Crime News: ਪ੍ਰੇਮੀ ਨੇ ਕੈਨੇਡਾ ਤੋਂ ਬੁਲਾ ਕੇ ਕੀਤਾ ਪ੍ਰੇਮਿਕਾ ਦਾ ਕਤਲ, ਲਾਸ਼ ਫਾਰਮ ਹਾਉਸ 'ਚ ਦੱਬੀ, ਆਖਰ ਕਈ ਮਹੀਨਿਆਂ ਮਗਰੋਂ ਖੁੱਲ੍ਹਿਆ ਰਾਜ
ਸੋਨੀਪਤ ਦੇ ਪਿੰਡ ਗੜ੍ਹੀ ਝੰਝਾਰਾ ਰੋਡ 'ਤੇ ਇੱਕ ਫਾਰਮ ਹਾਊਸ ਤੋਂ ਲੜਕੀ ਦੀ ਲਾਸ਼ ਦੇ ਅਵਸ਼ੇਸ਼ ਬਰਾਮਦ ਕੀਤੇ ਗਏ। ਪੁਲਿਸ ਮੁਤਾਬਕ ਸੁਨੀਲ ਵਾਸੀ ਪਿੰਡ ਗੁਮੜ ਸੋਨੀਪਤ ਦੀ ਗ੍ਰਿਫਤਾਰੀ ਤੋਂ ਬਾਅਦ ਮੋਨਿਕਾ ਦੇ ਅਗਵਾ ਤੇ ਕਤਲ ਦੀ ਗੁੱਥੀ ਸੁਲਝ ਗਈ ਹੈ।
ਸੋਨੀਪਤ: ਇੱਥੇ ਲੜਕੀ ਦੇ ਕਤਲ ਦਾ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ ਹੈ। ਰੋਹਤਕ ਦੇ ਬਲੰਦ ਪਿੰਡ ਦੀ ਰਹਿਣ ਵਾਲੀ ਲੜਕੀ ਦੀ ਪ੍ਰੇਮੀ ਨੇ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ। ਇਸ ਘਟਨਾ ਨੂੰ ਜੂਨ 2022 ਵਿੱਚ ਅੰਜਾਮ ਦਿੱਤਾ ਗਿਆ ਸੀ ਪਰ ਇਸ ਦਾ ਰਾਜ ਹੁਣ ਖੁੱਲ੍ਹਾ ਹੈ।
ਹਾਸਲ ਜਾਣਕਾਰੀ ਮੁਤਾਬਕ ਕੱਲ੍ਹ ਦੇਰ ਸ਼ਾਮ ਸੋਨੀਪਤ ਦੇ ਪਿੰਡ ਗੜ੍ਹੀ ਝੰਝਾਰਾ ਰੋਡ 'ਤੇ ਸਥਿਤ ਇੱਕ ਫਾਰਮ ਹਾਊਸ ਤੋਂ ਇੱਕ ਲੜਕੀ ਦੀ ਲਾਸ਼ ਦੇ ਅਵਸ਼ੇਸ਼ ਬਰਾਮਦ ਕੀਤੇ ਗਏ ਹਨ। ਪੁਲਿਸ ਮੁਤਾਬਕ ਸੁਨੀਲ ਵਾਸੀ ਪਿੰਡ ਗੁਮੜ ਸੋਨੀਪਤ ਦੀ ਗ੍ਰਿਫਤਾਰੀ ਤੋਂ ਬਾਅਦ ਮੋਨਿਕਾ ਦੇ ਅਗਵਾ ਤੇ ਕਤਲ ਦੀ ਗੁੱਥੀ ਸੁਲਝ ਗਈ ਹੈ।
ਇਹ ਮਾਮਲਾ ਭਿਵਾਨੀ ਸੀਆਈਏ 2 ਨੇ ਜਾਂਚ ਕਰਦੇ ਹੋਏ ਸੁਲਝਾ ਲਿਆ ਹੈ। ਪੁਲਿਸ ਮੁਤਾਬਕ ਸੁਨੀਲ ਨੇ ਮੋਨਿਕਾ ਨੂੰ ਕੈਨੇਡਾ ਤੋਂ ਬੁਲਾ ਕੇ ਉਸ ਦਾ ਕਤਲ ਕਰ ਦਿੱਤਾ ਸੀ। ਮੋਨਿਕਾ ਦੇ ਰਿਸ਼ਤੇਦਾਰਾਂ ਨੇ 22 ਜਨਵਰੀ ਨੂੰ ਗਨੌਰ ਥਾਣੇ ਵਿੱਚ ਮੋਨਿਕਾ ਦੇ ਅਗਵਾ ਹੋਣ ਦੀ ਸ਼ਿਕਾਇਤ ਦਰਜ ਕਰਵਾਈ ਸੀ।
ਇਸ ਕਰਕੇ ਸੋਨੀਪਤ ਗਨੌਰ ਥਾਣੇ ਦਾ ਕੰਮਕਾਜ ਸਵਾਲਾਂ ਦੇ ਘੇਰੇ 'ਚ ਆ ਗਿਆ ਸੀ। ਇਸ ਕਰਕੇ ਰੋਹਤਕ ਰੇਂਜ ਦੇ ਤਤਕਾਲੀ ਆਈਜੀ ਨੇ ਇਸ ਮਾਮਲੇ ਦੀ ਜਾਂਚ ਭਿਵਾਨੀ ਸੀਆਈਏ 2 ਨੂੰ ਸੌਂਪੀ ਸੀ। ਹੁਣ ਭਿਵਾਨੀ ਸੀਆਈਏ 2 ਮਾਮਲੇ ਦੀ ਜਾਂਚ ਕਰ ਰਹੀ ਸੀ ਤੇ ਆਖਰ ਮਾਮਲਾ ਸੁਲਝਾ ਲਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
