![ABP Premium](https://cdn.abplive.com/imagebank/Premium-ad-Icon.png)
ਚਾਰ ਬੰਦਿਆਂ ਨੇ ਬੰਗਾਲ ਮਾਨੀਟਰ ਕਿਰਲੀ ਨਾਲ ਕੀਤਾ ਬਲਾਤਕਾਰ, ਮੋਬਾਈਲ ਫੋਨ 'ਚ ਰਿਕਾਰਡ ਹੋਈ ਵਾਰਦਾਤ
Sahyadri Tiger Reserve: ਮਹਾਰਾਸ਼ਟਰ ਦੇ ਸਹਿਯਾਦਰੀ ਟਾਈਗਰ ਰਿਜ਼ਰਵ ਵਿੱਚ ਬੰਗਾਲ ਮਾਨੀਟਰ ਲਿਜ਼ਾਰਡ ਨਾਲ ਕਥਿਤ ਤੌਰ 'ਤੇ ਬਲਾਤਕਾਰ ਕਰਨ ਦੇ ਦੋਸ਼ ਵਿੱਚ ਚਾਰ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
![ਚਾਰ ਬੰਦਿਆਂ ਨੇ ਬੰਗਾਲ ਮਾਨੀਟਰ ਕਿਰਲੀ ਨਾਲ ਕੀਤਾ ਬਲਾਤਕਾਰ, ਮੋਬਾਈਲ ਫੋਨ 'ਚ ਰਿਕਾਰਡ ਹੋਈ ਵਾਰਦਾਤ Four people misbehaved with 'Bengal Monitor Lizard' in Maharashtra forest arrested ਚਾਰ ਬੰਦਿਆਂ ਨੇ ਬੰਗਾਲ ਮਾਨੀਟਰ ਕਿਰਲੀ ਨਾਲ ਕੀਤਾ ਬਲਾਤਕਾਰ, ਮੋਬਾਈਲ ਫੋਨ 'ਚ ਰਿਕਾਰਡ ਹੋਈ ਵਾਰਦਾਤ](https://feeds.abplive.com/onecms/images/uploaded-images/2022/04/14/f2c8d4a743832cec69b2a82f347d7043_original.jpg?impolicy=abp_cdn&imwidth=1200&height=675)
misbehaved with 'Bengal Monitor Lizard': ਮਹਾਰਾਸ਼ਟਰ ਦੇ ਸਹਿਯਾਦਰੀ ਟਾਈਗਰ ਰਿਜ਼ਰਵ (STR) ਵਿੱਚ 'ਬੰਗਾਲ ਮਾਨੀਟਰ ਲਿਜ਼ਾਰਡ' ਨਾਲ ਕਥਿਤ ਤੌਰ 'ਤੇ ਬਲਾਤਕਾਰ ਕਰਨ ਦੇ ਦੋਸ਼ ਵਿੱਚ ਚਾਰ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇੱਕ ਜੰਗਲਾਤ ਅਧਿਕਾਰੀ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀ ਨੇ ਦੱਸਿਆ ਕਿ ਇਹ ਘਟਨਾ ਰਤਨਾਗਿਰੀ ਜ਼ਿਲ੍ਹੇ ਦੇ ਗੋਥਾਨੇ ਪਿੰਡ ਵਿੱਚ ਵਾਪਰੀ। ਉਨ੍ਹਾਂ ਕਿਹਾ ਕਿ ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ 