ਦੋ ਦਿਨ ਤਕ ਮਾਂ ਦੀ ਲਾਂਸ਼ ਨਾਲ ਸੌਂਦਾ ਰਿਹਾ ਬੱਚਾ, ਫਿਰ ਇੰਝ ਹੋਇਆ ਮਾਂ ਦੀ ਮੌਤ ਦਾ ਖੁਲਾਸਾ
ਬੈਂਗਲੁਰੂ ਤੋਂ ਇੱਕ ਦਿਲ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਇੱਕ 11 ਸਾਲ ਦਾ ਬੱਚਾ ਦੋ ਦਿਨਾਂ ਤੱਕ ਆਪਣੀ ਮਾਂ ਨਾਲ ਇਹ ਸੋਚ ਕੇ ਸੌਂਦਾ ਰਿਹਾ ਕਿ ਉਹ ਆਰਾਮ ਕਰ ਰਹੀ ਹੈ, ਹਾਲਾਂਕਿ ਉਸਦੀ ਮੌਤ ਹੋ ਚੁੱਕੀ ਸੀ।
Bengaluru News : ਬੈਂਗਲੁਰੂ ਤੋਂ ਇੱਕ ਦਿਲ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਇੱਕ 11 ਸਾਲ ਦਾ ਬੱਚਾ ਦੋ ਦਿਨਾਂ ਤੱਕ ਆਪਣੀ ਮਾਂ ਨਾਲ ਇਹ ਸੋਚ ਕੇ ਸੌਂਦਾ ਰਿਹਾ ਕਿ ਉਹ ਆਰਾਮ ਕਰ ਰਹੀ ਹੈ, ਹਾਲਾਂਕਿ ਉਸਦੀ ਮੌਤ ਹੋ ਚੁੱਕੀ ਸੀ। ਬੱਚੇ ਦੀ ਮਾਂ ਬਿਮਾਰ ਸੀ ਅਤੇ ਇਸ ਕਾਰਨ ਇਕ ਰਾਤ ਉਸ ਦੀ ਮੌਤ ਹੋ ਗਈ, ਪਰ ਬੱਚੇ ਨੂੰ ਇਸ ਬਾਰੇ ਪਤਾ ਨਹੀਂ ਲੱਗਾ। ਸਵੇਰੇ ਜਦੋਂ ਉਹ ਉੱਠਿਆ ਤਾਂ ਉਸ ਨੂੰ ਲੱਗਾ ਕਿ ਉਸ ਦੀ ਮਾਂ ਸੌਂ ਰਹੀ ਹੈ। ਇਸ ਤੋਂ ਬਾਅਦ ਬੱਚਾ ਦੋ ਦਿਨ ਤੱਕ ਮਾਂ ਦੀ ਲਾਸ਼ ਕੋਲ ਹੀ ਸੌਂਦਾ ਰਿਹਾ।
ਦੋ ਦਿਨਾਂ ਤੋਂ ਮਾਂ ਦੀ ਲਾਸ਼ ਨਾਲ ਸੌਂਦਾ ਰਿਹਾ ਬੱਚਾ
ਮ੍ਰਿਤਕ ਔਰਤ ਦਾ ਨਾਂ ਅੰਨਾਮਾ ਹੈ, ਜਿਸ ਦੀ ਉਮਰ 44 ਸਾਲ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਉਹ ਹਾਈਪਰਟੈਨਸ਼ਨ ਤੇ ਸ਼ੂਗਰ ਤੋਂ ਪੀੜਤ ਸੀ। ਇਸ ਕਾਰਨ ਉਸ ਦੀ ਮੌਤ ਹੋ ਗਈ। ਕਰੀਬ ਦੋ ਦਿਨਾਂ ਤੱਕ ਔਰਤ ਦਾ 11 ਸਾਲ ਦਾ ਬੱਚਾ ਆਪਣੀ ਮਾਂ ਕੋਲ ਸੌਂਦਾ ਰਿਹਾ ਪਰ ਜਦੋਂ ਮਾਂ ਨਹੀਂ ਉੱਠੀ ਤਾਂ ਉਸ ਨੇ ਗੁਆਂਢ 'ਚ ਰਹਿੰਦੇ ਆਪਣੇ ਦੋਸਤ ਨੂੰ ਜਾਣਕਾਰੀ ਦਿੱਤੀ। ਉਸ ਨੇ ਆਪਣੇ ਦੋਸਤ ਨੂੰ ਦੱਸਿਆ ਕਿ ਉਸ ਦੀ ਮਾਂ ਦੋ ਦਿਨਾਂ ਤੋਂ ਨੀਂਦ ਤੋਂ ਨਹੀਂ ਉੱਠੀ ਸੀ ਤੇ ਗੱਲ ਨਹੀਂ ਕਰ ਰਹੀ ਸੀ। ਇਸ ਤੋਂ ਬਾਅਦ ਦੋਸਤ ਦੇ ਮਾਤਾ-ਪਿਤਾ ਉਸ ਦੇ ਘਰ ਪਹੁੰਚੇ ਤੇ ਦੇਖਿਆ ਕਿ ਔਰਤ ਦੀ ਮੌਤ ਹੋ ਚੁੱਕੀ ਸੀ।
ਇੱਕ ਰਿਪੋਰਟ ਵਿੱਚ ਦੱਸਿਆ ਗਿਆ ਕਿ ਅੰਨੰਮਾ ਗੂੰਗੀ ਅਤੇ ਬੋਲ਼ੀ ਸੀ ਅਤੇ ਉਸਦੇ ਪਤੀ ਦੀ ਕਈ ਸਾਲ ਪਹਿਲਾਂ ਮੌਤ ਹੋ ਗਈ ਸੀ। ਪਤੀ ਦੀ ਮੌਤ ਤੋਂ ਬਾਅਦ ਉਹ ਆਪਣੇ ਬੇਟੇ ਨਾਲ ਆਰਟੀ ਨਗਰ ਬੰਗਲੌਰ ਵਿੱਚ ਰਹਿ ਰਹੀ ਸੀ। ਉਹ ਘਰੇਲੂ ਨੌਕਰ ਵਜੋਂ ਕੰਮ ਕਰ ਰਹੀ ਸੀ ਜਦੋਂ ਕਿ ਉਸਦਾ ਪੁੱਤਰ ਸਕੂਲ ਜਾਂਦਾ ਸੀ। ਹਾਲਾਂਕਿ ਸਿਹਤ ਖਰਾਬ ਹੋਣ ਕਾਰਨ ਉਸ ਨੇ ਦੋ ਦਿਨ ਕੰਮ ਛੱਡ ਦਿੱਤਾ ਸੀ। ਪੁਲਿਸ ਨੂੰ ਸ਼ੱਕ ਹੈ ਕਿ ਉਸ ਦੀ ਮੌਤ ਸਿਹਤ ਖਰਾਬ ਹੋਣ ਕਾਰਨ ਹੋਈ ਹੈ।
Before You Go
Police ਦੀ ਗੱਡੀ ਦੇਖ ਘਬਰਾ ਕੇ ਜਦੋਂ ਲੱਗਾ ਭੱਜਣ ਵੱਡੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦੇਣ ਵਾਲਾ ਆਰੋਪੀ | Abp Sanjha
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
