ਵੀਡੀਓ ਵਾਇਰਲ ਹੋਣ ਮਗਰੋਂ ਖੁਦ ਹੀ ਬੁਲਟ ਵਾਪਸ ਕਰਨ ਆਏ ਚੋਰ, ਗੇਟ ਖੜਕਾ ਭੱਜੇ
ਬੁਲਟ ਮੋਟਰਸਾਈਕਲ ਦਾ ਮਾਲਕ ਉਸ ਵੇਲੇ ਹੈਰਾਨ ਰਹਿ ਗਿਆ ਜਦੋਂ ਚੋਰ ਬੀਤੀ ਰਾਤ ਕਰੀਬ 10 ਵਜੇ ਬੁਲਟ ਉਸ ਦੇ ਘਰ ਦੇ ਗੇਟ ਅੱਗੇ ਲਾ ਕੇ ਫਰਾਰ ਹੋ ਗਏ। ਇਹ ਪੂਰੀ ਘਟਨਾ ਵੀ ਚੋਰੀ ਵਾਂਗ ਸੀਸੀਟੀਵੀ 'ਚ ਕੈਦ ਹੋ ਗਈ।
ਗੁਰਦਾਸਪੁਰ: ਬੀਤੇ ਐਤਵਾਰ ਕਾਦੀਆਂ ਦੇ ਰਜਾਦਾ ਰੋਡ 'ਤੇ ਸਥਿਤ ਕੋਠੀ ਅੰਦਰੋਂ ਦਿਨ-ਦਿਹਾੜੇ ਬੁਲਟ ਮੋਟਰਸਾਈਕਲ ਚੋਰੀ ਹੋ ਗਿਆ ਸੀ ਪਰ ਬੁਲਟ ਮੋਟਰਸਾਈਕਲ ਦਾ ਮਾਲਕ ਉਸ ਵੇਲੇ ਹੈਰਾਨ ਰਹਿ ਗਿਆ ਜਦੋਂ ਚੋਰ ਬੀਤੀ ਰਾਤ ਕਰੀਬ 10 ਵਜੇ ਬੁਲਟ ਉਸ ਦੇ ਘਰ ਦੇ ਗੇਟ ਅੱਗੇ ਲਾ ਕੇ ਫਰਾਰ ਹੋ ਗਏ। ਇਹ ਪੂਰੀ ਘਟਨਾ ਵੀ ਚੋਰੀ ਵਾਂਗ ਸੀਸੀਟੀਵੀ 'ਚ ਕੈਦ ਹੋ ਗਈ।
ਸੀਸੀਟੀਵੀ 'ਚ ਸਾਹਮਣੇ ਆਇਆ ਸੀ ਕਿ ਤਿੰਨ ਨੌਜਵਾਨ ਮੋਟਰਸਾਈਕਲ 'ਤੇ ਸਵਾਰ ਹੋ ਆਉਂਦੇ ਹਨ ਤੇ ਬੜੇ ਆਰਾਮ ਨਾਲ ਇੱਕ ਘਰ ਦਾ ਗੇਟ ਖੋਲ੍ਹ ਕੇ ਅੰਦਰ ਚਲੇ ਜਾਂਦੇ ਹਨ। ਉਹ ਬੁਲਟ ਮੋਟਰਸਾਈਕਲ ਚੋਰੀ ਕਰਕੇ ਮੌਕੇ ਤੋਂ ਫਰਾਰ ਹੋ ਜਾਂਦੇ ਹਨ। ਇਸ 'ਤੇ ਮੋਟਰਸਾਈਕਲ ਮਾਲਕ ਜਤਿੰਦਰ ਪਾਲ ਸਿੰਘ ਵੱਲੋਂ ਚੋਰੀ ਦੀ ਰਿਪੋਰਟ ਥਾਣਾ ਕਾਦੀਆਂ 'ਚ ਕਰ ਦਿੱਤੀ ਗਈ ਸੀ।
ਜਤਿੰਦਰ ਪਾਲ ਨੇ ਦੱਸਿਆ ਕਿ ਚੋਰ ਬੁਲਟ ਉਸ ਦੇ ਗੇਟ ਅੱਗੇ ਲਗਾ ਕੇ ਗੇਟ ਖੜ੍ਹਕਾ ਖੇਤੀ ਵੱਲ ਦੀ ਫਰਾਰ ਹੋ ਗਏ। ਮੋਟਰਸਾਈਕਲ ਮਾਲਕ ਨੇ ਮੀਡੀਆ ਦਾ ਧੰਨਵਾਦ ਕੀਤਾ ਕਿ ਇਸ ਖ਼ਬਰ ਨੂੰ ਦਿਖਾਉਣ ਨਾਲ ਉਸ ਦਾ ਬੁਲਟ ਵਾਪਸ ਆ ਗਿਆ। ਚੋਰਾਂ ਨੇ ਅਜਿਹਾ ਖ਼ਬਰਾਂ ਕਰਕੇ ਕੀਤਾ ਜਾ ਕੋਈ ਹੋਰ ਕਾਰਨ ਹੈ ਇਹ ਤਾਂ ਚੋਰ ਹੀ ਦੱਸ ਸਕਦੇ ਹਨ ਪਰ ਇਕ ਗੱਲ ਜ਼ਰੂਰ ਹੈ ਕਿ ਚੋਰਾਂ ਨੇ ਪੁਲਿਸ ਦਾ ਕੰਮ ਆਸਾਨ ਕਰ ਦਿੱਤਾ।
Before You Go
Police ਦੀ ਗੱਡੀ ਦੇਖ ਘਬਰਾ ਕੇ ਜਦੋਂ ਲੱਗਾ ਭੱਜਣ ਵੱਡੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦੇਣ ਵਾਲਾ ਆਰੋਪੀ | Abp Sanjha
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