31 ਮਾਰਚ ਨੂੰ ਰਿਜ਼ਰਵ ਅਧੀਨ ਚੰਦੋਲੀ ਨੈਸ਼ਨਲ ਪਾਰਕ ਵਿੱਚ ਗ਼ੈਰਕਾਨੂੰਨੀ ਢੰਗ ਨਾਲ ਦਾਖ਼ਲ ਹੋਣ ਦੇ ਦੋਸ਼ ਵਿੱਚ ਮੁਲਜ਼ਮਾਂ ਖ਼ਿਲਾਫ਼ ਐਫਆਈਆਰ ਦਰਜ ਕੀਤੀ ਗਈ ਸੀ। ਮੁਲਜ਼ਮਾਂ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਦੱਸਿਆ ਕਿ ਮੁਲਜ਼ਮਾਂ ਦੀ ਪਛਾਣ ਸੰਦੀਪ ਤੁਕਾਰਾਮ ਪਵਾਰ, ਮੰਗੇਸ਼ ਕਾਮਤੇਕਰ, ਅਕਸ਼ੈ ਕਾਮਤੇਕਰ ਤੇ ਰਮੇਸ਼ ਘੱਗ ਵਜੋਂ ਹੋਈ ਹੈ। ਜਾਂਚ ਦੌਰਾਨ ਜੰਗਲਾਤ ਅਧਿਕਾਰੀਆਂ ਨੇ ਪਾਇਆ ਕਿ ਦੋਸ਼ੀ ਨੇ 'ਬੰਗਾਲ ਮਾਨੀਟਰ ਲਿਜ਼ਰਡ' ਨਾਲ ਕਥਿਤ ਤੌਰ 'ਤੇ ਦੁਰਵਿਵਹਾਰ ਕੀਤਾ ਸੀ। ਉਨ੍ਹਾਂ ਦੀ ਇਹ ਕਾਰਵਾਈ ਇੱਕ ਮੁਲਜ਼ਮ ਦੇ ਮੋਬਾਈਲ ਫੋਨ ਵਿੱਚ ਰਿਕਾਰਡ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮਾਂ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਮਹਾਰਾਸ਼ਟਰ ਦੇ ਜੰਗਲਾਤ ਵਿਭਾਗ ਦੇ ਅਧਿਕਾਰੀਆਂ ਨੇ ਜਦੋਂ ਮੁਲਜ਼ਮ ਦਾ ਮੋਬਾਈਲ ਫੋਨ ਚੈੱਕ ਕੀਤਾ ਤਾਂ ਉਨ੍ਹਾਂ ਨੂੰ ਘਟਨਾ ਬਾਰੇ ਪਤਾ ਲੱਗਿਆ।
ਦੋਸ਼ੀ ਖਿਲਾਫ ਮਾਮਲਾ ਦਰਜ
ਐਸਟੀਆਰ ਦੇ ਫੀਲਡ ਡਾਇਰੈਕਟਰ ਨਾਨਾਸਾਹਿਬ ਨੇ ਦੱਸਿਆ ਕਿ ਚਾਰਾਂ ਮੁਲਜ਼ਮਾਂ ਖ਼ਿਲਾਫ਼ ਜੰਗਲੀ ਜੀਵ (ਸੁਰੱਖਿਆ) ਐਕਟ, 1972 ਦੀਆਂ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। 'ਬੰਗਾਲ ਮਾਨੀਟਰ' ਭਾਰਤੀ ਉਪ ਮਹਾਂਦੀਪ ਦੇ ਨਾਲ-ਨਾਲ ਦੱਖਣ-ਪੂਰਬੀ ਏਸ਼ੀਆ ਤੇ ਪੱਛਮੀ ਏਸ਼ੀਆ ਦੇ ਕੁਝ ਹਿੱਸਿਆਂ ਵਿੱਚ ਪਾਈ ਜਾਣ ਵਾਲੀ ਇੱਕ ਵੱਡੀ ਛਪਕਲੀ ਹੈ। ਇਹ ਵੱਡੀ ਕਿਰਲੀ ਮੁੱਖ ਤੌਰ 'ਤੇ ਜ਼ਮੀਨ 'ਤੇ ਰਹਿੰਦੀ ਹੈ ਤੇ ਇਸ ਦੀ ਕੁੱਲ ਲੰਬਾਈ ਲਗਪਗ 61 ਤੋਂ 175 ਸੈਂਟੀਮੀਟਰ (24 ਤੋਂ 69 ਇੰਚ) ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)