੋ ਦੇ ਮੁਨਾਫੇ ਬਾਰੇ ਮੀਮਜ਼ ਸ਼ੇਅਰ ਕੀਤੇ ਜਾਣ ਲੱਗੇ।